Uppljóstrari segir galla í súrefniskerfi Dreamliner-véla Boeing Sunna Kristín Hilmarsdóttir skrifar 6. nóvember 2019 11:30 Turkish Airlines er á meðal þeirra flugfélaga sem notast við Dreamliner-vélar Boeing. vísir/getty Uppljóstrari sem starfaði í áratugi sem verkfræðingur í flugvélaverksmiðjum Boeing í Bandaríkjunum segir galla í súrefniskerfi 787 Dreamliner-vélanna geta leitt til súrefnisskorts á meðal flugfarþega ef þrýstingur fellur skyndilega í farþegarýminu. Prófanir sýni að allt að fjórðungur kerfanna sé gallaður og gæti því mögulega ekki virkað þegar þörf væri á. Uppljóstrarinn heitir John Barnett og starfaði hjá Boeing í 32 ár. Hann þurfti að hætta störfum árið 2017 vegna heilsufarsástæðna en frá árinu 2010 hafði hann starfað sem gæðastjóri í verksmiðju Boeing í Charleston í Suður-Karólínu. Í viðtali við BBC segir Barnett jafnframt að gallaðir hlutir séu settir vísvitandi í Boeing-vélar í einni af verksmiðjum fyrirtækisins en Boeing neitar því staðfastlega að nokkuð sé hæft í ásökunum Barnett. Ítrustu öryggis- og gæðakröfum sé fylgt við smíði flugvéla fyrirtækisins.Vandræði með MAX 737, 737-NG og Dreamliner Eins og kunnugt er hafa allar Boeing MAX 737-vélar í heiminum verið kyrrsettar síðan í mars síðastliðnum eftir tvö mannskæð flugslys, annars vegar í Indónesíu og hins vegar í Eþíópíu. Þá hafa 50 Boeing 737-NG-vélar verið kyrrsettar víða um heim eftir að sprunga á milli annars flugvélavængsins og flugvélaskrokksins kom í ljós. Talið er að um 7000 slíkar vélar séu í notkun á heimsvísu sem gerir Boeing 737-NG eina þá vinsælustu í heimi, að því er fram kemur í umfjöllun Guardian. Á meðal flugfélaga sem hafa kyrrsett Boeing 737-NG eru Ryanair og Qantas. Og svo er það 787 Dreamliner sem spjót Barnett beinast að. Sú vél er notuð víða um heim í lengri flugum og hefur skilað miklum tekjum í kassa Boeing, þrátt fyrir að byrjunin hafi ekki gengið þrautalaust fyrir sig eftir að 50 vélar voru kyrrsettar árið 2013 af öryggisástæðum.Mikill flýtir í framleiðslu bitni á öryggi Barnett segir að Boeing hafi verið í svo miklum flýti með framleiðslu 787 Dreamliner-vélanna að það hafi komið niður á öryggi þeirra. Þannig hafi hann árið 2016 orðið var við vandamál í súrefniskerfi vélanna. Hlutverk kerfisins er að koma í veg fyrir súrefnisskort hjá farþegum og áhöfn ef þrýstingur í farþegarýminu fellur skyndilega. Eins og þeir sem ferðast hafa með flugvélum þekkja eiga súrefnisgrímur þá að falla niður fyrir ofan farþegasætin og veita þær súrefni við aðstæður sem þessar. Ef slík kerfi virka ekki sem skyldi getur það haft alvarlegar afleiðingar ef þrýstingur fellur skyndilega. Í 35 þúsund fetum missir fólk meðvitund á innan við mínútu og í 40 þúsund fetum gerist það á innan við 20 sekúndum. Vegna þessa getur fólk orðið fyrir heilaskaða eða jafnvel dáið. Það er sjaldgæft að þrýstingur falli skyndilega í farþegarýminu en það gerðist í Boeing 737-700 vél Southwest Airlines í fyrra. Þá sprakk annar hreyfill vélarinnar með þeim afleiðingum að einn gluggi vélarinnar sprakk. Við það féll þrýstingurinn í farþegarýminu skyndilega en kona sem sat við gluggann lést.75 kerfi 300 virkuðu ekki sem skyldi Barnett segist hafa komist að því að sumir súrefniskútar í vélunum losuðu ekki súrefni á þann hátt sem þeir áttu að gera. Í kjölfarið hafi verið gerðar prófanir á 300 kerfum. 