Segir Valhöll hafa yfirfarið lista umsækjenda um lóðir í Reykjavík Kolbeinn Tumi Daðason skrifar 29. október 2020 13:27 Ellert B. Schram ásamt Birni Jóni Bragasyni sagnaritara. Það að flokksgæðingum sé hyglað á kostnað almennings á sér djúpar rætur í flokkakerfinu. Þannig var það að listi yfir umsækjendur um lóðir í Reykjavík var sendur sérstaklega í Valhöll, flokksskrifstofur Sjálfstæðisflokksins. Þar var merkt við samkvæmt flokksskírteini hverjir voru þóknanlegir og hverjir ekki. Þetta kemur meðal annars fram í nýrri bók sem er að koma í búðir nú í dag. Ellert – endurminningar Ellerts B. Schram en það er sagn- og lögfræðingurinn Björn Jón Bragason sem skráði. Ferill KR-ingsins Ellerts er einstaklega glæsilegur en hann er fæddur 1939. Hann var meðal annars formaður KSÍ, forseti ÍSÍ, varaforseti Knattspyrnusambands Evrópu og hefur nýlega látið af störfum formanns Félags eldri borgara. Þá átti hann sæti á þingi á tímabili, fyrst fyrir Sjálfstæðisflokkinn og þá Samfylkingu. Hann var ritstjóri dagblaðsins Vísis 1980–1981 og síðan ritstjóri DV 1981–1995. Og er þá fátt eitt talið. Slagur um lóðir og flokksmenn sátu fyrir Ellert rekur í bókinni lífshlaup sitt í hispurslausri og líflegri frásögn, allt frá uppvaxtarárum á stóru heimili í Vesturbænum fram til dagsins í dag,“ eins og segir í kynningu en það er Skrudda sem gefur út. Vísir fékk að glugga í bókina og þar kennir eðli máls samkvæmt ýmissa grasa. Eftir að Ellert lauk lagaprófi frá Háskólanum 1966 bauðst honum vel launuð staða skrifstofustjóra borgarverkfræðings þar sem hann hafði meðal annars það hlutverk að annast úthlutun lóða: „Svo kom að úthlutun lóða. Það var nú aldeilis slagur. Kannski voru tuttugu lóðir til úthlutunar og algengt að margfalt fleiri sæktu um. Þá þurfti að velja og hafna. Sjálfstæðisflokkurinn var með meirihluta í borgarstjórn eins og verið hafði alla tíð. Mín aðkoma að þessu verkefni var að leggja fram tillögu um úthlutun fyrir borgarráð. Aðferðin var þessi: Ég sendi lista yfir umsækjendur í Valhöll við Suðurgötu þar sem skrifstofa Sjálfstæðisflokksins var og bað um upplýsingar um hverjir væru flokksbundnir. Ekki stóð á svörum enda held ég það hafi verið heyrum kunnugt hvar hver og einn Reykvíkingur stóð í flokkspólitíkinni. Sem sagt: Sjálfstæðisflokkurinn fékk að sjá um sína en ég hafði líka vit á því að hringja í Óskar Hallgrímsson hjá Alþýðuflokknum, Kristján Benediktsson framsóknarmann og Guðmund Vigfússon hjá Alþýðubandalaginu og spurði þá hvort ekki væru einhverjir umsækjendur í þeirra flokki sem þeir vildu mæla með. Þannig tókst mér að gera alla ánægða og ég man ekki annað en að tillögur mínar um lóðaúthlutanir hafi öll ár mín í þessu starfi verið samþykktar samhljóða.