Bílar

Tvö þúsundasti rafbíllinn afhentur hjá BL

Kristinn Ásgeir Gylfason skrifar
Það voru hjónin Jose Vicente Garcia Agullo og Sigrún Garcia Thorarensen, sem festu kaup á tvö þúsundasta rafbíl BL og tóku þau við bílnum á miðvikudag.
Það voru hjónin Jose Vicente Garcia Agullo og Sigrún Garcia Thorarensen, sem festu kaup á tvö þúsundasta rafbíl BL og tóku þau við bílnum á miðvikudag. BL

BL náði ánægjulegum áfanga á miðvikudag, þegar tvö þúsundasti rafbíllinn frá BL var afhentur nýjum eigendum við Sævarhöfða. Um var að ræða MG ZS EV, sem er nýtt merki í flóru BL sem hóf rafbílasölu í lok ágúst árið 2013 þegar BL kynnti fyrsta fjöldaframleidda rafbíl heims, Nissan Leaf.

Veldisvöxtur orðið í rafbílasölu

Það er til marks um þann veldisvöxt sem orðið hefur í sölu rafbíla á Íslandi undanfarin misseri að það tók BL rúm fimm ár að selja fyrstu eitt þúsund rafbílana, sem var í lok nóvember 2018, en aðeins 21 mánuð að selja seinna eitt þúsundið segir í fréttatilkynningu frá BL vegna þessara tímamóta. Árið 2018 var tíundi hver fólksbíll sem BL seldi rafbíll en á þessu ári stefnir í að hlutfallið verði fjórði hver; um 25%. Frá 2013 hefur BL nýskráð rúm 50% allra nýskráðra rafbíla hér á landi.

Rafbílasala BL frá lokum ágúst 2013 til 26. ágúst 2020BL

Leaf og Kona bera hæst

Um þessar mundir selur BL tíu gerðir hreinna rafbíla frá 7 framleiðendum eins og meðfylgjandi tafla sýnir. Mikið vatn hefur því runnið til sjávar frá 2013 þegar rafbílasalan hófst. Eins og taflan sýnir er Nissan Leaf lang söluhæsti rafbíll BL (og raunar söluhæsti rafbíll landsins frá upphafi). Taflan sýnir einnig hversu miklum árangri Hyundai KONA EV hefur náð á íslenska markaðnum á þeim aðeins tveimur árum sem bíllinn hefur verið boðinn hér á landi enda er hann einn langdrægasti bíllinn í sínum flokki á markaðnum og afar vel búinn. Á næsta ári bætast fleiri hreinir rafbílar í hópinn hjá BL, m.a. frá BMW, Dacia, Nissan og Renault.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.



×