Segjast hafa fylgt öllum reglum en fengið morðhótanir fyrir Stefán Ó. Jónsson skrifar 8. júlí 2020 11:21 Hópurinn hefur ekið um landið á sex bílum, til að mynda þessum hér. bureko cz Tékknesku jeppakarlarnir sem sakaðir voru um utanvegaakstur segjast ekki hafa komið til Íslands til að tæta upp íslenska náttúru. Þvert á móti beri þeir virðingu fyrir henni, þeir hafi áður ferðast um landið og þekki reglurnar sem hér gilda. Akstur þeirra um Suðurland hafi þannig allur verið innan ramma laganna. Þeim þykir miður að hafa valdið illindum með akstrinum, sem hafi skilað þeim morðhótunum frá íslenskum netverjum. Óhætt er að segja að ferðalag Tékkanna hafi vakið meiri athygli en þeir gátu gert sér í hugarlund. Eftir að þeir birtu myndir og myndskeið af akstri sínum um Suðurland sagðist lögreglan vilja ná tali af þeim. Varðstjóri sem Vísir ræddi við í gær taldi myndefnið sýna utanvegaakstur og því þyrfti að hafa uppi á þeim tékknesku. Lögreglan náði að endingu tali af þeim í miðborg Reykjavíkur og er málinu lokið af hálfu lögreglunnar. Ekki var talið tilefni til að sekta Tékkana. Urgur í virkum Akstur þeirra vakti engu að síður hörð viðbrögð, bæði í athugasemdakerfum vefmiðlanna sem og á sjálfri Facebook-síðu Bureko, bifreiðaverkstæðisins sem skipulagði Íslandsferðina. Þangað flykktust Íslendingar til að lesa yfir hausamótunum á Tékkunum, sögðu þeim að hypja sig aftur til meginlandsins og að nærveru slíkra umhverfissóða væri ekki óskað á Íslandi. Netníðið var slíkt að hópurinn ákvað að eyða flestum færslum sínum frá Íslandi. „Í fyrsta lagi komum við ekki hingað til að „rústa náttúrunni“ eins og mörg ykkar vilja meina,“ skrifa Tékkarnir í yfirlýsingu sem þeir sendu frá sér í morgun. Þetta sé ekki í fyrsta sinn sem þeir koma hingað til lands og segjast þeir bera virðingu fyrir sambandi Íslendinga við náttúruna. „Við vitum hvert við megum fara, við gistum á hótelum og tjaldsvæðum, við fylgjum reglunum hér,“ skrifa þeir. Tékkarnir segjast varla hafa getað beðið eftir því að koma aftur hingað til lands. Því til staðfestingar nefna þeir að ákveðið hafi verið að bóka ferð með einni fyrstu ferð Norrænu til Íslands eftir að létt var á ferðatakmörkunum. Þeir hafi jafnframt farið í kórónuveiruskimun við komuna til landsins - „til þess eins að upplifa fegurð eyjunnar aftur.“ Tékkarnir segjast því harma það að þeir skuli hafi verið teiknaðir upp sem villimenn fyrir akstur sinn, sem þeir segja hafa fullkomlega verið innan ramma laganna. Jeppakarlanir segjast aðeins hafa ekið á slóðum þar sem Íslendingar aki sjálfir og birta myndbandið hér að neðan því til staðfestingar. Myndbandið sýnir smárútu, ekki á þeirra vegum, aka yfir fljót í Þórsmörk. Tékkarnir óku sömu leið í upphafi vikunnar, sem netverjum þótti gagnrýnivert. „Berið aksturinn saman, var okkar eitthvað öðruvísi?“ Samstarfsfúsir og sluppu við sekt Eftir að lýst var eftir hópnum hafði lögreglan loks uppi á honum síðdegis í gær, en þá voru Tékkarnir komnir til Reykjavíkur. Þeir segja samskipti sín við lögreglu hafa verið hin ánægjulegustu; hópurinn hafi útskýrt að allur akstur þeirra hafi verið löglegur og sýnt þeim ljósmyndir og myndskeið úr ferðinni. „Lögreglan er nú með allar upplýsingar um okkur og við erum tilbúnir til að liðsinna henni eftir fremsta megni,“ segja Tékkarnir. „Eftir síðdegisfund okkar óskaði lögreglan í Reykjavík okkur góðrar ferðar og leyfðu okkur að halda áfram. Þar við sat,“ skrifa Tékkarnir og vísa þar til þess að þeir hafi ekki verið sektaðir eða kærðir fyrir akstur sinn. „Já, Bureko er fyrirferðamikið og oft miðpunktur athyglinnar, sem skýrir hvers vegna viðskiptavinir versla við okkur. Getum við samt sleppt því að móðga þá og hóta þeim lífláti,“ skrifa Tékkarnir og bæta við: „Með vinsemd og virðingu fyrir Íslandi.