Heitir Sádum afleiðingum vegna skerðingar á olíuframleiðslu Samúel Karl Ólason skrifar 12. október 2022 15:49 Joe Biden, forseti Bandaríkjanna, segist vilja að þingið komi að því að mögulega endurhugsa samband Bandaríkjanna og Sádi Arabíu. AP/Susan Walsh Joe Biden, forseti Bandaríkjanna, hét því í gær að ákvörðun OPEC+ ríkjanna svokölluðu um að draga verulega úr olíuframleiðslu myndi hafa afleiðingar fyrir Sádi-Arabíu, sem leiða samtökin og eiga að heita bandalagsríki Bandaríkjanna. Þingmenn Demókrataflokksins hafa kallað eftir því að Bandaríkin frysti allt varnarsamstarf með einræðisríkinu. Biden sagði í gær að ríkisstjórn hans væri að endurskoða samband Bandaríkjanna og Sádi-Arabíu, í ljósi þess að Sádar hefðu tekið þá ákvörðun að aðstoða Rússa við tekjuöflun samhliða átta mánaða stríðsrekstri þeirra í Úkraínu. OPEC+ ríkin ákváðu á fundi í síðustu viku að skerða olíuframleiðslu um tvær milljónir tunna á dag. Það var gert þrátt fyrir mikinn þrýsting frá Bandaríkjunum og öðrum, sem segja að hærra olíuverð muni koma niður á hagkerfum heimsins á komandi mánuðum. Þetta var stærsti samdráttur á framleiðslu frá 2020, þegar eftirspurn dróst verulega saman vegna faraldurs Covid. Sjá einnig: Skerða framleiðslu um tvær milljónir tunna Mikilvægt kosningamál Margir ráðamenn á Vesturlöndum líta á ákvörðunina sem greiða OPEC-ríkjanna við Rússa og viðleitni til að hjálpa Rússum varðandi viðskiptaþvinganir og refsiaðgerðir vegna innrásar þeirra í Úkraínu. Fulltrúar OPEC-ríkjanna sögðu skerðinguna til komna vegna lækkunar á olíuverði undanfarna mánuði. Strax eftir að ákvörðunin var kynnt sendi Hvíta húsið út tilkynningu um að gripið yrði til aðgerða með því markmiði að draga úr áhrifum ríkjanna á olíuverð í heiminum. Sjá einnig: Saka samtök olíuútflutningsfyrirtækja um að styðja Rússa Það að lækka olíuverð og draga úr verðbólgu í Bandaríkjunum er eitt af lykilmarkmiðum Bidens og þykir mjög mikilvægt Demókrötum í aðdraganda þingkosninga í Bandaríkjunum í næsta mánuði. Sögðu að ákvörðuninni yrði ekki vel tekið Fulltrúar Bandaríkjanna höfðu beðið ráðamenn í Sádi-Arabíu um að fresta ákvörðuninni en þeirri beiðni var neitað. Þá gerðu Bandaríkjamenn Sádum ljóst að þessari ákvörðun yrði tekið á þann veg að Sádar væru að taka afstöðu með Rússum, samkvæmt frétt Wall Street Journal. Sádar beittu fulltrúa annarra OPEC-ríkja þrýstingi til að fá þá til að samþykkja framleiðsluskerðinguna. Meðal þeirra í Bandaríkjunum sem hafa kallað eftir afleiðingum er öldungadeildarþingmaðurinn og Demókratinn Richard Blumenthal og fulltrúadeildarþingmaðurinn Ro Kanna. Þeir hafa þegar lagt fram frumvarp um að sala vopna til Sádi-Arabíu yrði fryst í minnst eitt ár. Frumvarpið fæli einnig í sér bann á sölu varahluta, viðgerðarþjónustu og annarskonar hernaðarstuðnings við Sáda. Biden lengi verið gagnrýninn í garð Sáda AP fréttaveitan segir óljóst hve langt Biden sé tilbúinn að ganga til að sýna óhamingju sína með yfirvöld í Sádi-Arabíu. Þegar Biden tók við embætti hét hann því að endurskoða samband ríkjanna tveggja en það var vegna mannréttindabrota Sáda og morðsins á blaðamanninum Jamal Khashoggi. Þegar olíuverð hækkaði verulega í upphafi þessa árs, fór Biden þó til Sádi-Arabíu í opinbert ferðalag og hitti þar fyrir Mohammed Bin Salmann, krónprins Sádi-Arabíu sem talinn er bera ábyrgð á morði Khashoggi. Þar heilsaði Biden MBS, eins og krónprinsinn er kallaður, af kumpánaskap og var harðlega gagnrýndur fyrir vikið. Markmið Bidens með ferðinni var að fá Sáda til að samþykkja meiri olíuframleiðslu en það gekk ekki eftir. Í viðtali við CNN í gær sagði