Stjörnur Fox efuðust bak við tjöldin um ásakanir um kosningasvindl Samúel Karl Ólason skrifar 17. febrúar 2023 11:02 Nokkrir af vinsælustu þáttastjórnendum Fox News príða veggi höfuðstöðva fyrirtækisins. Getty/Erik McGregor Þáttastjórnendur og forsvarsmenn Fox News töluðu sín á milli um verulegar efasemdir um að umfangsmikið kosningasvindl hefði kostað Donald Trump sigur í forsetakosningunum 2020. Þau sögðust telja að viðmælendur þeirra eins og lögmaðurinn Sidney Powell væru að ljúga að áhorfendum þeirra. Engu að síður fjölluðu þau ítrekað um ásakanirnar og ýttu undir þær. Þetta kemur fram í tölvupóstum og skilaboðum sem þau sendu hvort öðru og lögmenn fyrirtækisins Dominion Voting Systems, sem framleiðir kosningavélar sem notaðar eru víða í Bandaríkjunum, komu höndum yfir vegna lögsóknar gegn Fox. Dominion hefur höfðað mál gegn mörgum aðilum og fyrirtækjum vegna umfangsmikilla ásakana um að fyrirtækið hafi staðið í kosningasvindli. Forsvarsmenn Dominion hafa sakað Fox um meiðyrði en samkvæmt frétt New York Times gæti vinsælasta sjónvarpsstöð Bandaríkjanna verið dæmd til að greiða miklar skaðabætur, eða 1,6 milljarð dala. Dómsskjöl sem opinberuð voru í gærkvöldi innihalda mikið af samskiptum yfirmanna og starfsmanna Fox. Trump og fulltrúar hans héldu því ítrekað fram í kjölfar kosninganna að kosningasvindl hefði kostað Trump sigur. Engar upplýsingar hafa litið dagsins ljós sem gefa til kynna að það sé rétt. Margar af ásökunum um kosningasvindl beindust að Dominion og að vélar fyrirtækisins hefðu verið forritaðar til að breyta atkvæðum sem Trump fékk í atkvæði til Bidens. Powell hélt því meðal annars fram að um alþjóðlegt samsæri kommúnista væri að ræða og að vélarnar hefðu verið framleiddar í Venesúela. Hæddust að viðmælendum Meðal vinsælustu þáttastjórnenda Fox eru þau Tucker Carlson, Sean Hannity og Laura Ingraham. Samskipti þeirra sýna að þau hæddust ítrekað að tveimur ráðgjöfum Trumps, þeim Powell og Rudy Giuliani. „Sidney Powell er að ljúga. Ég gómaði hana. Þetta er klikkað,“ skrifaði Carlson í skilaboðum til Ingraham þann 18. nóvember, skömmu eftir kosningarnar. Þann sextánda hafði hann sent sambærileg skilaboð til pródúsents „Sidney er gjörsamlega klikkuð. Enginn mun vinna með henni. Það sama á við Rudy,“ svaraði Ingraham. Carlson svaraði um hæl: „Áhorfendur okkar eru gott fólk og þau munu trúa þessu.“ Í öðrum skilaboðum lýsti Carlson Powell, sem var tíður gestur á Fox, sem stjórnlausri eldflaug og sagði hana stórhættulega. Tucker Carlson (fyrir miðju) með þeim Marjorie Taylor Greene, þingkonu Repúblikanaflokksins og Donald Trump, fyrrverandi forseta.EPA/JUSTIN LANE Murdoch trúði ekki ásökununum Rupert Murdoch, stjórnarformaður Fox News, hafði ekki mikla trú á ásökunum um kosningasvindl og yfirlýsingum Trumps um kosningasvindl sem klikkuðum. Þegar hann horfði á Giuliani og Powell í sjónvarpinu sendi hann skilaboð á einn af yfirmönnum Fox og sagði: „Þetta er hræðilegt og ég óttast að þetta muni skemma alla.“ Sjá einnig: Murdoch snýr baki við Trump Við vitnaleiðslur sagði Sean Hannity, þáttastjórnandi, að hann hefði ekki trúað Powell í eina sekúndu. Eins og blaðamaður Washington Post bendir á, kemur fram í dómsskjölunum að Hannity sagði fólki að Trump hefði tapað kosningunum með lögmætum hætti og þyrfti að sætta sig við það. Hins vegar sagði hann áhorfendum sínum á Fox allt annað. Hannity ýtti ítrekað undir ósannar yfirlýsingar um kosningasvindl og gróf undan trausti áhorfenda á kosningaferlið. Though Hannity said in private that he knew Trump needed accept the election results, look at what the host presented to his viewers each night: https://t.co/qOS5w1N7LV— ErikWemple (@ErikWemple) February 17, 2023 Lögmenn Dominion segja að ekki einn einasti starfsmaður Fox, sem bar vitni í málinu, hafi sagst trúa ásökunum um kosningasvindl sem beindust að Dominion. Í lögsókn fyrirtækisins segir að starfsmenn Fox hafi vísvitandi dreift óhróðri um Dominion og að veitt gestum vettvang til að varpa fram yfirlýsingum sem starfsmenn og yfirmenn Fox vissu að væru ósannar. Sjá einnig: Framleiðendur kosningavéla stefna á fleiri lögsóknir Segja ásakanirnar fréttnæmar Lögmenn Fox segja aftur á móti, samkvæmt AP fréttaveitunni, að með lögsókninni sé Dominion að ráðast á fyrsta viðauka stjórnarskrár bandaríkjanna, sem snýr að málfrelsi og frelsi fjölmiðla. Markmiðið sé að refsa Fox fyrir að fjalla um eitt af stærstu fréttamálum þessa tíma. Það að sitjandi forseti og fulltrúar hans héldu því fram að kosningasvindl hefði átt sér stað. Þær yfirlýsingar væru fréttnæmar. Lögmennirnir segja einnig að þegar fulltrúar Dominion lýstu yfir mótmælum gegn ummælum um kosningasvindl hafi einnig verið fjallað um það. Þættir þeirra Carlsons, Hannity og Ingraham eru skilgreindir sem skoðanaþættir og þurfa þau því ekki að lúta sömu reglum og fréttastofur vestanhafs. Sjá einnig: Trump og Fox í eina sæng í kosningabaráttunni Það svigrúm nýttu þau sér til að fjalla um ásakanir Trumps. Frá starfsstöðvum Fox í New York.AP/Mark Lennihan Yfirmenn harðorðir í garð þáttastjórnenda Í dómsskjölunum kemur einni fram að yfirmenn Fox ræddu það að þáttastjórnendur sjónvarpsstöðvarinnar væru óáreiðanlegir og jafnvel klikkaðir. Einn sagði um Mariu Bartiromo að hún hlustaði sífellt á samsæringa og þeir notuðu hana til að dreifa áróðri þeirra. Annar yfirmaður sagði að ríkissjónvarp Norður-Kóreu gerði ekki eins einhliða þætti og Lou Dobbs. Annar yfirmaður lýsti Dobbs sem klikkuðum og yfirmenn sögðu svipaða hluti um Jeanine Pirro og jafnvel um þá Tucker Carlson og Sean Hannity. It's not Media Matters saying these things. It's Fox executives. pic.twitter.com/wLgUetR7AO— Oliver Darcy (@oliverdarcy) February 17, 2023 Vildu láta reka fréttakonu fyrir að leiðrétta tíst Trumps Dómsskjölin sýna einnig fram á deilur milli fréttadeildar Fox og þáttastjórnenda. Þann 12. nóvember töluðu