Samgönguáætlun næstu fimmtán ára samþykkt á Alþingi Hallgerður Kolbrún E. Jónsdóttir skrifar 30. júní 2020 11:00 Samgönguáætlun næstu fimmtán ára var samþykkt á Alþingi í gærkvöldi. Með henni verður tæpum 633 milljörðum króna varið í málaflokkinn á tímabilinu. Vísir/Vilhelm Tillaga til þingsályktunar um samgönguáætlun fyrir tímabilið 2020-2034 var samþykkt í gærkvöldi á Alþingi með 55 samhljóða atkvæðum. Tillagan felur í sér endurskoðaða samgönguáætlun til fimmtán ára á grunni þeirrar sem samþykkt var á Alþingi síðasta vetur. Bein framlög til samgöngumála munu nema alls tæpum 633 milljörðum króna á fimmtán ára tímabili samgönguáætlunar. Til vegagerðar munu falla tæpir 560 milljarðar, um 37 milljarðar til flugvalla og flugleiðsögu, rúmir 14 milljarðar til hafnarmála, rúmir 19 milljarðar í stjórnsýslu, öryggi og eftirlit og rúmir 2,5 milljarðar til Rannsóknarnefndar samgönguslysa. Áætlunin hefur valdið miklu fjaðrafoki á Alþingi og var Miðflokkurinn meðal annars sakaður um málþóf. Þingmenn Miðflokksins höfðu lýst andstöðu við þann hluta áætlunar er varðar borgarlínu og innanlandsflug. Við endurskoðun samgönguáætlunarinnar var samþykkt að auka framlög til vegagerðar umtalsvert. Þeim fjármunum verður meðal annars varið í aukin framlög til nýframkvæmda og viðhalds vega og þjónustu. Þá verður fjölmörgum framkvæmdum flýtt á tímabili áætlunarinnar með sérstakri áherslu á að bæta umferðaröryggi og tengingar á milli byggða. Þá er í áætluninni falin sérstök jarðgangaáætlun og í henni er meðal annars gert ráð fyrir að framkvæmdir við Fjarðarheiðargöng hefjist árið 2022. Fjarðarheiðargöng verða sett í forgang en í kjölfarið hefjast framkvæmdir á göngum milli Seyðisfjarðar og Mjóafjarðar og síðan Mjóafjarðar og Norðfjarðar. Þar með verði komið á hringtengingu á svæðinu. Sem hluti af samgönguáætlun fyrir næstu fimmtán árin var einnig samþykkt tillaga um samgönguáætlun næstu fimm ára en útgjöld í málaflokkinn munu aukast um fjóra milljarða á ári 2020-2024. Reykjavíkurflugvöllur þjónar enn innanlandsflugi Tillaga Björns Leví Gunnarssonar, þingmanns Pírata, um að flytja skuli Reykjavíkurflugvöll svo fljótt sem auðið er var felld með 47 atkvæðum. Tillagan var gerð á grein sem segir til um að Reykjavíkurflugvöllur skuli áfram sinna innanlandsflugi með fullnægjandi hætti á meðan annar jafn góður eða betri kostur sé ekki fyrir hendi. Með tillögunni lagði Björn til að flugvöllurinn skyldi færður eins fljótt og auðið er en hann gæti enn þjónað innanlandsflugi þar til nýr flugvöllur hefði verið byggður. Þá var önnur breytingatillaga hans felld en hann lagði til að ekki væri heimilt að innheimta veggjöld. Björn hefur ítrekað gagnrýnt það að veggjöld skuli heimil. Hann hefur meðal annars greint frá því að með veggjöldum sé miðað að því að fjármagna og flýta ýmsum framkvæmdum og bæta nýjum við. Samvinnuverkefni ríkis og opinberra aðila Þá var lagt til samþykkis frumvarp um Samvinnuverkefni um samgönguframkvæmdir sem samþykkt var með 35 atkvæðum gegn einu. Nítján