Gæti lagt inni í herbergi Gunnþóra Gunnarsdóttir skrifar 8. desember 2007 00:01 Haraldur sest glaðbeittur upp í Mini Cooperinn sem hann hefur eignað sér. Fréttablaðið/GVA Mini Cooper er snaggaralegur bíll, ekki síst með blæju. Haraldur Guðmundsson, nemandi í Flugskólanum, ekur um á einum slíkum. „Ég fékk dellu fyrir svona bíl þegar ég sá myndina Italian Job,“ segir Haraldur um Mini Cooper bílinn sem hann keyrir á. Segir slíkan bíl hafa komið mikið við sögu í þeirri mynd og staðið sig mjög vel. „Hann keyrði inn í hús og allan pakkann. Þá hugsaði ég að einn svona yrði ég að fá. Ég gæti lagt honum inni í herbergi,“ segir Haraldur hlæjandi. Þvertekur samt fyrir allar slíkar æfingar enn sem komið er. Tekur líka fram að hann sé ekki löglegur eigandi gripsins. „Pabbi er skráður fyrir honum en ég er búinn að eigna mér hann nokkurn veginn,“ segir hann grallaralegur. Bíllinn er af árgerð 2005 og Haraldur segir hann reynast mjög vel. „Þetta er fínn bíll, gott að keyra hann. Svo eyðir hann mjög litlu. Ég hef ekki mælt hversu litlu en veit bara að tankurinn dugar alveg rosalega lengi. Maður er ekkert alltaf á bensínstöðvunum eins og á sumum bílum.“ Auk þess segir hann Cooperinn kraftmikinn. „Hann er 115 hestöfl og léttur enda með blæju,“ útskýrir hann og bætir við að hann hafi ekki séð aðra blæjubíla af þessari tegund hér á landi og heldur ekki appelsínugula. Þeir geti þó leynst einhvers staðar. Haraldur er í Flugskólanum og segir það mjög gaman. Þangað ekur hann á Coopernum og er búinn að setja vetrardekk undir hann en hefur ekki reynslu af honum í vetrarakstri því sjálfur var hann í Bandaríkjunum í fyrravetur. „Þá var litli bróðir minn á bílnum en var ekkert hrifinn af honum enda er hann hausnum hærri en ég. Hann þurfti hálfgert að troða sér inn í hann,“ segir Haraldur skellihlæjandi. Bílar Mest lesið Þekkir dæmi um endalaus uppköst og garnalömun vegna lyfjanna Innlent Konurnar hafi gert allt til að setja ekki svartan blett á starfsemina Innlent Áfall þegar samskipti Katrínar og Kára voru birt Innlent Bæjarstjóri sakaður um að vera njósnari: „Enginn veit hver hún er“ Erlent Forsetavaktin 2024: Hver verður sjöundi forseti lýðveldisins? Innlent Segir Helgu fara með rangt mál Innlent Horfa á bíómyndir og senda tölvupósta á meðan þeir keyra Innlent Gular viðvaranir víðs vegar um landið Veður Segir alvarlegt hvernig Katrín tjáði sig um Persónuvernd Innlent Færeyingar draga í land með ferðamannaskatt Erlent Fleiri fréttir Flottustu Mustang bílarnir landsins til sýnis í dag Fær einn af sextíu forsetaframbjóðendum upp í bíl til sín Sjá meira
Mini Cooper er snaggaralegur bíll, ekki síst með blæju. Haraldur Guðmundsson, nemandi í Flugskólanum, ekur um á einum slíkum. „Ég fékk dellu fyrir svona bíl þegar ég sá myndina Italian Job,“ segir Haraldur um Mini Cooper bílinn sem hann keyrir á. Segir slíkan bíl hafa komið mikið við sögu í þeirri mynd og staðið sig mjög vel. „Hann keyrði inn í hús og allan pakkann. Þá hugsaði ég að einn svona yrði ég að fá. Ég gæti lagt honum inni í herbergi,“ segir Haraldur hlæjandi. Þvertekur samt fyrir allar slíkar æfingar enn sem komið er. Tekur líka fram að hann sé ekki löglegur eigandi gripsins. „Pabbi er skráður fyrir honum en ég er búinn að eigna mér hann nokkurn veginn,“ segir hann grallaralegur. Bíllinn er af árgerð 2005 og Haraldur segir hann reynast mjög vel. „Þetta er fínn bíll, gott að keyra hann. Svo eyðir hann mjög litlu. Ég hef ekki mælt hversu litlu en veit bara að tankurinn dugar alveg rosalega lengi. Maður er ekkert alltaf á bensínstöðvunum eins og á sumum bílum.“ Auk þess segir hann Cooperinn kraftmikinn. „Hann er 115 hestöfl og léttur enda með blæju,“ útskýrir hann og bætir við að hann hafi ekki séð aðra blæjubíla af þessari tegund hér á landi og heldur ekki appelsínugula. Þeir geti þó leynst einhvers staðar. Haraldur er í Flugskólanum og segir það mjög gaman. Þangað ekur hann á Coopernum og er búinn að setja vetrardekk undir hann en hefur ekki reynslu af honum í vetrarakstri því sjálfur var hann í Bandaríkjunum í fyrravetur. „Þá var litli bróðir minn á bílnum en var ekkert hrifinn af honum enda er hann hausnum hærri en ég. Hann þurfti hálfgert að troða sér inn í hann,“ segir Haraldur skellihlæjandi.
Bílar Mest lesið Þekkir dæmi um endalaus uppköst og garnalömun vegna lyfjanna Innlent Konurnar hafi gert allt til að setja ekki svartan blett á starfsemina Innlent Áfall þegar samskipti Katrínar og Kára voru birt Innlent Bæjarstjóri sakaður um að vera njósnari: „Enginn veit hver hún er“ Erlent Forsetavaktin 2024: Hver verður sjöundi forseti lýðveldisins? Innlent Segir Helgu fara með rangt mál Innlent Horfa á bíómyndir og senda tölvupósta á meðan þeir keyra Innlent Gular viðvaranir víðs vegar um landið Veður Segir alvarlegt hvernig Katrín tjáði sig um Persónuvernd Innlent Færeyingar draga í land með ferðamannaskatt Erlent Fleiri fréttir Flottustu Mustang bílarnir landsins til sýnis í dag Fær einn af sextíu forsetaframbjóðendum upp í bíl til sín Sjá meira