Fá minna en sólarhring til að ákveða hvort þau vilji fara í útskriftarferð til Ítalíu á mánudag Tryggvi Páll Tryggvason skrifar 4. júní 2020 21:18 Útskriftarnemendur Menntaskólans á Akureyri eru ósáttir við Tripical. Vísir/Vilhelm Ferðaskrifstofan Tripical hefur gefið útskriftarnemendum við Menntaskólann á Akureyri minna en sólarhring til að ákveða hvort þeir séu reiðubúnir til þess að fara í áætlaða útskriftaferð til Ítalíu næstkomandi mánudag. Nemendurnir höfðu ekki gert ráð fyrir öðru en að hætt yrði við ferðina vegna kórónuveirufaraldursins, enda Ítalía einn af miðpunktum hans. Útskriftarferðir útskriftarnema framhaldsskóla eru yfirleitt einn af hápunktum skólagöngunnar og þar er Menntaskólinn á Akureyri engin undantekning. Í nóvember bókuðu hátt í 180 nemendur skólans útskriftarferð til Ítalíu þann 8. júní, eða næsta mánudag, í gegnum ferðaskrifstofuna Tripical. Greiddu þeir um 200.000 krónur fyrir ferðina. Eftir áramót skall kórónuveirufaraldurinn svo á og öll ferðaplön riðluðust. Ekki var hægt að ferðast til Ítalíu sem lokaði landamærum sínum. „Það eru náttúrulega allir brjálaðir“ Eftir dúk og disk fengu nemendur fund með Tripical þann 4. maí síðastliðinn og í samtali við Vísi segir Edda Kristín Bergþórsdóttir, sem er í forsvari fyrir ferðanefndina, að þar hafi forsvarsmenn Tripical gefið skýrt til kynna að ekki yrði farið í ferðina. „Við vorum búin að fara á fund með þeim og þá var ljóst að við værum ekkert að fara í ferðina því að landamærin á Ítalíu voru lokuð og hótelið var lokað og allir staðirnir, allt var lokað. Þá sögðu þau okkur að við myndum fá endurgreitt ef að frumvarpið með ferðaskrifstofurnar yrði ekki samþykkt. Ef það yrði samþykkt myndum fá inneignarnótu,“ segir Edda. Frá Cremona á Ítalíu frá því í febrúar.AP/Claudio Furlan/Lapresse Í dag greindu fjölmiðlar frá því að frumvarpið sem um ræðir myndi líklega ekki komast í gegnum þingið. Síðdegis í dag barst nemendum svo tölvupóstur frá Tripical, fyrstu samskiptin frá því að umræddur fundur var haldin, þrátt fyrir að nemendur hafi ítrekað reynt að ná tali af starfsmönnum fyrirtækisins. Í tölvupóstinum er bent á að umræddri útskriftarferð hafi hvorki verið breytt né afbókuð. Búið sé að opna landamæri Ítalíu og því sé ferðin enn á dagskrá. „Ítalía hefur opnað landamæri sín og í dag er ljóst að mögulegt er að fara í fyrirhugaða útskriftarferð. Ferð útskriftarnema MA til Ítalíu er enn þá bókuð og hefur hvorki verið breytt né aflýst. Því stendur ekkert í vegi fyrir því fara í umrædda ferð eins og hún var bókuð til Ítalíu þann 8. júní nk. Það er Tripical því ánægjuefni að tilkynna að ferðin verður farinn nema ef nemendur óska eftir breytingum á ferðinni,“ segir í póstinum Fá nemendur minna en sólahring til þess að velja á milli fjögurra kosta, enginn af þeim felur í sér endurgreiðslu. Kostirnir eru eftirfarandi: 1. Costa del Hella, fimm daga fordæmalaus innanlands útskriftargleði með skemmtiviðburðum á íslenskan máta. Hér er hægt að fá nánari upplýsingar um Costa del Hella og hvað er innifalið í útskriftargleðinni. Costa del Hella 2. Fara í ferð til Ítalíu eða Krítar síðar í sumar (júlí/ágúst/september). 