Biden að hann myndi skoða sambandið við Sáda og að hann vildi að þingið hefði aðkomu að því. Hann sagði ekki hvort hann vildi styðja áðurnefnt frumvarp um vopnasölubann. „Það verða afleiðingar vegna þess sem þeir hafa gert með Rússum,“ sagði Biden. Hann vildi þó ekki fara nánar út í það. Talsmaður Þjóðaröryggisráðs Bandaríkjanna sagði einnig í gær að Biden væri þeirrar skoðunar að ganga þyrfti úr skugga um að samband Bandaríkjanna og Sádi-Arabíu væri í raun í hag Bandaríkjanna. Bandaríkjamenn hafa þegar ákveðið að hætta við þátttöku á ráðstefnu í Sádi-Arabíu í næstu viku þar sem ræða á varnarmál í Mið-Austurlöndum. Meðlimir OPEC, eða Samtaka olíuútflutningslanda, eru Alsír, Angóla, Austur-Kongó, Ekvador, Gabon, Írak, Íran, Katar, Kúveit, Líbía, Miðbaugs-Gínea, Nígería, Sameinuðu arabísku furstadæmin, Sádi-Arabía og Venesúela. Með Rússlandi og fulltrúum annarra ríkja þar sem olía er framleidd en tilheyra ekki OPEC er 24 ríkja hópurinn kallaður OPEC+. Bensín og olía Bandaríkin Sádi-Arabía Rússland Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Ólík sýn á hvort Íslandi eigi að styðja vörn Úkraínumanna Innlent „Við höfum ekki séð þetta á Íslandi áður“ Innlent Friðartillaga Ísraela sem Biden kynnti virðist fá hljómgrunn Erlent Skítkast í „skrýtinni og óvæginni“ kosningabaráttu Innlent VÍS þarf að bæta hluta jarðýtu í mannskæðu vinnuslysi Innlent „Við útrýmum ekki ofbeldi með hatri“ Innlent Hefði „slátrað“ dóttur sinni byggju þau í „arabalandi“ Innlent Forsetavaktin 2024: Hver verður sjöundi forseti lýðveldisins? Innlent Mótmælin í dag þau hörðustu í mörg ár Innlent Ný könnun sýnir stefna í æsispennandi kjördag Innlent Fleiri fréttir Friðartillaga Ísraela sem Biden kynnti virðist fá hljómgrunn „Við búum í fasísku ríki“ Segjast hafa skotið á flugmóðurskip eftir loftárásir Þarf að greiða fyrrverandi 137 milljarða í kjölfar framhjáhalds Ólíklegt að Trump fari í fangelsi Rýnt í stöðuna í Úkraínu: Bakhjarlar Úkraínu leyfa árásir í Rússlandi Heimilar notkun vopna frá Bandaríkjunum á rússneska grund Trump sakfelldur fyrir skjalafals í þagnargreiðslumáli Veita katalónskum aðskilnaðarsinnum sakaruppgjöf Stígur ekki til hliðar vegna umdeildra fána Gæsir og steggir að buga bæjaryfirvöld sem banna nekt og typpabúninga Svörtum vísað frá borði þegar kvartað var undan líkamslykt Ísraelsmenn taka yfir landamærin að Egyptalandi Flugvélin féll um 54 metra á fimm sekúndum Kviðdómendur leggjast undir feld í dag Gefa Úkraínumönnum eftirlitsflugvélar Útnefna Biden rafrænt til að koma honum örugglega á kjörseðilinn Fær ekki að bjóða sig fram fyrir Verkamannaflokkinn Þingmeirihluti ANC í hættu í Suður-Afríku Íbúar varaðir við rusl- og skítabelgjum frá Norður-Kóreu Segja árásir og aðgerðir Ísrael enn innan „rauðu línanna“ De Niro kallaði Trump skrímsli fyrir utan dómshúsið „Við höfum ekkert“ Ógiltu neitunarvald forseta til að koma fjölmiðlalögum í gegn Biðst afsökunar á ummælum um „faggaskap“ Yfir fimmtíu stig í hitabylgju í Pakistan Pólverjar víggirða landamærin í austri Forseti Perú kærður fyrir mútuþægni Yfirmaður ísraelsku leyniþjónustunnar sagður hafa hótað saksóknara Alþjóðasakamáladómstólsins Notaði niðrandi orð um samkynhneigða karla á lokuðum fundi Sjá meira