sátu hjá. Með verkefninu er lögð enn meiri áhersla í samgönguáætluninni á aukna samvinnu milli hins opinbera og einkaaðila við hraða uppbyggingu framkvæmda. Ríkinu verður þar með heimilað að semja við einkaaðila um tilteknar framkvæmdir. Meðal þess sem áætlað er að verði samið um eru: Hringvegur norðaustan Selfoss og brú á Ölfusá, hringvegur um Hornafjarðarfljót, Axarvegur, tvöföldun Hvalfjarðarganga, hringvegur um Mýrdal, jarðgöng í Reynisfjalli og Sundabraut. Frumvarpið hefur verið umdeilt og hefur Sigurður Ingi Jóhannsson, samgöngu- og sveitarstjórnarráðherra, meðal annars verið sakaður um að koma því í gegn um þingið í skugga kórónuveirufárs, sem hann hefur alfarið vísað á bug. Þá hefur Andrés Ingi Jónsson, þingmaður utan flokka, sagt að með frumvarpinu sé grímulaust verið að hygla verktökum á kostnað almennings. Einkaaðilum sé með þessu kleift að færa í eigin vasa um 20 til 30 prósent af kostnaði. Alþingi Samgöngur Sundabraut Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Litaðir seðlar til skoðunar og málið á mjög viðkvæmu stigi Innlent Úrskurðurinn felldur úr gildi Innlent Forsetavaktin 2024: Hver verður sjöundi forseti lýðveldisins? Innlent Yrði gagnkynhneigður maður spurður sömu spurningar? Innlent Sagðist ætla að nota tíu milljón króna kókaín allt sjálfur Innlent Íslensk stjórnvöld haldin „sjúkri undirgefni“ Innlent Sinueldur í Munaðarneslandi Innlent Þrjú hundruð handtekin í Columbia-háskóla Erlent Sér eftir Landsdómsmálinu: „Ég myndi aldrei gera þetta svona aftur“ Innlent „Hinsegin fólk þekkir vel að vera smættað niður í einkalíf sitt“ Innlent Fleiri fréttir „Það er hart sótt að okkar fólki“ Nemendur Flóaskóla slá í gegn með Langspilin sín Háskólanemar halda lautarferð og stofna hreyfingu fyrir Palestínu Jarðhræringar á Reykjanesi, flug til Færeyja og verkalýðsdagurinn Úrskurðurinn felldur úr gildi Vill hinn almenna launamann á þing Sinueldur í Munaðarneslandi Íslensk stjórnvöld haldin „sjúkri undirgefni“ Barn á Akureyri greindist með kíghósta Íslensk fjara á lista yfir bestu strendur heims Beint: Hátíðarhöld á verkalýðsdaginn 2024 Sniglar hægja á umferð Yrði gagnkynhneigður maður spurður sömu spurningar? Verkalýðsbaráttan aldrei verið jafn mikilvæg Einkamálefni forsetaframbjóðanda, verkalýðsdagurinn og háskólamótmæli „Hinsegin fólk þekkir vel að vera smættað niður í einkalíf sitt“ Hátíðardagskrá víða um land á verkalýðsdaginn Litaðir seðlar til skoðunar og málið á mjög viðkvæmu stigi Sagðist ætla að nota tíu milljón króna kókaín allt sjálfur Arnór Sighvatsson settur varaseðlabankastjóri fjármálastöðugleika Sér eftir Landsdómsmálinu: „Ég myndi aldrei gera þetta svona aftur“ Íslenskar stjörnur fái peninga að gjöf til að leggja undir í veðmálum Hjólastólinn í „tengdamömmuboxi“ á toppi bílsins Gæti dregið til tíðinda á næstu klukkustundum Fallið frá ráðningarferli og Hermann fylgir Sigurði Inga Allt að fimm milljóna króna sekt á hvern fisk Gamla stjarnan þótti ekki henta nútímakröfum Ekkert eftirlit með veðmálasíðum, landris við Svartsengi og milljónasektir fyrir eldislax Facebook-hakkið hafi ekki áhrif á rannsóknina Hver er Kári Hansen? Sjá meira
