Hrakfarir Eddu í fyrsta keppnisferðalagi ársins: Ég trúði ekki eigin augum Óskar Ófeigur Jónsson skrifar 2. maí 2022 09:00 Guðlaug Edda Hannesdóttir var mætt út til að keppa en mikil orka fór í að redda málum sínum utan keppni. Instagram/@eddahannesd Íslenska þríþrautarkonan Guðlaug Edda Hannesdóttir hefur lent í ýmsu á ferlinum og er nú byrjuð að keppa á ný eftir að hafa farið í erfiða mjaðmaaðgerð. Það er óhætt að segja að fyrsta keppnisferðalag hennar á árinu 2022 hafi ekki gengið áfallalaust fyrir sig eins og hún segir frá í pistli á fésbókarsíðu sinni. Tvær keppnir eru nú að baki og þar gekk á ýmsu áður en hún hóf sjálfa keppnina. Þurfti að finna keppnishjólið Edda hefur keppt í Portúgal og svo á sjálfeignarsvæði Spánverja innan Marokkó. „Þegar ég ferðaðist niður frá Lisbon til Quarteira týndist hjólið mitt og síðan festust nýju gjarðirnar mínar í portúgalska tollinum. Við tóku nokkrir erfiðir og stressandi dagar til þess að hafa uppi á hjólinu og reyna að losa gjarðirnar úr tollinum án þess að þurfa að borga morðfjár fyrir. Ég stend alveg ein þegar kemur að svona málum og eyddi því mörgum klukkutímum í símanum að reyna að leysa málin tvö talandi við fólk sem skyldi litla sem enga ensku og ég get ekki einu sinni talið hversu oft var skellt á mig. Sem betur fer leystist allt, hjólið fannst og gjarðirnar voru afhentar fyrir keppni,“ skrifaði Guðlaug Edda Hannesdóttir í pistli sínum. View this post on Instagram A post shared by Guðlaug Edda Hannesdo ttir (@eddahannesd) Smá móðursýkiskast á flugvellinum Næsta keppni var átta dögum síðar og þá tók annað vesen við. „Ég trúði ekki eigin augum þegar ég sá að allar töskur höfðu verið afhentar þegar ég lenti á flugvellinum í Melilla og taskan mín hafði ekki komið. Hvernig gat þetta komið fyrir mig aftur??,“ skrifaði Guðlaug Edda. Hún fór aftur upp á flugvöll og náði að hafa upp á tösku sinni en þá voru bara tuttugu tímar í keppni. Hún viðurkennir að hafa með smá móðursýkiskasti komist inn á flugvöllinn til að hafa upp á töskunni. „Ég náði mér aldrei niður eftir þetta “fight or flight” kast eftir týndu töskuna í Melilla fyrr en ég lenti á Íslandi þremur dögum eftir keppni. Þessa þrjá daga áður en ég komst heim átti ég erfitt með að sofna. Ég bara náði ekki að slökkva á mér. Ég held ég hafi aldrei á ævinni verið jafn uppgefin eftir tvær keppnisferðir. Ónæmiskerfið mitt var í rugli og blæðingum hafði seinkað vegna stress og álags,“ skrifaði Guðlaug Edda sem náði sér í flensuna á leiðinni heim. View this post on Instagram A post shared by Guðlaug Edda Hannesdo ttir (@eddahannesd) Ekkert sérstaklega spennt fyrir því að ferðast ein í allt sumar Vandræði Eddu hafa mikil áhrif á frammistöðu hennar því hún sjálf þarf að leysa öll vandamál þegar hún ætti í raun að vera safna kröftum fyrir keppni. Hún skrifar líka um þetta. „Eftir þessar áhugaverðu raunir í fyrstu keppnum ársins get ég viðurkennt að ég er ekkert sérstaklega spennt fyrir því að ferðast ein í allt sumar og þurfa að skipuleggja allt sjálf, leysa úr öllum vandamálum og finna lausnir hratt ásamt því