Viðskipti erlent

Carnegie fær ekki málsókn gegn FME í Svíþjóð

Stjórn móðurfélags Carnegie bankans í Svíþjóð fær ekki að höfða mál gegn fjármálaeftirliti (FME) landsins. Landsréttur Svíþjóðar ákvað í morgun að vísa málinu frá dómi.

Eins og fram hefur komið hér á visir.is vildi stjórn Carnegie fá úrskurð dómsyfirvalda um hvort svipting bankaleyfis bankans stæðist lög en FME í Svíþjóð tók leyfið af bankanum skömmu áður en sænsk stjórnvöld yfirtóku bankann.

Í gær lagði Framkvæmdanefnd Evrópusambandsins blessun sína yfir lausafjáraðstoð sænska stjórnvalda upp á 2,4 milljarða sænskra kr. til bankans. Segir nefndin að þessi ákvörðun hafi verið réttmæt í ljósi þeirrar alvarlegu stöðu sem upp hefði komið í sænska bankakerfinu ef Carnegie hefði verið lýstur gjaldþrota.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið