Anna Guðný Guðmundsdóttir er látin Árni Sæberg skrifar 11. september 2022 23:56 Anna Guðný tók við heiðursverðlaunum íslensku tónlistarverðlaunanna árið 2022. Reykholtshátíð Anna Guðný Guðmundsdóttir píanóleikari er látin 64 ára að aldri eftir erfiða en aðdáunarverða baráttu við veikindi. Anna Guðný var lykilmaður í klassísku tónlistarlífi landsins áratugum saman og af mörgum talin besti meðleikari landsins. Margir af fremstu klassísku söngvurum og hljóðfæraleikurum landsins hafa minnst Önnu Guðnýjar á samfélagsmiðlum í kvöld. Hún hefur um árabil verið einn fremsti píanóleikari landins. Anna Guðný fæddist þann 6. september 1958 í Reykjavík. Hún hóf snemma píanónám í Barnamúsíkskólanum hjá Stefáni Edelstein og lauk stúdentsprófi frá Menntaskólanum við Hamrahlíð árið 1977. Þá lauk hún burtfararprófi frá Tónlistarskólanum í Reykjavík árið 1979 og loks lauk hún framhaldsnámi við Guildhall School of Music and Drama í London árið 1982. Anna Guðný ásamt eiginmanni sínum Sigurði Ingva Snorrasyni, dóttur þeirra Ástu og forsetahjónunum.Skrifstofa forseta Íslands Kom víða við á glæstum ferli Anna Guðný lagði á sínum tíma sérstaka áherslu á kammermúsík og meðleik með söng og hefur átt farsælt samstarf við marga af okkar þekktustu tónlistarmönnum. Um langt árabil sinnti Anna Guðný kennslustörfum, var píanókennari við Tónlistarskólann í Reykjavík og einnig við Menntaskólann í tónlist. Hún var fastráðinn píanóleikari hjá Sinfóníuhljómsveit Íslands um árabil og kom einnig fram með hljómsveitinni sem einleikari. Anna Guðný kom fram á fjölda kammertónleika með ýmsum söngvurum og hljóðfæraleikurum; á vegum Kammermúsíkklúbbsins, í Tíbrá tónleikaröðinni og tónlistarhátíðum um allt land. Anna Guðný ræðir í myndbandinu að neðan um muninn á að spila undir hjá söngvurum og hljóðfæraleikurum. Á ferli sínum lék hún einnig á tónleikum víða í Evrópu og í Kína, Japan, á Norðurlöndunum og víðar. Hún hefur enn fremur spilað inn á um 30 hljómplötur með mörgu fremsta listafólki þjóðarinnar auk þess að gefa út rómaðar einleiksplötur. Anna Guðný var þrisvar tilnefnd til Íslensku tónlistarverðlaunanna og hlaut verðlaunin árið 2008, sem flytjandi ársins, fyrir heildarflutning á tónverkinu Tuttugu tillit til Jesúbarnsins eftir Oliver Messiaen. Hún hlaut starfslaun menntamálaráðuneytisins 1995 og 2000, hlaut orðu Hvítu rósarinnar frá finnska ríkinu 1997, hún sinnti tónlistarráðgjöf á safninu á Gljúfrasteini um árabil og var bæjarlistamaður Mosfellsbæjar 2002. Anna Guðný tók við heiðursverðlaunum íslensku tónlistarverðlaunanna í mars síðastliðnum.Facebook „Ég hef verið umvafin tónlist frá því ég man eftir mér og það hefur verið mín gæfa. Ég trúi því að sá sem lifir í tónlist þurfi aldrei að vera einmana, verkefnalaus og vinalaus. Tónlistin getur bæði sefað og sameinað. Takk fyrir mig,“ sagði Anna Guðný þegar hún tók við heiðursverðlaunum íslensku tónlistarverðlaunanna í mars síðastliðinn. Að neðan má sjá brot úr ræðunni. Þá hlaut Anna Guðný riddarakross hinnar íslensku fálkaorðu fyrir framlag til tónlistarflutnings 