Segja íslensku olíufélögin hafa gert þegjandi samráð um að lækka ekki verð Magnús Jochum Pálsson skrifar 11. apríl 2023 17:28 Bensínverð á Íslandi hefur ekki haldið í við heimsmarkaðsverð á olíu. Vísir/Vilhelm Félag íslenskra bifreiðaeigenda segir forstjóra Skeljungs reyna að afvegaleiða umræðu um óeðlilega hátt bensínverð hér á landi. Félagið segir að íslensku olíufélögin hafi með sér þegjandi samráð um að lækka ekki útsöluverð á bensíni og dísilolíu þrátt fyrir lækkandi verð eldsneytis á heimsmarkaði. Þetta kemur fram í fréttatilkynningu sem FÍB sendi út í dag vegna ummæla Þórðar Guðjónssonar, forstjóra Skeljungs, um bensínverð á Íslandi. Þar segist FÍB undrast hvernig Þórður Guðjónsson, forstjóri Skeljungs, reyni að afvegaleiða umræðu um óeðlilega hátt bensínverð hérlendis með þeim ummælum að hér á landi séu ekki reknar olíuhreinsistöðvar og því sé ekki rétt að miða útsöluverð á eldsneyti við verðsveiflur á heimsmarkaðsverði hráolíu. Hann hafi haldið þessu fram í viðtali við RÚV þann 10. apríl síðastliðinn. Þessi ummæli eru í tilkynningunni sögð „með ólíkindum“ og að forstjóri Skeljungs ætti að vita, í ljósi þess hvar hann starfar, að sala eldsneytis miðist á hverjum tíma við „heimsmarkaðsverð á unninni olíu (bensín, dísilolía) sem sveiflast í samræmi við heimsmarkaðsverð á hráolíu.“ Þar skipti staðsetning olíuhreinsistöðva engu máli. Forstjóri Skeljungs svari fyrir öll olíufélögin Þá segir í tilkynningunni að það sé í meira lagi sérkennilegt að forstjóri Skeljungs kjósi að svara fyrir öll olíufélög hér á landi þegar hann hafnar því að „félögin haldi verði óeðlilega háu.“ Íslensku olíufélögin kaupi öll eldsneyti frá sama framleiðanda, norska ríkisolíufélaginu Equinor. Flestir smásöluaðilar á eldsneyti á Norðurlöndunum vinni með sama hætti og íslensku olíufélögin, kaupi í heildsölu af birgja og selji aftur til neytenda. „Stundum er aukið birgðahald og dreifing á höndum smásöluaðila en oft er því öllu útvistað,“ segir í tilkynningunni og er eldsneytissala Costco á Íslandi tekið sem dæmi um þetta. Hún sé í viðskiptasambandi við Skeljung um eldsneyti og birgðadreifingu að stöð félagsins í Garðabæ. Þar bjóði Costco sínum viðskiptavinum upp á þrettán krónu lægra lítraverð á bensíni en ódýrustu stöðvar Orkunnar sem Skeljungur rekur. Línurit sem sýnir þróun bensínsverðs, annars vegar heimsmarkaðsverð og hvernig danskt bensínverð helst í hendur við það og hins vegar hvernig íslenskt bensínverð hefur þróast.FÍB „Ef Equinor byði ekki samkeppnishæft verð þá færu félög á íslenska olíumarkaðnum með sín viðskipti annað. Hvers vegna forstjóri Skeljungs reynir að halda öðru fram vekur undrun,“ stendur í tilkynningunni. Meðfylgjandi tilkynningunni er línurit (sjá fyrir ofan) sem sýnir þróun bensínverðs á Íslandi og í Danmörku í samanburði við heimsmarkaðsverð á Norður-Evrópumarkaði á bensíni. Ummæli forstjórans breyti engu um niðurstöðu FÍB Forstjóri Skeljungs sagði í viðtali við Rúv að olíufélögin héldu eldsneytisverði ekki óeðlilega háu og að hagnaður olíufélaganna á Íslandi hafi minnkað. Þessar yfirlýsingar eru dregnar í efa í tilkynningunni og að þegar framlegð Skeljungs sé skoðuð sjáist að hún sé „í krónutölu jafn há núna og fyrir heimsfaraldurinn, en þá kostaði lítrinn nær 200 krónum meðan hann kostar núna yfir 300 krónur.