að þurfa að keppa til að standa mig vel! Ég þarf heldur betur að finna eitthvað gott kerfi til að minnka stress sem mest til þess að geta hámarkað árangur og haldið mér í jafnvægi,“ skrifaði Guðlaug Edda. Vildi óska þess að afreksíþróttir á Íslandi fengju meiri stuðning „Það er ekki skrítið að flestir keppinautar mínir keppi ekki án aðstoðarfólks eða stuðningsaðila í þríþraut. Það er fullvinna bara að sjá um skipulag og vandamál sem kemur að svona stórum keppnum. Ég vildi stundum óska þess að afreksíþróttir á Íslandi fengju meiri stuðning til þess að við getum keppt á sama grundvelli og allir okkar keppinautar. Þríþraut á Ólympíuleveli er ótrúlega kostnaðarsöm og því miður þá fáum við í ÞRÍ ekki nægjanlega mikið fjármagn frá stjórnvöldum til þess að geta sent annan einstakling með mér í nokkrar keppnir til þess að styðja við mig og aðstoða. Það virðist ekki skipta máli þrátt fyrir að ég hafi sýnt góðan árangur og miklar líkur á Ólympíusæti,“ skrifaði Guðlaug Edda. Það má lesa allan pistil hennar hér fyrir neðan. Þríþraut Mest lesið Klökkur Jóhann Berg beygði af í viðtali Enski boltinn Jóhann Berg fer frá Burnley í sumar Enski boltinn Reykti tvo pakka, át fjögur súkkulaðistykki og drakk tvær kókdósir á fyrsta hringnum Golf Koddaslagur sjónvarpsstjörnu endaði með ósköpum Sport Íhuga að reka Xavi sem hætti við að hætta Fótbolti Efsti maður heimslistans tók upphitunina í fangaklefanum Golf Schauffele heldur forystunni en Tiger langt frá niðurskurðinum Golf Rekinn tveimur dögum eftir bikarmeistaratitilinn Fótbolti Snorri Barón um Söru: „Ógeð sem enginn á að þurfa að ganga í gegnum“ Sport Valsmenn síðastir inn í átta liða úrslit Fótbolti Fleiri fréttir Tvisvar sinnum rekinn á sama deginum Koddaslagur sjónvarpsstjörnu endaði með ósköpum Arteta vonast eftir hjálp frá Moyes: „Vonandi gerist eitthvað dásamlegt“ Klökkur Jóhann Berg beygði af í viðtali Reykti tvo pakka, át fjögur súkkulaðistykki og drakk tvær kókdósir á fyrsta hringnum Jóhann Berg fer frá Burnley í sumar „Umgjörðin er bara engu lík, gæsahúð að hlaupa inn á völlinn“ Indiana svaraði fyrir og knúði fram oddaleik Efsti maður heimslistans tók upphitunina í fangaklefanum Íhuga að reka Xavi sem hætti við að hætta „Þurfum bara okkar besta leik í vetur“ Dagskráin í dag: Formúlan, NBA, ítalski og PGA-meistaramótið Schauffele heldur forystunni en Tiger langt frá niðurskurðinum Klopp myndi kjósa með afnámi VAR Rekinn tveimur dögum eftir bikarmeistaratitilinn Jóhann: Brotnuðum auðveldlega Valsmenn síðastir inn í átta liða úrslit Kristinn: Varnarleikur, varnarleikur og varnarleikur Southampton leikur um laust sæti í ensku úrvalsdeildinni Jón Dagur kom inn af bekknum og bjargaði stigi Van Dijk með þrennu og Diljá tvennu í stórsigri Leuven Tíunda tapið í röð hjá Íslendingaliði Balingen Valsmenn endurheimta Kára á besta tíma Uppgjör, viðtöl og myndir: Valur - Grindavík 89-79 | Valsmenn leiða í baráttunni um titilinn Kristín Dís lék allan leikinn er Brøndby komst í úrslit Martin og félagar hófu úrslitakeppnina á stórsigri Zlatan sendi Fury kveðju: „Njóttu bardagans og vertu viss um að vinna hann“ Meiðslapésarnir fara frá Liverpool Infantino segir samtökunum að hætta „tilgangslausu þrasi“ um leikjaálag Slot staðfestir að hann taki við Liverpool Sjá meira
