Gekk berfættur yfir Fimmvörðuháls Kristín Ólafsdóttir skrifar 12. júlí 2020 22:35 Helgi Freyr Rúnarsson sést hér til hægri, berfættur á göngu yfir Fimmvörðuháls. Með honum er samferðamaður í skóm. Aðsend Helgi Freyr Rúnarsson gekk Fimmvörðuháls í gær, sem ekki væri í frásögur færandi nema fyrir þær sakir að hann gerði það berfættur. Talsvert erfiðara var að fara niður í móti en upp, að sögn Helga, og þá voru ákveðnir hlutar leiðarinnar sem fóru verr með iljarnar en aðrir. Líðanin er þrátt fyrir allt góð nú sólarhring eftir að göngunni lauk og varla skrámu að finna á fótum göngugarpsins. „Berfætti lífsstíllinn“ hóf að heilla Helga fyrir nokkrum árum. Undanfarin fjögur til fimm ár hefur hann reynt að vera að miklu leyti berfættur, eða þá í sérstökum skóm „sem komast eins nálægt því að vera berfættur og hægt er“, líkt og Helgi lýsir því sjálfur í samtali við Vísi, þ.e. eins konar sokkaskór sem laga sig algjörlega að fætinum og tánum. Helgi segir að það hafi verið erfiðara að ganga niður í móti en upp. Hér sést hann berfættur á niðurleið.Aðsend „Ég á skó sem ég gifti mig í sem tæknilega séð flokkast í þessa flokka. Það er hægt að fá allan skalann og nú eru svona fimm ár síðan ég byrjaði að vera mikið í svona skóm. Ég hef ekki átt það sem myndi kallast eðlilegir skór síðan,“ segir Helgi. Fyrstu átta kílómetrarnir þægilegir Helgi lagði svo af stað á Fimmvörðuháls klukkan átta í gærmorgun í 25 manna hópi. Þar af voru átta sem ætluðu að ganga hluta leiðarinnar í áðurnefndum sokkaskóm. „Leiðsögumennirnir segja svo við okkur kvöldið áður að það væri hægt að ganga alveg berfættur allavega fyrstu átta kílómetrana. Og ég tek því auðvitað og fer úr sokkaskónum og geng berfættur. Þetta var aðallega gras, mold, mosi og sandur fyrstu kílómetrana, af og til einhverjir smá steinar en maður höndlaði það auðveldlega,“ segir Helgi. Þegar fyrstu átta kílómetrarnir voru afstaðnir leið Helga svo vel að hann ákvað að halda áfram berfættur. „Ég sagðist alltaf bara ætla að sjá hvernig staðan yrði eftir næsta kílómetra. Og svo næsta kílómetra. Og síðan voru 25 kílómetrar búnir og ég var kominn í Þórsmörk,“ segir Helgi og hlær. Rauða mölin í hlíðum Magna var ekki þægileg undir iljarnar.Aðsend Snjórinn endurnærandi Og undirlagið þessa 25 kílómetra var svo sannarlega ekki allt mjúkur mosi. „Það voru fjórir kílómetrar efst sem voru til skiptis í snjó og sandi eða hrauni. Það skemmtilega við þetta er að flestir héldu að maður myndi guggna þegar maður færi í snjóinn. En ég er tiltölulega reyndur í sjósundi, syndi reglulega út í Viðey og til baka og syndi reglulega yfir Fossvoginn, þannig að það kom mér ekkert á óvart. Ég vissi að það yrði mjög kalt að ganga í snjónum en ég vissi að ég myndi höndla það. Þannig að það var bara endurnærandi og það hjálpaði mér í raun seinni helming göngunnar, á leiðinni niður,“ segir Helgi. Erfiðasti hluti göngunnar fyrir hinn berfætta Helga var spölurinn upp og niður Magna, annan gíginn sem myndaðist í gosinu árið 2010. Samferðafólk Helga