Innlent

Lögreglan á Vesturlandi komin á Teslu

Ólafur Björn Sverrisson skrifar
Lögguteslan er mætt á Akranes.
Lögguteslan er mætt á Akranes. Bjarni Þór Guðmundsson

Lögreglan á Vesturlandi hefur fest kaup á tveimur Teslu-bifreiðum sem notaðar verða við almenna löggæslu framvegis. Aðstoðaryfirlögregluþjónn segir bifreiðakaupin hluta af kolefnisjöfnun embættisins. 

Teslurnar eru að gerðinni Y og verða að öllum líkindum mættar á göturnar í maí, að sögn Ásmundar Rúnars Ásmundssonar, aðstoðaryfirlögregluþjóns hjá lögreglunni á Vesturlandi. 

„Við erum voðalega ánægðir með okkur, við erum fyrstir í Evrópu til að Nota Y-Tesluna. Við erum að kanna hvort hægt sé að nota Tesluna í almenna löggæslu. Þær verða sennilega fullbúnar í maí.,“ segir Ásmundur.

Teslan hefur vakið mikla athygli.Bjarni Þór Guðmundsson

Teslukaupin séu hluti af kolefnisjöfnun hjá embættinu. 

„Við erum að færa flotann yfir í rafmagn og tengiltvinnbíla. Svo erum við að kolefnisjafna í samstarfi við skógræktina og jarðskóga. Þetta er það sem ríkisstofnanir þurfa að gera og við stefnum á að vera komnir í núllið 2024.“

Ásmundur segir embættið hafa kynnt sér notkun notkun teslubifreiða í löggæslu í Bretlandi.

„Þeir hafa góða reynslu af þessu en öfunda okkur af raforkuverðinu,“ segir hann að lokum.

Akranes Lögreglan Vistvænir bílar
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið