Útgöngubann vegna óeirða í kjölfar lögregluofbeldis Vésteinn Örn Pétursson skrifar 30. maí 2020 23:56 Mótmælendur í Chicago standa hér andspænis lögregluþjónum. Nam Y. Huh/AP Sex ríki Bandaríkjanna hið minnsta, auk Washington D.C., hafa óskað eftir stuðningi þjóðvarðliðs Bandaríkjanna vegna óeirða og mótmæla í kjölfar dauða George Floyd, svarts manns sem lést þegar hvítur lögreglumaður hélt honum niðri með hné sitt á hálsi hans í tæpar níu mínútur. Lögreglumaðurinn hefur nú verið ákærður fyrir morð. Andlát Floyd hefur vakið gríðarleg viðbrögð um gervöll Bandaríkin og ýtt undir háværa umræðu um ofbeldi lögreglunnar, sérstaklega gagnvart svörtu fólki. Ríkin sex sem hafa óskað eftir stuðningi þjóðvarðliðsins eru Minnesota, Georgia, Ohio, Colorado, Denver og Kentucky. George Floyd lést í haldi lögreglunnar í borginni Minneapolis í fyrstnefnda ríkinu. Búið er að koma á útgöngubanni víða, meðal annars í Minneapolis. Þar verður íbúum ekki leyft að fara út úr húsi frá átta í kvöld og verður þeim gert að halda sig innandyra til sólarupprásar. Eins verður íbúum Philadelphia-borgar í Pennsylvaníu gert að halda sig heima yfir nóttina, sem og íbúum Los Angeles í Kaliforníu. Sömu sögu er að sega í Atlanta í Georgíuríki. Hér að neðan má sjá ástandið í Philadelphia fyrr í dag. Stór hópur mótmælenda hafði komið saman og svartan reyk lagði yfir stórt svæði fyrir framan ráðhús borgarinnar. View this post on Instagram A post shared by •JayKountree• (@jaykountree) on May 30, 2020 at 3:18pm PDT Viðbúnaður í Minneapolis þrefaldaður Búist er við að óeirðir síðustu daga haldi áfram, eins og útgöngubönn og aðrar varúðarráðstafanir sem gripið hefur verið til kunna að gefa til kynna. Raunar eru mótmæli í gangi víða um Bandaríkin þegar þetta er skrifað, en þau hafa alla jafna færst í aukana eftir því sem liðið hefur á kvöldin. Mótmælendur í Washington D.C., höfuðborg Bandaríkjanna, unnu til að mynda í dag skemmdarverk á þremur bílum leyniþjónustunnar í grennd við Hvíta húsið, bústað forsetans. Mótmælendur brutu rúður og stóðu á þökum bílsins og kyrjuðu baráttuorð á borð við „Svört líf skipta máli!“ (e. Black lives matter) og „Ekkert réttæti, enginn friður!“ (e. No justice, no peace). Mótmælendur í Washington standa hér á bíl leyniþjónustunnar.Manuel Balce Ceneta/AP Viðbúnaður í Minneapolis í kvöld verður mun meiri en síðustu daga. Búið er að loka þó nokkrum hraðbrautum inn í borgina, þar sem yfirvöld óttast að utanaðkomandi aðilar ætli sér að fjölmenna í borgina og valda auknum usla og taka þátt í óeirðunum. Þá hefur almannavarnastofnun Minnesota sent frá sér yfirlýsingu á Twitter þar sem fram kemur að með hjálp þjóðvarðliðsins muni fjöldi löggæslumanna í borginni þrefaldast miðað við það sem sést hefur hingað til. Þannig séu viðbragðsaðilar tilbúnir að takast á við „flókið net skæruliðahernaðar,“ og er þar vísað til þeirra mótmælenda sem farið hafa fram með ofbeldi og skemmdarverkum síðustu kvöld. Mótmælandi heldur svínshöfði á lofti í Minneapolis. „Svín“ er níðyrði yfir lögreglumenn, sem einkum hefur verið notað yfir þá í tengslum við ofbeldi af þeirra hálfu í garð svartra Bandaríkjamanna.Star Tribune/Getty „Ekki drepa mig!“ Eins og áður segir var kveikja óeirðanna andlát George Floyd, sem lést í haldi lögreglunnar í Minneapolis. Verið var að setja Floyd í lögreglubíl þegar hann stífnaði upp og féll til jarðar. Floyd sagðist vera með innilokunarkennd og vildi ekki fara inn í bílinn. Þá komu lögreglumennirnir Derek Chauvin og Tou Thoa á vettvang og reyndu að koma Floyd í bílinn. Að endingu lögðu þeir hann flatan á jörðina, í handjárnum, og héldu honum þar. Chauvin setti hné sitt á háls Floyd og eftir nokkurn tíma spurði annar lögregluþjónn hvort ekki væri réttast að velta Floyd á hliðina. Chauvin vildi það ekki. Floyd heyrist hrópa: „Ég næ ekki andanum,“ og „ekki drepa mig!