þau Ingraham, Carlson og Hannity um fréttakonuna Jacqui Heinrich, sem hafði fjallað um tíst frá Donald Trump þar sem hann vísaði meðal annars í umfjöllun Hannity og Dobbs og talaði um Dominion og kosningasvindl. Heinrich sagði í eigin tísti að tíst Trumps innihéldi rangfærslur og að ekkert benti til þess að kosningasvindl hefði átt sér stað. Carlson sendi Hannity skilaboð og bað hann um að láta reka Heinrich vegna þessarar umfjöllunar. „Gerðu það láttu reka hana. Í alvörunni. Hvað í helvítinu? Ég er hneykslaður. Þetta verður að stöðva strax, þá meina ég í kvöld. Þetta kemur niður á fyrirtækinu, hlutabréfavirði hefur lækkað. Ég er ekki að grínast.“ Sjá einnig: Fréttamenn og þáttastjórnendur Fox deila Hannity sendi í kjölfarið skilaboð á einn af yfirmönnum Fox og lýsti yfir óánægju með tíst Heinrich. Hann sagðist ekki skilja hvernig starfsfólk fréttastofu Fox gæti hagað sér með þessum hætti. Heinrich eyddi tísti sínu. Réttarhöldin í máli Dominion gegn Fox eiga að hefjast í apríl. Bandaríkin Donald Trump Forsetakosningar í Bandaríkjunum 2020 Tengdar fréttir Telja vitni hafa logið um tilraunir Trumps til að snúa úrslitunum Sérstakur ákærudómstóll sem var kallaður saman til þess að rannsaka tilraunir Donalds Trump, fyrrverandi Bandaríkjaforseta, til þess að snúa við úrslitum forsetakosninganna árið 2020 í Georgíu telur að sum vitni hafi framið meinsæri. Hann mælir með að saksóknari gefi út ákærur. 16. febrúar 2023 17:51 Lögmaður Trumps í sigti saksóknara Alríkissaksóknarar sem halda utan um rannsókn Dómsmálaráðuneytis Bandaríkjanna á meðhöndlun Donalds Trumps, fyrrverandi forseta á leynilegum skjölum, vilja fá upplýsingar um samskipti Trumps og lögmanns hans. Þessi samskipti eru trúnaðarmál en saksóknararnir hafa leitað til dómara til að fá aðgang að þeim og fá lögmanninn í yfirheyrslu hjá ákærudómstól. 15. febrúar 2023 10:25 Haley fer fram gegn Trump Nikki Haley, fyrrverandi ríkisstjóri Suður-Karólínu og fyrrverandi sendiherra Bandaríkjanna hjá Sameinuðu þjóðunum, lýsti því yfir í morgun að hún ætli í forsetaframboð. Hún er sú fyrsta sem lýsir yfir framboði eftir að Donald Trump, fyrrverandi forseti, lýsti því yfir í nóvember í fyrra að hann ætlaði að gera aðra atlögu að Hvíta húsinu. 14. febrúar 2023 14:02 Neitaði oftar en 400 sinnum að svara spurningum saksóknara Donald Trump neitaði oftar en 400 sinnum að svara spurningum sem lagðar voru fyrir hann við yfirheyrslur vegna rannsóknar yfirvalda í New York. Þetta sést á myndskeiði af yfirheyrslunni sem CBS News hefur undir höndum. 1. febrúar 2023 07:44 Sakamálarannsóknin sneri að Trump sjálfum Sérstakur rannsakandi sem William Barr, dómsmálaráðherra Donalds Trumps, fyrrverandi forseti Bandaríkjanna, skipaði til að rannsaka uppruna Rússarannsóknarinnar svokölluðu, rannsakaði Trump sjálfan um tíma. 27. janúar 2023 12:25 Fjármálastjóri Trumps dæmdur í fangelsi fyrir skattsvik Allen Howard Weisselberg, sem starfaði lengi sem fjármálastjóri fyrirtækis Donalds Trumps, fyrrum Bandaríkjaforseta, var í dag dæmdur í fimm mánaða fangelsi fyrir skattvsvik. 