75 þeirra virkuðu ekki sem skyldi eða alls 25 prósent. Barnett segir að stjórnendur Boeing hafi komið í veg fyrir allar tilraunir hans til þess að líta nánar á málið. Þá kvartaði Barnett árið 2017 til bandaríska flugumferðareftirlitsins FAA að ekki hefði verið gripið til neinna aðgerða vegna gallanna í súrefniskerfunum. FAA kvaðst ekki staðfest þá fullyrðingu þar sem Boeing héldi því fram að verið væri að vinna í málinu. Boeing neitar ásökunum Barnett með öllu en segir þó að árið 2017 hafi það komið í ljós að nokkrir súrefniskútar sem fyrirtækið fékk frá tilteknum birgja virkuðu ekki sem skyldi. Kútarnir hafi verið fjarlægðir úr allri framleiðslu svo gallaðir kútar fóru ekki í neinar flugvélar. Þá hafi verið farið yfir málið með birgjanum. Boeing Fréttir af flugi Mest lesið Há laun og dýr bjór séu vandamál ÁTVR Viðskipti innlent „Svo hefst kapphlaupið í það hver er fyrstur að ná sturtunni!“ Atvinnulíf Dagar Workplace eru taldir Viðskipti erlent Rauf sátt vegna Max-málsins og gæti átt yfir höfði sér refsimál Viðskipti erlent Fyrirtæki hvött til að halda upp á daginn í dag og gera sér dagamun Atvinnulíf Fóru í fyrsta flugið milli Calgary og Keflavíkurflugvallar Viðskipti innlent Hnífjöfn atkvæðagreiðsla sem gæti endað fyrir dómi Viðskipti innlent Segir að Play sé og verði áfram með höfuðstöðvar á Íslandi Viðskipti innlent Segir arðgreiðslur ÁTVR hafa lækkað um 400 milljónir vegna netsölu Viðskipti innlent Fyrsta flugi Icelandair til Pittsburgh fagnað Viðskipti Fleiri fréttir Dagar Workplace eru taldir Rauf sátt vegna Max-málsins og gæti átt yfir höfði sér refsimál Apple biðst afsökunar á auglýsingu fyrir nýjan iPad Rannsaka hvort Tesla hafi blekkt neytendur og fjárfesta Taka bóluefni AstraZeneca úr sölu vegna dvínandi eftirspurnar Tekjur Apple drógust saman enn eina ferðina Stofnandi Binance dæmdur fyrir peningaþvætti Sagðir vilja frekar loka TikTok en selja Sækjast eftir fangelsisdómi yfir rafmyntakóngi Mikill samdráttur á hagnaði Tesla Ný kynslóð vélmenna vekur óhug Ólígarkar unnu mál vegna refsiaðgerða fyrir Evrópudómstól Gervigreind Amazon reyndist þúsund Indverjar Rekja meirihluta heimslosunar til 57 framleiðenda Í basli með viðhald og viðgerðir á olíuvinnslum Taylor Swift meðal 265 nýliða á milljarðamæringalista Forbes Wow lifir enn góðu lífi í undraheimi Roosevelt Edwards Sjá meira
Uppljóstrari sem starfaði í áratugi sem verkfræðingur í flugvélaverksmiðjum Boeing í Bandaríkjunum segir galla í súrefniskerfi 787 Dreamliner-vélanna geta leitt til súrefnisskorts á meðal flugfarþega ef þrýstingur fellur skyndilega í farþegarýminu. Prófanir sýni að allt að fjórðungur kerfanna sé gallaður og gæti því mögulega ekki virkað þegar þörf væri á. Uppljóstrarinn heitir John Barnett og starfaði hjá Boeing í 32 ár. Hann þurfti að hætta störfum árið 2017 vegna heilsufarsástæðna en frá árinu 2010 hafði hann starfað sem gæðastjóri í verksmiðju Boeing í Charleston í Suður-Karólínu. Í viðtali við BBC segir Barnett jafnframt að gallaðir hlutir séu settir vísvitandi í Boeing-vélar í einni af verksmiðjum fyrirtækisins en Boeing neitar því staðfastlega að nokkuð sé hæft í ásökunum Barnett. Ítrustu öryggis- og gæðakröfum sé fylgt við smíði flugvéla fyrirtækisins.Vandræði með MAX 737, 737-NG og Dreamliner Eins og kunnugt er hafa allar Boeing MAX 737-vélar í heiminum verið kyrrsettar síðan í mars síðastliðnum eftir tvö mannskæð flugslys, annars vegar í Indónesíu og hins vegar í Eþíópíu. Þá hafa 50 Boeing 737-NG-vélar verið kyrrsettar víða um heim eftir að sprunga á milli annars flugvélavængsins og flugvélaskrokksins kom í ljós. Talið er að um 7000 slíkar vélar séu í notkun á heimsvísu sem gerir Boeing 737-NG eina þá vinsælustu í heimi, að því er fram kemur í umfjöllun Guardian. Á meðal flugfélaga sem hafa kyrrsett Boeing 737-NG eru Ryanair og Qantas. Og svo er það 787 Dreamliner sem spjót Barnett beinast að. Sú vél er notuð víða um heim í lengri flugum og hefur skilað miklum tekjum í kassa Boeing, þrátt fyrir að byrjunin hafi ekki gengið þrautalaust fyrir sig eftir að 50 vélar voru kyrrsettar árið 2013 af