Erlent

Jóhann Karl yfirgefur Spán vegna fjársvikamáls

Andri Eysteinsson skrifar
Feðgarnir Jóhann Karl og Filippus VI.
Feðgarnir Jóhann Karl og Filippus VI. Getty/ Ricardo Garcia

Fyrrverandi konungur Spánar, Jóhann Karl, segir í bréfi stíluðu á son sinn Filippus VI. Spánarkonung að hann hyggist yfirgefa Spán vegna ásakana um fjárhagslegt misferli. Bréfið var birt á vef spænsku konungsfjölskyldunnar í dag.

„Ég tilkynni þér hér með að ég hef ákveðið að flytja frá Spáni í þennan tíma,“ skrifaði Jóhann Karl en ekki var tekið fram hvert hann hyggist flytja. Gamli konungurinn sagði að hann vildi forðast það að gera hlutverk sonar síns erfiðara.

Eftir að hafa sagt af sér konungstign árið 2014 missti Jóhann Karl friðhelgi sem þjóðhöfðingja er veitt á Spáni. Hæstiréttur Spánar opnaði rannsókn sína í dag og hafa niðurstöður svissneskrar rannsóknar verið birtar en þær sýna fram á að Abdullah, fyrrum konungur Sádí-Arabíu hafi gefið Jóhanni Karli háar fjárhæðir án þess að það hafi komið opinberlega fram.

Þá hafi Jóhann Karl millifært peninginn yfir á félaga sinn og telja stjórnvöld að þá hafi konungurinn verið að reyna að fela peninginn frá stjórnvöldum.

Konungsfjölskyldan neitar því að Filippus hafi vitað af gjörðum Jóhanns Karls en konungurinn hefur brugðist við ásökunum í garð föður síns með því að afþakka allan arf sem runnið gæti til hans eftir dauða Jóhanns Karls sem og að svipta föður sínum árlegri greiðslu framfærslufé.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×