Lumar á ýmsu í fataskápnum 11. ágúst 2004 00:01 "Ég luma nú á ýmsu í fataskápnum. Ég á hlébarðabuxur, sebrabuxur og latexbuxur, netaboli, Hawaiskyrtur og kúrekaskyrtur og fullt af jakkafötum svo eitthvað sé nefnt. Mér þykir mjög vænt um fötin mín," segir tónlistarmaðurinn Ceres4. "Mér er einstaklega annt um dýr í útrýmingarhættu og ég klæðist þessum fötum við sérstök tilefni," segir Ceres en hann verslar yfirleitt þessi "öðruvísi" föt erlendis. "Litir í íslenskum verslunum eru frekar staðlaðir og jarðbundnir og svo eru föt líka ódýrari úti í löndum." Aðspurður um hvaða flíkum hann gæti alls ekki lifað án þá stendur ekki á svari. "Leðurdressin mín eru í miklu uppáhaldi. Þau samanstanda af jakka og buxum. Svo á ég kúrekastígvél og nærbuxur í stíl við annað dressið sem ég keypti í Hamborg fyrir tveimur árum. Annað dressið er svart en hitt er brúnt. En ég ætla ekki að segja þér hvort dressið gengur við nærbuxurnar. Síðan þykir mér gríðarlega vænt um kúrekahattinn minn sem ég keypti í Cuxhafen í Þýskalandi og passar við bæði dressin. Leður er algjörlega það besta að vera í og klæðir af manni bæði hita og kulda. Reyndar getur maður svitnað frekar mikið í dressinu ef ég er að dansa eða djöflast á sviði en það er bara sexí. Leður gefur mér líka aukið vald og á ég auðveldara með að stjórna fólki í kringum mig ef ég klæðist leðri. Ég tala nú ekki um ef ég er líka með yfirvaraskegg. Þessi taktík er til að mynda mikið notuðu í löggæslu og hernaði. George Bush og John Kerry fara meira að segja báðir stundum í leðurjakka þessa dagana þegar þeir vilja láta taka sig alvarlega." "Ég held að strákum finnist leður meira sexý en stelpum. Ég held að þær tengi þetta of mikið við hommakúltúr. Þegar ég var í Hamborg um daginn að spóka mig um í leðrinu lenti ég í því að það voru alltaf einhverjir gæjar að koma til mín og gefa mér boðsmiða á mjög spennandi leðurklúbba. En þessir klúbbar voru einungis fyrir menn. Fyrir vikið fæ ég kannski á mig hommastimpil en hvað með það. Fólk má halda það sem það vill og eiga sitt ímyndunarafl í friði," segir Ceres4 leðurdýrkandi. Ceres er mikill Presley maður og neitar því ekki að hann sé ef til vill leðurfyrirmyndin sín. "Presley er óumdeilanlega konungurinn og átti einmitt mjög flott "come back" árið 1968 þar sem hann kom fram í ósplittuðu leðurdressi. Það getur enginn neitað því að Presley hafi verið flottur á leðurárunum sínum. Leður er bara töff og karlmannlegt - því verður ekki neitað. Allir töffarar mannkynssögunnar sem eitthvað er varið í hafa á einhverjum tímapunkti klæðst leðri." Ný plata er einmitt væntanleg frá Ceres "Platan kemur væntanlega út um næstu mánaðamót og heitir C-4. Það er bæði vísun í nafnið, Ceres 4, og í sprengiefnið C-4. Þetta er útpældur titill," segir Ceres4 sem hefur leðrið auðvitað með í plötuútgáfunni. "Ég er búinn að gera myndband við eitt lag sem heitir Klofvega. Þar er ég ber að ofan í leðurbuxum. Síðan er ein mynd af mér aftan á plötuumslaginu þar sem ég er í leðurbuxunum og leðurnærbuxunum innanundir," segir Ceres en hver veit nema útgáfutónleikarnir verði haldnir í Leðurklúbbnum. Mest lesið Af vængjum fram: „Ég ætla ekkert að fara að gráta hérna“ Lífið Fréttatía vikunnar: Forsetakosningar, sjóslys og mýflugnafaraldur Lífið Heitustu trendin fyrir