Tíu auka starfsmenn kallaðir út í leikhúsið vegna hraðprófa Kolbeinn Tumi Daðason skrifar 13. desember 2021 13:46 Brynhildur Guðjónsdóttir er leikhússtjóri í Borgarleikhúsinu. Vísir/Egill Brynhildur Guðjónsdóttir Borgarleikhússtjóri hefur óskað eftir því við fjárlaganefnd Alþingis að Leikfélagi Reykjavíkur verði tryggður fimmtíu milljóna króna stuðningur til að mæta tekjutapi og kostnaði á árinu sem er að líða af völdum heimsfaraldurs kórónuveiru. Tíu auka starfsmenn eru kallaðir út á hverju sýningarkvöldi til að skanna hraðpróf. Þetta kemur fram í erindi Brynhildar til fjárlaganefndar sem birt hefur verið á vef þingsins. Vísað er til þess hve harkalega afleiðingar Covid-19 faraldursins hafi komið niður á leikhúsinu. Uppsafnað tap undanfarinna tuttugu mánaða nemi áttatíu milljónum króna. Er það þrátt fyrir hagræðingu í rekstri, frestun sýninga, fækkun verkefna og uppsagn að sögn Brynhildar. Í upphafi leikársins í haust hafi enn og aftur þurft að raska sýningarhaldi þegar ljóst var að ný bylgja væri skollin á. Borgarleikhúsinu hafi samkvæmt reglugerð verið óheimilt að fullnýta sæti og girt hafi verið fyrir veitingasölu. Hraðprófum fylgi tíu auka starfsmenn „Síðan hefur verið slakað og hert á víxl og við haft okkur öll við að sigla áfram af krafti. Eftir nýjustu breytingar á sóttvarnaraðgerðum þurfa allir leikhúsgestir, sex ára og eldri, að framvísa neikvæðu hraðprófi. Með því gefst leikhúsinu tækifæri til að fullnýta sæti en ennþá er veitingasala takmörkuð. Þessu fyrirkomulagi fylgir mikill kostnaður en það kallar m.a á tíu auka starfsmenn á hverju sýningarkvöldi og tvöfaldri vakt um helgar þegar einnig eru dagsýningar,“ segir Brynildur. Tekjutap frá ágúst 2021 sé nú um fimmtíu milljónir króna en gert sé ráð fyrir að kostnaður vegna skönnunar hraðprófa nemi þrjátíu milljónum króna á þessu leikári. Brynhildur minnir á 125 ára afmæli Leikfélags Reykjavíkur í janúar. Félagið, sem er rekstraraðili Borgarleikhússins, er sjálfseignarstofnun með eigin ábyrgð á rekstrinum. „En í venjulegu árferði tryggir Reykjavíkurborg rekstrargrundvöll hússins með sérstökum rekstrarsamningi. Athygli er vakin á því að LR er ekki á framfæri borgarinnar og starfsmenn Borgarleikhússins ekki borgarstarfsmenn,“ segir Brynildur. Tekjustraumar félagsins séu tveir. Aðstöðumunurinn sé sláandi „Um 40% eru í formi framlags frá Reykjavíkurborg en 60% tekna er sjálfsaflafé (frá miða- og veitingasölu). Hlutur sjálfsaflafjár af heildartekjum á sér engan líkan hjá menningarstofnunum sem félagið ber sig saman við, hvorki hér né í nágrannlöndunum. Til samanburðar má benda á að hlutur sjálfsaflafjár Þjóðleikhússins er 23% og er sú stofnun á framfæri ríkisins, með um tvöfalt hærri opinbera styrki en Borgarleikhúsið en þó minna umfang og minni framleiðslu.“ Aðstöðumunur stofnananna tveggja sé sláandi en þó sé ætlast til að Borgarleikhúsið sé samkeppnishæft, að sögn Brynhildar. „Við förum þess á leit við Fjárlaganefnd Alþingis að Leikfélagi Reykjavíkur verði tryggður stuðningur vegna heimsfaraldurs Covid-19 með því að veita félaginu 50 milljón króna styrk til að mæta því tekjutapi og þeim kostnaði sem félagið hefur orðið fyrir á árinu 2021. Borgarleikhúsið býr að því að vera með vinsælar hágæðasýningar í boði, sem almenningur vill koma að sjá. Við höfum unnið hörðum höndum og listræna uppskeran er ríkuleg. Það sem Borgarleikhúsið þarf nú er stuðningur til að áhrifa heimsfaraldurs gæti ekki lengur en þörf krefur, landsmönnum öllum til gleði og heilla.“ Leikhús Faraldur kórónuveiru (COVID-19) Mest lesið „Ef við erum lausnamiðuð þá sköpum við tækifærin“ Lífið Steinunn vill fá Ásdísi með sér í „Kynbombuflokkinn“ Lífið Bannaði Snorra að kjósa Arnar Þór Lífið Myndaveisla: Sjómannadagurinn í Reykjavík og Gummi Emil í koddaslag Lífið „Svo góð tilfinning að endurheimta sjálfa sig“ Tónlist Fékk að heyra að konur ættu ekki heima á sjó Lífið Dóttir Jolie og Pitt vill ekki heita Pitt lengur Lífið „Býr ekki lítil kerling innra með okkur öllum?“ Lífið Klæddu sig upp sem frambjóðendur Lífið Ofboðslega stolt af dóttur sinni Lífið Fleiri fréttir Erna Ómars er borgarlistamaður Reykjavíkur „Svolítið eins og að standa nakinn inni í vita“ Líf og fjör á Grímunni Ást Fedru og Saknaðarilmur fengu fern Grímuverðlaun hver Margrét Helga hlýtur heiðursverðlaun Grímunnar „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Sjá meira