“ Að lokum segir að ummæli forstjóra Skeljungs breyti engu um þá niðurstöðu FÍB að „íslensku olíufélögin hafi með sér þegjandi samráð um að lækka ekki útsöluverð á bensíni og dísilolíu þrátt fyrir lækkandi verð eldsneytis á heimsmarkaði.“ Samanburðurinn við Danmörku sé sláandi, þar fylgi útsöluverðið heimsmarkaðsverðinu en hér hafi útsöluverðið haldist óbreyt mörgum mánuðum eftir að heimsmarkaðsverðið fór að lækka til muna. Bensín og olía Costco Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Hnífjöfn atkvæðagreiðsla sem gæti endað fyrir dómi Viðskipti innlent Dagar Workplace eru taldir Viðskipti erlent Segir arðgreiðslur ÁTVR hafa lækkað um 400 milljónir vegna netsölu Viðskipti innlent Fyrsta flugi Icelandair til Pittsburgh fagnað Viðskipti Fyrirtæki hvött til að halda upp á daginn í dag og gera sér dagamun Atvinnulíf Rauf sátt vegna Max-málsins og gæti átt yfir höfði sér refsimál Viðskipti erlent Snillingur í útlöndum: „Þegar vinirnir keyptu sér nammi keypti ég mér diskókúlur“ Atvinnulíf Fóru í fyrsta flugið milli Calgary og Keflavíkurflugvallar Viðskipti innlent VÍS gefið yfir 1.100 fjölskyldum barnabílspegla í sængurgjöf Samstarf Guðmundur tilnefndur til Evrópsku nýsköpunarverðlaunanna 2024 Viðskipti innlent Fleiri fréttir Sekta Árvakur um 1,5 milljónir króna vegna fjölda dulinna auglýsinga Þarf að greiða kortareikninginn og meira til í málskostnað Vonast til að koma dánarbúinu í góðar hendur Helmingur Íslendinga sáttur við falsanir og eftirlíkingar Allir með fjölnota innkaupapoka fá frítt í strætó á morgun Stöð 2+ lækkar verð Enn ekkert að frétta af félagi sem þúsundir Íslendinga eiga kröfu á Villta vestrið í gjaldtöku bílastæða FÍB vill að Neytendastofa grípi til aðgerða vegna ófremdarástands í bílastæðamálum Mamman ítrekað læst úti en fær engar skaðabætur Flúðu dónalegan fararstjóra og fá ekki krónu Laumuðu fötunum með barnabílstólunum og fá lægri bætur Hótelið alls ekki sex hundruð metra frá ströndinni Athafnaleysi Katrínar geti skaðað hagsmuni landsmanna Sjá meira
Þetta kemur fram í fréttatilkynningu sem FÍB sendi út í dag vegna ummæla Þórðar Guðjónssonar, forstjóra Skeljungs, um bensínverð á Íslandi. Þar segist FÍB undrast hvernig Þórður Guðjónsson, forstjóri Skeljungs, reyni að afvegaleiða umræðu um óeðlilega hátt bensínverð hérlendis með þeim ummælum að hér á landi séu ekki reknar olíuhreinsistöðvar og því sé ekki rétt að miða útsöluverð á eldsneyti við verðsveiflur á heimsmarkaðsverði hráolíu. Hann hafi haldið þessu fram í viðtali við RÚV þann 10. apríl síðastliðinn. Þessi ummæli eru í tilkynningunni sögð „með ólíkindum“ og að forstjóri Skeljungs ætti að vita, í ljósi þess hvar hann starfar, að sala eldsneytis miðist á hverjum tíma við „heimsmarkaðsverð á unninni olíu (bensín, dísilolía) sem sveiflast í samræmi við heimsmarkaðsverð á hráolíu.“ Þar skipti staðsetning olíuhreinsistöðva engu máli. Forstjóri Skeljungs svari fyrir öll olíufélögin Þá segir í tilkynningunni að það sé í meira lagi sérkennilegt að forstjóri Skeljungs kjósi að svara fyrir öll olíufélög hér á landi þegar hann hafnar því að „félögin haldi verði óeðlilega háu.