10. janúar 2023 23:29 Assange bauð röngum Hannity upplýsingar um Demókrata „Ég fékk samviskubit. Hann hélt í alvörunni að hann væri að tala við Sean Hannity.“ 30. janúar 2018 14:15 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Forsetavaktin: Sjöundi forseti lýðveldisins verður kjörinn Innlent Fólk hafi kosið taktískt gegn Katrínu Innlent Batt á sig klút til heiðurs Höllu Innlent Bein útsending: Kosningasjónvarp Stöðvar 2 Innlent Hópur ungmenna réðst á starfsmann veitingastaðar Innlent Augljóst að kjósendur vilja konu sem næsta forseta Innlent Telur fylgið hafa farið á dreifingu vegna fjölda frambjóðenda Innlent Segir klútabyltinguna vera hafna Innlent Segir allt stefna í að Halla Tómasdóttir verði forseti Innlent Fyrstu tölur úr Suðvesturkjördæmi: Minnsti munurinn á Höllu og Katrínu hingað til Innlent Fleiri fréttir Fjöldi loftárása á orkuver víðsvegar um Úkraínu Friðartillaga Ísraela sem Biden kynnti virðist fá hljómgrunn „Við búum í fasísku ríki“ Segjast hafa skotið á flugmóðurskip eftir loftárásir Þarf að greiða fyrrverandi 137 milljarða í kjölfar framhjáhalds Ólíklegt að Trump fari í fangelsi Rýnt í stöðuna í Úkraínu: Bakhjarlar Úkraínu leyfa árásir í Rússlandi Heimilar notkun vopna frá Bandaríkjunum á rússneska grund Trump sakfelldur fyrir skjalafals í þagnargreiðslumáli Veita katalónskum aðskilnaðarsinnum sakaruppgjöf Stígur ekki til hliðar vegna umdeildra fána Gæsir og steggir að buga bæjaryfirvöld sem banna nekt og typpabúninga Svörtum vísað frá borði þegar kvartað var undan líkamslykt Ísraelsmenn taka yfir landamærin að Egyptalandi Flugvélin féll um 54 metra á fimm sekúndum Kviðdómendur leggjast undir feld í dag Gefa Úkraínumönnum eftirlitsflugvélar Útnefna Biden rafrænt til að koma honum örugglega á kjörseðilinn Fær ekki að bjóða sig fram fyrir Verkamannaflokkinn Þingmeirihluti ANC í hættu í Suður-Afríku Íbúar varaðir við rusl- og skítabelgjum frá Norður-Kóreu Segja árásir og aðgerðir Ísrael enn innan „rauðu línanna“ De Niro kallaði Trump skrímsli fyrir utan dómshúsið „Við höfum ekkert“ Ógiltu neitunarvald forseta til að koma fjölmiðlalögum í gegn Biðst afsökunar á ummælum um „faggaskap“ Yfir fimmtíu stig í hitabylgju í Pakistan Pólverjar víggirða landamærin í austri Forseti Perú kærður fyrir mútuþægni Yfirmaður ísraelsku leyniþjónustunnar sagður hafa hótað saksóknara Alþjóðasakamáladómstólsins Sjá meira