“ þar sem hann liggur á jörðinni í tökum Chauvin. Vegfarendur sem fylgdust með báðu lögreglumanninn um að létta á takinu og bentu á að Floyd lægi hreyfingarlaus. Myndband af atvikinu hefur farið um netið eins og eldur í sinu. Það má nálgast hér, en rétt er að vara við efni myndbandsins. Það er vægast sagt sláandi og gæti reynst viðkvæmari lesendum erfitt áhorfs. Mynd af lögreglumanninum Derek Chauvin, eftir að hann var handtekinn. Hann hefur nú verið ákærður fyrir morðið á George Floyd.RCSO/AP Bandaríkin Kynþáttafordómar Dauði George Floyd Black Lives Matter Tengdar fréttir Búast við frekari óeirðum í Minneapolis í nótt Tim Walz, ríkisstjóri Minnesota, segist ekki hafa nægt mannafl til að stöðva mótmæli og óeirðir í Minneapolis og býst hann við að næsta nótt verði erfið. 30. maí 2020 14:48 Mótmælin teygja anga sína víðar um Bandaríkin Mótmæli vegna dauða George Floyd teygja nú anga sína víðsvegar um Bandaríkin. Þau hafa staðið yfir í fjóra daga. 30. maí 2020 08:00 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Þrjátíu ár fyrir árásina á mann þingforsetans Erlent Heyrði mikla skruðninga í Hítárdal fyrir miðnætti á föstudag Innlent Veiðiþjófar stálu frá barni við Hítarvatn Innlent Dregur saman með efstu frambjóðendum Innlent Helga aðeins 15 mínútur að landa fyrsta laxinum Innlent Ætlar alla leið í baráttu fyrir nafninu sínu Innlent Heimamanna bíður það verkefni að finna nafn á nýja lónið sem er komið til að vera Innlent Hítará hefur fundið sér nýjan farveg Innlent Fresta íbúakosningu í Ölfusi um mölunarverksmiðju Innlent Veiðileyfasali fékk engar bætur dæmdar fyrir þjófnað í Kjarrá Innlent Fleiri fréttir Þrjátíu ár fyrir árásina á mann þingforsetans Segir Rússa ekki hafa í hyggju að taka Kharkív Viðtal á Stöð 2 kveikir upp í færeyskum stjórnmálum Reyndi að kveikja í bænahúsi gyðinga og var skotinn til bana Spánverjar neita skipi með vopn innanborðs um að leggja að bryggju „Einfari“ ákærður fyrir tilræðið við Fico Hver er Robert Fico? Neyðarástandi lýst yfir á Nýju-Kaledóníu eftir miklar óeirðir Ágreiningur innan stjórnarinnar brýst upp á yfirborðið Hægriflokkar ná saman um myndun ríkisstjórnar Samið um kappræður í júní og september Fico ekki talinn í lífshættu Þróun ES-30 flugvélarinnar flutt frá Svíþjóð til Kaliforníu Þetta er vitað um árásarmanninn Biden skorar á Trump Forsætisráðherra Slóvakíu í lífshættu eftir skotárás Þverpólitískar tillögur um viðbrögð vegna gervigreindar FIFA byrjað að vinda ofan af umbótum eftir spillingarhneykslið Fulltrúar Talíbana á ráðstefnu í Ósló Fyrsta opinbera málverkið af konunginum Karli III afhjúpað í gær Gróðureldar ógna olíuvinnslumiðstöð í Kanada Gríðarleg leit gerð að mönnum sem frelsuðu fanga í Frakklandi Skriðdrekar Ísraelshers komnir inn í íbúðahverfi í Rafah Framámaður AfD sektaður fyrir að nota slagorð nasista Vill bjóða NATO að byggja nýjan flugvöll í Færeyjum Þorir að veðja bjór á að hún verði áfram forsætisráðherra Lokað á grein um barnadráp í Bretlandi Drápu fangaverði og hjálpuðu fanga að strjúka „Rússnesku lögin“ samþykkt í Georgíu Bendlaði Trump beint við þagnargreiðslurnar Sjá meira
