Hitler, Grettir og Ronja KHH skrifar 2. september 2006 09:30 Guðjón Pedersen leikhússtjóri Borgarleikhúsið lítur um öxl í vetur en Leikfélag Reykjavíkur fagnar 110 ára afmæli þetta árið. Á dagskrá vetrarins eru tvö „klassísk" íslensk leikrit sem ekki hafa farið á fjalirnar lengi, Dagur vonar eftir Birgi Sigurðsson og söngleikurinn Grettir eftir Ólaf Hauk Símonarson, Þórarin Eldjárn og Egil Ólafsson. „Leikritið Dagur vonar var frumsýnt á 90 ára afmæli leikfélagsins og í ár leitum við aðeins í nostalgíuna," útskýrir Guðjón Pedersen leikhússtjóri Borgarleikhússins, „en Grettir er síðan hinn hluti nostalgíunnar". Dagur vonar, í leikstjórn Hilmis Snæs Guðnasonar, verður frumsýnt í janúar en sagan um hinn lánlausa Gretti tveimur mánuðum síðar. Leikhússtjórinn vill lítið upplýsa um hlutverkaskipan verkanna að svo stöddu. Fyrsta frumsýning vetrarins er verkið Mein Kampf eftir George Tabori sem fer af stað á Nýja sviðinu nú í september. Verkið er meinfyndinn gamanleikur um myndlistarnemann Adolf Hitler en þar er skyggnst bak við aðdraganda helfararinnar í lúmskum spéspegli. Leikstjóri er Hafliði Arngrímsson. Annað flaggskip vetrarins er meistarastykki Peters Shaffer, Amadeus, þar sem greint er frá sambandi tónskáldanna Mozart og Antonio Salieri en það byggir á sögusögnum um dulafullan dauða Mozarts og þátt Salieri í honum. Stefán Baldursson leikstýrir en frumsýnt er í október. Athygli vekur að leikfélagið mun sýna tvö verk eftir skoska leikskáldið Anthony Neilson á leikárinu en verk hans hafa verið á margra vörum undanfarið, ekki síst vegna nýlegra uppfærslna á verkunum Ritskoðaranum og Penetreitor. „Við höfum verið að fylgjast með Neilson undanfarin ár en hann er mjög fjölhæft leikskáld. Við ákváðum að sýna þessa fjölbreytni og gera honum hátt undir höfði í vetur," segir Guðjón og nefnir að leikskáldið sé ef til vill á leiðinni hingað til lands í tilefni þessa. „Þessi verk eru mjög ólík, annað er fantasíuverk en hitt er gamanleikrit með afar sterkum boðskap." Benedikt Erlingsson leikstýrir fantasíunni Fagra veröld en Steinunn Knútsdóttir verkinu Lík í óskilum. Tvö ný íslensk verk verða einnig sýnd í samstarfi við Borgarleikhúsið. Nýtt verk eftir Björk Jakobsdóttur, Fyrirtíðarspenna, sem fjallar um vandamál sem margar konur kannast við, og verkið Eilíf hamingja eftir Andra Snæ Magnason sem Guðjón segir meðal annars fjalla um hversu krefjandi og harðir húsbændur nettengdir vinnustaðir geti verið. Frá fyrra leikári fara fimm verk aftur á svið, Ronja ræningjadóttir, Viltu finna milljón?, Manntafl og Alveg brilljant skilnaður að ógleymdu verki Braga Ólafssonar, Belgíska Kongó, sem nú verður tekið til sýninga á ný. „Litla krúttlega sýningin sem við ætluðum að vera með nokkrum sinnum heldur áfram fjórða leikárið í röð. Rósalind er alveg ódrepandi," útskýrir Guðjón. Farsælu samstarfi Íslenska dansflokksins og Borgarleikhússins verður haldið áfram í vetur og einnig er stefnt að öðrum uppákomum sem víkka út heim leikhússins, til dæmis verða kynningar á leikskáldum, fræðsludagskrár skipulagðar og efnt til leiklestra. „Við erum rétt að ræsa vélina," segir Guðjón að lokum. Á morgun, sunnudag, verður opið hús í Borgarleikhúsinu milli kl. 15 og 17 en þá verður fjölbreytt dagskrá fyrir alla fjölskylduna þar sem áhugasamir geta kynnt sér vetrarstarfið og kíkt á opnar æfingar. Leikhússtjórinn ætlar að jafnvel að henda í nokkrar vöfflur. Leikhús Mest lesið Myndaveisla: Ekkert gefið eftir í forsetafögnuði ísdrottningarinnar Lífið Forðast drama eins og heitan eldinn Lífið Fyrsti takóstaðurinn sem fær Michelin-stjörnu Matur Af vængjum fram: „Ég ætla ekkert að fara að gráta hérna“ Lífið Elín Metta og Sigurður eiga von á barni Lífið Steldu stílnum af konunum í forsetaframboði Tíska og hönnun Forseti Hæstaréttar og Kristján Loftsson í gámapartýi Lífið „Fengum ekki sjokk, en við fengum sjokk að hann væri með hjartagalla“ Lífið Hafa ekki sést saman í sjö vikur Lífið „Blessunarlega ekkert stoppaður af foreldrum mínum“ Tíska og hönnun Fleiri fréttir „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Vilja vekja áhuga ungu kynslóðarinnar á töfrum klassískrar tónlistar Hildur, Rán og Ásta fá Barnabókaverðlaun Reykjavíkurborgar Bein útsending: Setning Barnamenningarhátíðar Besti vinur úlfanna hlakkar til að tengjast áhorfendum í Hörpu Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein Sjá meira