Það er óhætt að segja að fyrsta keppnisferðalag hennar á árinu 2022 hafi ekki gengið áfallalaust fyrir sig eins og hún segir frá í pistli á fésbókarsíðu sinni. Tvær keppnir eru nú að baki og þar gekk á ýmsu áður en hún hóf sjálfa keppnina. Þurfti að finna keppnishjólið Edda hefur keppt í Portúgal og svo á sjálfeignarsvæði Spánverja innan Marokkó. „Þegar ég ferðaðist niður frá Lisbon til Quarteira týndist hjólið mitt og síðan festust nýju gjarðirnar mínar í portúgalska tollinum. Við tóku nokkrir erfiðir og stressandi dagar til þess að hafa uppi á hjólinu og reyna að losa gjarðirnar úr tollinum án þess að þurfa að borga morðfjár fyrir. Ég stend alveg ein þegar kemur að svona málum og eyddi því mörgum klukkutímum í símanum að reyna að leysa málin tvö talandi við fólk sem skyldi litla sem enga ensku og ég get ekki einu sinni talið hversu oft var skellt á mig. Sem betur fer leystist allt, hjólið fannst og gjarðirnar voru afhentar fyrir keppni,“ skrifaði Guðlaug Edda Hannesdóttir í pistli sínum. View this post on Instagram A post shared by Guðlaug Edda Hannesdo ttir (@eddahannesd) Smá móðursýkiskast á flugvellinum Næsta keppni var átta dögum síðar og þá tók annað vesen við. „Ég trúði ekki eigin augum þegar ég sá að allar töskur höfðu verið afhentar þegar ég lenti á flugvellinum í Melilla og taskan mín hafði ekki komið. Hvernig gat þetta komið fyrir mig aftur??,“ skrifaði Guðlaug Edda. Hún fór aftur upp á flugvöll og náði að hafa upp á tösku sinni en þá voru bara tuttugu tímar í keppni. Hún viðurkennir að hafa með smá móðursýkiskasti komist inn á flugvöllinn til að hafa upp á töskunni. „Ég náði mér aldrei niður eftir þetta “fight or flight” kast eftir týndu töskuna í Melilla fyrr en ég lenti á Íslandi þremur dögum eftir keppni. Þessa þrjá daga áður en ég komst heim átti ég erfitt með að sofna. Ég bara náði ekki að slökkva á mér. Ég held ég hafi aldrei á ævinni verið jafn uppgefin eftir tvær keppnisferðir. Ónæmiskerfið mitt var í rugli og blæðingum hafði seinkað vegna stress og álags,“ skrifaði Guðlaug Edda sem náði sér í flensuna á leiðinni heim. View this post on Instagram A post shared by Guðlaug Edda Hannesdo ttir (@eddahannesd) Ekkert sérstaklega spennt fyrir því að ferðast ein í allt sumar Vandræði Eddu hafa mikil áhrif á frammistöðu hennar því hún sjálf þarf að leysa öll vandamál þegar hún ætti í raun að vera safna kröftum fyrir keppni. Hún skrifar líka um þetta. „Eftir þessar áhugaverðu raunir í fyrstu keppnum ársins get ég viðurkennt að ég er ekkert sérstaklega spennt fyrir því að ferðast ein í allt sumar og þurfa að skipuleggja allt sjálf, leysa úr öllum vandamálum og finna lausnir hratt ásamt því að þurfa að keppa til að standa mig vel! Ég þarf heldur betur að finna eitthvað gott kerfi til að minnka stress sem mest til þess að geta hámarkað árangur og haldið mér í jafnvægi,“ skrifaði Guðlaug