3. Fara í útskriftarferð til Ítalíu eða Krítar 2021. 4. Fá inneign sem hægt er að nýta í ferð með Tripical næstu 48 mánuði. Edda reiknar ekki með öðru en að flestir nemendur MA muni hafna þessum kostum. „Við ætlum allavega að gera það. Við þurfum bara að fá lögfræðinga í þetta og hjóla í þetta því þetta gengur ekki,“ segir hún. Hljóðið í nemendum sé þungt enda fáir reiðubúnir til þess að ferðast Ítalíu, þar sem faraldurinn var hvað skæðastur. „Það eru náttúrulega allir brjálaðir. Það vilja allir fá endurgreitt. Þetta eru 40 milljónir sem Tripical er að fá frá okkur,“ segir Edda sem er harðorð í garð Tripical vegna samskiptaleysis af hálfu starfsmanna ferðaskrifstofunnar. Þannig viti nemenendur til dæmis ekki hvort enn sé áætlað að fara frá Akureyri eða ekki næstkomandi mánudag, eins og upprunalega var gert ráð fyrir. „Þau hafa ekkert verið að svara póstum frá okkur í nokkrar vikur. Við fengum þennan fund og síðan erum við ekkert búin að heyra neitt meira frá þeim. Við bara fengum engan póst fyrr en að þau sendu þetta í dag.“ Neytendur Ferðamennska á Íslandi Akureyri Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Það þarf að stoppa svona menn áður en þeir drepa einhvern“ Innlent Fjölskylda í norðurljósaleit hrakin á brott af leiðsögumönnum Innlent „Hvergi í verklagsreglum að við séum að reka fólk í burtu“ Innlent Svipar til gamalla óupplýstra rána Innlent Íbúar Hlíða velta fyrir sér dularfullum hvelli Innlent Fullkomlega sáttur við ákvörðun sína en útilokar ekkert Innlent Hamfaragámur Bónus tryggir kældan mat í neyðarástandi Innlent Ísland að tapa í slagnum um ferðamenn Innlent Ísland sé í torfkofanum í meðferð alvarlegra atvika Innlent Verulega brugðið yfir Hamraborgarmálinu Innlent Fleiri fréttir Hætt við framboð og vonast eftir þjóðhollum og guðræknum forseta Ísland að tapa í slagnum um ferðamenn „Hvergi í verklagsreglum að við séum að reka fólk í burtu“ Aðstoða göngumann á Móskarðshnjúkum Íbúar Hlíða velta fyrir sér dularfullum hvelli Ísland sé í torfkofanum í meðferð alvarlegra atvika Ný og glæsileg skólaþyrping byggð á Hellu Hamfaragámur Bónus tryggir kældan mat í neyðarástandi Fullkomlega sáttur við ákvörðun sína en útilokar ekkert „Það þarf að stoppa svona menn áður en þeir drepa einhvern“ Hádegisfréttir Bylgjunnar Svipar til gamalla óupplýstra rána Sýknaður af ákæru um að hafa tekið í háls barns Bjartur skírdagur fram undan í höfuðborginni Líkamsárás til rannsóknar eftir nóttina Fjölskylda í norðurljósaleit hrakin á brott af leiðsögumönnum Vilja koma böndum á bókhald trúfélaga Ferðaóðir Íslendingar þyrpast í ferðalög innanlands sem utan Verulega brugðið yfir Hamraborgarmálinu Hátt í hundrað dauðsföll á þremur árum Týndi vinningshafinn gaf sig fram og græddi níu milljónir Felldu úr gildi friðlýsingu en mátu Mumma ekki vanhæfan Kvöldfréttir Stöðvar 2 Býr á Íslandi en dæmd í sex ára fangelsi í Rússlandi Eldur í Hafnarfirði Haraldur mátti ekki hækka launin en Sigríður ekki heldur lækka þau Læknafélagið mótfallið lögleiðingu dánaraðastoðar „Trúði því ekki að þetta væri ég“ Ekki viss hvort nokkru þurfi að breyta eftir tug milljóna króna þjófnað 546 Grindvíkingar vilja selja Þórkötlu húsið sitt Sjá meira