virðir fyrir sér iljar göngugarpsins.Aðsend „Það er bara hraun og það var svona tíu mínútna ganga þar sem við gátum farið alveg upp á toppinn upp á Magna. Það var langerfiðast. Þetta eru rauðir hraunmolar eins og eru á bílastöðum í sumarhúsabyggðum og það var eiginlega hrikalegt. Sérstaklega að fara niður. Maður læðist hálfpartinn upp því þú ert alltaf að gá hvort þú getir stigið almennileg niður. Og ef þú getur það ekki þarftu að taka skrefið öðruvísi eða stígur út á jarkann eða setur bara tábergið í, ryenir að sleppa við að setja þungann almennilega í fótinn. En á leiðinni niður er það ekki hægt. Þú verður alltaf að taka skrefið og það getur verið rosalega erfitt að fara niður þar sem er mikið af steinum,“ segir Helgi. „Og allt sem var niður í móti var erfiðara af því að þó svo að það væru steinar upp í móti, þá gat ég alltaf þreifað fyrir mér.“ Lengsta og erfiðasta gangan skólaus Helgi var síðastur á áfangastað í hópnum, enda sá eini sem gekk alla leiðina berfættur. Alls tók það hann átta og hálfan klukkutíma að ganga kílómetrana 25. „Það er hraðar en þegar ég fór þetta síðast fyrir sjö árum. Og þá var ég í gönguskóm,“ segir Helgi og hlær. Þá er gangan yfir Fimmvörðuháls sú lengsta og erfiðasta sem hann hefur farið skólaus. Snjórinn var endurnærandi, að sögn Helga.Aðsend „Það lengsta fyrir þetta var Úlfarsfell og Helgafell. Þetta var í raun bara brandari sem vatt upp á sig myndi ég næstum því segja. Um leið og ég var hálfnaður hugsaði ég að ég gæti ekki farið í skó. Ég var með þá í pokanum en svo lengi sem mér leið vel þá gat ég bara ekki farið í þá. Það var einhver þrjóska sem kom inn.“ Helgi veit ekki til þess að neinn hafi áður lagt berfættur í göngu yfir Fimmvörðuháls. „Við höldum ekki en maður veit auðvitað aldrei hvað var gert hér á öldum áður. En eftir því sem við best vitum er þetta fyrsta skiptið.“ En hvernig líður Helga í dag, sólarhring eftir að göngunni lauk? „Ég er mjög góður,“ svarar hann að bragði. „Eða, mér líður auðvitað eins og ég hafi gengið ösku og brennistein. Sem maður auðvitað gerði að einhverju leyti. Ilin er mjög hrjúf og ég finn að ef ég hefði gengið lengra hefði ég fengið sár. En það eru engin sár á fótunum á mér, sem mér finnst eiginlega magnað.“ Og hér má sjá iljar og tær Helga eftir gönguna. Varla skrámu að sjá.Aðsend Ferðalög Ferðamennska á Íslandi Rangárþing eystra Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Ef stelpur byrja ungar á blæðingum er það fyrsta flaggið“ Innlent Katrín leiðir og hefur tölfræðilega marktækt forskot á Baldur Innlent Ákærður fyrir að nota slagorð SS-sveitanna á fjöldafundi Erlent Ritskoðun bjóra: „Þetta er gert fyrir börnin“ Innlent Tvö flutt á slysadeild eftir bílveltu Innlent Jón Jónsson kemur nýr inn í stjórn Innlent Dæmdur fyrir árásina í Úlfarsárdal Innlent Cyrus og Herkúles fá já en Bergman bannaður Innlent Læknir langþreyttur á skriffinnsku: „Mér líður oft eins og Indriða í Fóstbræðrum“ Innlent Forsetaframbjóðendur í Pallborðinu klukkan 13 á morgun Innlent Fleiri