Sex ríki Bandaríkjanna hið minnsta, auk Washington D.C., hafa óskað eftir stuðningi þjóðvarðliðs Bandaríkjanna vegna óeirða og mótmæla í kjölfar dauða George Floyd, svarts manns sem lést þegar hvítur lögreglumaður hélt honum niðri með hné sitt á hálsi hans í tæpar níu mínútur. Lögreglumaðurinn hefur nú verið ákærður fyrir morð. Andlát Floyd hefur vakið gríðarleg viðbrögð um gervöll Bandaríkin og ýtt undir háværa umræðu um ofbeldi lögreglunnar, sérstaklega gagnvart svörtu fólki. Ríkin sex sem hafa óskað eftir stuðningi þjóðvarðliðsins eru Minnesota, Georgia, Ohio, Colorado, Denver og Kentucky. George Floyd lést í haldi lögreglunnar í borginni Minneapolis í fyrstnefnda ríkinu. Búið er að koma á útgöngubanni víða, meðal annars í Minneapolis. Þar verður íbúum ekki leyft að fara út úr húsi frá átta í kvöld og verður þeim gert að halda sig innandyra til sólarupprásar. Eins verður íbúum Philadelphia-borgar í Pennsylvaníu gert að halda sig heima yfir nóttina, sem og íbúum Los Angeles í Kaliforníu. Sömu sögu er að sega í Atlanta í Georgíuríki. Hér að neðan má sjá ástandið í Philadelphia fyrr í dag. Stór hópur mótmælenda hafði komið saman og svartan reyk lagði yfir stórt svæði fyrir framan ráðhús borgarinnar. View this post on Instagram A post shared by •JayKountree• (@jaykountree) on May 30, 2020 at 3:18pm PDT Viðbúnaður í Minneapolis þrefaldaður Búist er við að óeirðir síðustu daga haldi áfram, eins og útgöngubönn og aðrar varúðarráðstafanir sem gripið hefur verið til kunna að gefa til kynna. Raunar eru mótmæli í gangi víða um Bandaríkin þegar þetta er skrifað, en þau hafa alla jafna færst í aukana eftir því sem liðið hefur á kvöldin. Mótmælendur í Washington D.C., höfuðborg Bandaríkjanna, unnu til að mynda í dag skemmdarverk á þremur bílum leyniþjónustunnar í grennd við Hvíta húsið, bústað forsetans. Mótmælendur brutu rúður og stóðu á þökum bílsins og kyrjuðu baráttuorð á borð við „Svört líf skipta máli!“ (e. Black lives matter) og „Ekkert réttæti, enginn friður!“ (e. No justice, no peace). Mótmælendur í Washington standa hér á bíl leyniþjónustunnar.Manuel Balce Ceneta/AP Viðbúnaður í Minneapolis í kvöld verður mun meiri en síðustu daga. Búið er að loka þó nokkrum hraðbrautum inn í borgina, þar sem yfirvöld óttast að utanaðkomandi aðilar ætli sér að fjölmenna í borgina og valda auknum usla og taka þátt í óeirðunum. Þá hefur almannavarnastofnun Minnesota sent frá sér yfirlýsingu á Twitter þar sem fram kemur að með hjálp þjóðvarðliðsins muni fjöldi löggæslumanna í borginni þrefaldast miðað við það sem sést hefur hingað til. Þannig séu viðbragðsaðilar tilbúnir að takast á við „flókið net skæruliðahernaðar,“ og er þar vísað til þeirra mótmælenda sem farið hafa fram með ofbeldi og skemmdarverkum síðustu kvöld. Mótmælandi heldur svínshöfði á lofti í Minneapolis. „Svín“ er níðyrði yfir lögreglumenn, sem einkum hefur verið notað yfir þá í tengslum við ofbeldi af þeirra hálfu í garð svartra Bandaríkjamanna.Star Tribune/Getty „Ekki drepa mig!“ Eins og áður segir var kveikja óeirðanna andlát George Floyd, sem lést í haldi lögreglunnar í Minneapolis. Verið var að setja Floyd í lögreglubíl þegar hann stífnaði upp og féll til jarðar. Floyd sagðist vera með innilokunarkennd og vildi ekki fara inn í bílinn. Þá komu lögreglumennirnir Derek Chauvin og Tou Thoa á vettvang og reyndu að koma Floyd í bílinn. Að endingu lögðu þeir hann flatan á jörðina, í handjárnum, og héldu honum þar. Chauvin setti hné sitt á háls Floyd og eftir nokkurn tíma spurði annar lögregluþjónn hvort ekki væri réttast að velta Floyd á hliðina. Chauvin vildi það ekki. Floyd heyrist hrópa: „Ég næ ekki andanum,“ og „ekki drepa mig!“ þar sem hann liggur á jörðinni í tökum Chauvin. Vegfarendur sem fylgdust með báðu lögreglumanninn um að létta á takinu og bentu á að Floyd lægi hreyfingarlaus. Myndband af atvikinu hefur farið um netið eins og eldur í sinu. Það má nálgast hér, en rétt er að vara við efni myndbandsins. Það er vægast sagt sláandi og gæti reynst viðkvæmari lesendum erfitt áhorfs. Mynd af lögreglumanninum Derek Chauvin, eftir að hann var handtekinn. Hann hefur nú verið ákærður fyrir morðið á George Floyd.RCSO/AP