Biden sagði í gær að ríkisstjórn hans væri að endurskoða samband Bandaríkjanna og Sádi-Arabíu, í ljósi þess að Sádar hefðu tekið þá ákvörðun að aðstoða Rússa við tekjuöflun samhliða átta mánaða stríðsrekstri þeirra í Úkraínu. OPEC+ ríkin ákváðu á fundi í síðustu viku að skerða olíuframleiðslu um tvær milljónir tunna á dag. Það var gert þrátt fyrir mikinn þrýsting frá Bandaríkjunum og öðrum, sem segja að hærra olíuverð muni koma niður á hagkerfum heimsins á komandi mánuðum. Þetta var stærsti samdráttur á framleiðslu frá 2020, þegar eftirspurn dróst verulega saman vegna faraldurs Covid. Sjá einnig: Skerða framleiðslu um tvær milljónir tunna Mikilvægt kosningamál Margir ráðamenn á Vesturlöndum líta á ákvörðunina sem greiða OPEC-ríkjanna við Rússa og viðleitni til að hjálpa Rússum varðandi viðskiptaþvinganir og refsiaðgerðir vegna innrásar þeirra í Úkraínu. Fulltrúar OPEC-ríkjanna sögðu skerðinguna til komna vegna lækkunar á olíuverði undanfarna mánuði. Strax eftir að ákvörðunin var kynnt sendi Hvíta húsið út tilkynningu um að gripið yrði til aðgerða með því markmiði að draga úr áhrifum ríkjanna á olíuverð í heiminum. Sjá einnig: Saka samtök olíuútflutningsfyrirtækja um að styðja Rússa Það að lækka olíuverð og draga úr verðbólgu í Bandaríkjunum er eitt af lykilmarkmiðum Bidens og þykir mjög mikilvægt Demókrötum í aðdraganda þingkosninga í Bandaríkjunum í næsta mánuði. Sögðu að ákvörðuninni yrði ekki vel tekið Fulltrúar Bandaríkjanna höfðu beðið ráðamenn í Sádi-Arabíu um að fresta ákvörðuninni en þeirri beiðni var neitað. Þá gerðu Bandaríkjamenn Sádum ljóst að þessari ákvörðun yrði tekið á þann veg að Sádar væru að taka afstöðu með Rússum, samkvæmt frétt Wall Street Journal. Sádar beittu fulltrúa annarra OPEC-ríkja þrýstingi til að fá þá til að samþykkja framleiðsluskerðinguna. Meðal þeirra í Bandaríkjunum sem hafa kallað eftir afleiðingum er öldungadeildarþingmaðurinn og Demókratinn Richard Blumenthal og fulltrúadeildarþingmaðurinn Ro Kanna. Þeir hafa þegar lagt fram frumvarp um að sala vopna til Sádi-Arabíu yrði fryst í minnst eitt ár. Frumvarpið fæli einnig í sér bann á sölu varahluta, viðgerðarþjónustu og annarskonar hernaðarstuðnings við Sáda. Biden lengi verið gagnrýninn í garð Sáda AP fréttaveitan segir óljóst hve langt Biden sé tilbúinn að ganga til að sýna óhamingju sína með yfirvöld í Sádi-Arabíu. Þegar Biden tók við embætti hét hann því að endurskoða samband ríkjanna tveggja en það var vegna mannréttindabrota Sáda og morðsins á blaðamanninum Jamal Khashoggi. Þegar olíuverð hækkaði verulega í upphafi þessa árs, fór Biden þó til Sádi-Arabíu í opinbert ferðalag og hitti þar fyrir Mohammed Bin Salmann, krónprins Sádi-Arabíu sem talinn er bera ábyrgð á morði Khashoggi. Þar heilsaði Biden MBS, eins og krónprinsinn er kallaður, af kumpánaskap og var harðlega gagnrýndur fyrir vikið. Markmið Bidens með ferðinni var að fá Sáda til að samþykkja meiri olíuframleiðslu en það gekk ekki eftir. Í viðtali við CNN í gær sagði Biden að hann myndi skoða sambandið við Sáda og að hann vildi að þingið hefði aðkomu að því. Hann sagði ekki hvort hann vildi styðja áðurnefnt frumvarp um vopnasölubann. „Það verða afleiðingar vegna þess sem þeir hafa gert með Rússum,“ sagði Biden. Hann vildi þó ekki fara nánar út í það. Talsmaður Þjóðaröryggisráðs Bandaríkjanna sagði einnig í gær að Biden væri þeirrar skoðunar að ganga þyrfti úr skugga um að samband Bandaríkjanna og Sádi-Arabíu væri í raun í hag Bandaríkjanna. Bandaríkjamenn hafa þegar ákveðið að hætta við þátttöku á ráðstefnu í Sádi-Arabíu í næstu viku þar sem ræða á varnarmál í Mið-Austurlöndum. Meðlimir OPEC, eða Samtaka olíuútflutningslanda, eru Alsír, Angóla, Austur-Kongó, Ekvador, Gabon, Írak, Íran, Katar, Kúveit, Líbía, Miðbaugs-Gínea, Nígería, Sameinuðu arabísku furstadæmin, Sádi-Arabía og Venesúela. Með Rússlandi og fulltrúum annarra ríkja þar sem olía er framleidd en tilheyra ekki OPEC er 24 ríkja hópurinn kallaður OPEC+.
