Erlent

Sextán fórust í námuslysi í Kína

Kjartan Kjartansson skrifar
Björgunarlið mætir á vettvang námuslyssins í morgun.
Björgunarlið mætir á vettvang námuslyssins í morgun. AP/Huang Wei/Xinhua

Kolmónoxíðeitrun varð sextán kolanámumönnum að bana í suðvestanverðu Kína í dag. Aðeins einn þeirra sem festust í námunni komst lífs af og er hann sagður á sjúkrahúsi. Kínverskar námur eru einar þær hættulegustu í heiminum fyrir starfsmenn.

Gasið er sagt hafa safnast fyrir vegna „bruna á beltum“ í Songzao-kolanámunni nærri borginni Chongqing í morgun. AP-fréttastofan segir að kínverska fréttaveitan Xinhua hafi ekki skýrt frekar hvers konar belti hafi verið brennd í námunni.

Fjölmennt björgunarlið var kallað út en aðeins náðist að bjarga einum og sautján manna hópi sem varð fyrir eitruninni, að því er Reuters-fréttastofan hefur eftir Xinhua.

Öryggi í kínverskum iðnaði er sagt verulega ábótavant. Sérstaklega eru banaslys algeng í námum landsins. Songzao-kolanáman er í eigu orkufyrirtækis í Qijang-héraði.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×