Pólland í fókus á RIFF í ár Stefán Árni Pálsson skrifar 29. september 2016 16:30 Úr Dekalog. Pólland hlýtur í ár sérstakan sess á Alþjóðlegri kvikmyndahátíð í Reykjavík, RIFF. Sýndar verða 15 nýjar pólskar kvik-og stuttmyndir og margir pólskir gestir heimsækja hátíðina auk þess sem skemmtilegir sérviðburðir tengdir Póllandi verða á dagskrá. Á föstudag verður haldið málþing um framtíð pólskrar kvikmyndagerðar eftir að ný lög um ritskoðun voru sett þar í landi í Norræna húsinu og hefst það kl. 15. Yfirskrift þess er Pólskar kvikmyndir, tækifæri og hindranir og er aðgangur ókeypis. Um kvöldið verða síðan tónleikar og partí á Hlemmur Square hótelinu þar sem pólski fiðluleikarinn Stefan Wesołowski leikur ásamt hörpuleikara og síðar tekur plötusnúðurinn Cpt. Sparky við stuðinu, pólskir gestir hátíðarinnar úr kvikmyndaheiminum ræða við gesti og skálað verður í fríum Tyskie bjór og öðrum pólskum kræsingum.Partí í kvöld Partíið hefst kl. 21 og er aðgangur ókeypis. Þá er vert að benda sérstaklega á að kvikmyndasafnið Dekalog (Boðorðin 10) eftir Krzysztof Kieślowski verður sýnt í heild sinni á laugardag í Bíó Paradís, en það er af mörgum talið eitt merkasta kvikmyndaverk okkar tíma. Saga pólskrar kvikmyndagerðar er bæði löng og merkileg og má til dæmis nefna áhrif hins virta kvikmyndaskóla Lodz en úr honum komu margir áhrifamiklir kvikmyndagerðarmenn, eins og til dæmis Roman Polański, Agnieszka Holland, Andrzej Wajda og Andrzej Sekuła. Félagslegt raunsæi, menning og listir, stjórnmál og hversdaglífið, ásamt mörgu fleiru er inntak hinnar framúrskarandi kvikmyndamenningar Póllands. Þær pólsku myndir sem sýndar verða á RIFF í ár eru fjölbreyttar og áhugaverðar. Sem dæmi má nefna All These Sleepless Night sem segir frá listnemunum Krzysztof og Michal sem eru táknmyndir romanticskrar þrár, drukkinna rökræðna, ráfandi stefnuleysis og sjálfhverfu ungdómsins. Hlý blanda af heimildamynd og skáldskap en leikstjóri myndarinnar, Michal Marczak hlaut verðlaun sem besti leikstjórinn á kvikmyndahátíðinni í Sundance.Fall Sovétblokkarinnar Myndin United States of Love gerist árið 1990 í Póllandi. Fall Sovétblokkarinnar er upphaf frelsis en einnig óvissu. Nokkrar óhamingjusamar konur breyta lífi sínu og leita að ástinni. Myndinni er leikstýrt af Tomasz Wasilewski og hlaut verðlaun fyrir besta handritið í Berlín. The Last Family segir frá listamanninum Zdzislaw Beksiński sem var þekktur fyrir hryllileg og súrrealísk verk sín. Skyggnst er inn í líf fjölskyldu hans og upptökur sem innihalda lífshættulega atburði, danstónlist og jarðarfarir. Að auki verður Dekalog, röð tíu kvikmynda sem framleiddar voru fyrir pólska ríkissjónvarpið og leikstýrt af Krzysztof Kieślowski sýndar. Röðin þykir sérlega áhrifamikil og um fágætt tækifæri að ræða að geta séð allar myndirnar í einu en þær takast á við tilfinningalega vanlíðan fólks þegar eðlishvatir og siðgæði samfélagsins stangast á. Á málþinginu sem fer fram í Norræna húsinu á morgun kl. 15 taka þátt leikstjórinn Borys Lankosz, hans fyrsta mynd, Evolution hlaut fjölda verðlauna, meðal annars á alþjóðlegu kvikmyndahátíðinni í San Francisco og blaðamennirnir Jakub Majmurek og Krysztof Kwiatkowski. Fundarstjórar verða dr. Sebastian Jakub Konefal og kvikmyndagerðarkonan Joanna Chludzinska. RIFF hefst í dag og stendur til 9. október næstkomandi. Nánari upplýsingar má finna á vefsíðunni riff.is. Fyrir áhugasama eru Sebastian og Joanna laus í viðtöl og stödd á landinu. Bíó og sjónvarp RIFF Mest lesið Af vængjum fram: „Krakkar, ekki gera þetta heima“ Lífið Stjörnurnar vilja Spacey úr sjö ára útlegð Bíó og sjónvarp Smekklegt einbýli í Fossvogi á 230 milljónir Lífið Horfir vonandi niður af himnum og sér börnin blómstra á bóndabænum Lífið Elín Hall í rándýrum kjól á rauða dreglinum Lífið Ásdís Rán býður forsetaefnum á rauða dregilinn Lífið Alltaf með jager skot í töskunni Tíska og hönnun Segir sjálfsvígin sárust Lífið „Leikmyndin er auðvitað algjört rusl“ Menning Bein útsending frá svartþrastahreiðri í Hvalfjarðarsveit Lífið Fleiri fréttir Stóðu upp og klöppuðu í fimm mínútur fyrir Ljósbroti Stjörnurnar vilja Spacey úr sjö ára útlegð Fundu föt við hæfi á síðustu stundu fyrir Cannes Fyrsta kitlan úr annarri seríu Rings of Power Sorgin allsráðandi í fyrstu stiklunni úr Ljósbrot Statham og Baltasar sameina krafta sína í væntanlegri hasarmynd Gefi raunsanna mynd af stefnumótahremmingum trans kvenna Potter-stjarna harmar hvernig fór með Rowling Gæsahúð og allur tilfinningaskalinn á forsýningu Mari Eltihrellirinn í Baby Reindeer íhugar að leita réttar síns Frumsýning á Vísi: Fyrsta stiklan úr Snertingu Frumsýning á Vísi: Segja þjóðinni loksins frá harðræðinu á vistheimilunum Ljósbrot meðal opnunarmynda í Cannes Hámhorfið: Hvað eru grafískir hönnuðir að horfa á? Cox segir Phoenix ömurlegan sem Napóleon Komu saman vegna þrjátíu ára afmælis Pulp Fiction Á slóðum Arabíu Lárens með Anthony Hopkins Keanu Reeves mun leika helsta keppinaut Sonic Fyrsta plakatið og önnur kitlan úr Snertingu Hámhorfið: Hvað eru landsliðskonur í knattspyrnu að horfa á? Fylgdi Mari Jaersk á æskuslóðir: „Hann stakk hníf inn í lungun á pabba tvisvar“ Rowling enn bitur út í Harry Potter-stjörnurnar Frumsýning á Vísi: Fyrsta kitlan úr Snertingu Bridget Jones 4 kemur út á næsta ári Mun túlka Springsteen Finna enn gríðarlega sterk áhrif Eurovision-myndarinnar Verður aftur laglega ljóskan Elle Woods Svar Íslands og Sviss við Forrest Gump mætir á skjáinn Sjá meira
Pólland hlýtur í ár sérstakan sess á Alþjóðlegri kvikmyndahátíð í Reykjavík, RIFF. Sýndar verða 15 nýjar pólskar kvik-og stuttmyndir og margir pólskir gestir heimsækja hátíðina auk þess sem skemmtilegir sérviðburðir tengdir Póllandi verða á dagskrá. Á föstudag verður haldið málþing um framtíð pólskrar kvikmyndagerðar eftir að ný lög um ritskoðun voru sett þar í landi í Norræna húsinu og hefst það kl. 15. Yfirskrift þess er Pólskar kvikmyndir, tækifæri og hindranir og er aðgangur ókeypis. Um kvöldið verða síðan tónleikar og partí á Hlemmur Square hótelinu þar sem pólski fiðluleikarinn Stefan Wesołowski leikur ásamt hörpuleikara og síðar tekur plötusnúðurinn Cpt. Sparky við stuðinu, pólskir gestir hátíðarinnar úr kvikmyndaheiminum ræða við gesti og skálað verður í fríum Tyskie bjór og öðrum pólskum kræsingum.Partí í kvöld Partíið hefst kl. 21 og er aðgangur ókeypis. Þá er vert að benda sérstaklega á að kvikmyndasafnið Dekalog (Boðorðin 10) eftir Krzysztof Kieślowski verður sýnt í heild sinni á laugardag í Bíó Paradís, en það er af mörgum talið eitt merkasta kvikmyndaverk okkar tíma. Saga pólskrar kvikmyndagerðar er bæði löng og merkileg og má til dæmis nefna áhrif hins virta kvikmyndaskóla Lodz en úr honum komu margir áhrifamiklir kvikmyndagerðarmenn, eins og til dæmis Roman Polański, Agnieszka Holland, Andrzej Wajda og Andrzej Sekuła. Félagslegt raunsæi, menning og listir, stjórnmál og hversdaglífið, ásamt mörgu fleiru er inntak hinnar framúrskarandi kvikmyndamenningar Póllands. Þær pólsku myndir sem sýndar verða á RIFF í ár eru fjölbreyttar og áhugaverðar. Sem dæmi má nefna All These Sleepless Night sem segir frá listnemunum Krzysztof og Michal sem eru táknmyndir romanticskrar þrár, drukkinna rökræðna, ráfandi