Á jeppum upp á jökla 5. janúar 2008 00:01 Í hverjum jeppa eiga helst ekki að vera nema einn til tveir svo hægt sé að flytja fólk á milli bíla ef eitthvað kemur upp á. Það er eins gott að hafa kaggann í lagi þegar farið er í ferð upp á jökul með ferðafélaginu Útivist. Á föstudaginn eftir tvær vikur er á döfinni að leggja á brattann og aka um fannbreiður Langjökuls hjá Þjófakróki, að vísu að laugardagsmorgni því á föstudagskvöldið verður gist í skála í Kaldadal. „Í gönguferðunum okkar eru skór mælikvarði á erfiðleikastig ferðarinnar og þrír skór eru erfiðastir. Eins er það með jeppaferðirnar og ferðin upp á Langjökul er svokölluð þriggja jeppa ferð,“ segir Bjarney Sigurjónsdóttir hjá Útivist. „Þegar við förum í erfiðari ferðir sem þessar þá er ekki mikið af börnum með því helst eiga ekki að vera fleiri en einn til tveir í hverjum bíl svo hægt sé að sameina farþega í aðra bíla ef eitthvað kemur upp á.“ Á jöklinum er keyrt þannig að einn fararstjóri er aftastur á sinni bifreið og fremst keyrir fyrirliðinn. Talstöðvar eru notaðar til að tala milli bíla. Yfirleitt þurfa jepparnir að vera á 38 tommu dekkjum, en hvort jeppi sé nógu vel búinn til að koma með í ferð er háð mati fararstjóra hverju sinni. Fararstjórinn skoðar þá bílinn og metur. Mat og vistir þarf fólk að taka með sér sjálft. Skúli Skúlason framkvæmdastjóri Útivistar segir að í vetrarferðum sem þessum eigi veðrið stóran þátt í því hvort og hvernig ferðin gangi fyrir sig. „Stundum er keyrt í góðu færi og glampandi sólskini alla helgina og ekkert nema tóm hamingja en svo getur það líka orðið þannig að menn komi dauðþreyttir í bæinn á mánudagsmorgni ef það hefur gengið illa að komast yfir,“ segir Skúli og bætir við að engin alvarleg óhöpp hafi nokkurn tímann orðið í ferðunum. „Það eru nú alltaf einhverjar festur en þá verður bara næsti bíll að vera snöggur með spottann. Sem betur fer hefur ekki komið upp velta hjá okkur.“ Eflaust er það mjög hressandi að fara í svona jeppaferðir upp á hvítan jökul í janúarmánuði, láta púströrið blása, þyrla upp snjó og sleppa undan eilífu hálfmyrkri ljósastauranna í þéttbýlinu. niels@frettabladid.is Bílar Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Þekkir dæmi um endalaus uppköst og garnalömun vegna lyfjanna Innlent Konurnar hafi gert allt til að setja ekki svartan blett á starfsemina Innlent Áfall þegar samskipti Katrínar og Kára voru birt Innlent Bæjarstjóri sakaður um að vera njósnari: „Enginn veit hver hún er“ Erlent Forsetavaktin 2024: Hver verður sjöundi forseti lýðveldisins? Innlent Segir Helgu fara með rangt mál Innlent Horfa á bíómyndir og senda tölvupósta á meðan þeir keyra Innlent Gular viðvaranir víðs vegar um landið Veður Segir alvarlegt hvernig Katrín tjáði sig um Persónuvernd Innlent Færeyingar draga í land með ferðamannaskatt Erlent Fleiri fréttir Flottustu Mustang bílarnir landsins til sýnis í dag Fær einn af sextíu forsetaframbjóðendum upp í bíl til sín Sjá meira
Það er eins gott að hafa kaggann í lagi þegar farið er í ferð upp á jökul með ferðafélaginu Útivist. Á föstudaginn eftir tvær vikur er á döfinni að leggja á brattann og aka um fannbreiður Langjökuls hjá Þjófakróki, að vísu að laugardagsmorgni því á föstudagskvöldið verður gist í skála í Kaldadal. „Í gönguferðunum okkar eru skór mælikvarði á erfiðleikastig ferðarinnar og þrír skór eru erfiðastir. Eins er það með jeppaferðirnar og ferðin upp á Langjökul er svokölluð þriggja jeppa ferð,“ segir Bjarney Sigurjónsdóttir hjá Útivist. „Þegar við förum í erfiðari ferðir sem þessar þá er ekki mikið af börnum með því helst eiga ekki að vera fleiri en einn til tveir í hverjum bíl svo hægt sé að sameina farþega í aðra bíla ef eitthvað kemur upp á.“ Á jöklinum er keyrt þannig að einn fararstjóri er aftastur á sinni bifreið og fremst keyrir fyrirliðinn. Talstöðvar eru notaðar til að tala milli bíla. Yfirleitt þurfa jepparnir að vera á 38 tommu dekkjum, en hvort jeppi sé nógu vel búinn til að koma með í ferð er háð mati fararstjóra hverju sinni. Fararstjórinn skoðar þá bílinn og metur. Mat og vistir þarf fólk að taka með sér sjálft. Skúli Skúlason framkvæmdastjóri Útivistar segir að í vetrarferðum sem þessum eigi veðrið stóran þátt í því hvort og hvernig ferðin gangi fyrir sig. „Stundum er keyrt í góðu færi og glampandi sólskini alla helgina og ekkert nema tóm hamingja en svo getur það líka orðið þannig að menn komi dauðþreyttir í bæinn á mánudagsmorgni ef það hefur gengið illa að komast yfir,“ segir Skúli og bætir við að engin alvarleg óhöpp hafi nokkurn tímann orðið í ferðunum. „Það eru nú alltaf einhverjar festur en þá verður bara næsti bíll að vera snöggur með spottann. Sem betur fer hefur ekki komið upp velta hjá okkur.“ Eflaust er það mjög hressandi að fara í svona jeppaferðir upp á hvítan jökul í janúarmánuði, láta púströrið blása, þyrla upp snjó og sleppa undan eilífu hálfmyrkri ljósastauranna í þéttbýlinu. niels@frettabladid.is
Bílar Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Þekkir dæmi um endalaus uppköst og garnalömun vegna lyfjanna Innlent Konurnar hafi gert allt til að setja ekki svartan blett á starfsemina Innlent Áfall þegar samskipti Katrínar og Kára voru birt Innlent Bæjarstjóri sakaður um að vera njósnari: „Enginn veit hver hún er“ Erlent Forsetavaktin 2024: Hver verður sjöundi forseti lýðveldisins? Innlent Segir Helgu fara með rangt mál Innlent Horfa á bíómyndir og senda tölvupósta á meðan þeir keyra Innlent Gular viðvaranir víðs vegar um landið Veður Segir alvarlegt hvernig Katrín tjáði sig um Persónuvernd Innlent Færeyingar draga í land með ferðamannaskatt Erlent Fleiri fréttir Flottustu Mustang bílarnir landsins til sýnis í dag Fær einn af sextíu forsetaframbjóðendum upp í bíl til sín Sjá meira