“ Íslensku olíufélögin kaupi öll eldsneyti frá sama framleiðanda, norska ríkisolíufélaginu Equinor. Flestir smásöluaðilar á eldsneyti á Norðurlöndunum vinni með sama hætti og íslensku olíufélögin, kaupi í heildsölu af birgja og selji aftur til neytenda. „Stundum er aukið birgðahald og dreifing á höndum smásöluaðila en oft er því öllu útvistað,“ segir í tilkynningunni og er eldsneytissala Costco á Íslandi tekið sem dæmi um þetta. Hún sé í viðskiptasambandi við Skeljung um eldsneyti og birgðadreifingu að stöð félagsins í Garðabæ. Þar bjóði Costco sínum viðskiptavinum upp á þrettán krónu lægra lítraverð á bensíni en ódýrustu stöðvar Orkunnar sem Skeljungur rekur. Línurit sem sýnir þróun bensínsverðs, annars vegar heimsmarkaðsverð og hvernig danskt bensínverð helst í hendur við það og hins vegar hvernig íslenskt bensínverð hefur þróast.FÍB „Ef Equinor byði ekki samkeppnishæft verð þá færu félög á íslenska olíumarkaðnum með sín viðskipti annað. Hvers vegna forstjóri Skeljungs reynir að halda öðru fram vekur undrun,“ stendur í tilkynningunni. Meðfylgjandi tilkynningunni er línurit (sjá fyrir ofan) sem sýnir þróun bensínverðs á Íslandi og í Danmörku í samanburði við heimsmarkaðsverð á Norður-Evrópumarkaði á bensíni. Ummæli forstjórans breyti engu um niðurstöðu FÍB Forstjóri Skeljungs sagði í viðtali við Rúv að olíufélögin héldu eldsneytisverði ekki óeðlilega háu og að hagnaður olíufélaganna á Íslandi hafi minnkað. Þessar yfirlýsingar eru dregnar í efa í tilkynningunni og að þegar framlegð Skeljungs sé skoðuð sjáist að hún sé „í krónutölu jafn há núna og fyrir heimsfaraldurinn, en þá kostaði lítrinn nær 200 krónum meðan hann kostar núna yfir 300 krónur.“ Að lokum segir að ummæli forstjóra Skeljungs breyti engu um þá niðurstöðu FÍB að „íslensku olíufélögin hafi með sér þegjandi samráð um að lækka ekki útsöluverð á bensíni og dísilolíu þrátt fyrir lækkandi verð eldsneytis á heimsmarkaði.“ Samanburðurinn við Danmörku sé sláandi, þar fylgi útsöluverðið heimsmarkaðsverðinu en hér hafi útsöluverðið haldist óbreyt mörgum mánuðum eftir að heimsmarkaðsverðið fór að lækka til muna.
Bensín og olía Costco Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Hnífjöfn atkvæðagreiðsla sem gæti endað fyrir dómi Viðskipti innlent Dagar Workplace eru taldir Viðskipti erlent Segir arðgreiðslur ÁTVR hafa lækkað um 400 milljónir vegna netsölu Viðskipti innlent Fyrsta flugi Icelandair til Pittsburgh fagnað Viðskipti Fyrirtæki hvött til að halda upp á daginn í dag og gera sér dagamun Atvinnulíf Rauf sátt vegna Max-málsins og gæti átt yfir höfði sér refsimál Viðskipti erlent Snillingur í útlöndum: „Þegar vinirnir keyptu sér nammi keypti ég mér diskókúlur“ Atvinnulíf Fóru í fyrsta flugið milli Calgary og Keflavíkurflugvallar Viðskipti innlent VÍS gefið yfir 1.100 fjölskyldum barnabílspegla í sængurgjöf Samstarf Guðmundur tilnefndur til Evrópsku nýsköpunarverðlaunanna 2024 Viðskipti innlent Fleiri fréttir Sekta Árvakur um 1,5 milljónir króna vegna fjölda dulinna auglýsinga Þarf að greiða kortareikninginn og meira til í málskostnað Vonast til að koma dánarbúinu í góðar hendur Helmingur Íslendinga sáttur við falsanir og eftirlíkingar Allir með fjölnota innkaupapoka fá frítt í strætó á morgun Stöð 2+ lækkar verð Enn ekkert að frétta af félagi sem þúsundir Íslendinga eiga kröfu á Villta vestrið í gjaldtöku bílastæða FÍB vill að Neytendastofa grípi til aðgerða vegna ófremdarástands í bílastæðamálum Mamman ítrekað læst úti en fær engar skaðabætur Flúðu dónalegan fararstjóra og fá ekki krónu Laumuðu fötunum með barnabílstólunum og fá lægri bætur Hótelið alls ekki sex hundruð metra frá ströndinni Athafnaleysi Katrínar geti skaðað hagsmuni landsmanna Sjá meira