Ferðaskrifstofan Tripical hefur gefið útskriftarnemendum við Menntaskólann á Akureyri minna en sólarhring til að ákveða hvort þeir séu reiðubúnir til þess að fara í áætlaða útskriftaferð til Ítalíu næstkomandi mánudag. Nemendurnir höfðu ekki gert ráð fyrir öðru en að hætt yrði við ferðina vegna kórónuveirufaraldursins, enda Ítalía einn af miðpunktum hans. Útskriftarferðir útskriftarnema framhaldsskóla eru yfirleitt einn af hápunktum skólagöngunnar og þar er Menntaskólinn á Akureyri engin undantekning. Í nóvember bókuðu hátt í 180 nemendur skólans útskriftarferð til Ítalíu þann 8. júní, eða næsta mánudag, í gegnum ferðaskrifstofuna Tripical. Greiddu þeir um 200.000 krónur fyrir ferðina. Eftir áramót skall kórónuveirufaraldurinn svo á og öll ferðaplön riðluðust. Ekki var hægt að ferðast til Ítalíu sem lokaði landamærum sínum. „Það eru náttúrulega allir brjálaðir“ Eftir dúk og disk fengu nemendur fund með Tripical þann 4. maí síðastliðinn og í samtali við Vísi segir Edda Kristín Bergþórsdóttir, sem er í forsvari fyrir ferðanefndina, að þar hafi forsvarsmenn Tripical gefið skýrt til kynna að ekki yrði farið í ferðina. „Við vorum búin að fara á fund með þeim og þá var ljóst að við værum ekkert að fara í ferðina því að landamærin á Ítalíu voru lokuð og hótelið var lokað og allir staðirnir, allt var lokað. Þá sögðu þau okkur að við myndum fá endurgreitt ef að frumvarpið með ferðaskrifstofurnar yrði ekki samþykkt. Ef það yrði samþykkt myndum fá inneignarnótu,“ segir Edda. Frá Cremona á Ítalíu frá því í febrúar.AP/Claudio Furlan/Lapresse Í dag greindu fjölmiðlar frá því að frumvarpið sem um ræðir myndi líklega ekki komast í gegnum þingið. Síðdegis í dag barst nemendum svo tölvupóstur frá Tripical, fyrstu samskiptin frá því að umræddur fundur var haldin, þrátt fyrir að nemendur hafi ítrekað reynt að ná tali af starfsmönnum fyrirtækisins. Í tölvupóstinum er bent á að umræddri útskriftarferð hafi hvorki verið breytt né afbókuð. Búið sé að opna landamæri Ítalíu og því sé ferðin enn á dagskrá. „Ítalía hefur opnað landamæri sín og í dag er ljóst að mögulegt er að fara í fyrirhugaða útskriftarferð. Ferð útskriftarnema MA til Ítalíu er enn þá bókuð og hefur hvorki verið breytt né aflýst. Því stendur ekkert í vegi fyrir því fara í umrædda ferð eins og hún var bókuð til Ítalíu þann 8. júní nk. Það er Tripical því ánægjuefni að tilkynna að ferðin verður farinn nema ef nemendur óska eftir breytingum á ferðinni,“ segir í póstinum Fá nemendur minna en sólahring til þess að velja á milli fjögurra kosta, enginn af þeim felur í sér endurgreiðslu. Kostirnir eru eftirfarandi: 1. Costa del Hella, fimm daga fordæmalaus innanlands útskriftargleði með skemmtiviðburðum á íslenskan máta. Hér er hægt að fá nánari upplýsingar um Costa del Hella og hvað er innifalið í útskriftargleðinni. Costa del Hella 2. Fara í ferð til Ítalíu eða Krítar síðar í sumar (júlí/ágúst/september). 3. Fara í útskriftarferð til Ítalíu eða Krítar 2021. 