Þetta kemur fram í erindi Brynhildar til fjárlaganefndar sem birt hefur verið á vef þingsins. Vísað er til þess hve harkalega afleiðingar Covid-19 faraldursins hafi komið niður á leikhúsinu. Uppsafnað tap undanfarinna tuttugu mánaða nemi áttatíu milljónum króna. Er það þrátt fyrir hagræðingu í rekstri, frestun sýninga, fækkun verkefna og uppsagn að sögn Brynhildar. Í upphafi leikársins í haust hafi enn og aftur þurft að raska sýningarhaldi þegar ljóst var að ný bylgja væri skollin á. Borgarleikhúsinu hafi samkvæmt reglugerð verið óheimilt að fullnýta sæti og girt hafi verið fyrir veitingasölu. Hraðprófum fylgi tíu auka starfsmenn „Síðan hefur verið slakað og hert á víxl og við haft okkur öll við að sigla áfram af krafti. Eftir nýjustu breytingar á sóttvarnaraðgerðum þurfa allir leikhúsgestir, sex ára og eldri, að framvísa neikvæðu hraðprófi. Með því gefst leikhúsinu tækifæri til að fullnýta sæti en ennþá er veitingasala takmörkuð. Þessu fyrirkomulagi fylgir mikill kostnaður en það kallar m.a á tíu auka starfsmenn á hverju sýningarkvöldi og tvöfaldri vakt um helgar þegar einnig eru dagsýningar,“ segir Brynildur. Tekjutap frá ágúst 2021 sé nú um fimmtíu milljónir króna en gert sé ráð fyrir að kostnaður vegna skönnunar hraðprófa nemi þrjátíu milljónum króna á þessu leikári. Brynhildur minnir á 125 ára afmæli Leikfélags Reykjavíkur í janúar. Félagið, sem er rekstraraðili Borgarleikhússins, er sjálfseignarstofnun með eigin ábyrgð á rekstrinum. „En í venjulegu árferði tryggir Reykjavíkurborg rekstrargrundvöll hússins með sérstökum rekstrarsamningi. Athygli er vakin á því að LR er ekki á framfæri borgarinnar og starfsmenn Borgarleikhússins ekki borgarstarfsmenn,“ segir Brynildur. Tekjustraumar félagsins séu tveir. Aðstöðumunurinn sé sláandi „Um 40% eru í formi framlags frá Reykjavíkurborg en 60% tekna er sjálfsaflafé (frá miða- og veitingasölu). Hlutur sjálfsaflafjár af heildartekjum á sér engan líkan hjá menningarstofnunum sem félagið ber sig saman við, hvorki hér né í nágrannlöndunum. Til samanburðar má benda á að hlutur sjálfsaflafjár Þjóðleikhússins er 23% og er sú stofnun á framfæri ríkisins, með um tvöfalt hærri opinbera styrki en Borgarleikhúsið en þó minna umfang og minni framleiðslu.“ Aðstöðumunur stofnananna tveggja sé sláandi en þó sé ætlast til að Borgarleikhúsið sé samkeppnishæft, að sögn Brynhildar. „Við förum þess á leit við Fjárlaganefnd Alþingis að Leikfélagi Reykjavíkur verði tryggður stuðningur vegna heimsfaraldurs Covid-19 með því að veita félaginu 50 milljón króna styrk til að mæta því tekjutapi og þeim kostnaði sem félagið hefur orðið fyrir á árinu 2021. Borgarleikhúsið býr að því að vera með vinsælar hágæðasýningar í boði, sem almenningur vill koma að sjá. Við höfum unnið hörðum höndum og listræna uppskeran er ríkuleg. Það sem Borgarleikhúsið þarf nú er stuðningur til að áhrifa heimsfaraldurs gæti ekki lengur en þörf krefur, landsmönnum öllum til gleði og heilla.“
Leikhús Faraldur kórónuveiru (COVID-19) Mest lesið „Ef við erum lausnamiðuð þá sköpum við tækifærin“ Lífið Steinunn vill fá Ásdísi með sér í „Kynbombuflokkinn“ Lífið Bannaði Snorra að kjósa Arnar Þór Lífið Myndaveisla: Sjómannadagurinn í Reykjavík og Gummi Emil í koddaslag Lífið „Svo góð tilfinning að endurheimta sjálfa sig“ Tónlist Fékk að heyra að konur ættu ekki heima á sjó Lífið Dóttir Jolie og Pitt vill ekki heita Pitt lengur Lífið „Býr ekki lítil kerling innra með okkur öllum?“ Lífið Klæddu sig upp sem frambjóðendur Lífið Ofboðslega stolt af dóttur sinni Lífið Fleiri fréttir Erna Ómars er borgarlistamaður Reykjavíkur „Svolítið eins og að standa nakinn inni í vita“ Líf og fjör á Grímunni Ást Fedru og Saknaðarilmur fengu fern Grímuverðlaun hver Margrét Helga hlýtur heiðursverðlaun Grímunnar „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Sjá meira