sumarið 2024 Lífið Ásdís Rán býður forsetaefnum á rauða dregilinn Lífið „Blessunarlega ekkert stoppaður af foreldrum mínum“ Tíska og hönnun Hafa ekki sést saman í sjö vikur Lífið Forseti Hæstaréttar og Kristján Loftsson í gámapartýi Lífið Myndaveisla: Sællegar skvísur í sumarfíling Lífið „Fengum ekki sjokk, en við fengum sjokk að hann væri með hjartagalla“ Lífið Diskóstemming í Bíóhöllinni á Akranesi Lífið Fleiri fréttir „Blessunarlega ekkert stoppaður af foreldrum mínum“ Alltaf með jager skot í töskunni Fá í fyrsta sinn að klæðast strigaskóm „Þegar manni líður vel í eigin skinni skín það í gegn“ „Stútfull og við það að springa en hefur aldrei klikkað“ 23 ára og með sína eigin förðunarlínu Laufey skein skært á Met Gala Best klæddu stjörnurnar á Met Gala „Elska hraðann, pressuna og stressið“ Fataherbergið seldi henni íbúðina strax Alltaf með naglaþjöl en gleymir stundum lyklunum Innsýn í fatahönnun framtíðarinnar Lófaklapp og litagleði á tískusýningu útskriftarnema Strangheiðarleg dreifbýlistútta og lopapeysan í uppáhaldi „Elska að hafa skipulagt kaos“ „Spyr mig oft hvort öll þessi vinna sé þess virði“ Listræn súkkulaðiupplifun og girnilegt smakk Menningarlífið iðar og HönnunarMars hefst á morgun Hefur hannað fyrir Miley Cyrus og Erykah Badu Íslensk skartgripahönnun á besta stað í New York Starfaði fyrir pólska herinn og sýnir nú skartgripi á Garðatorgi Kemur beint frá París með vistvæna tískustrauma „Frá naglalakki hjá ömmu í iðnaðarmann í skítugum fötum“ Myndavél frá afa algjör fjársjóður „Það mikilvægasta er að vera trúr sjálfum sér“ Munnskolið mikilvægt í förðunarstarfinu „Sjálfstraustið er besti fylgihluturinn“ Sjá meira
"Ég luma nú á ýmsu í fataskápnum. Ég á hlébarðabuxur, sebrabuxur og latexbuxur, netaboli, Hawaiskyrtur og kúrekaskyrtur og fullt af jakkafötum svo eitthvað sé nefnt. Mér þykir mjög vænt um fötin mín," segir tónlistarmaðurinn Ceres4. "Mér er einstaklega annt um dýr í útrýmingarhættu og ég klæðist þessum fötum við sérstök tilefni," segir Ceres en hann verslar yfirleitt þessi "öðruvísi" föt erlendis. "Litir í íslenskum verslunum eru frekar staðlaðir og jarðbundnir og svo eru föt líka ódýrari úti í löndum." Aðspurður um hvaða flíkum hann gæti alls ekki lifað án þá stendur ekki á svari. "Leðurdressin mín eru í miklu uppáhaldi. Þau samanstanda af jakka og buxum. Svo á ég kúrekastígvél og nærbuxur í stíl við annað dressið sem ég keypti í Hamborg fyrir tveimur árum. Annað dressið er svart en hitt er brúnt. En ég ætla ekki að segja þér hvort dressið gengur við nærbuxurnar. Síðan þykir mér gríðarlega vænt um kúrekahattinn minn sem ég keypti í Cuxhafen í Þýskalandi og passar við bæði dressin. Leður er algjörlega það besta að vera í og klæðir af manni bæði hita og kulda. Reyndar getur maður svitnað frekar mikið í dressinu ef ég er að dansa eða djöflast á sviði en það er bara sexí. Leður gefur mér líka aukið vald og á ég auðveldara með að stjórna fólki í kringum mig ef ég klæðist leðri. Ég tala nú ekki um ef ég er líka með yfirvaraskegg. Þessi taktík er til að mynda mikið notuðu í löggæslu og hernaði. George Bush og John Kerry fara meira að segja báðir stundum í leðurjakka þessa dagana þegar þeir vilja láta taka sig alvarlega." "Ég held að strákum finnist leður meira sexý en stelpum. Ég