Tillaga til þingsályktunar um samgönguáætlun fyrir tímabilið 2020-2034 var samþykkt í gærkvöldi á Alþingi með 55 samhljóða atkvæðum. Tillagan felur í sér endurskoðaða samgönguáætlun til fimmtán ára á grunni þeirrar sem samþykkt var á Alþingi síðasta vetur. Bein framlög til samgöngumála munu nema alls tæpum 633 milljörðum króna á fimmtán ára tímabili samgönguáætlunar. Til vegagerðar munu falla tæpir 560 milljarðar, um 37 milljarðar til flugvalla og flugleiðsögu, rúmir 14 milljarðar til hafnarmála, rúmir 19 milljarðar í stjórnsýslu, öryggi og eftirlit og rúmir 2,5 milljarðar til Rannsóknarnefndar samgönguslysa. Áætlunin hefur valdið miklu fjaðrafoki á Alþingi og var Miðflokkurinn meðal annars sakaður um málþóf. Þingmenn Miðflokksins höfðu lýst andstöðu við þann hluta áætlunar er varðar borgarlínu og innanlandsflug. Við endurskoðun samgönguáætlunarinnar var samþykkt að auka framlög til vegagerðar umtalsvert. Þeim fjármunum verður meðal annars varið í aukin framlög til nýframkvæmda og viðhalds vega og þjónustu. Þá verður fjölmörgum framkvæmdum flýtt á tímabili áætlunarinnar með sérstakri áherslu á að bæta umferðaröryggi og tengingar á milli byggða. Þá er í áætluninni falin sérstök jarðgangaáætlun og í henni er meðal annars gert ráð fyrir að framkvæmdir við Fjarðarheiðargöng hefjist árið 2022. Fjarðarheiðargöng verða sett í forgang en í kjölfarið hefjast framkvæmdir á göngum milli Seyðisfjarðar og Mjóafjarðar og síðan Mjóafjarðar og Norðfjarðar. Þar með verði komið á hringtengingu á svæðinu. Sem hluti af samgönguáætlun fyrir næstu fimmtán árin var einnig samþykkt tillaga um samgönguáætlun næstu fimm ára en útgjöld í málaflokkinn munu aukast um fjóra milljarða á ári 2020-2024. Reykjavíkurflugvöllur þjónar enn innanlandsflugi Tillaga Björns Leví Gunnarssonar, þingmanns Pírata, um að flytja skuli Reykjavíkurflugvöll svo fljótt sem auðið er var felld með 47 atkvæðum. Tillagan var gerð á grein sem segir til um að Reykjavíkurflugvöllur skuli áfram sinna innanlandsflugi með fullnægjandi hætti á meðan annar jafn góður eða betri kostur sé ekki fyrir hendi. Með tillögunni lagði Björn til að flugvöllurinn skyldi færður eins fljótt og auðið er en hann gæti enn þjónað innanlandsflugi þar til nýr flugvöllur hefði verið byggður. Þá var önnur breytingatillaga hans felld en hann lagði til að ekki væri heimilt að innheimta veggjöld. Björn hefur ítrekað gagnrýnt það að veggjöld skuli heimil. Hann hefur meðal annars greint frá því að með veggjöldum sé miðað að því að fjármagna og flýta ýmsum framkvæmdum og bæta nýjum við. Samvinnuverkefni ríkis og opinberra aðila Þá var lagt til samþykkis frumvarp um Samvinnuverkefni um samgönguframkvæmdir sem samþykkt var með 35 atkvæðum gegn einu. Nítján sátu hjá. Með verkefninu er lögð enn meiri áhersla í samgönguáætluninni á aukna samvinnu milli hins opinbera og einkaaðila við hraða