Bensín og olía Bandaríkin Sádi-Arabía Rússland Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Ólík sýn á hvort Íslandi eigi að styðja vörn Úkraínumanna Innlent „Við höfum ekki séð þetta á Íslandi áður“ Innlent Friðartillaga Ísraela sem Biden kynnti virðist fá hljómgrunn Erlent Skítkast í „skrýtinni og óvæginni“ kosningabaráttu Innlent VÍS þarf að bæta hluta jarðýtu í mannskæðu vinnuslysi Innlent „Við útrýmum ekki ofbeldi með hatri“ Innlent Hefði „slátrað“ dóttur sinni byggju þau í „arabalandi“ Innlent Forsetavaktin 2024: Hver verður sjöundi forseti lýðveldisins? Innlent Mótmælin í dag þau hörðustu í mörg ár Innlent Ný könnun sýnir stefna í æsispennandi kjördag Innlent Fleiri fréttir Friðartillaga Ísraela sem Biden kynnti virðist fá hljómgrunn „Við búum í fasísku ríki“ Segjast hafa skotið á flugmóðurskip eftir loftárásir Þarf að greiða fyrrverandi 137 milljarða í kjölfar framhjáhalds Ólíklegt að Trump fari í fangelsi Rýnt í stöðuna í Úkraínu: Bakhjarlar Úkraínu leyfa árásir í Rússlandi Heimilar notkun vopna frá Bandaríkjunum á rússneska grund Trump sakfelldur fyrir skjalafals í þagnargreiðslumáli Veita katalónskum aðskilnaðarsinnum sakaruppgjöf Stígur ekki til hliðar vegna umdeildra fána Gæsir og steggir að buga bæjaryfirvöld sem banna nekt og typpabúninga Svörtum vísað frá borði þegar kvartað var undan líkamslykt Ísraelsmenn taka yfir landamærin að Egyptalandi Flugvélin féll um 54 metra á fimm sekúndum Kviðdómendur leggjast undir feld í dag Gefa Úkraínumönnum eftirlitsflugvélar Útnefna Biden rafrænt til að koma honum örugglega á kjörseðilinn Fær ekki að bjóða sig fram fyrir Verkamannaflokkinn Þingmeirihluti ANC í hættu í Suður-Afríku Íbúar varaðir við rusl- og skítabelgjum frá Norður-Kóreu Segja árásir og aðgerðir Ísrael enn innan „rauðu línanna“ De Niro kallaði Trump skrímsli fyrir utan dómshúsið „Við höfum ekkert“ Ógiltu neitunarvald forseta til að koma fjölmiðlalögum í gegn Biðst afsökunar á ummælum um „faggaskap“ Yfir fimmtíu stig í hitabylgju í Pakistan Pólverjar víggirða landamærin í austri Forseti Perú kærður fyrir mútuþægni Yfirmaður ísraelsku leyniþjónustunnar sagður hafa hótað saksóknara Alþjóðasakamáladómstólsins Notaði niðrandi orð um samkynhneigða karla á lokuðum fundi Sjá meira
Yfirmaður ísraelsku leyniþjónustunnar sagður hafa hótað saksóknara Alþjóðasakamáladómstólsins