Endurskapa töfrandi stund 28. febrúar 2017 13:00 Hallveig Rúnarsdóttir er tilnefnd til Íslensku tónlistarverðlaunanna sem besta söngkona í flokknum Sígild- og samtímatónlist. Hún var einnig tilnefnd 2014 fyrir frammistöðu sína í Ein deutsches Requiem sem hún syngur á ný á þriðjudag. Mynd/Vilhelm Hallveig Rúnarsdóttir sópransöngkona syngur í hinu magnaða kórverki Ein deutsches Requiem eftir Johannes Brahms sem Söngsveitin Fílharmónía flytur í Norðurljósasal Hörpu í kvöld, þriðjudaginn 28. febrúar. „Þegar ég söng verkið með kórnum fyrir rúmum tveimur árum var það afar töfrandi stund enda var viburðurinn tilnefndur til Íslensku tónlistarverðlaunanna sem tónlistarviðburður ársins 2014,“ segir Hallveig sem sömuleiðis var tilnefnd sem söngkona ársins fyrir flutning sinn í flokknum Sígild- og samtímatónlist. Hún er einnig tilnefnd til Íslensku tónlistarverðlaunanna í ár sem afhent verða í vikunni. „Verkið er ótrúlega fallegt og magnað að sitja á sviðinu og hlusta. Ég syng ekki nema einn kafla og fæ því að njóta verksins mjög vel,“ segir Hallveig og bætir glettin við að sólósöngvarar þurfi oft að sitja aðgerðarlausir í kórverkum en það sé varla vandamál í Ein deutsches Requiem þar sem verkið sé afar fallegt áheyrnar. Hallveig segir uppfærsluna á þriðjudaginn nánast þá sömu og fyrir tveimur árum. „Verkið er flutt í útsetningu fyrir tvö píanó og pákur. Kórinn er sá sami líkt og stjórnandinn, píanóleikararnir og pákuleikarinn en hins vegar syngur Ágúst Ólafsson með okkur núna í stað Kristins Sigmundssonar,“ segir Hallveig en tónleikarnir fara fram í Norðurljósum í ár í stað Langholtskirkju. „Ég mjög spennt að heyra hvernig verkið muni koma út í Norðurljósum.“Söngsveitin Fílharmónía flytur Ein deutsches Requiem undir stjórn Magnúsar Ragnarssonar.Í minningu móður og Schumanns Hið þýska requiem Brahms þykir afar krefjandi kórverk en er einnig sérstakt fyrir margra hluta sakir. „Í fyrsta lagi má nefna að það er samið og sungið á þýsku sem er afar óvenjulegt fyrir sálumessur sem iðulega eru á latínu,“ lýsir Hallveig en Brahms notaðist við þýskan texta lúterskrar útgáfu Biblíunnar. „Þá er stundum talað um verkið sem hina mannlegu sálumessu þar sem Brahms lagði mikla áherslu á að hugga eftirlifendur í verkinu þó hinn tragíski þráður sé aldrei langt undan.“ Upphaf sálumessunnar má rekja til sorga Brahms sjálfs. „Hann var góður vinur Robert Schumann og eiginkonu hans Clöru. Veikindi, sjálfsmorðstilraun og dauði Schumanns árið 1856 hafði mikil áhrif á hann en annar kafli sálumessunnar var upphaflega saminn sem hægur scherzo þáttur í sinfóníu sem Brahms vann að eftir fráfall Schumanns. Það var hins vegar andlát móður Brahms árið 1865 sem fékk hann til að semja sálumessuna enda var fráfall hennar honum mikið áfall,“ segir Hallveig og telur vel þess virði að koma og hlusta á Ein deutsches Requiem enda ekki á hverjum degi sem slíkar perlur klassískrar tónlistar séu fluttar.Margt annað á döfinni Hallveig hefur ýmis önnur járn í eldinum. „Ég syng Jóhannesarpassíu Bachs í byrjun apríl. Svo fer ég til Færeyja að syngja sumarmessuna eftir Mozart og er með tvö stór verkefni í maí. Annars vegar Guðbrandsmessuna eftir Hildigunni systur sem ég syng með Söngsveitinni Fílharmóníu og hins vegar óratoríuna Judas Maccabaeus eftir Händel.“ Tónleikarnir fara fram í Norðurljósasal Hörpu þriðjudaginn 28. febrúar klukkan 20. Miðasala á harpa.is Lífið Menning Mest lesið Steldu stílnum af konunum í forsetaframboði Tíska og hönnun Krakkatían: Frambjóðendur, rapparar og ofurhetjur Lífið Af vængjum fram: „Ég ætla ekkert að fara að gráta hérna“ Lífið Ásdís Rán býður forsetaefnum á rauða dregilinn Lífið Fréttatía vikunnar: Forsetakosningar, sjóslys og mýflugnafaraldur Lífið „Blessunarlega ekkert stoppaður af foreldrum mínum“ Tíska og hönnun Forseti Hæstaréttar og Kristján Loftsson í gámapartýi Lífið Heitustu trendin fyrir sumarið 2024 Lífið Hafa ekki sést saman í sjö vikur Lífið „Fengum ekki sjokk, en við fengum sjokk að hann væri með hjartagalla“ Lífið Fleiri fréttir „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Vilja vekja áhuga ungu kynslóðarinnar á töfrum klassískrar tónlistar Hildur, Rán og Ásta fá Barnabókaverðlaun Reykjavíkurborgar Bein útsending: Setning Barnamenningarhátíðar Besti vinur úlfanna hlakkar til að tengjast áhorfendum í Hörpu Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein Sjá meira