17. júní síðastliðinn. Forseti Íslands sæmdi Önnu Guðnýju riddarakrossi í sumarFacebook Nutu samstarfsins við Önnu Guðnýju Óhætt er að segja að klassíska tónlistarfjölskyldan hér á landi hafi misst burðarás í starfi sínu við fráfall Önnu Guðnýjar. Hún var gift klarinettuleikaranum Sigurði Ingva Snorrasyni en þau spiluðu meðal annars árum saman við Sinfóníuhljómsveit Íslands og á hátíðum víða. Börn þeirra eru Marian, Daníel, Ásta og Guðmundur Snorri. Anna Guðný átti afar vel heppnað samstarf við marga af fremstu söngvurum landsins. Má nefna Kristinn Sigmundsson og Sigrúnu Hjálmtýsdóttur sem dæmi. En miklu fleiri nutu góðs af samstarfi við Önnu Guðnýju sem var annáluð sem stórkostlegur undirspilari. Dísella Lárusdóttir minnist Önnu Guðnýjar á Facebook í kvöld og sömu sögu er að segja um söngvarana Hallveigu Rúnarsdóttur, Guðrúnu Jóhönnu Ólafsdóttur, Gunnar Guðbjörnsson, Þóru Einarsdóttur og Stuart Skelton sem voru öll svo heppin að njóta góðs af samstarfi við Önnu Guðnýju. Andlát Sinfóníuhljómsveit Íslands Menning Tónlist Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Horfa á bíómyndir og senda tölvupósta á meðan þeir keyra Innlent Forsetavaktin 2024: Hver verður sjöundi forseti lýðveldisins? Innlent Konurnar hafi gert allt til að setja ekki svartan blett á starfsemina Innlent Segir alvarlegt hvernig Katrín tjáði sig um Persónuvernd Innlent Gantz hótar að segja af sér vegna ósættis við Netanjahú Erlent Með vopn og fíkniefni í útistöðum við dyravörð Innlent Bæjarstjóri sakaður um að vera njósnari: „Engin veit hver hún er“ Erlent Bergvin dæmdur fyrir að áreita þrjár konur Innlent Ástand Fico enn alvarlegt Erlent Ekki megrunarlyf heldur lyf við offitu Innlent Fleiri fréttir Konurnar hafi gert allt til að setja ekki svartan blett á starfsemina Með vopn og fíkniefni í útistöðum við dyravörð Horfa á bíómyndir og senda tölvupósta á meðan þeir keyra 40 tungumál eru töluð í leik- og grunnskólum Árborgar Segir alvarlegt hvernig Katrín tjáði sig um Persónuvernd Þungar áhyggjur af þyngdarstjórnunarlyfjum Bergvin dæmdur fyrir að áreita þrjár konur Slasaður eftir hestaslys í Ölfusi Nauðsynlegt að fresta atkvæðagreiðslu um umdeilda verksmiðju Ekki megrunarlyf heldur lyf við offitu Segja grafalvarlegt mál að fresta atkvæðagreiðslu „Það er miður að það falli til kostnaður vegna þessa“ Átök í Ölfusi og offitulyf Ákærður fyrir að pissa daginn eftir Fiskidaginn mikla Gular viðvaranir á Suðurlandi, Suðausturlandi og Faxaflóa á morgun Nauðugur sá kostur að fresta atkvæðagreiðslunni „Engu okkar er boðið að koma þarna og sjá“ Skuldirnar bíði þegar frelsið taki við Of þung en annars hraust á Ozempic Slagsmálahundar afþökkuðu aðstoð lögreglu Útgjöld ríkissjóðs vegna Grindavíkur hátt í hundrað milljarðar Fresta íbúakosningu í Ölfusi um mölunarverksmiðju Lífleg og skrautleg kosningabarátta að mati forsætisráðherra Dregur saman með efstu frambjóðendum Mesta kvika frá því að kvikugangurinn myndaðist Nota sykursýkislyf til að léttast og Rottweilerhundar bjóða í partý Látin móðir ekki dæmd í tugmilljóna lyfjasölumáli sonarins Sendiherra, sveitarstjóri og bæjarstjóri skipuð í nefnd Ætlar alla leið í baráttu fyrir nafninu sínu Stuðningslán með ríkisábyrgð fyrir grindvísk fyrirtæki Sjá meira
Margir af fremstu klassísku söngvurum og hljóðfæraleikurum landsins hafa minnst Önnu Guðnýjar á samfélagsmiðlum í kvöld. Hún hefur um árabil verið einn fremsti píanóleikari landins. Anna Guðný fæddist þann 6. september 1958 í Reykjavík. Hún hóf snemma píanónám í Barnamúsíkskólanum hjá Stefáni Edelstein og lauk stúdentsprófi frá Menntaskólanum við Hamrahlíð árið 1977. Þá lauk hún burtfararprófi frá Tónlistarskólanum í Reykjavík árið 1979 og loks lauk hún framhaldsnámi við Guildhall School of Music and Drama í London árið 1982. Anna Guðný ásamt eiginmanni sínum Sigurði Ingva Snorrasyni, dóttur þeirra Ástu og forsetahjónunum.Skrifstofa forseta Íslands Kom víða við á glæstum ferli Anna Guðný lagði á sínum tíma sérstaka áherslu á kammermúsík og meðleik með söng og hefur átt farsælt samstarf við marga af okkar þekktustu tónlistarmönnum. Um langt árabil sinnti Anna Guðný kennslustörfum, var píanókennari við Tónlistarskólann í Reykjavík og einnig við Menntaskólann í tónlist. Hún var fastráðinn píanóleikari hjá Sinfóníuhljómsveit Íslands um árabil og kom einnig fram með hljómsveitinni sem einleikari. Anna Guðný kom fram á fjölda kammertónleika með ýmsum söngvurum og hljóðfæraleikurum; á vegum Kammermúsíkklúbbsins, í Tíbrá tónleikaröðinni og tónlistarhátíðum um allt land. Anna Guðný ræðir í myndbandinu að neðan um muninn á að spila undir hjá söngvurum og hljóðfæraleikurum. Á ferli sínum lék hún einnig á tónleikum víða í Evrópu og í Kína, Japan, á Norðurlöndunum og víðar. Hún hefur enn fremur spilað inn á um 30 hljómplötur með mörgu fremsta listafólki þjóðarinnar auk þess að gefa út rómaðar einleiksplötur. Anna Guðný var þrisvar tilnefnd til Íslensku tónlistarverðlaunanna og hlaut verðlaunin árið 2008, sem flytjandi ársins, fyrir heildarflutning á tónverkinu Tuttugu tillit til Jesúbarnsins eftir Oliver Messiaen. Hún hlaut starfslaun menntamálaráðuneytisins 1995 og 2000, hlaut orðu Hvítu rósarinnar frá finnska ríkinu 1997, hún sinnti tónlistarráðgjöf á safninu á Gljúfrasteini um árabil og var bæjarlistamaður Mosfellsbæjar 2002. Anna Guðný tók við heiðursverðlaunum íslensku tónlistarverðlaunanna í mars síðastliðnum.Facebook „Ég hef verið umvafin tónlist frá því ég man eftir mér og það hefur verið mín gæfa. Ég trúi því að sá sem lifir í tónlist þurfi aldrei að vera einmana, verkefnalaus og vinalaus. Tónlistin getur bæði sefað og sameinað. Takk fyrir mig,“ sagði Anna Guðný þegar hún tók við heiðursverðlaunum íslensku tónlistarverðlaunanna í mars síðastliðinn. Að neðan má sjá brot úr ræðunni. Þá hlaut Anna Guðný riddarakross hinnar íslensku fálkaorðu fyrir framlag til tónlistarflutnings 17. júní síðastliðinn. Forseti Íslands sæmdi Önnu Guðnýju riddarakrossi í sumarFacebook Nutu samstarfsins við Önnu Guðnýju Óhætt er að segja að klassíska tónlistarfjölskyldan hér á landi hafi misst