Þetta kemur fram í tölvupóstum og skilaboðum sem þau sendu hvort öðru og lögmenn fyrirtækisins Dominion Voting Systems, sem framleiðir kosningavélar sem notaðar eru víða í Bandaríkjunum, komu höndum yfir vegna lögsóknar gegn Fox. Dominion hefur höfðað mál gegn mörgum aðilum og fyrirtækjum vegna umfangsmikilla ásakana um að fyrirtækið hafi staðið í kosningasvindli. Forsvarsmenn Dominion hafa sakað Fox um meiðyrði en samkvæmt frétt New York Times gæti vinsælasta sjónvarpsstöð Bandaríkjanna verið dæmd til að greiða miklar skaðabætur, eða 1,6 milljarð dala. Dómsskjöl sem opinberuð voru í gærkvöldi innihalda mikið af samskiptum yfirmanna og starfsmanna Fox. Trump og fulltrúar hans héldu því ítrekað fram í kjölfar kosninganna að kosningasvindl hefði kostað Trump sigur. Engar upplýsingar hafa litið dagsins ljós sem gefa til kynna að það sé rétt. Margar af ásökunum um kosningasvindl beindust að Dominion og að vélar fyrirtækisins hefðu verið forritaðar til að breyta atkvæðum sem Trump fékk í atkvæði til Bidens. Powell hélt því meðal annars fram að um alþjóðlegt samsæri kommúnista væri að ræða og að vélarnar hefðu verið framleiddar í Venesúela. Hæddust að viðmælendum Meðal vinsælustu þáttastjórnenda Fox eru þau Tucker Carlson, Sean Hannity og Laura Ingraham. Samskipti þeirra sýna að þau hæddust ítrekað að tveimur ráðgjöfum Trumps, þeim Powell og Rudy Giuliani. „Sidney Powell er að ljúga. Ég gómaði hana. Þetta er klikkað,“ skrifaði Carlson í skilaboðum til Ingraham þann 18. nóvember, skömmu eftir kosningarnar. Þann sextánda hafði hann sent sambærileg skilaboð til pródúsents „Sidney er gjörsamlega klikkuð. Enginn mun vinna með henni. Það sama á við Rudy,“ svaraði Ingraham. Carlson svaraði um hæl: „Áhorfendur okkar eru gott fólk og þau munu trúa þessu.“ Í öðrum skilaboðum lýsti Carlson Powell, sem var tíður gestur á Fox, sem stjórnlausri eldflaug og sagði hana stórhættulega. Tucker Carlson (fyrir miðju) með þeim Marjorie Taylor Greene, þingkonu Repúblikanaflokksins og Donald Trump, fyrrverandi forseta.EPA/JUSTIN LANE Murdoch trúði ekki ásökununum Rupert Murdoch, stjórnarformaður Fox News, hafði ekki mikla trú á ásökunum um kosningasvindl og yfirlýsingum Trumps um kosningasvindl sem klikkuðum. Þegar hann horfði á Giuliani og Powell í sjónvarpinu sendi hann skilaboð á einn af yfirmönnum Fox og sagði: „Þetta er hræðilegt og ég óttast að þetta muni skemma alla.“ Sjá einnig: Murdoch snýr baki við Trump Við vitnaleiðslur sagði Sean Hannity, þáttastjórnandi, að hann hefði ekki trúað Powell í eina sekúndu. Eins og blaðamaður Washington Post bendir á, kemur fram í dómsskjölunum að Hannity sagði fólki að Trump hefði tapað kosningunum með lögmætum hætti og þyrfti að sætta sig við það. Hins vegar sagði hann áhorfendum sínum á Fox allt annað. Hannity ýtti ítrekað undir ósannar yfirlýsingar um kosningasvindl og gróf undan trausti áhorfenda á kosningaferlið. Though Hannity said in private that he knew Trump needed accept the election results, look at what the host presented to his viewers each night: https://t.co/qOS5w1N7LV— ErikWemple (@ErikWemple) February 17, 2023 Lögmenn Dominion segja að ekki einn einasti starfsmaður Fox, sem bar vitni í málinu, hafi sagst trúa ásökunum um kosningasvindl sem beindust að Dominion. Í lögsókn fyrirtækisins segir að starfsmenn Fox hafi vísvitandi dreift óhróðri