uppbyggingu framkvæmda. Ríkinu verður þar með heimilað að semja við einkaaðila um tilteknar framkvæmdir. Meðal þess sem áætlað er að verði samið um eru: Hringvegur norðaustan Selfoss og brú á Ölfusá, hringvegur um Hornafjarðarfljót, Axarvegur, tvöföldun Hvalfjarðarganga, hringvegur um Mýrdal, jarðgöng í Reynisfjalli og Sundabraut. Frumvarpið hefur verið umdeilt og hefur Sigurður Ingi Jóhannsson, samgöngu- og sveitarstjórnarráðherra, meðal annars verið sakaður um að koma því í gegn um þingið í skugga kórónuveirufárs, sem hann hefur alfarið vísað á bug. Þá hefur Andrés Ingi Jónsson, þingmaður utan flokka, sagt að með frumvarpinu sé grímulaust verið að hygla verktökum á kostnað almennings. Einkaaðilum sé með þessu kleift að færa í eigin vasa um 20 til 30 prósent af kostnaði.
Alþingi Samgöngur Sundabraut Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Litaðir seðlar til skoðunar og málið á mjög viðkvæmu stigi Innlent Úrskurðurinn felldur úr gildi Innlent Forsetavaktin 2024: Hver verður sjöundi forseti lýðveldisins? Innlent Yrði gagnkynhneigður maður spurður sömu spurningar? Innlent Sagðist ætla að nota tíu milljón króna kókaín allt sjálfur Innlent Íslensk stjórnvöld haldin „sjúkri undirgefni“ Innlent Sinueldur í Munaðarneslandi Innlent Þrjú hundruð handtekin í Columbia-háskóla Erlent Sér eftir Landsdómsmálinu: „Ég myndi aldrei gera þetta svona aftur“ Innlent „Hinsegin fólk þekkir vel að vera smættað niður í einkalíf sitt“ Innlent Fleiri fréttir „Það er hart sótt að okkar fólki“ Nemendur Flóaskóla slá í gegn með Langspilin sín Háskólanemar halda lautarferð og stofna hreyfingu fyrir Palestínu Jarðhræringar á Reykjanesi, flug til Færeyja og verkalýðsdagurinn Úrskurðurinn felldur úr gildi Vill hinn almenna launamann á þing Sinueldur í Munaðarneslandi Íslensk stjórnvöld haldin „sjúkri undirgefni“ Barn á Akureyri greindist með kíghósta Íslensk fjara á lista yfir bestu strendur heims Beint: Hátíðarhöld á verkalýðsdaginn 2024 Sniglar hægja á umferð Yrði gagnkynhneigður maður spurður sömu spurningar? Verkalýðsbaráttan aldrei verið jafn mikilvæg Einkamálefni forsetaframbjóðanda, verkalýðsdagurinn og háskólamótmæli „Hinsegin fólk þekkir vel að vera smættað niður í einkalíf sitt“ Hátíðardagskrá víða um land á verkalýðsdaginn Litaðir seðlar til skoðunar og málið á mjög viðkvæmu stigi Sagðist ætla að nota tíu milljón króna kókaín allt sjálfur Arnór Sighvatsson settur varaseðlabankastjóri fjármálastöðugleika Sér eftir Landsdómsmálinu: „Ég myndi aldrei gera þetta svona aftur“ Íslenskar stjörnur fái peninga að gjöf til að leggja undir í veðmálum Hjólastólinn í „tengdamömmuboxi“ á toppi bílsins Gæti dregið til tíðinda á næstu klukkustundum Fallið frá ráðningarferli og Hermann fylgir Sigurði Inga Allt að fimm milljóna króna sekt á hvern fisk Gamla stjarnan þótti ekki henta nútímakröfum Ekkert eftirlit með veðmálasíðum, landris við Svartsengi og milljónasektir fyrir eldislax Facebook-hakkið hafi ekki áhrif á rannsóknina Hver er Kári Hansen? Sjá meira