burðarás í starfi sínu við fráfall Önnu Guðnýjar. Hún var gift klarinettuleikaranum Sigurði Ingva Snorrasyni en þau spiluðu meðal annars árum saman við Sinfóníuhljómsveit Íslands og á hátíðum víða. Börn þeirra eru Marian, Daníel, Ásta og Guðmundur Snorri. Anna Guðný átti afar vel heppnað samstarf við marga af fremstu söngvurum landsins. Má nefna Kristinn Sigmundsson og Sigrúnu Hjálmtýsdóttur sem dæmi. En miklu fleiri nutu góðs af samstarfi við Önnu Guðnýju sem var annáluð sem stórkostlegur undirspilari. Dísella Lárusdóttir minnist Önnu Guðnýjar á Facebook í kvöld og sömu sögu er að segja um söngvarana Hallveigu Rúnarsdóttur, Guðrúnu Jóhönnu Ólafsdóttur, Gunnar Guðbjörnsson, Þóru Einarsdóttur og Stuart Skelton sem voru öll svo heppin að njóta góðs af samstarfi við Önnu Guðnýju.
Andlát Sinfóníuhljómsveit Íslands Menning Tónlist Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Horfa á bíómyndir og senda tölvupósta á meðan þeir keyra Innlent Forsetavaktin 2024: Hver verður sjöundi forseti lýðveldisins? Innlent Konurnar hafi gert allt til að setja ekki svartan blett á starfsemina Innlent Segir alvarlegt hvernig Katrín tjáði sig um Persónuvernd Innlent Gantz hótar að segja af sér vegna ósættis við Netanjahú Erlent Með vopn og fíkniefni í útistöðum við dyravörð Innlent Bæjarstjóri sakaður um að vera njósnari: „Engin veit hver hún er“ Erlent Bergvin dæmdur fyrir að áreita þrjár konur Innlent Ástand Fico enn alvarlegt Erlent Ekki megrunarlyf heldur lyf við offitu Innlent Fleiri fréttir Konurnar hafi gert allt til að setja ekki svartan blett á starfsemina Með vopn og fíkniefni í útistöðum við dyravörð Horfa á bíómyndir og senda tölvupósta á meðan þeir keyra 40 tungumál eru töluð í leik- og grunnskólum Árborgar Segir alvarlegt hvernig Katrín tjáði sig um Persónuvernd Þungar áhyggjur af þyngdarstjórnunarlyfjum Bergvin dæmdur fyrir að áreita þrjár konur Slasaður eftir hestaslys í Ölfusi Nauðsynlegt að fresta atkvæðagreiðslu um umdeilda verksmiðju Ekki megrunarlyf heldur lyf við offitu Segja grafalvarlegt mál að fresta atkvæðagreiðslu „Það er miður að það falli til kostnaður vegna þessa“ Átök í Ölfusi og offitulyf Ákærður fyrir að pissa daginn eftir Fiskidaginn mikla Gular viðvaranir á Suðurlandi, Suðausturlandi og Faxaflóa á morgun Nauðugur sá kostur að fresta atkvæðagreiðslunni „Engu okkar er boðið að koma þarna og sjá“ Skuldirnar bíði þegar frelsið taki við Of þung en annars hraust á Ozempic Slagsmálahundar afþökkuðu aðstoð lögreglu Útgjöld ríkissjóðs vegna Grindavíkur hátt í hundrað milljarðar Fresta íbúakosningu í Ölfusi um mölunarverksmiðju Lífleg og skrautleg kosningabarátta að mati forsætisráðherra Dregur saman með efstu frambjóðendum Mesta kvika frá því að kvikugangurinn myndaðist Nota sykursýkislyf til að léttast og Rottweilerhundar bjóða í partý Látin móðir ekki dæmd í tugmilljóna lyfjasölumáli sonarins Sendiherra, sveitarstjóri og bæjarstjóri skipuð í nefnd Ætlar alla leið í baráttu fyrir nafninu sínu Stuðningslán með ríkisábyrgð fyrir grindvísk fyrirtæki Sjá meira