Þrír á gjörgæslu með Covid-19

Tryggvi Páll Tryggvason skrifar 30. september 2020 19:20

Álagið er farið að aukast á ný á Landspítalanum vegna Covid-19. Mynd/Landspítalinn-Þorkell

Tíu liggja núna inni á Landspítalanum með Covid-19, þar af eru þrír á gjörgæslu. Greint var frá þessu í fréttum RÚV í kvöld.

Þórólfur Guðnason sóttvarnarlæknir sagði fyrr í dag að átta væru inniliggjandi á Landspítalanum með Covid-19, þar af tveir á gjörgæslu. Því hafa tveir bæst við í dag, þar af einn á gjörgæslu.

Haft var eftir Páli Matthíassyni, forstjóra Landspítalans, að alls væru 560 manns sem fengu þjónustu á Covid-göngudeildinni, og að meðalaldur þeirra sem liggja inni á spítalanum með Covid-19 sé fimmtíu ár, fólk frá þrítugu upp á sjötugsaldur.

Í samtali við Vísi fyrr í dag sagði Þórólfur að áhyggjuefni hversu margir liggja nú inni á Landspítala vegna Covid-19. Svo virðist sem sýkingin sé nú að berast í viðkvæmari hópa en áður, að mati hans.

Þrjátíu og þrír greindust með kórónuveiruna innanlands í gær, þar af voru nítján í sóttkví við greiningu.

Faraldur kórónuveiru (COVID-19) Landspítalinn

Tengdar fréttir

Sýkingin virðist byrjuð að berast í viðkvæmari hópa en áður

Sóttvarnalæknir segir það áhyggjuefni hversu margir liggja nú inni á Landspítala vegna Covid-19.

30. september 2020 13:53

33 greindust innanlands og átta nú á sjúkrahúsi

33 greindust með kórónuveiruna innanlands í gær. Nítján þeirra sem greindust voru í sóttkví við greiningu.

30. september 2020 11:10

Faraldurinn í hægri rénun samkvæmt nýju spálíkani

Daglegur fjöldi nýgreindra kórónuveirusmita verður líklega á bilinu 20 til 40 á dag næstu daga, samkvæmt nýju spálíkani um faraldurinn.

29. september 2020 14:12

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.