4. Fá inneign sem hægt er að nýta í ferð með Tripical næstu 48 mánuði. Edda reiknar ekki með öðru en að flestir nemendur MA muni hafna þessum kostum. „Við ætlum allavega að gera það. Við þurfum bara að fá lögfræðinga í þetta og hjóla í þetta því þetta gengur ekki,“ segir hún. Hljóðið í nemendum sé þungt enda fáir reiðubúnir til þess að ferðast Ítalíu, þar sem faraldurinn var hvað skæðastur. „Það eru náttúrulega allir brjálaðir. Það vilja allir fá endurgreitt. Þetta eru 40 milljónir sem Tripical er að fá frá okkur,“ segir Edda sem er harðorð í garð Tripical vegna samskiptaleysis af hálfu starfsmanna ferðaskrifstofunnar. Þannig viti nemenendur til dæmis ekki hvort enn sé áætlað að fara frá Akureyri eða ekki næstkomandi mánudag, eins og upprunalega var gert ráð fyrir. „Þau hafa ekkert verið að svara póstum frá okkur í nokkrar vikur. Við fengum þennan fund og síðan erum við ekkert búin að heyra neitt meira frá þeim. Við bara fengum engan póst fyrr en að þau sendu þetta í dag.“
Neytendur Ferðamennska á Íslandi Akureyri Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Það þarf að stoppa svona menn áður en þeir drepa einhvern“ Innlent Fjölskylda í norðurljósaleit hrakin á brott af leiðsögumönnum Innlent „Hvergi í verklagsreglum að við séum að reka fólk í burtu“ Innlent Svipar til gamalla óupplýstra rána Innlent Íbúar Hlíða velta fyrir sér dularfullum hvelli Innlent Fullkomlega sáttur við ákvörðun sína en útilokar ekkert Innlent Hamfaragámur Bónus tryggir kældan mat í neyðarástandi Innlent Ísland að tapa í slagnum um ferðamenn Innlent Ísland sé í torfkofanum í meðferð alvarlegra atvika Innlent Verulega brugðið yfir Hamraborgarmálinu Innlent Fleiri fréttir Hætt við framboð og vonast eftir þjóðhollum og guðræknum forseta Ísland að tapa í slagnum um ferðamenn „Hvergi í verklagsreglum að við séum að reka fólk í burtu“ Aðstoða göngumann á Móskarðshnjúkum Íbúar Hlíða velta fyrir sér dularfullum hvelli Ísland sé í torfkofanum í meðferð alvarlegra atvika Ný og glæsileg skólaþyrping byggð á Hellu Hamfaragámur Bónus tryggir kældan mat í neyðarástandi Fullkomlega sáttur við ákvörðun sína en útilokar ekkert „Það þarf að stoppa svona menn áður en þeir drepa einhvern“ Hádegisfréttir Bylgjunnar Svipar til gamalla óupplýstra rána Sýknaður af ákæru um að hafa tekið í háls barns Bjartur skírdagur fram undan í höfuðborginni Líkamsárás til rannsóknar eftir nóttina Fjölskylda í norðurljósaleit hrakin á brott af leiðsögumönnum Vilja koma böndum á bókhald trúfélaga Ferðaóðir Íslendingar þyrpast í ferðalög innanlands sem utan Verulega brugðið yfir Hamraborgarmálinu Hátt í hundrað dauðsföll á þremur árum Týndi vinningshafinn gaf sig fram og græddi níu milljónir Felldu úr gildi friðlýsingu en mátu Mumma ekki vanhæfan Kvöldfréttir Stöðvar 2 Býr á Íslandi en dæmd í sex ára fangelsi í Rússlandi Eldur í Hafnarfirði Haraldur mátti ekki hækka launin en Sigríður ekki heldur lækka þau Læknafélagið mótfallið lögleiðingu dánaraðastoðar „Trúði því ekki að þetta væri ég“ Ekki viss hvort nokkru þurfi að breyta eftir tug milljóna króna þjófnað 546 Grindvíkingar vilja selja Þórkötlu húsið sitt Sjá meira