“ Segir flokkslínurnar ráðandi í dagskrá Ríkisútvarpsins Flokkspólitísk spilling stendur þannig á gömlum merg og teygir anga sína víða. Ellert hlífir sér hvergi í bókinni. Hann náði fyrst inn á Alþingi árið 1971 og síðan aftur 1974. Í kjölfarið tók hann sæti í útvarpsráði. Hér er önnur glefsa úr endurminningum Ellerts sem sýnir hversu umhugað flokkapólitíkusum var umhugað um að ota sínum tota í fjölmiðlum og bítast um pláss í dagskrá Ríkissjónvarpsins: „Hlutverk ráðsins var að samþykkja dagskrá sjónvarps og útvarps og gæta jafnvægis milli þáverandi stjórnmálaflokka. Ráðið kom saman vikulega og fyrir það var lögð dagskráin vélrituð. Það mátti ekkert fara framhjá okkur og ég minnist þáttar sem hét „Um daginn og veginn“ sem var stutt erindi þar sem ýmsir málsmetandi menn og konur voru kölluð til. Þar þurfti að gæta hófs og koma í veg fyrir pólitískar yfirlýsingar og vega og meta hvar viðkomandi stæði í flokki, hvert væri efni hans o.s.frv. Um þetta var mikið rifist og sitt sýndist hverjum. Flokkarnir og fulltrúar þeirra í útvarpsráði pössuðu upp á sína. Og svo var um marga aðra þætti í útvarpi og sjónvarpi. Flokksforingjarnir töldu sig eiga aðgang að dagskránni þegar þeim hentaði og margar voru skammirnar sem við fengum frá eldri kollegum í pólitíkinni þegar þeim fannst á þá hallað á öldum ljósvakans.“ Sjálfstæðisflokkurinn Bókaútgáfa Fjölmiðlar Samfylkingin Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Forsetavaktin 2024: Hver verður sjöundi forseti lýðveldisins? Innlent Bergvin dæmdur fyrir að áreita þrjár konur Innlent Of þung en annars hraust á Ozempic Innlent Ekki megrunarlyf heldur lyf við offitu Innlent Skuldirnar bíði þegar frelsið taki við Innlent Gular viðvaranir á Suðurlandi, Suðausturlandi og Faxaflóa á morgun Innlent Segir alvarlegt hvernig Katrín tjáði sig um Persónuvernd Innlent Slasaður eftir hestaslys í Ölfusi Innlent Segja grafalvarlegt mál að fresta atkvæðagreiðslu Innlent Myndband sýnir árás Diddy Erlent Fleiri fréttir 40 tungumál eru töluð í leik- og grunnskólum Árborgar Segir alvarlegt hvernig Katrín tjáði sig um Persónuvernd Þungar áhyggjur af þyngdarstjórnunarlyfjum Bergvin dæmdur fyrir að áreita þrjár konur Slasaður eftir hestaslys í Ölfusi Nauðsynlegt að fresta atkvæðagreiðslu um umdeilda verksmiðju Ekki megrunarlyf heldur lyf við offitu Segja grafalvarlegt mál að fresta atkvæðagreiðslu „Það er miður að það falli til kostnaður vegna þessa“ Átök í Ölfusi og offitulyf Ákærður fyrir að pissa daginn eftir Fiskidaginn mikla Gular viðvaranir á Suðurlandi, Suðausturlandi og Faxaflóa á morgun Nauðugur sá kostur að fresta atkvæðagreiðslunni „Engu okkar er boðið að koma þarna og sjá“ Skuldirnar bíði þegar frelsið taki við Of þung en annars hraust á Ozempic Slagsmálahundar afþökkuðu aðstoð lögreglu Útgjöld ríkissjóðs vegna Grindavíkur hátt í hundrað milljarðar Fresta íbúakosningu í Ölfusi um mölunarverksmiðju Lífleg og skrautleg kosningabarátta að mati forsætisráðherra Dregur saman með efstu frambjóðendum Mesta kvika frá því að kvikugangurinn myndaðist Nota sykursýkislyf til að léttast og Rottweilerhundar bjóða í partý Látin móðir ekki dæmd í tugmilljóna lyfjasölumáli sonarins Sendiherra, sveitarstjóri og bæjarstjóri skipuð í nefnd Ætlar alla leið í baráttu fyrir nafninu sínu Stuðningslán með ríkisábyrgð fyrir grindvísk fyrirtæki Skipið leggur úr höfn „Alls ekki svo að við tútturnar séum að taka yfir“ Framkvæmdir hafnar við brú yfir Fjarðarhornsá Sjá meira
Það að flokksgæðingum sé hyglað á kostnað almennings á sér djúpar rætur í flokkakerfinu. Þannig var það að listi yfir umsækjendur um lóðir í Reykjavík var sendur sérstaklega í Valhöll, flokksskrifstofur Sjálfstæðisflokksins. Þar var merkt við samkvæmt flokksskírteini hverjir voru þóknanlegir og hverjir ekki. Þetta kemur meðal annars fram í nýrri bók sem er að koma í búðir nú í dag. Ellert – endurminningar Ellerts B. Schram en það er sagn- og lögfræðingurinn Björn Jón Bragason sem skráði. Ferill KR-ingsins Ellerts er einstaklega glæsilegur en hann er fæddur 1939. Hann var meðal annars formaður KSÍ, forseti ÍSÍ, varaforseti Knattspyrnusambands Evrópu og hefur nýlega látið af störfum formanns Félags eldri borgara. Þá átti hann sæti á þingi á tímabili, fyrst fyrir Sjálfstæðisflokkinn og þá Samfylkingu. Hann var ritstjóri dagblaðsins Vísis 1980–1981 og síðan ritstjóri DV 1981–1995. Og er þá fátt eitt talið. Slagur um lóðir og flokksmenn sátu fyrir Ellert rekur í bókinni lífshlaup sitt í hispurslausri og líflegri frásögn, allt frá uppvaxtarárum á stóru heimili í Vesturbænum fram til dagsins í dag,“ eins og segir í kynningu en það er Skrudda sem gefur út. Vísir fékk að glugga í bókina og þar kennir eðli máls samkvæmt ýmissa grasa. Eftir að Ellert lauk lagaprófi frá Háskólanum 1966 bauðst honum vel launuð staða skrifstofustjóra borgarverkfræðings þar sem hann hafði meðal annars það hlutverk að annast úthlutun lóða: „Svo kom að úthlutun lóða. Það var nú aldeilis slagur. Kannski voru tuttugu lóðir til úthlutunar og algengt að margfalt fleiri sæktu um. Þá þurfti að velja og hafna. Sjálfstæðisflokkurinn var með meirihluta í borgarstjórn eins og verið hafði alla tíð. Mín aðkoma að þessu verkefni var að leggja fram tillögu um úthlutun fyrir borgarráð. Aðferðin var þessi: Ég sendi lista yfir umsækjendur í Valhöll við Suðurgötu þar sem skrifstofa Sjálfstæðisflokksins var og bað um upplýsingar um hverjir væru flokksbundnir. Ekki stóð á svörum enda held ég það hafi verið heyrum kunnugt hvar hver og einn Reykvíkingur stóð í flokkspólitíkinni. Sem sagt: Sjálfstæðisflokkurinn fékk að sjá um sína en ég hafði líka vit á því að hringja í Óskar Hallgrímsson hjá Alþýðuflokknum, Kristján Benediktsson framsóknarmann og Guðmund Vigfússon hjá Alþýðubandalaginu og spurði þá hvort ekki væru einhverjir umsækjendur í þeirra flokki sem þeir vildu mæla með. Þannig tókst mér að gera alla ánægða og ég man ekki annað en að tillögur mínar um lóðaúthlutanir hafi öll ár mín í þessu starfi verið samþykktar samhljóða.“ Segir flokkslínurnar ráðandi í dagskrá Ríkisútvarpsins Flokkspólitísk spilling stendur þannig á gömlum merg og teygir anga sína víða. Ellert hlífir sér hvergi í bókinni. Hann náði fyrst inn á Alþingi árið 1971 og síðan aftur 1974. Í kjölfarið tók hann sæti í útvarpsráði. Hér er önnur glefsa úr endurminningum Ellerts sem sýnir hversu umhugað flokkapólitíkusum var umhugað um að ota sínum tota í fjölmiðlum og bítast um pláss í dagskrá Ríkissjónvarpsins: „Hlutverk ráðsins var að samþykkja dagskrá sjónvarps og útvarps og gæta jafnvægis milli þáverandi stjórnmálaflokka. Ráðið kom saman vikulega og fyrir það var lögð dagskráin vélrituð. Það mátti ekkert fara framhjá okkur og ég minnist þáttar sem hét „Um daginn og veginn“ sem var stutt erindi þar sem ýmsir málsmetandi menn og konur voru kölluð til. Þar þurfti að gæta hófs og koma í veg fyrir pólitískar yfirlýsingar og vega og meta hvar viðkomandi stæði í flokki, hvert væri efni hans o.s.frv. Um þetta var mikið rifist og sitt sýndist hverjum. Flokkarnir og fulltrúar þeirra í útvarpsráði pössuðu upp á sína. Og svo var um marga aðra þætti í útvarpi og sjónvarpi. Flokksforingjarnir töldu sig eiga aðgang að dagskránni þegar þeim hentaði og margar voru skammirnar sem við fengum frá eldri kollegum í pólitíkinni þegar þeim fannst á þá hallað á öldum ljósvakans.“
Sjálfstæðisflokkurinn Bókaútgáfa Fjölmiðlar Samfylkingin Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Forsetavaktin 2024: Hver verður sjöundi forseti lýðveldisins? Innlent Bergvin dæmdur fyrir að áreita þrjár konur Innlent Of þung en annars hraust á Ozempic Innlent Ekki megrunarlyf heldur lyf við offitu Innlent Skuldirnar bíði þegar frelsið taki við Innlent Gular viðvaranir á Suðurlandi, Suðausturlandi og Faxaflóa á morgun Innlent Segir alvarlegt hvernig Katrín tjáði sig um Persónuvernd Innlent Slasaður eftir hestaslys í Ölfusi Innlent Segja grafalvarlegt mál að fresta atkvæðagreiðslu Innlent Myndband sýnir árás Diddy Erlent Fleiri fréttir 40 tungumál eru töluð í leik- og grunnskólum Árborgar Segir alvarlegt hvernig Katrín tjáði sig um Persónuvernd Þungar áhyggjur af þyngdarstjórnunarlyfjum Bergvin dæmdur fyrir að áreita þrjár konur Slasaður eftir hestaslys í Ölfusi Nauðsynlegt að fresta atkvæðagreiðslu um umdeilda verksmiðju Ekki megrunarlyf heldur lyf við offitu Segja grafalvarlegt mál að fresta atkvæðagreiðslu „Það er miður að það falli til kostnaður vegna þessa“ Átök í Ölfusi og offitulyf Ákærður fyrir að pissa daginn eftir Fiskidaginn mikla Gular viðvaranir á Suðurlandi, Suðausturlandi og Faxaflóa á morgun Nauðugur sá kostur að fresta atkvæðagreiðslunni „Engu okkar er boðið að koma þarna og sjá“ Skuldirnar bíði þegar frelsið taki við Of þung en annars hraust á Ozempic Slagsmálahundar afþökkuðu aðstoð lögreglu Útgjöld ríkissjóðs vegna Grindavíkur hátt í hundrað milljarðar Fresta íbúakosningu í Ölfusi um mölunarverksmiðju Lífleg og skrautleg kosningabarátta að mati forsætisráðherra Dregur saman með efstu frambjóðendum Mesta kvika frá því að kvikugangurinn myndaðist Nota sykursýkislyf til að léttast og Rottweilerhundar bjóða í partý Látin móðir ekki dæmd í tugmilljóna lyfjasölumáli sonarins Sendiherra, sveitarstjóri og bæjarstjóri skipuð í nefnd Ætlar alla leið í baráttu fyrir nafninu sínu Stuðningslán með ríkisábyrgð fyrir grindvísk fyrirtæki Skipið leggur úr höfn „Alls ekki svo að við tútturnar séum að taka yfir“ Framkvæmdir hafnar við brú yfir Fjarðarhornsá Sjá meira