Hallveig Rúnarsdóttir sópransöngkona syngur í hinu magnaða kórverki Ein deutsches Requiem eftir Johannes Brahms sem Söngsveitin Fílharmónía flytur í Norðurljósasal Hörpu í kvöld, þriðjudaginn 28. febrúar. „Þegar ég söng verkið með kórnum fyrir rúmum tveimur árum var það afar töfrandi stund enda var viburðurinn tilnefndur til Íslensku tónlistarverðlaunanna sem tónlistarviðburður ársins 2014,“ segir Hallveig sem sömuleiðis var tilnefnd sem söngkona ársins fyrir flutning sinn í flokknum Sígild- og samtímatónlist. Hún er einnig tilnefnd til Íslensku tónlistarverðlaunanna í ár sem afhent verða í vikunni. „Verkið er ótrúlega fallegt og magnað að sitja á sviðinu og hlusta. Ég syng ekki nema einn kafla og fæ því að njóta verksins mjög vel,“ segir Hallveig og bætir glettin við að sólósöngvarar þurfi oft að sitja aðgerðarlausir í kórverkum en það sé varla vandamál í Ein deutsches Requiem þar sem verkið sé afar fallegt áheyrnar. Hallveig segir uppfærsluna á þriðjudaginn nánast þá sömu og fyrir tveimur árum. „Verkið er flutt í útsetningu fyrir tvö píanó og pákur. Kórinn er sá sami líkt og stjórnandinn, píanóleikararnir og pákuleikarinn en hins vegar syngur Ágúst Ólafsson með okkur núna í stað Kristins Sigmundssonar,“ segir Hallveig en tónleikarnir fara fram í Norðurljósum í ár í stað Langholtskirkju. „Ég mjög spennt að heyra hvernig verkið muni koma út í Norðurljósum.“Söngsveitin Fílharmónía flytur Ein deutsches Requiem undir stjórn Magnúsar Ragnarssonar.Í minningu móður og Schumanns Hið þýska requiem Brahms þykir afar krefjandi kórverk en er einnig sérstakt fyrir margra hluta sakir. „Í fyrsta lagi má nefna að það er samið og sungið á þýsku sem er afar óvenjulegt fyrir sálumessur sem iðulega eru á latínu,“ lýsir Hallveig en Brahms notaðist við þýskan texta lúterskrar útgáfu Biblíunnar. „Þá er stundum talað um verkið sem hina mannlegu sálumessu þar sem Brahms lagði mikla áherslu á að hugga eftirlifendur í verkinu þó hinn tragíski þráður sé aldrei langt undan.“ Upphaf sálumessunnar má rekja til sorga Brahms sjálfs. „Hann var góður vinur Robert Schumann og eiginkonu hans Clöru. Veikindi, sjálfsmorðstilraun og dauði Schumanns árið 1856 hafði mikil áhrif á hann en annar kafli sálumessunnar var upphaflega saminn sem hægur scherzo þáttur í sinfóníu sem Brahms vann að eftir fráfall Schumanns. Það var hins vegar andlát móður Brahms árið 1865 sem fékk hann til að semja sálumessuna enda var fráfall hennar honum mikið áfall,“ segir Hallveig og telur vel þess virði að koma og hlusta á Ein deutsches Requiem enda ekki á hverjum degi sem slíkar perlur klassískrar tónlistar séu fluttar.Margt annað á döfinni Hallveig hefur ýmis önnur járn í eldinum. „Ég syng Jóhannesarpassíu Bachs í byrjun apríl. Svo fer ég til Færeyja að syngja sumarmessuna eftir Mozart og er með tvö stór verkefni í maí. Annars vegar Guðbrandsmessuna eftir Hildigunni systur sem ég syng með Söngsveitinni Fílharmóníu og hins vegar óratoríuna Judas Maccabaeus eftir Händel.“ Tónleikarnir fara fram í Norðurljósasal Hörpu þriðjudaginn 28. febrúar klukkan 20. Miðasala á harpa.is
Lífið Menning Mest lesið Steldu stílnum af konunum í forsetaframboði Tíska og hönnun Krakkatían: Frambjóðendur, rapparar og ofurhetjur Lífið Af vængjum fram: „Ég ætla ekkert að fara að gráta hérna“ Lífið Ásdís Rán býður forsetaefnum á rauða dregilinn Lífið Fréttatía vikunnar: Forsetakosningar, sjóslys og mýflugnafaraldur Lífið „Blessunarlega ekkert stoppaður af foreldrum mínum“ Tíska og hönnun Forseti Hæstaréttar og Kristján Loftsson í gámapartýi Lífið Heitustu trendin fyrir sumarið 2024 Lífið Hafa ekki sést saman í sjö vikur Lífið „Fengum ekki sjokk, en við fengum sjokk að hann væri með hjartagalla“ Lífið Fleiri fréttir „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Vilja vekja áhuga ungu kynslóðarinnar á töfrum klassískrar tónlistar Hildur, Rán og Ásta fá Barnabókaverðlaun Reykjavíkurborgar Bein útsending: Setning Barnamenningarhátíðar Besti vinur úlfanna hlakkar til að tengjast áhorfendum í Hörpu Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein Sjá meira