um Dominion og að veitt gestum vettvang til að varpa fram yfirlýsingum sem starfsmenn og yfirmenn Fox vissu að væru ósannar. Sjá einnig: Framleiðendur kosningavéla stefna á fleiri lögsóknir Segja ásakanirnar fréttnæmar Lögmenn Fox segja aftur á móti, samkvæmt AP fréttaveitunni, að með lögsókninni sé Dominion að ráðast á fyrsta viðauka stjórnarskrár bandaríkjanna, sem snýr að málfrelsi og frelsi fjölmiðla. Markmiðið sé að refsa Fox fyrir að fjalla um eitt af stærstu fréttamálum þessa tíma. Það að sitjandi forseti og fulltrúar hans héldu því fram að kosningasvindl hefði átt sér stað. Þær yfirlýsingar væru fréttnæmar. Lögmennirnir segja einnig að þegar fulltrúar Dominion lýstu yfir mótmælum gegn ummælum um kosningasvindl hafi einnig verið fjallað um það. Þættir þeirra Carlsons, Hannity og Ingraham eru skilgreindir sem skoðanaþættir og þurfa þau því ekki að lúta sömu reglum og fréttastofur vestanhafs. Sjá einnig: Trump og Fox í eina sæng í kosningabaráttunni Það svigrúm nýttu þau sér til að fjalla um ásakanir Trumps. Frá starfsstöðvum Fox í New York.AP/Mark Lennihan Yfirmenn harðorðir í garð þáttastjórnenda Í dómsskjölunum kemur einni fram að yfirmenn Fox ræddu það að þáttastjórnendur sjónvarpsstöðvarinnar væru óáreiðanlegir og jafnvel klikkaðir. Einn sagði um Mariu Bartiromo að hún hlustaði sífellt á samsæringa og þeir notuðu hana til að dreifa áróðri þeirra. Annar yfirmaður sagði að ríkissjónvarp Norður-Kóreu gerði ekki eins einhliða þætti og Lou Dobbs. Annar yfirmaður lýsti Dobbs sem klikkuðum og yfirmenn sögðu svipaða hluti um Jeanine Pirro og jafnvel um þá Tucker Carlson og Sean Hannity. It's not Media Matters saying these things. It's Fox executives. pic.twitter.com/wLgUetR7AO— Oliver Darcy (@oliverdarcy) February 17, 2023 Vildu láta reka fréttakonu fyrir að leiðrétta tíst Trumps Dómsskjölin sýna einnig fram á deilur milli fréttadeildar Fox og þáttastjórnenda. Þann 12. nóvember töluðu þau Ingraham, Carlson og Hannity um fréttakonuna Jacqui Heinrich, sem hafði fjallað um tíst frá Donald Trump þar sem hann vísaði meðal annars í umfjöllun Hannity og Dobbs og talaði um Dominion og kosningasvindl. Heinrich sagði í eigin tísti að tíst Trumps innihéldi rangfærslur og að ekkert benti til þess að kosningasvindl hefði átt sér stað. Carlson sendi Hannity skilaboð og bað hann um að láta reka Heinrich vegna þessarar umfjöllunar. „Gerðu það láttu reka hana. Í alvörunni. Hvað í helvítinu? Ég er hneykslaður. Þetta verður að stöðva strax, þá meina ég í kvöld. Þetta kemur niður á fyrirtækinu, hlutabréfavirði hefur lækkað. Ég er ekki að grínast.“ Sjá einnig: Fréttamenn og þáttastjórnendur Fox deila Hannity sendi í kjölfarið skilaboð á einn af yfirmönnum Fox og lýsti yfir óánægju með tíst Heinrich. Hann sagðist ekki skilja hvernig starfsfólk fréttastofu Fox gæti hagað sér með þessum hætti. Heinrich eyddi tísti sínu. Réttarhöldin í máli Dominion gegn Fox eiga að hefjast í apríl.