Borgarleikhúsið lítur um öxl í vetur en Leikfélag Reykjavíkur fagnar 110 ára afmæli þetta árið. Á dagskrá vetrarins eru tvö „klassísk" íslensk leikrit sem ekki hafa farið á fjalirnar lengi, Dagur vonar eftir Birgi Sigurðsson og söngleikurinn Grettir eftir Ólaf Hauk Símonarson, Þórarin Eldjárn og Egil Ólafsson. „Leikritið Dagur vonar var frumsýnt á 90 ára afmæli leikfélagsins og í ár leitum við aðeins í nostalgíuna," útskýrir Guðjón Pedersen leikhússtjóri Borgarleikhússins, „en Grettir er síðan hinn hluti nostalgíunnar". Dagur vonar, í leikstjórn Hilmis Snæs Guðnasonar, verður frumsýnt í janúar en sagan um hinn lánlausa Gretti tveimur mánuðum síðar. Leikhússtjórinn vill lítið upplýsa um hlutverkaskipan verkanna að svo stöddu. Fyrsta frumsýning vetrarins er verkið Mein Kampf eftir George Tabori sem fer af stað á Nýja sviðinu nú í september. Verkið er meinfyndinn gamanleikur um myndlistarnemann Adolf Hitler en þar er skyggnst bak við aðdraganda helfararinnar í lúmskum spéspegli. Leikstjóri er Hafliði Arngrímsson. Annað flaggskip vetrarins er meistarastykki Peters Shaffer, Amadeus, þar sem greint er frá sambandi tónskáldanna Mozart og Antonio Salieri en það byggir á sögusögnum um dulafullan dauða Mozarts og þátt Salieri í honum. Stefán Baldursson leikstýrir en frumsýnt er í október. Athygli vekur að leikfélagið mun sýna tvö verk eftir skoska leikskáldið Anthony Neilson á leikárinu en verk hans hafa verið á margra vörum undanfarið, ekki síst vegna nýlegra uppfærslna á verkunum Ritskoðaranum og Penetreitor. „Við höfum verið að fylgjast með Neilson undanfarin ár en hann er mjög fjölhæft leikskáld. Við ákváðum að sýna þessa fjölbreytni og gera honum hátt undir höfði í vetur," segir Guðjón og nefnir að leikskáldið sé ef til vill á leiðinni hingað til lands í tilefni þessa. „Þessi verk eru mjög ólík, annað er fantasíuverk en hitt er gamanleikrit með afar sterkum boðskap." Benedikt Erlingsson leikstýrir fantasíunni Fagra veröld en Steinunn Knútsdóttir verkinu Lík í óskilum. Tvö ný íslensk verk verða einnig sýnd í samstarfi við Borgarleikhúsið. Nýtt verk eftir Björk Jakobsdóttur, Fyrirtíðarspenna, sem fjallar um vandamál sem margar konur kannast við, og verkið Eilíf hamingja eftir Andra Snæ Magnason sem Guðjón segir meðal annars fjalla um hversu krefjandi og harðir húsbændur nettengdir vinnustaðir geti verið. Frá fyrra leikári fara fimm verk aftur á svið, Ronja ræningjadóttir, Viltu finna milljón?, Manntafl og Alveg brilljant skilnaður að ógleymdu verki Braga Ólafssonar, Belgíska Kongó, sem nú verður tekið til sýninga á ný. „Litla krúttlega sýningin sem við ætluðum að vera með nokkrum sinnum heldur áfram fjórða leikárið í röð. Rósalind er alveg ódrepandi," útskýrir Guðjón. Farsælu samstarfi Íslenska dansflokksins og Borgarleikhússins verður haldið áfram í vetur og einnig er stefnt að öðrum uppákomum sem víkka út heim leikhússins, til dæmis verða kynningar á leikskáldum, fræðsludagskrár skipulagðar og efnt til leiklestra. „Við erum rétt að ræsa vélina," segir Guðjón að lokum. Á morgun, sunnudag, verður opið hús í Borgarleikhúsinu milli kl. 15 og 17 en þá verður fjölbreytt dagskrá fyrir alla fjölskylduna þar sem áhugasamir geta kynnt sér vetrarstarfið og kíkt á opnar æfingar. Leikhússtjórinn ætlar að jafnvel að henda í nokkrar vöfflur.
Leikhús Mest lesið Myndaveisla: Ekkert gefið eftir í forsetafögnuði ísdrottningarinnar Lífið Forðast drama eins og heitan eldinn Lífið Fyrsti takóstaðurinn sem fær Michelin-stjörnu Matur Af vængjum fram: „Ég ætla ekkert að fara að gráta hérna“ Lífið Elín Metta og Sigurður eiga von á barni Lífið Steldu stílnum af konunum í forsetaframboði Tíska og hönnun Forseti Hæstaréttar og Kristján Loftsson í gámapartýi Lífið „Fengum ekki sjokk, en við fengum sjokk að hann væri með hjartagalla“ Lífið Hafa ekki sést saman í sjö vikur Lífið „Blessunarlega ekkert stoppaður af foreldrum mínum“ Tíska og hönnun Fleiri fréttir „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Vilja vekja áhuga ungu kynslóðarinnar á töfrum klassískrar tónlistar Hildur, Rán og Ásta fá Barnabókaverðlaun Reykjavíkurborgar Bein útsending: Setning Barnamenningarhátíðar Besti vinur úlfanna hlakkar til að tengjast áhorfendum í Hörpu Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein Sjá meira