fréttir „Sérlega sérstakur“ hellir í Mývatnssveit áfram lokaður Læknir langþreyttur á skriffinnsku: „Mér líður oft eins og Indriða í Fóstbræðrum“ Rúmlega sjö hundruð Grindvíkingar vilja selja Forsetaframbjóðendur í Pallborðinu klukkan 13 á morgun Fylgi forsetaframbjóðenda, mótmæli Grindvíkinga og einhverfa barna Liður í uppbyggingunni að fólk geti sest niður og unnið úr áfallinu Cyrus og Herkúles fá já en Bergman bannaður Dæmdur fyrir árásina í Úlfarsárdal Katrín leiðir og hefur tölfræðilega marktækt forskot á Baldur „Ef stelpur byrja ungar á blæðingum er það fyrsta flaggið“ Tvö flutt á slysadeild eftir bílveltu Jón Jónsson kemur nýr inn í stjórn Boða til fundar til að ræða framtíð MÍR eftir dómsmál Fjölgun ofbeldisbrota gegn lögreglu og öðrum opinberum starfsmönnum Ritskoðun bjóra: „Þetta er gert fyrir börnin“ Steingrímur J og Njáll Trausti sameinast í orkuvæðingu norðausturhornsins Flóttamenn tóku forskot á stóra plokkdaginn Frumskógur bílastæðagjalda og þau hæstu þúsund krónur Grindvíkingar boða til mótmæla gegn Þórkötlu „Engin ástæða til að boða til kosninga“ Segir „ómanneskjulegt“ álag á foreldrum einhverfra barna Stungumaður þarf að dúsa inni fram að dómi Sagði upp til að annast einhverfa dóttur, vantraust á þingi og bílastæðagjöld Vantrauststillagan felld Skólabrú með garði á þakinu „djörf og fersk“ tillaga Hætta með safnskóla fyrir grindvísk börn Reiðin kraumaði við ofsaakstur á Reykjanesbraut Lýsir letilífi rándýrra hæstaréttardómara Hljóp á eftir stungumanninum um Faxafen með innyflin lafandi út úr sér Húsfélag ekki skaðabótaábyrgt vegna myglu í séreign Sjá meira
Helgi Freyr Rúnarsson gekk Fimmvörðuháls í gær, sem ekki væri í frásögur færandi nema fyrir þær sakir að hann gerði það berfættur. Talsvert erfiðara var að fara niður í móti en upp, að sögn Helga, og þá voru ákveðnir hlutar leiðarinnar sem fóru verr með iljarnar en aðrir. Líðanin er þrátt fyrir allt góð nú sólarhring eftir að göngunni lauk og varla skrámu að finna á fótum göngugarpsins. „Berfætti lífsstíllinn“ hóf að heilla Helga fyrir nokkrum árum. Undanfarin fjögur til fimm ár hefur hann reynt að vera að miklu leyti berfættur, eða þá í sérstökum skóm „sem komast eins nálægt því að vera berfættur og hægt er“, líkt og Helgi lýsir því sjálfur í samtali við Vísi, þ.e. eins konar sokkaskór sem laga sig algjörlega að fætinum og tánum. Helgi segir að það hafi verið erfiðara að ganga niður í móti en upp. Hér sést hann berfættur á niðurleið.Aðsend „Ég á skó sem ég gifti mig í sem tæknilega séð flokkast í þessa flokka. Það er hægt að fá allan skalann og nú eru svona fimm ár síðan ég byrjaði að vera mikið í svona skóm. Ég hef ekki átt það sem myndi kallast eðlilegir skór síðan,“ segir Helgi. Fyrstu átta kílómetrarnir þægilegir Helgi lagði svo af stað á Fimmvörðuháls klukkan átta í gærmorgun í 25 manna hópi. Þar af voru átta sem ætluðu að ganga hluta leiðarinnar í áðurnefndum sokkaskóm. „Leiðsögumennirnir segja svo við okkur kvöldið áður að það væri hægt að ganga alveg berfættur