öryggisástæðum.Mikill flýtir í framleiðslu bitni á öryggi Barnett segir að Boeing hafi verið í svo miklum flýti með framleiðslu 787 Dreamliner-vélanna að það hafi komið niður á öryggi þeirra. Þannig hafi hann árið 2016 orðið var við vandamál í súrefniskerfi vélanna. Hlutverk kerfisins er að koma í veg fyrir súrefnisskort hjá farþegum og áhöfn ef þrýstingur í farþegarýminu fellur skyndilega. Eins og þeir sem ferðast hafa með flugvélum þekkja eiga súrefnisgrímur þá að falla niður fyrir ofan farþegasætin og veita þær súrefni við aðstæður sem þessar. Ef slík kerfi virka ekki sem skyldi getur það haft alvarlegar afleiðingar ef þrýstingur fellur skyndilega. Í 35 þúsund fetum missir fólk meðvitund á innan við mínútu og í 40 þúsund fetum gerist það á innan við 20 sekúndum. Vegna þessa getur fólk orðið fyrir heilaskaða eða jafnvel dáið. Það er sjaldgæft að þrýstingur falli skyndilega í farþegarýminu en það gerðist í Boeing 737-700 vél Southwest Airlines í fyrra. Þá sprakk annar hreyfill vélarinnar með þeim afleiðingum að einn gluggi vélarinnar sprakk. Við það féll þrýstingurinn í farþegarýminu skyndilega en kona sem sat við gluggann lést.75 kerfi 300 virkuðu ekki sem skyldi Barnett segist hafa komist að því að sumir súrefniskútar í vélunum losuðu ekki súrefni á þann hátt sem þeir áttu að gera. Í kjölfarið hafi verið gerðar prófanir á 300 kerfum. 75 þeirra virkuðu ekki sem skyldi eða alls 25 prósent. Barnett segir að stjórnendur Boeing hafi komið í veg fyrir allar tilraunir hans til þess að líta nánar á málið. Þá kvartaði Barnett árið 2017 til bandaríska flugumferðareftirlitsins FAA að ekki hefði verið gripið til neinna aðgerða vegna gallanna í súrefniskerfunum. FAA kvaðst ekki staðfest þá fullyrðingu þar sem Boeing héldi því fram að verið væri að vinna í málinu. Boeing neitar ásökunum Barnett með öllu en segir þó að árið 2017 hafi það komið í ljós að nokkrir súrefniskútar sem fyrirtækið fékk frá tilteknum birgja virkuðu ekki sem skyldi. Kútarnir hafi verið fjarlægðir úr allri framleiðslu svo gallaðir kútar fóru ekki í neinar flugvélar. Þá hafi verið farið yfir málið með birgjanum.
Boeing Fréttir af flugi Mest lesið Há laun og dýr bjór séu vandamál ÁTVR Viðskipti innlent „Svo hefst kapphlaupið í það hver er fyrstur að ná sturtunni!“ Atvinnulíf Dagar Workplace eru taldir Viðskipti erlent Rauf sátt vegna Max-málsins og gæti átt yfir höfði sér refsimál Viðskipti erlent Fyrirtæki hvött til að halda upp á daginn í dag og gera sér dagamun Atvinnulíf Fóru í fyrsta flugið milli Calgary og Keflavíkurflugvallar Viðskipti innlent Hnífjöfn atkvæðagreiðsla sem gæti endað fyrir dómi Viðskipti innlent Segir að Play sé og verði áfram með höfuðstöðvar á Íslandi Viðskipti innlent Segir arðgreiðslur ÁTVR hafa lækkað um 400 milljónir vegna netsölu Viðskipti innlent Fyrsta flugi Icelandair til Pittsburgh fagnað Viðskipti Fleiri fréttir Dagar Workplace eru taldir Rauf sátt vegna Max-málsins og gæti átt yfir höfði sér refsimál Apple biðst afsökunar á auglýsingu fyrir nýjan iPad Rannsaka hvort Tesla hafi blekkt neytendur og fjárfesta Taka bóluefni AstraZeneca úr sölu vegna dvínandi eftirspurnar Tekjur Apple drógust saman enn eina ferðina Stofnandi Binance dæmdur fyrir peningaþvætti Sagðir vilja frekar loka TikTok en selja Sækjast eftir fangelsisdómi yfir rafmyntakóngi Mikill samdráttur á hagnaði Tesla Ný kynslóð vélmenna vekur óhug Ólígarkar unnu mál vegna refsiaðgerða fyrir Evrópudómstól Gervigreind Amazon reyndist þúsund Indverjar Rekja meirihluta heimslosunar til 57 framleiðenda Í basli með viðhald og viðgerðir á olíuvinnslum Taylor Swift meðal 265 nýliða á milljarðamæringalista Forbes Wow lifir enn góðu lífi í undraheimi Roosevelt Edwards Sjá meira