Edda. Vildi óska þess að afreksíþróttir á Íslandi fengju meiri stuðning „Það er ekki skrítið að flestir keppinautar mínir keppi ekki án aðstoðarfólks eða stuðningsaðila í þríþraut. Það er fullvinna bara að sjá um skipulag og vandamál sem kemur að svona stórum keppnum. Ég vildi stundum óska þess að afreksíþróttir á Íslandi fengju meiri stuðning til þess að við getum keppt á sama grundvelli og allir okkar keppinautar. Þríþraut á Ólympíuleveli er ótrúlega kostnaðarsöm og því miður þá fáum við í ÞRÍ ekki nægjanlega mikið fjármagn frá stjórnvöldum til þess að geta sent annan einstakling með mér í nokkrar keppnir til þess að styðja við mig og aðstoða. Það virðist ekki skipta máli þrátt fyrir að ég hafi sýnt góðan árangur og miklar líkur á Ólympíusæti,“ skrifaði Guðlaug Edda. Það má lesa allan pistil hennar hér fyrir neðan.
Þríþraut Mest lesið Klökkur Jóhann Berg beygði af í viðtali Enski boltinn Jóhann Berg fer frá Burnley í sumar Enski boltinn Reykti tvo pakka, át fjögur súkkulaðistykki og drakk tvær kókdósir á fyrsta hringnum Golf Koddaslagur sjónvarpsstjörnu endaði með ósköpum Sport Íhuga að reka Xavi sem hætti við að hætta Fótbolti Efsti maður heimslistans tók upphitunina í fangaklefanum Golf Schauffele heldur forystunni en Tiger langt frá niðurskurðinum Golf Rekinn tveimur dögum eftir bikarmeistaratitilinn Fótbolti Snorri Barón um Söru: „Ógeð sem enginn á að þurfa að ganga í gegnum“ Sport Valsmenn síðastir inn í átta liða úrslit Fótbolti Fleiri fréttir Tvisvar sinnum rekinn á sama deginum Koddaslagur sjónvarpsstjörnu endaði með ósköpum Arteta vonast eftir hjálp frá Moyes: „Vonandi gerist eitthvað dásamlegt“ Klökkur Jóhann Berg beygði af í viðtali Reykti tvo pakka, át fjögur súkkulaðistykki og drakk tvær kókdósir á fyrsta hringnum Jóhann Berg fer frá Burnley í sumar „Umgjörðin er bara engu lík, gæsahúð að hlaupa inn á völlinn“ Indiana svaraði fyrir og knúði fram oddaleik Efsti maður heimslistans tók upphitunina í fangaklefanum Íhuga að reka Xavi sem hætti við að hætta „Þurfum bara okkar besta leik í vetur“ Dagskráin í dag: Formúlan, NBA, ítalski og PGA-meistaramótið Schauffele heldur forystunni en Tiger langt frá niðurskurðinum Klopp myndi kjósa með afnámi VAR Rekinn tveimur dögum eftir bikarmeistaratitilinn Jóhann: Brotnuðum auðveldlega Valsmenn síðastir inn í átta liða úrslit Kristinn: Varnarleikur, varnarleikur og varnarleikur Southampton leikur um laust sæti í ensku úrvalsdeildinni Jón Dagur kom inn af bekknum og bjargaði stigi Van Dijk með þrennu og Diljá tvennu í stórsigri Leuven Tíunda tapið í röð hjá Íslendingaliði Balingen Valsmenn endurheimta Kára á besta tíma Uppgjör, viðtöl og myndir: Valur - Grindavík 89-79 | Valsmenn leiða í baráttunni um titilinn Kristín Dís lék allan leikinn er Brøndby komst í úrslit Martin og félagar hófu úrslitakeppnina á stórsigri Zlatan sendi Fury kveðju: „Njóttu bardagans og vertu viss um að vinna hann“ Meiðslapésarnir fara frá Liverpool Infantino segir samtökunum að hætta „tilgangslausu þrasi“ um leikjaálag Slot staðfestir að hann taki við Liverpool Sjá meira