allavega fyrstu átta kílómetrana. Og ég tek því auðvitað og fer úr sokkaskónum og geng berfættur. Þetta var aðallega gras, mold, mosi og sandur fyrstu kílómetrana, af og til einhverjir smá steinar en maður höndlaði það auðveldlega,“ segir Helgi. Þegar fyrstu átta kílómetrarnir voru afstaðnir leið Helga svo vel að hann ákvað að halda áfram berfættur. „Ég sagðist alltaf bara ætla að sjá hvernig staðan yrði eftir næsta kílómetra. Og svo næsta kílómetra. Og síðan voru 25 kílómetrar búnir og ég var kominn í Þórsmörk,“ segir Helgi og hlær. Rauða mölin í hlíðum Magna var ekki þægileg undir iljarnar.Aðsend Snjórinn endurnærandi Og undirlagið þessa 25 kílómetra var svo sannarlega ekki allt mjúkur mosi. „Það voru fjórir kílómetrar efst sem voru til skiptis í snjó og sandi eða hrauni. Það skemmtilega við þetta er að flestir héldu að maður myndi guggna þegar maður færi í snjóinn. En ég er tiltölulega reyndur í sjósundi, syndi reglulega út í Viðey og til baka og syndi reglulega yfir Fossvoginn, þannig að það kom mér ekkert á óvart. Ég vissi að það yrði mjög kalt að ganga í snjónum en ég vissi að ég myndi höndla það. Þannig að það var bara endurnærandi og það hjálpaði mér í raun seinni helming göngunnar, á leiðinni niður,“ segir Helgi. Erfiðasti hluti göngunnar fyrir hinn berfætta Helga var spölurinn upp og niður Magna, annan gíginn sem myndaðist í gosinu árið 2010. Samferðafólk Helga virðir fyrir sér iljar göngugarpsins.Aðsend „Það er bara hraun og það var svona tíu mínútna ganga þar sem við gátum farið alveg upp á toppinn upp á Magna. Það var langerfiðast. Þetta eru rauðir hraunmolar eins og eru á bílastöðum í sumarhúsabyggðum og það var eiginlega hrikalegt. Sérstaklega að fara niður. Maður læðist hálfpartinn upp því þú ert alltaf að gá hvort þú getir stigið almennileg niður. Og ef þú getur það ekki þarftu að taka skrefið öðruvísi eða stígur út á jarkann eða setur bara tábergið í, ryenir að sleppa við að setja þungann almennilega í fótinn. En á leiðinni niður er það ekki hægt. Þú verður alltaf að taka skrefið og það getur verið rosalega erfitt að fara niður þar sem er mikið af steinum,“ segir Helgi. „Og allt sem var niður í móti var erfiðara af því að þó svo að það væru steinar upp í móti, þá gat ég alltaf þreifað fyrir mér.“ Lengsta og erfiðasta gangan skólaus Helgi var síðastur á áfangastað í hópnum, enda sá eini sem gekk alla leiðina berfættur. Alls tók það hann átta og hálfan klukkutíma að ganga kílómetrana 25. „Það er hraðar en þegar ég fór þetta síðast fyrir sjö árum. Og þá var ég í gönguskóm,“ segir Helgi og hlær. Þá er gangan yfir Fimmvörðuháls sú lengsta og erfiðasta sem hann hefur farið skólaus. Snjórinn var endurnærandi, að sögn Helga.Aðsend „Það lengsta fyrir þetta var Úlfarsfell og Helgafell. Þetta var í raun bara brandari sem vatt upp á sig myndi ég næstum því segja. Um leið og ég var hálfnaður hugsaði ég að ég gæti ekki farið í skó. Ég var með þá í pokanum en svo lengi sem mér leið vel þá gat ég bara ekki farið í þá. Það var einhver þrjóska sem kom inn.