held að þær tengi þetta of mikið við hommakúltúr. Þegar ég var í Hamborg um daginn að spóka mig um í leðrinu lenti ég í því að það voru alltaf einhverjir gæjar að koma til mín og gefa mér boðsmiða á mjög spennandi leðurklúbba. En þessir klúbbar voru einungis fyrir menn. Fyrir vikið fæ ég kannski á mig hommastimpil en hvað með það. Fólk má halda það sem það vill og eiga sitt ímyndunarafl í friði," segir Ceres4 leðurdýrkandi. Ceres er mikill Presley maður og neitar því ekki að hann sé ef til vill leðurfyrirmyndin sín. "Presley er óumdeilanlega konungurinn og átti einmitt mjög flott "come back" árið 1968 þar sem hann kom fram í ósplittuðu leðurdressi. Það getur enginn neitað því að Presley hafi verið flottur á leðurárunum sínum. Leður er bara töff og karlmannlegt - því verður ekki neitað. Allir töffarar mannkynssögunnar sem eitthvað er varið í hafa á einhverjum tímapunkti klæðst leðri." Ný plata er einmitt væntanleg frá Ceres "Platan kemur væntanlega út um næstu mánaðamót og heitir C-4. Það er bæði vísun í nafnið, Ceres 4, og í sprengiefnið C-4. Þetta er útpældur titill," segir Ceres4 sem hefur leðrið auðvitað með í plötuútgáfunni. "Ég er búinn að gera myndband við eitt lag sem heitir Klofvega. Þar er ég ber að ofan í leðurbuxum. Síðan er ein mynd af mér aftan á plötuumslaginu þar sem ég er í leðurbuxunum og leðurnærbuxunum innanundir," segir Ceres en hver veit nema útgáfutónleikarnir verði haldnir í Leðurklúbbnum.
Mest lesið Af vængjum fram: „Ég ætla ekkert að fara að gráta hérna“ Lífið Fréttatía vikunnar: Forsetakosningar, sjóslys og mýflugnafaraldur Lífið Heitustu trendin fyrir sumarið 2024 Lífið Ásdís Rán býður forsetaefnum á rauða dregilinn Lífið „Blessunarlega ekkert stoppaður af foreldrum mínum“ Tíska og hönnun Hafa ekki sést saman í sjö vikur Lífið Forseti Hæstaréttar og Kristján Loftsson í gámapartýi Lífið Myndaveisla: Sællegar skvísur í sumarfíling Lífið „Fengum ekki sjokk, en við fengum sjokk að hann væri með hjartagalla“ Lífið Diskóstemming í Bíóhöllinni á Akranesi Lífið Fleiri fréttir „Blessunarlega ekkert stoppaður af foreldrum mínum“ Alltaf með jager skot í töskunni Fá í fyrsta sinn að klæðast strigaskóm „Þegar manni líður vel í eigin skinni skín það í gegn“ „Stútfull og við það að springa en hefur aldrei klikkað“ 23 ára og með sína eigin förðunarlínu Laufey skein skært á Met Gala Best klæddu stjörnurnar á Met Gala „Elska hraðann, pressuna og stressið“ Fataherbergið seldi henni íbúðina strax Alltaf með naglaþjöl en gleymir stundum lyklunum Innsýn í fatahönnun framtíðarinnar Lófaklapp og litagleði á tískusýningu útskriftarnema Strangheiðarleg dreifbýlistútta og lopapeysan í uppáhaldi „Elska að hafa skipulagt kaos“ „Spyr mig oft hvort öll þessi vinna sé þess virði“ Listræn súkkulaðiupplifun og girnilegt smakk Menningarlífið iðar og HönnunarMars hefst á morgun Hefur hannað fyrir Miley Cyrus og Erykah Badu Íslensk skartgripahönnun á besta stað í New York Starfaði fyrir pólska herinn og sýnir nú skartgripi á Garðatorgi Kemur beint frá París með vistvæna tískustrauma „Frá naglalakki hjá ömmu í iðnaðarmann í skítugum fötum“ Myndavél frá afa algjör fjársjóður „Það mikilvægasta er að vera trúr sjálfum sér“ Munnskolið mikilvægt í förðunarstarfinu „Sjálfstraustið er besti fylgihluturinn“ Sjá meira