Tískuverslunin Nonnabúð 18. júní 2004 00:01 Á horni Klapparstígs og Laugarvegar er verslunin Nonnabúð, en hún flutti þangað nýlega eftir ársdvöl á Smiðjustíg og má fullyrða að hún eigi ekki sína líka í borginni. Verslunin var stofnuð 16. júní 2003 og átti því ársafmæli í vikunnni. Nonnabúð er hugarfóstur Jóns Sæmundar Auðarsonar, myndlistarmanns og fatahönnuðar. Búðin er allt í senn gjörningur, innsetning og skúlptúr sem þó byggir á starfsemi hefðbundinnar verslunar. Jón Sæmundur útskrifaðist úr Myndlista- og handíðaskóla Íslands 1999. Þá tók við mastersnám í Skotlandi, Glasgow School of Art til ársins 2001. Hann á að baki fjölda sam- og einkasýninga og muna eflaust margir eftir verkinu hans "Foss" á gömlu Morgublaðshöllinni við Ingólfstorg á Vetrarhátíð Reykjarvíkurborgar 2002. Óhætt er að segja að þorri þeirra hluta sem fást í Nonnabúð undir því vingjarnlega vörumerki Dead einkennist mjög af þremur áberandi þáttum, sterkum áhrifum rokk og pönk tónlistar, sterkri þjóðerniskennd og misaugljósum tilvísunum í dauðann. Þrátt fyrir nokkuð hráa og nöturlega ásýnd vörumerkisins Dead vill Jón Sæmundur meina að það sé í raun runnið undan rifjum fegurðarinnar. Dead er að sögn Jóns nafn á hliðarsjálfi hans sem hefur það göfuga markmið að opna augu fólks fyrir fegurð dauðastundarinnar og losa um hræðslu og ótta gagnvart henni. Er þetta markmið einnig undirstrikað með setningu sem umlykur hauskúpumynd vörumerkisins: "One who fears death does not enjoy life" eða sá sem óttast dauðann nýtur ekki lífsins. Vöruúrvalið í versluninni er allsérstakt en þar má finna flíkur á bæði kynin; jakka, peysur, boli, belti, skartgripi, póstkort og fleira. Allar flíkur Jóns eru handþrykktar því hann staðhæfir að nærvera mannshandarinnar ljái flíkinni ákveðna sál og segir að handverkið og takmarkað upplag gripa hans greini hans hönnun ekki hvað síst frá fjöldaframleiddum silkiprentuðum vörum sem má finna í öðrum verslunum. Eitt höfuðeinkenna hönnunar Jóns undir merkjum Dead er sterk fortíðarþrá og má víða í búðinni sjá ýmsar rammíslenskar vísanir með sterkum pólitískum undirtón. Ástæðu þessa segir Jón hafa sprottið í námsdvöl sinni erlendis þar sem hann fann fyrir söknuði eftir öllu því sem íslenskt er og mikilvægi þess að vernda okkar einstaka menningararf. Hann leggur á það herslu að hönnun hans sé umfram allt þjóðleg og segir að ekki sé vanþörf á að skapa fleiri vel hannaða túristahluti, því ekki sé um auðugan garð að gresja í þeim efnum hérlendis. Það dylst engum sem kemur inn í Nonnabúð að hvorki eigandinn né hliðarsjálf hans eru hættir að vinna að hönnun undir vörumerki Dead. Hann hefur sýnt á undanförnu ári að honum er fátt heilagt, og skirrist ekki við að skjóta föstum pólitískum skilaboðum á neyslusamfélagið í gegnum einn ástsælasta miðil þess, tískufatnaðinn. Vefsíðan er dead.is Mest lesið Hellti sér yfir EBU að lokinni keppni Lífið „Veistu það Frosti, ég get ekki tekið þetta viðtal“ Lífið Kristrún ekki lengur á meðal ungs jafnaðarfólks Lífið Skilyrði að koma Borgarnesi á kortið Lífið Hundar mæta í vinnuna með eigendum sínum Lífið Guðný og Pétur selja glæsihöll í Garðabæ Lífið Neyslusaga móður: „Það var rítalínið sem rústaði mér alveg“ Áskorun Mætti í eftirpartý og verður eftir í Malmö Lífið Ísland lenti í síðasta sæti í Eurovision Lífið „Ég hef aldrei lent í öðru eins“ Lífið Fleiri fréttir „Þegar manni líður vel í eigin skinni skín það í gegn“ „Stútfull og við það að springa en hefur aldrei klikkað“ 23 ára og með sína eigin förðunarlínu Laufey skein skært á Met Gala Best klæddu stjörnurnar á Met Gala „Elska hraðann, pressuna og stressið“ Fataherbergið seldi henni íbúðina strax Alltaf með naglaþjöl en gleymir stundum lyklunum Innsýn í fatahönnun framtíðarinnar Lófaklapp og litagleði á tískusýningu útskriftarnema Strangheiðarleg dreifbýlistútta og lopapeysan í uppáhaldi „Elska að hafa skipulagt kaos“ „Spyr mig oft hvort öll þessi vinna sé þess virði“ Listræn súkkulaðiupplifun og girnilegt smakk Menningarlífið iðar og HönnunarMars hefst á morgun Hefur hannað fyrir Miley Cyrus og Erykah Badu Íslensk skartgripahönnun á besta stað í New York Starfaði fyrir pólska herinn og sýnir nú skartgripi á Garðatorgi Kemur beint frá París með vistvæna tískustrauma „Frá naglalakki hjá ömmu í iðnaðarmann í skítugum fötum“ Myndavél frá afa algjör fjársjóður „Það mikilvægasta er að vera trúr sjálfum sér“ Munnskolið mikilvægt í förðunarstarfinu „Sjálfstraustið er besti fylgihluturinn“ Sjá meira
Á horni Klapparstígs og Laugarvegar er verslunin Nonnabúð, en hún flutti þangað nýlega eftir ársdvöl á Smiðjustíg og má fullyrða að hún eigi ekki sína líka í borginni. Verslunin var stofnuð 16. júní 2003 og átti því ársafmæli í vikunnni. Nonnabúð er hugarfóstur Jóns Sæmundar Auðarsonar, myndlistarmanns og fatahönnuðar. Búðin er allt í senn gjörningur, innsetning og skúlptúr sem þó byggir á starfsemi hefðbundinnar verslunar. Jón Sæmundur útskrifaðist úr Myndlista- og handíðaskóla Íslands 1999. Þá tók við mastersnám í Skotlandi, Glasgow School of Art til ársins 2001. Hann á að baki fjölda sam- og einkasýninga og muna eflaust margir eftir verkinu hans "Foss" á gömlu Morgublaðshöllinni við Ingólfstorg á Vetrarhátíð Reykjarvíkurborgar 2002. Óhætt er að segja að þorri þeirra hluta sem fást í Nonnabúð undir því vingjarnlega vörumerki Dead einkennist mjög af þremur áberandi þáttum, sterkum áhrifum rokk og pönk tónlistar, sterkri þjóðerniskennd og misaugljósum tilvísunum í dauðann. Þrátt fyrir nokkuð hráa og nöturlega ásýnd vörumerkisins Dead vill Jón Sæmundur meina að það sé í raun runnið undan rifjum fegurðarinnar. Dead er að sögn Jóns nafn á hliðarsjálfi hans sem hefur það göfuga markmið að opna augu fólks fyrir fegurð dauðastundarinnar og losa um hræðslu og ótta gagnvart henni. Er þetta markmið einnig undirstrikað með setningu sem umlykur hauskúpumynd vörumerkisins: "One who fears death does not enjoy life" eða sá sem óttast dauðann nýtur ekki lífsins. Vöruúrvalið í versluninni er allsérstakt en þar má finna flíkur á bæði kynin; jakka, peysur, boli, belti, skartgripi, póstkort og fleira. Allar flíkur Jóns eru handþrykktar því hann staðhæfir að nærvera mannshandarinnar ljái flíkinni ákveðna sál og segir að handverkið og takmarkað upplag gripa hans greini hans hönnun ekki hvað síst frá fjöldaframleiddum silkiprentuðum vörum sem má finna í öðrum verslunum. Eitt höfuðeinkenna hönnunar Jóns undir merkjum Dead er sterk fortíðarþrá og má víða í búðinni sjá ýmsar rammíslenskar vísanir með sterkum pólitískum undirtón. Ástæðu þessa segir Jón hafa sprottið í námsdvöl sinni erlendis þar sem hann fann fyrir söknuði eftir öllu því sem íslenskt er og mikilvægi þess að vernda okkar einstaka menningararf. Hann leggur á það herslu að hönnun hans sé umfram allt þjóðleg og segir að ekki sé vanþörf á að skapa fleiri vel hannaða túristahluti, því ekki sé um auðugan garð að gresja í þeim efnum hérlendis. Það dylst engum sem kemur inn í Nonnabúð að hvorki eigandinn né hliðarsjálf hans eru hættir að vinna að hönnun undir vörumerki Dead. Hann hefur sýnt á undanförnu ári að honum er fátt heilagt, og skirrist ekki við að skjóta föstum pólitískum skilaboðum á neyslusamfélagið í gegnum einn ástsælasta miðil þess, tískufatnaðinn. Vefsíðan er dead.is
Mest lesið Hellti sér yfir EBU að lokinni keppni Lífið „Veistu það Frosti, ég get ekki tekið þetta viðtal“ Lífið Kristrún ekki lengur á meðal ungs jafnaðarfólks Lífið Skilyrði að koma Borgarnesi á kortið Lífið Hundar mæta í vinnuna með eigendum sínum Lífið Guðný og Pétur selja glæsihöll í Garðabæ Lífið Neyslusaga móður: „Það var rítalínið sem rústaði mér alveg“ Áskorun Mætti í eftirpartý og verður eftir í Malmö Lífið Ísland lenti í síðasta sæti í Eurovision Lífið „Ég hef aldrei lent í öðru eins“ Lífið Fleiri fréttir „Þegar manni líður vel í eigin skinni skín það í gegn“ „Stútfull og við það að springa en hefur aldrei klikkað“ 23 ára og með sína eigin förðunarlínu Laufey skein skært á Met Gala Best klæddu stjörnurnar á Met Gala „Elska hraðann, pressuna og stressið“ Fataherbergið seldi henni íbúðina strax Alltaf með naglaþjöl en gleymir stundum lyklunum Innsýn í fatahönnun framtíðarinnar Lófaklapp og litagleði á tískusýningu útskriftarnema Strangheiðarleg dreifbýlistútta og lopapeysan í uppáhaldi „Elska að hafa skipulagt kaos“ „Spyr mig oft hvort öll þessi vinna sé þess virði“ Listræn súkkulaðiupplifun og girnilegt smakk Menningarlífið iðar og HönnunarMars hefst á morgun Hefur hannað fyrir Miley Cyrus og Erykah Badu Íslensk skartgripahönnun á besta stað í New York Starfaði fyrir pólska herinn og sýnir nú skartgripi á Garðatorgi Kemur beint frá París með vistvæna tískustrauma „Frá naglalakki hjá ömmu í iðnaðarmann í skítugum fötum“ Myndavél frá afa algjör fjársjóður „Það mikilvægasta er að vera trúr sjálfum sér“ Munnskolið mikilvægt í förðunarstarfinu „Sjálfstraustið er besti fylgihluturinn“ Sjá meira