Bandaríkin Donald Trump Forsetakosningar í Bandaríkjunum 2020 Tengdar fréttir Telja vitni hafa logið um tilraunir Trumps til að snúa úrslitunum Sérstakur ákærudómstóll sem var kallaður saman til þess að rannsaka tilraunir Donalds Trump, fyrrverandi Bandaríkjaforseta, til þess að snúa við úrslitum forsetakosninganna árið 2020 í Georgíu telur að sum vitni hafi framið meinsæri. Hann mælir með að saksóknari gefi út ákærur. 16. febrúar 2023 17:51 Lögmaður Trumps í sigti saksóknara Alríkissaksóknarar sem halda utan um rannsókn Dómsmálaráðuneytis Bandaríkjanna á meðhöndlun Donalds Trumps, fyrrverandi forseta á leynilegum skjölum, vilja fá upplýsingar um samskipti Trumps og lögmanns hans. Þessi samskipti eru trúnaðarmál en saksóknararnir hafa leitað til dómara til að fá aðgang að þeim og fá lögmanninn í yfirheyrslu hjá ákærudómstól. 15. febrúar 2023 10:25 Haley fer fram gegn Trump Nikki Haley, fyrrverandi ríkisstjóri Suður-Karólínu og fyrrverandi sendiherra Bandaríkjanna hjá Sameinuðu þjóðunum, lýsti því yfir í morgun að hún ætli í forsetaframboð. Hún er sú fyrsta sem lýsir yfir framboði eftir að Donald Trump, fyrrverandi forseti, lýsti því yfir í nóvember í fyrra að hann ætlaði að gera aðra atlögu að Hvíta húsinu. 14. febrúar 2023 14:02 Neitaði oftar en 400 sinnum að svara spurningum saksóknara Donald Trump neitaði oftar en 400 sinnum að svara spurningum sem lagðar voru fyrir hann við yfirheyrslur vegna rannsóknar yfirvalda í New York. Þetta sést á myndskeiði af yfirheyrslunni sem CBS News hefur undir höndum. 1. febrúar 2023 07:44 Sakamálarannsóknin sneri að Trump sjálfum Sérstakur rannsakandi sem William Barr, dómsmálaráðherra Donalds Trumps, fyrrverandi forseti Bandaríkjanna, skipaði til að rannsaka uppruna Rússarannsóknarinnar svokölluðu, rannsakaði Trump sjálfan um tíma. 27. janúar 2023 12:25 Fjármálastjóri Trumps dæmdur í fangelsi fyrir skattsvik Allen Howard Weisselberg, sem starfaði lengi sem fjármálastjóri fyrirtækis Donalds Trumps, fyrrum Bandaríkjaforseta, var í dag dæmdur í fimm mánaða fangelsi fyrir skattvsvik. 10. janúar 2023 23:29 Assange bauð röngum Hannity upplýsingar um Demókrata „Ég fékk samviskubit. Hann hélt í alvörunni að hann væri að tala við Sean Hannity.“ 30. janúar 2018 14:15 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Forsetavaktin: Sjöundi forseti lýðveldisins verður kjörinn Innlent Fólk hafi kosið taktískt gegn Katrínu Innlent Batt á sig klút til heiðurs Höllu Innlent Bein útsending: Kosningasjónvarp Stöðvar 2 Innlent Hópur ungmenna réðst á starfsmann veitingastaðar Innlent Augljóst að kjósendur vilja konu sem næsta forseta Innlent Telur fylgið hafa farið á dreifingu vegna fjölda frambjóðenda Innlent Segir klútabyltinguna vera hafna Innlent Segir allt stefna í að Halla Tómasdóttir verði forseti Innlent Fyrstu tölur úr Suðvesturkjördæmi: Minnsti munurinn á Höllu og Katrínu hingað til Innlent Fleiri fréttir Fjöldi loftárása á orkuver víðsvegar um Úkraínu Friðartillaga Ísraela sem Biden kynnti virðist fá hljómgrunn „Við búum í fasísku ríki“ Segjast hafa skotið á flugmóðurskip eftir loftárásir Þarf að greiða fyrrverandi 137 milljarða í kjölfar framhjáhalds Ólíklegt að Trump fari í fangelsi Rýnt í stöðuna í Úkraínu: Bakhjarlar Úkraínu leyfa árásir í Rússlandi Heimilar notkun vopna frá Bandaríkjunum á rússneska grund Trump sakfelldur fyrir skjalafals í þagnargreiðslumáli Veita katalónskum aðskilnaðarsinnum sakaruppgjöf Stígur ekki til hliðar vegna umdeildra fána Gæsir og steggir að buga bæjaryfirvöld sem banna nekt og typpabúninga Svörtum vísað frá borði þegar kvartað var undan líkamslykt Ísraelsmenn taka yfir landamærin að Egyptalandi Flugvélin féll um 54 metra á fimm sekúndum Kviðdómendur leggjast undir feld í dag Gefa Úkraínumönnum eftirlitsflugvélar Útnefna Biden rafrænt til að koma honum örugglega á kjörseðilinn Fær ekki að bjóða sig fram fyrir Verkamannaflokkinn Þingmeirihluti ANC í hættu í Suður-Afríku Íbúar varaðir við rusl- og skítabelgjum frá Norður-Kóreu Segja árásir og aðgerðir Ísrael enn innan „rauðu línanna“ De Niro kallaði Trump skrímsli fyrir utan dómshúsið „Við höfum ekkert“ Ógiltu neitunarvald forseta til að koma fjölmiðlalögum í gegn Biðst afsökunar á ummælum um „faggaskap“ Yfir fimmtíu stig í hitabylgju í Pakistan Pólverjar víggirða landamærin í austri Forseti Perú kærður fyrir mútuþægni Yfirmaður ísraelsku leyniþjónustunnar sagður hafa hótað saksóknara Alþjóðasakamáladómstólsins Sjá meira
Telja vitni hafa logið um tilraunir Trumps til að snúa úrslitunum Sérstakur ákærudómstóll sem var kallaður saman til þess að rannsaka tilraunir Donalds Trump, fyrrverandi Bandaríkjaforseta, til þess að snúa við úrslitum forsetakosninganna árið 2020 í Georgíu telur að sum vitni hafi framið meinsæri. Hann mælir með að saksóknari gefi út ákærur. 16. febrúar 2023 17:51
Lögmaður Trumps í sigti saksóknara Alríkissaksóknarar sem halda utan um rannsókn Dómsmálaráðuneytis Bandaríkjanna á meðhöndlun Donalds Trumps, fyrrverandi forseta á leynilegum skjölum, vilja fá upplýsingar um samskipti Trumps og lögmanns hans. Þessi samskipti eru trúnaðarmál en saksóknararnir hafa leitað til dómara til að fá aðgang að þeim og fá lögmanninn í yfirheyrslu hjá ákærudómstól. 15. febrúar 2023 10:25
Haley fer fram gegn Trump Nikki Haley, fyrrverandi ríkisstjóri Suður-Karólínu og fyrrverandi sendiherra Bandaríkjanna hjá Sameinuðu þjóðunum, lýsti því yfir í morgun að hún ætli í forsetaframboð. Hún er sú fyrsta sem lýsir yfir framboði eftir að Donald Trump, fyrrverandi forseti, lýsti því yfir í nóvember í fyrra að hann ætlaði að gera aðra atlögu að Hvíta húsinu. 14. febrúar 2023 14:02
Neitaði oftar en 400 sinnum að svara spurningum saksóknara Donald Trump neitaði oftar en 400 sinnum að svara spurningum sem lagðar voru fyrir hann við yfirheyrslur vegna rannsóknar yfirvalda í New York. Þetta sést á myndskeiði af yfirheyrslunni sem CBS News hefur undir höndum. 1. febrúar 2023 07:44
Sakamálarannsóknin sneri að Trump sjálfum Sérstakur rannsakandi sem William Barr, dómsmálaráðherra Donalds Trumps, fyrrverandi forseti Bandaríkjanna, skipaði til að rannsaka uppruna Rússarannsóknarinnar svokölluðu, rannsakaði Trump sjálfan um tíma. 27. janúar 2023 12:25
Fjármálastjóri Trumps dæmdur í fangelsi fyrir skattsvik Allen Howard Weisselberg, sem starfaði lengi sem fjármálastjóri fyrirtækis Donalds Trumps, fyrrum Bandaríkjaforseta, var í dag dæmdur í fimm mánaða fangelsi fyrir skattvsvik. 10. janúar 2023 23:29
Assange bauð röngum Hannity upplýsingar um Demókrata „Ég fékk samviskubit. Hann hélt í alvörunni að hann væri að tala við Sean Hannity.“ 30. janúar 2018 14:15
Yfirmaður ísraelsku leyniþjónustunnar sagður hafa hótað saksóknara Alþjóðasakamáladómstólsins