“ Helgi veit ekki til þess að neinn hafi áður lagt berfættur í göngu yfir Fimmvörðuháls. „Við höldum ekki en maður veit auðvitað aldrei hvað var gert hér á öldum áður. En eftir því sem við best vitum er þetta fyrsta skiptið.“ En hvernig líður Helga í dag, sólarhring eftir að göngunni lauk? „Ég er mjög góður,“ svarar hann að bragði. „Eða, mér líður auðvitað eins og ég hafi gengið ösku og brennistein. Sem maður auðvitað gerði að einhverju leyti. Ilin er mjög hrjúf og ég finn að ef ég hefði gengið lengra hefði ég fengið sár. En það eru engin sár á fótunum á mér, sem mér finnst eiginlega magnað.“ Og hér má sjá iljar og tær Helga eftir gönguna. Varla skrámu að sjá.Aðsend
Ferðalög Ferðamennska á Íslandi Rangárþing eystra Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Ef stelpur byrja ungar á blæðingum er það fyrsta flaggið“ Innlent Katrín leiðir og hefur tölfræðilega marktækt forskot á Baldur Innlent Ákærður fyrir að nota slagorð SS-sveitanna á fjöldafundi Erlent Ritskoðun bjóra: „Þetta er gert fyrir börnin“ Innlent Tvö flutt á slysadeild eftir bílveltu Innlent Jón Jónsson kemur nýr inn í stjórn Innlent Dæmdur fyrir árásina í Úlfarsárdal Innlent Cyrus og Herkúles fá já en Bergman bannaður Innlent Læknir langþreyttur á skriffinnsku: „Mér líður oft eins og Indriða í Fóstbræðrum“ Innlent Forsetaframbjóðendur í Pallborðinu klukkan 13 á morgun Innlent Fleiri fréttir „Sérlega sérstakur“ hellir í Mývatnssveit áfram lokaður Læknir langþreyttur á skriffinnsku: „Mér líður oft eins og Indriða í Fóstbræðrum“ Rúmlega sjö hundruð Grindvíkingar vilja selja Forsetaframbjóðendur í Pallborðinu klukkan 13 á morgun Fylgi forsetaframbjóðenda, mótmæli Grindvíkinga og einhverfa barna Liður í uppbyggingunni að fólk geti sest niður og unnið úr áfallinu Cyrus og Herkúles fá já en Bergman bannaður Dæmdur fyrir árásina í Úlfarsárdal Katrín leiðir og hefur tölfræðilega marktækt forskot á Baldur „Ef stelpur byrja ungar á blæðingum er það fyrsta flaggið“ Tvö flutt á slysadeild eftir bílveltu Jón Jónsson kemur nýr inn í stjórn Boða til fundar til að ræða framtíð MÍR eftir dómsmál Fjölgun ofbeldisbrota gegn lögreglu og öðrum opinberum starfsmönnum Ritskoðun bjóra: „Þetta er gert fyrir börnin“ Steingrímur J og Njáll Trausti sameinast í orkuvæðingu norðausturhornsins Flóttamenn tóku forskot á stóra plokkdaginn Frumskógur bílastæðagjalda og þau hæstu þúsund krónur Grindvíkingar boða til mótmæla gegn Þórkötlu „Engin ástæða til að boða til kosninga“ Segir „ómanneskjulegt“ álag á foreldrum einhverfra barna Stungumaður þarf að dúsa inni fram að dómi Sagði upp til að annast einhverfa dóttur, vantraust á þingi og bílastæðagjöld Vantrauststillagan felld Skólabrú með garði á þakinu „djörf og fersk“ tillaga Hætta með safnskóla fyrir grindvísk börn Reiðin kraumaði við ofsaakstur á Reykjanesbraut Lýsir letilífi rándýrra hæstaréttardómara Hljóp á eftir stungumanninum um Faxafen með innyflin lafandi út úr sér Húsfélag ekki skaðabótaábyrgt vegna myglu í séreign Sjá meira