Viðskipti innlent

Glæsivilla Skúla Mogensen nú í eigu Arion banka

Kristín Ólafsdóttir skrifar
Skúli Mogensen keypti glæsihýsið við Hrólfsskálavör árið 2016.
Skúli Mogensen keypti glæsihýsið við Hrólfsskálavör árið 2016. Vísir/vilhelm

Arion banki hf. eignaðist glæsivillu Skúla Mogensen við Hrólfsskálavör 2 á Seltjarnarnesi í byrjun september, samkvæmt upplýsingum fréttastofu. Fyrst var greint frá sölunni á vef Mbl í morgun.

Skúli keypti húsið árið 2016 af Eiríki Sigurðssyni, sem kenndur var við verslanir 10-11, árið 2016 og var kaupverðið á sínum tíma sagt um 300 milljónir króna. Húsið var fyrst skráð á félag í eigu Skúla en var síðar fært yfir á nafn hans.

Skúli veðsetti húsið og fleiri eignir sínar haustið 2018 þegar flugfélag hans, WOW air, reri lífróður. Fram kom í umfjöllun Stundarinnar í desember sama ár að Skúli hefði veðsett húsið fyrir lánum sem hann tók hjá Arion banka. Sjálfur hefur Skúli lýst því að hann hafi fjárfest sjálfur fyrir 700 milljónir í skuldabréfaútboði WOW air hausið 2018 og lagt „hús mitt og fleiri eignir að veði“.

Innanhússhönnun á húsinu var í höndum Grímu Bjargar Thorarensen hjá GBT Interiors og Selmu Ágústsdóttur hjá Namó Desing.

Húsið við Hrólfsskálavör hafði verið lengi á sölu áður en Arion banki eignaðist það fyrr í mánuðinum. Greint var frá því í október í fyrra að húsið væri auglýst til sölu á sérstakri vefsíðu, sem eingöngu var stofnuð utan um söluna á húsinu. Skúli sagði í samtali við Mbl á sínum tíma að salan væri á hans eigin vegum og án aðkomu Arion banka.

Fasteignasalan Eignamiðlun tók síðar við sölunni en húsið er enn auglýst til sölu á fasteignavef Vísis. Óskað er eftir tilboði í húsið en Skotsilfur Fréttablaðsins hafði eftir heimildum sínum í ágúst í fyrra að ásett verð á eignina væri um 700 milljónir króna.

Arkítektar hjá Granda Studio teiknuðu húsið árið 2008 og Selma Ágústsdóttir og Gríma Björg Thorarensen, innanhúshönnuður og kærasta Skúla, sáu um innanhúshönnun eftir að Skúli eignaðist það. Þar er að finna nær allt til alls, þar á meðal tvo nuddpotta, líkamsræktarsal og heimabíó.

Húsið er um 600 fermetrar.
Húsið státar m.a. af sundlaug.


Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ICEAIR
3,16
86
219.613
ICESEA
2,07
4
14.514
HAGA
1,8
14
402.202
SYN
1,56
1
17.316
TM
1,52
12
161.273

Mesta lækkun dagsins


Félag
Br.%
Fjöldi
Velta*
REGINN
-1,25
2
16.042
MAREL
-0,67
15
327.657
LEQ
-0,58
1
821
BRIM
-0,47
1
457
KVIKA
-0,36
11
79.273
Velkomin á Vísi. Þessi vefur notar vafrakökur. Sjá nánar.