Viðskipti innlent

Trymbill Hatara hættir í orkudrykkjunum og snýr sér að dansinum

Kolbeinn Tumi Daðason skrifar
Einar Hrafn vakti mikla athygli í Eurovision í fyrra í hlutverki gimpsins.
Einar Hrafn vakti mikla athygli í Eurovision í fyrra í hlutverki gimpsins.

Einar Hrafn Stefánsson, trommari Hatara, hefur verið ráðinn markaðsstjóri Íslenska dansflokksins. Þetta kemur fram í tilkynningu frá dansflokknum.

Einar er með B.S. í viðskiptafræðum frá Háskóla Íslands auk gráðu í hljóðtækni frá SAE í Amsterdam. Einar starfaði sem markaðsfulltrúi og viðburðastjóri hjá Red Bull í Ölgerðinni frá 2017.

Einar er í hljómsveitinni Vök sem vann „plötu ársins í raftónlist“ á Íslensku tónlistarverðlaunum 2017. Einnig er hann einn af stofnendum gjörningasveitarinnar Hatari sem hefur gert víðreist og vakið heimsathygli fyrir frumlega framkomu, tónlist og pólitískan boðskap.

Í tilkynningunni kemur fram að Einar hafi víðtæka reynslu í markaðssetningu sviðslista ásamt því að vera vel kunnugur tónlistarmenningu hér sem og erlendis.

Haustið 2019 fékk hann viðurkenningu frá JCI Ísland fyrir framlag sitt til menningarstarfsemi sem einn af ‘framúrskarandi ungum Íslendingum’.

Dans Menning Vistaskipti Orkudrykkir


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið