Mjög jákvæð niðurstaða miðannarrýni DAC á þróunarsamvinnu Íslands Heimsljós 16. október 2020 14:01 „Þessi stöðutaka sýnir að við erum á réttri leið og hún er okkur mikil hvatning. Þróunarsamvinna hefur fengið aukið vægi í ráðuneytinu á undanförnum árum og umtalsvert umbótastarf hefur orðið á því sviði. Endurskipulagning ráðuneytisins um síðustu áramót var liður í því starfi og rík áhersla er lögð á nánari útfærslu á þeirri stefnu sem samþykkt var af Alþingi á síðasta ári,“ segir Guðlaugur Þór Þórðarson, utanríkis- og þróunarsamvinnuráðherra, í tilefni af niðurstöðum miðannarrýni á þróunarsamvinnu Íslands, af hálfu Þróunarsamvinnunefndar OECD (DAC). Miðannarrýnin var birt í vikunni en í henni var metin staðan á alþjóðlegri þróunarsamvinnu Íslands með tilliti til jafningjarýni DAC frá árinu 2017. Heildarniðurstöður miðannarrýninnar eru mjög jákvæðar. DAC kemst að þeirri niðurstöðu að Ísland hafi nú þegar komið til móts við níu af þrettán tillögum sem settar voru fram í jafningjarýninni fyrir þremur árum. Sérstaklega er tekið fram að jákvætt sé að Íslendingar leggi áherslu á að vinna á málefnasviðum þar sem þjóðin hafi margt fram að færa umfram önnur framlagsríki og haldi þeirri grundvallaráherslu sinni að styðja við þá fátækustu í veröldinni. Jafnframt er því fagnað að Ísland skuli hafa sett fram skuldbindingar um að auka framlög til þróunarsamvinnu á allra næstu árum. Fulltrúar DAC áttu einnig fundi með fulltrúum þróunarsamvinnunefndar, en þar sitja fulltrúar þingflokka á Alþingi, frjálsra félagasamtaka, háskólasamfélagsins og vinnumarkaðarins. „Virkt samráð, aukin samvinna við bæði atvinnulíf og félagasamtök og nýjar leiðir í upplýsingagjöf til að tryggja gagnsæi og ábyrgð, er forgangsmál í þróunarsamvinnunni. Í ljósi þeirra víðtæku áhrifa sem COVID-19 faraldurinn hefur haft er samstarf okkar við önnur framlagsríki og samstarfsaðila jafnvel enn mikilvægara svo að hámarka megi afraksturinn af allri þróunarsamvinnu og mannúðaraðstoð,“ segir Guðlaugur Þór Þórðarson. Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál. Þróunarsamvinna Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Kveðst ekki svindla á neinum með happdrætti sínu Innlent Fannst látinn í klefa sínum á Litla Hrauni Innlent Skjálfti fannst vel á höfuðborgarsvæðinu Innlent Vinnubrögðin gátu leitt til dauða Innlent Hafi mögulega reynt að lenda á ísilögðu vatninu Innlent Nefndin aldrei heyrt aðrar eins frásagnir en lítið að gerast Innlent Halla fremst með 29,7 prósent í nýrri könnun Prósents Innlent Glórulausar framkvæmdir raski velferð íbúa hjúkrunarheimilis Innlent Hindraði mann sem ætlaði að komast úr bíl við Bónusbúð Innlent Faðir mannsins sem lést á Litla-Hrauni krefst umbóta Innlent
„Þessi stöðutaka sýnir að við erum á réttri leið og hún er okkur mikil hvatning. Þróunarsamvinna hefur fengið aukið vægi í ráðuneytinu á undanförnum árum og umtalsvert umbótastarf hefur orðið á því sviði. Endurskipulagning ráðuneytisins um síðustu áramót var liður í því starfi og rík áhersla er lögð á nánari útfærslu á þeirri stefnu sem samþykkt var af Alþingi á síðasta ári,“ segir Guðlaugur Þór Þórðarson, utanríkis- og þróunarsamvinnuráðherra, í tilefni af niðurstöðum miðannarrýni á þróunarsamvinnu Íslands, af hálfu Þróunarsamvinnunefndar OECD (DAC). Miðannarrýnin var birt í vikunni en í henni var metin staðan á alþjóðlegri þróunarsamvinnu Íslands með tilliti til jafningjarýni DAC frá árinu 2017. Heildarniðurstöður miðannarrýninnar eru mjög jákvæðar. DAC kemst að þeirri niðurstöðu að Ísland hafi nú þegar komið til móts við níu af þrettán tillögum sem settar voru fram í jafningjarýninni fyrir þremur árum. Sérstaklega er tekið fram að jákvætt sé að Íslendingar leggi áherslu á að vinna á málefnasviðum þar sem þjóðin hafi margt fram að færa umfram önnur framlagsríki og haldi þeirri grundvallaráherslu sinni að styðja við þá fátækustu í veröldinni. Jafnframt er því fagnað að Ísland skuli hafa sett fram skuldbindingar um að auka framlög til þróunarsamvinnu á allra næstu árum. Fulltrúar DAC áttu einnig fundi með fulltrúum þróunarsamvinnunefndar, en þar sitja fulltrúar þingflokka á Alþingi, frjálsra félagasamtaka, háskólasamfélagsins og vinnumarkaðarins. „Virkt samráð, aukin samvinna við bæði atvinnulíf og félagasamtök og nýjar leiðir í upplýsingagjöf til að tryggja gagnsæi og ábyrgð, er forgangsmál í þróunarsamvinnunni. Í ljósi þeirra víðtæku áhrifa sem COVID-19 faraldurinn hefur haft er samstarf okkar við önnur framlagsríki og samstarfsaðila jafnvel enn mikilvægara svo að hámarka megi afraksturinn af allri þróunarsamvinnu og mannúðaraðstoð,“ segir Guðlaugur Þór Þórðarson. Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál.
Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál.
Þróunarsamvinna Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Kveðst ekki svindla á neinum með happdrætti sínu Innlent Fannst látinn í klefa sínum á Litla Hrauni Innlent Skjálfti fannst vel á höfuðborgarsvæðinu Innlent Vinnubrögðin gátu leitt til dauða Innlent Hafi mögulega reynt að lenda á ísilögðu vatninu Innlent Nefndin aldrei heyrt aðrar eins frásagnir en lítið að gerast Innlent Halla fremst með 29,7 prósent í nýrri könnun Prósents Innlent Glórulausar framkvæmdir raski velferð íbúa hjúkrunarheimilis Innlent Hindraði mann sem ætlaði að komast úr bíl við Bónusbúð Innlent Faðir mannsins sem lést á Litla-Hrauni krefst umbóta Innlent