stefnuleysis og sjálfhverfu ungdómsins. Hlý blanda af heimildamynd og skáldskap en leikstjóri myndarinnar, Michal Marczak hlaut verðlaun sem besti leikstjórinn á kvikmyndahátíðinni í Sundance.Fall Sovétblokkarinnar Myndin United States of Love gerist árið 1990 í Póllandi. Fall Sovétblokkarinnar er upphaf frelsis en einnig óvissu. Nokkrar óhamingjusamar konur breyta lífi sínu og leita að ástinni. Myndinni er leikstýrt af Tomasz Wasilewski og hlaut verðlaun fyrir besta handritið í Berlín. The Last Family segir frá listamanninum Zdzislaw Beksiński sem var þekktur fyrir hryllileg og súrrealísk verk sín. Skyggnst er inn í líf fjölskyldu hans og upptökur sem innihalda lífshættulega atburði, danstónlist og jarðarfarir. Að auki verður Dekalog, röð tíu kvikmynda sem framleiddar voru fyrir pólska ríkissjónvarpið og leikstýrt af Krzysztof Kieślowski sýndar. Röðin þykir sérlega áhrifamikil og um fágætt tækifæri að ræða að geta séð allar myndirnar í einu en þær takast á við tilfinningalega vanlíðan fólks þegar eðlishvatir og siðgæði samfélagsins stangast á. Á málþinginu sem fer fram í Norræna húsinu á morgun kl. 15 taka þátt leikstjórinn Borys Lankosz, hans fyrsta mynd, Evolution hlaut fjölda verðlauna, meðal annars á alþjóðlegu kvikmyndahátíðinni í San Francisco og blaðamennirnir Jakub Majmurek og Krysztof Kwiatkowski. Fundarstjórar verða dr. Sebastian Jakub Konefal og kvikmyndagerðarkonan Joanna Chludzinska. RIFF hefst í dag og stendur til 9. október næstkomandi. Nánari upplýsingar má finna á vefsíðunni riff.is. Fyrir áhugasama eru Sebastian og Joanna laus í viðtöl og stödd á landinu.
Bíó og sjónvarp RIFF Mest lesið Af vængjum fram: „Krakkar, ekki gera þetta heima“ Lífið Stjörnurnar vilja Spacey úr sjö ára útlegð Bíó og sjónvarp Smekklegt einbýli í Fossvogi á 230 milljónir Lífið Horfir vonandi niður af himnum og sér börnin blómstra á bóndabænum Lífið Elín Hall í rándýrum kjól á rauða dreglinum Lífið Ásdís Rán býður forsetaefnum á rauða dregilinn Lífið Alltaf með jager skot í töskunni Tíska og hönnun Segir sjálfsvígin sárust Lífið „Leikmyndin er auðvitað algjört rusl“ Menning Bein útsending frá svartþrastahreiðri í Hvalfjarðarsveit Lífið Fleiri fréttir Stóðu upp og klöppuðu í fimm mínútur fyrir Ljósbroti Stjörnurnar vilja Spacey úr sjö ára útlegð Fundu föt við hæfi á síðustu stundu fyrir Cannes Fyrsta kitlan úr annarri seríu Rings of Power Sorgin allsráðandi í fyrstu stiklunni úr Ljósbrot Statham og Baltasar sameina krafta sína í væntanlegri hasarmynd Gefi raunsanna mynd af stefnumótahremmingum trans kvenna Potter-stjarna harmar hvernig fór með Rowling Gæsahúð og allur tilfinningaskalinn á forsýningu Mari Eltihrellirinn í Baby Reindeer íhugar að leita réttar síns Frumsýning á Vísi: Fyrsta stiklan úr Snertingu Frumsýning á Vísi: Segja þjóðinni loksins frá harðræðinu á vistheimilunum Ljósbrot meðal opnunarmynda í Cannes Hámhorfið: Hvað eru grafískir hönnuðir að horfa á? Cox segir Phoenix ömurlegan sem Napóleon Komu saman vegna þrjátíu ára afmælis Pulp Fiction Á slóðum Arabíu Lárens með Anthony Hopkins Keanu Reeves mun leika helsta keppinaut Sonic Fyrsta plakatið og önnur kitlan úr Snertingu Hámhorfið: Hvað eru landsliðskonur í knattspyrnu að horfa á? Fylgdi Mari Jaersk á æskuslóðir: „Hann stakk hníf inn í lungun á pabba tvisvar“ Rowling enn bitur út í Harry Potter-stjörnurnar Frumsýning á Vísi: Fyrsta kitlan úr Snertingu Bridget Jones 4 kemur út á næsta ári Mun túlka Springsteen Finna enn gríðarlega sterk áhrif Eurovision-myndarinnar Verður aftur laglega ljóskan Elle Woods Svar Íslands og Sviss við Forrest Gump mætir á skjáinn Sjá meira