Bandaríkin Kynþáttafordómar Dauði George Floyd Black Lives Matter Tengdar fréttir Búast við frekari óeirðum í Minneapolis í nótt Tim Walz, ríkisstjóri Minnesota, segist ekki hafa nægt mannafl til að stöðva mótmæli og óeirðir í Minneapolis og býst hann við að næsta nótt verði erfið. 30. maí 2020 14:48 Mótmælin teygja anga sína víðar um Bandaríkin Mótmæli vegna dauða George Floyd teygja nú anga sína víðsvegar um Bandaríkin. Þau hafa staðið yfir í fjóra daga. 30. maí 2020 08:00 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Þrjátíu ár fyrir árásina á mann þingforsetans Erlent Heyrði mikla skruðninga í Hítárdal fyrir miðnætti á föstudag Innlent Veiðiþjófar stálu frá barni við Hítarvatn Innlent Dregur saman með efstu frambjóðendum Innlent Helga aðeins 15 mínútur að landa fyrsta laxinum Innlent Ætlar alla leið í baráttu fyrir nafninu sínu Innlent Heimamanna bíður það verkefni að finna nafn á nýja lónið sem er komið til að vera Innlent Hítará hefur fundið sér nýjan farveg Innlent Fresta íbúakosningu í Ölfusi um mölunarverksmiðju Innlent Veiðileyfasali fékk engar bætur dæmdar fyrir þjófnað í Kjarrá Innlent Fleiri fréttir Þrjátíu ár fyrir árásina á mann þingforsetans Segir Rússa ekki hafa í hyggju að taka Kharkív Viðtal á Stöð 2 kveikir upp í færeyskum stjórnmálum Reyndi að kveikja í bænahúsi gyðinga og var skotinn til bana Spánverjar neita skipi með vopn innanborðs um að leggja að bryggju „Einfari“ ákærður fyrir tilræðið við Fico Hver er Robert Fico? Neyðarástandi lýst yfir á Nýju-Kaledóníu eftir miklar óeirðir Ágreiningur innan stjórnarinnar brýst upp á yfirborðið Hægriflokkar ná saman um myndun ríkisstjórnar Samið um kappræður í júní og september Fico ekki talinn í lífshættu Þróun ES-30 flugvélarinnar flutt frá Svíþjóð til Kaliforníu Þetta er vitað um árásarmanninn Biden skorar á Trump Forsætisráðherra Slóvakíu í lífshættu eftir skotárás Þverpólitískar tillögur um viðbrögð vegna gervigreindar FIFA byrjað að vinda ofan af umbótum eftir spillingarhneykslið Fulltrúar Talíbana á ráðstefnu í Ósló Fyrsta opinbera málverkið af konunginum Karli III afhjúpað í gær Gróðureldar ógna olíuvinnslumiðstöð í Kanada Gríðarleg leit gerð að mönnum sem frelsuðu fanga í Frakklandi Skriðdrekar Ísraelshers komnir inn í íbúðahverfi í Rafah Framámaður AfD sektaður fyrir að nota slagorð nasista Vill bjóða NATO að byggja nýjan flugvöll í Færeyjum Þorir að veðja bjór á að hún verði áfram forsætisráðherra Lokað á grein um barnadráp í Bretlandi Drápu fangaverði og hjálpuðu fanga að strjúka „Rússnesku lögin“ samþykkt í Georgíu Bendlaði Trump beint við þagnargreiðslurnar Sjá meira
Búast við frekari óeirðum í Minneapolis í nótt Tim Walz, ríkisstjóri Minnesota, segist ekki hafa nægt mannafl til að stöðva mótmæli og óeirðir í Minneapolis og býst hann við að næsta nótt verði erfið. 30. maí 2020 14:48
Mótmælin teygja anga sína víðar um Bandaríkin Mótmæli vegna dauða George Floyd teygja nú anga sína víðsvegar um Bandaríkin. Þau hafa staðið yfir í fjóra daga. 30. maí 2020 08:00