“ Yfirlýsingu Bureko má sjá hér að ofan. Ferðamennska á Íslandi Lögreglumál Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Forsetavaktin 2024: Hver verður sjöundi forseti lýðveldisins? Innlent Bergvin dæmdur fyrir að áreita þrjár konur Innlent Of þung en annars hraust á Ozempic Innlent Ekki megrunarlyf heldur lyf við offitu Innlent Skuldirnar bíði þegar frelsið taki við Innlent Gular viðvaranir á Suðurlandi, Suðausturlandi og Faxaflóa á morgun Innlent Slasaður eftir hestaslys í Ölfusi Innlent Segja grafalvarlegt mál að fresta atkvæðagreiðslu Innlent Myndband sýnir árás Diddy Erlent „Það er miður að það falli til kostnaður vegna þessa“ Innlent Fleiri fréttir 40 tungumál eru töluð í leik- og grunnskólum Árborgar Segir alvarlegt hvernig Katrín tjáði sig um Persónuvernd Þungar áhyggjur af þyngdarstjórnunarlyfjum Bergvin dæmdur fyrir að áreita þrjár konur Slasaður eftir hestaslys í Ölfusi Nauðsynlegt að fresta atkvæðagreiðslu um umdeilda verksmiðju Ekki megrunarlyf heldur lyf við offitu Segja grafalvarlegt mál að fresta atkvæðagreiðslu „Það er miður að það falli til kostnaður vegna þessa“ Átök í Ölfusi og offitulyf Ákærður fyrir að pissa daginn eftir Fiskidaginn mikla Gular viðvaranir á Suðurlandi, Suðausturlandi og Faxaflóa á morgun Nauðugur sá kostur að fresta atkvæðagreiðslunni „Engu okkar er boðið að koma þarna og sjá“ Skuldirnar bíði þegar frelsið taki við Of þung en annars hraust á Ozempic Slagsmálahundar afþökkuðu aðstoð lögreglu Útgjöld ríkissjóðs vegna Grindavíkur hátt í hundrað milljarðar Fresta íbúakosningu í Ölfusi um mölunarverksmiðju Lífleg og skrautleg kosningabarátta að mati forsætisráðherra Dregur saman með efstu frambjóðendum Mesta kvika frá því að kvikugangurinn myndaðist Nota sykursýkislyf til að léttast og Rottweilerhundar bjóða í partý Látin móðir ekki dæmd í tugmilljóna lyfjasölumáli sonarins Sendiherra, sveitarstjóri og bæjarstjóri skipuð í nefnd Ætlar alla leið í baráttu fyrir nafninu sínu Stuðningslán með ríkisábyrgð fyrir grindvísk fyrirtæki Skipið leggur úr höfn „Alls ekki svo að við tútturnar séum að taka yfir“ Framkvæmdir hafnar við brú yfir Fjarðarhornsá Sjá meira
Tékknesku jeppakarlarnir sem sakaðir voru um utanvegaakstur segjast ekki hafa komið til Íslands til að tæta upp íslenska náttúru. Þvert á móti beri þeir virðingu fyrir henni, þeir hafi áður ferðast um landið og þekki reglurnar sem hér gilda. Akstur þeirra um Suðurland hafi þannig allur verið innan ramma laganna. Þeim þykir miður að hafa valdið illindum með akstrinum, sem hafi skilað þeim morðhótunum frá íslenskum netverjum. Óhætt er að segja að ferðalag Tékkanna hafi vakið meiri athygli en þeir gátu gert sér í hugarlund. Eftir að þeir birtu myndir og myndskeið af akstri sínum um Suðurland sagðist lögreglan vilja ná tali af þeim. Varðstjóri sem Vísir ræddi við í gær taldi myndefnið sýna utanvegaakstur og því þyrfti að hafa uppi á þeim tékknesku. Lögreglan náði að endingu tali af þeim í miðborg Reykjavíkur og er málinu lokið af hálfu lögreglunnar. Ekki var talið tilefni til að sekta Tékkana. Urgur í virkum Akstur þeirra vakti engu að síður hörð viðbrögð, bæði í athugasemdakerfum vefmiðlanna sem og á sjálfri Facebook-síðu Bureko, bifreiðaverkstæðisins sem skipulagði Íslandsferðina. Þangað flykktust Íslendingar til að lesa yfir hausamótunum á Tékkunum, sögðu þeim að hypja sig aftur til meginlandsins og að nærveru slíkra umhverfissóða væri ekki óskað á Íslandi. Netníðið var slíkt að hópurinn ákvað að eyða flestum færslum sínum frá Íslandi. „Í fyrsta lagi komum við ekki hingað til að „rústa náttúrunni“ eins og mörg ykkar vilja meina,“ skrifa Tékkarnir í yfirlýsingu sem þeir sendu frá sér í morgun. Þetta sé ekki í fyrsta sinn sem þeir koma hingað til lands og segjast þeir bera virðingu fyrir sambandi Íslendinga við náttúruna. „Við vitum hvert við megum fara, við gistum á hótelum og tjaldsvæðum, við fylgjum reglunum hér,“ skrifa þeir. Tékkarnir segjast varla hafa getað beðið eftir því að koma aftur hingað til lands. Því til staðfestingar nefna þeir að ákveðið hafi verið að bóka ferð með einni fyrstu ferð Norrænu til Íslands eftir að létt var á ferðatakmörkunum. Þeir hafi jafnframt farið í kórónuveiruskimun við komuna til landsins - „til þess eins að upplifa fegurð eyjunnar aftur.“ Tékkarnir segjast því harma það að þeir skuli hafi verið teiknaðir upp sem villimenn fyrir akstur sinn, sem þeir segja hafa fullkomlega verið innan ramma laganna. Jeppakarlanir segjast aðeins hafa ekið á slóðum þar sem Íslendingar aki sjálfir og birta myndbandið hér að neðan því til staðfestingar. Myndbandið sýnir smárútu, ekki á þeirra vegum, aka yfir fljót í Þórsmörk. Tékkarnir óku sömu leið í upphafi vikunnar, sem netverjum þótti gagnrýnivert. „Berið aksturinn saman, var okkar eitthvað öðruvísi?“ Samstarfsfúsir og sluppu við sekt Eftir að lýst var eftir hópnum hafði lögreglan loks uppi á honum síðdegis í gær, en þá voru Tékkarnir komnir til Reykjavíkur. Þeir segja samskipti sín við lögreglu hafa verið hin ánægjulegustu; hópurinn hafi útskýrt að allur akstur þeirra hafi verið löglegur og sýnt þeim ljósmyndir og myndskeið úr ferðinni. „Lögreglan er nú með allar upplýsingar um okkur og við erum tilbúnir til að liðsinna henni eftir fremsta megni,“ segja Tékkarnir. „Eftir síðdegisfund okkar óskaði lögreglan í Reykjavík okkur góðrar ferðar og leyfðu okkur að halda áfram. Þar við sat,“ skrifa Tékkarnir og vísa þar til þess að þeir hafi ekki verið sektaðir eða kærðir fyrir akstur sinn. „Já, Bureko er fyrirferðamikið og oft miðpunktur athyglinnar, sem skýrir hvers vegna viðskiptavinir versla við okkur. Getum við samt sleppt því að móðga þá og hóta þeim lífláti,“ skrifa Tékkarnir og bæta við: „Með vinsemd og virðingu fyrir Íslandi.“ Yfirlýsingu Bureko má sjá hér að ofan.
Ferðamennska á Íslandi Lögreglumál Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Forsetavaktin 2024: Hver verður sjöundi forseti lýðveldisins? Innlent Bergvin dæmdur fyrir að áreita þrjár konur Innlent Of þung en annars hraust á Ozempic Innlent Ekki megrunarlyf heldur lyf við offitu Innlent Skuldirnar bíði þegar frelsið taki við Innlent Gular viðvaranir á Suðurlandi, Suðausturlandi og Faxaflóa á morgun Innlent Slasaður eftir hestaslys í Ölfusi Innlent Segja grafalvarlegt mál að fresta atkvæðagreiðslu Innlent Myndband sýnir árás Diddy Erlent „Það er miður að það falli til kostnaður vegna þessa“ Innlent Fleiri fréttir 40 tungumál eru töluð í leik- og grunnskólum Árborgar Segir alvarlegt hvernig Katrín tjáði sig um Persónuvernd Þungar áhyggjur af þyngdarstjórnunarlyfjum Bergvin dæmdur fyrir að áreita þrjár konur Slasaður eftir hestaslys í Ölfusi Nauðsynlegt að fresta atkvæðagreiðslu um umdeilda verksmiðju Ekki megrunarlyf heldur lyf við offitu Segja grafalvarlegt mál að fresta atkvæðagreiðslu „Það er miður að það falli til kostnaður vegna þessa“ Átök í Ölfusi og offitulyf Ákærður fyrir að pissa daginn eftir Fiskidaginn mikla Gular viðvaranir á Suðurlandi, Suðausturlandi og Faxaflóa á morgun Nauðugur sá kostur að fresta atkvæðagreiðslunni „Engu okkar er boðið að koma þarna og sjá“ Skuldirnar bíði þegar frelsið taki við Of þung en annars hraust á Ozempic Slagsmálahundar afþökkuðu aðstoð lögreglu Útgjöld ríkissjóðs vegna Grindavíkur hátt í hundrað milljarðar Fresta íbúakosningu í Ölfusi um mölunarverksmiðju Lífleg og skrautleg kosningabarátta að mati forsætisráðherra Dregur saman með efstu frambjóðendum Mesta kvika frá því að kvikugangurinn myndaðist Nota sykursýkislyf til að léttast og Rottweilerhundar bjóða í partý Látin móðir ekki dæmd í tugmilljóna lyfjasölumáli sonarins Sendiherra, sveitarstjóri og bæjarstjóri skipuð í nefnd Ætlar alla leið í baráttu fyrir nafninu sínu Stuðningslán með ríkisábyrgð fyrir grindvísk fyrirtæki Skipið leggur úr höfn „Alls ekki svo að við tútturnar séum að taka yfir“ Framkvæmdir hafnar við brú yfir Fjarðarhornsá Sjá meira