Kalla eftir aðgerðum í tengslum við leiðtogafundinn Máni Snær Þorláksson skrifar 16. maí 2023 12:42 Amnesty International kallar eftir aðgerðum í tengslum við leiðtogafundinn sem fram fer í Hörpu í dag og á morgun. Getty/NurPhoto Í tilefni af leiðtogafundi Evrópuráðsins sem haldinn er í Hörpu í dag og á morgun kallar Amnesty eftir því að gripið verði til aðgerða vegna fimm atriða sem samtökin hafa fjallað um að undanförnu. Evrópuráðið verði að nýta tækifærið sem fundurinn felur í sér og þrýsta á að aðildarríki efli mannréttindavernd í álfunni. Þessi fimm atriði sem um ræðir eru sterkari vernd borgaralegra réttinda, verndun og styrking óháðra dómskerfa, viðnám við bakslagi í jafnrétti kynjanna, nýtt framtak til að auka áhrif Evrópuráðsins og að gerendur stríðsglæpa verði dregnir fyrir sjálfstæða, hlutlausa og sanngjarna dómstóla. Í tilkynningu frá samtökunum er farið ýtarlega yfir hvert og eitt atriði: Sterkari vernd borgaralegra réttinda Amnesty segir að á síðastliðnum árum hafi borgaraleg réttindi, þar á meðal tjáningar- og fundafrelsi, átt undir högg að sækja í Evrópu. Til að mynda hafi mátt sjá versnandi stöðu mannréttinda í Rússlandi í aðdraganda innrás þeirra í Úkraínu. „Slíka þróun má sjá víðar í Evrópu, eins og til dæmis í Aserbaísjan, Póllandi og Tyrklandi.“ Samtökin segja auknar árásir á mannréttindafrömuði og borgaraleg samtök hafa átt sér stað í Evrópu á undanförnum árum. Ásamt því hafi hömlur verið settar á störf þeirra. „Í mörgum ríkjum er sanngjörn málsmeðferð í upplausn og hömlur hafa verið settar á félaga-, funda- og tjáningarfrelsi víða í Evrópu.“ Verndun og styrking óháðra dómskerfa Amnesty segir aðildarríki Evrópuráðsins eins og Pólland, Ungverjaland og Tyrkland hafa ógnað stöðu Mannréttindadómstóls Evrópu og Mannréttindasáttmála Evrópu með því að virða ekki úrskurði dómstólsins. Mannréttindadómstóllinn sé mikilvægur til að standa vörð um löggjöf um mannréttindi í álfunni. Stóraukinn málafjöldi sem rati til dómstólsins beri þess merki að sjálfstæði og hlutleysi dómstóla aðildarríkjanna séu ekki tryggð. „Amnesty International bendir á að vanefndir á úrskurðum Mannréttindadómstóls Evrópu megi ekki verða viðtekin venja,“ segir í tilkynningunni. Þá hvetja samtökin til fordæmingar á neitun Tyrklands um að framfylgja úrskurðum dómstólsins um að leysa úr haldi mannréttindafrömuðinn Osman Kavala í samræmi við alþjóðlegar skuldbindingar sínar. „Það veikir stöðu Mannréttindadómstólsins og Mannréttindasáttmála Evrópu að úrskurðum dómstólsins sé ekki framfylgt. Amnesty International kallar eftir að leiðtogafundurinn fjalli af fullri alvöru um kerfisbundnar vanefndir ákveðinna aðildarríkja, eins og Tyrklands, að öðrum kosti er holur hljómur í öllu tali um að stuðla að auknum mannréttindum innan álfunnar með nýjum skuldbindingum. “ Viðnám við bakslagi í jafnrétti kynjanna Í tilkynningu Amnesty segir að stjórnvöld um alla Evrópu hafi á síðustu árum takmarkað kvenréttindi og réttindi hinsegin fólks í auknum mæli. Rússnesk og pólsk yfirvöld hafi beitt sér gegn réttindum kvenna og hingsegin fólks og Tyrkland hafi meðal annars sagt sig frá Istanbúlsamningnum. Samtökin kalla eftir því að leiðtogafundurinn beiti sér gegn bakslaginu sem á sér stað í jafnrétti kynjanna og réttindum hinsegin fólks. „Samtökin mælast til að öll aðildarríki Evrópuráðsins skuldbindi sig til að staðfesta, eftir því sem við á, og framfylgja Istanbúlsamningnum. Þá kalla samtökin eftir því að tekið verði á úrsögn Tyrklands frá Istanbúlsamningnum sem og andstöðu ákveðinna aðildarríkja að fylgja meginreglum Istanbúlsamningsins. Istanbúlsamningurinn verður að vera ein helsta skuldbinding Evrópuráðsins og krafa fyrir aðild að Evrópuráðinu. “ Nýtt framtak til að auka áhrif Evrópuráðsins Amnesty International leggur þá til að kerfi Evrópuráðsins verði bætt og gert skilvirkara og áhrifaríkara. Samtökin segja að málshöfðanir vegna brota á vissum greinum Mannréttindasáttmála Evrópu og andstöðu ríkis við að framfylgja úrskurðum ættu að kalla á viðeigandi viðbrögð í formi alþjóðlegs fundar aðildarríkja. Það sé óviðunandi að sum ríki neiti samvinnu við ákveðna eftirlitsaðila og komi í veg fyrir heimsóknir þeirra og skýrslugjöf. „Slíkur skortur á samvinnu ætti að ávallt að vera á dagskrá funda ráðherranefndarinnar, þar á meðal á árlegum ráðherrafundi,“ segir í tilkynningunni. Einnig leggja samtökin til að Evrópusambandið samþykki Mannréttindasáttmála Evrópu í samræmi við skuldbindingar Lissabon-sáttmálans og að sambandið staðfesti Istanbúlsamninginn og tryggi að aðildarríki þess geri slíkt hið sama. Þá leggja samtökin áherslu á að rétturinn til hreins, heilnæms og sjálfbærs umhverfis verði formlega viðurkenndur með lagalega bindandi bókun í Mannréttindasáttmála Evrópu. Þannig sé hægt að tryggja traustan og samfelldan lagalegan grunn fyrir Mannréttindadómstól Evrópu er lýtur að umhverfismálum. „Það auðveldar innleiðingu og framfylgd réttarins til hreins, heilnæms og sjálfbærs umhverfis í aðildarríkjum Evrópuráðsins. “ Gerendur stríðsglæpa verði dregnir fyrir dómstóla Fimmta atriðið sem Amnesty kallar eftir aðgerðum í varðar stríð Rússlands í Úkraínu. Samtökin segja að þar hafi verið framdir glæpir samkvæmt alþjóðalögum í gríðarlega miklu mæli. Kallað er eftir því að gerendurnir verði dregnir fyrir sjálfstæða, hlutlausa og sanngjarna dómstóla fyrir alla glæpi sem þeir hafa framið í trássi við alþjóðleg lög, þar á meðal glæpi gegn friði. „Réttur þolenda verður að vera í forgrunni í rannsóknum og lögsóknum vegna þessara glæpa og þolendur verða að geta sótt rétt sinn til miska- og skaðabóta.“ Samtökin segja leiðtogafundinn vera tækifæri fyrir Evrópuráðið til að stíga skref í átt að því að draga Rússland til ábyrgðar vegna stríðsins og hinna mörgu brota á alþjóðlegum mannúðarlögum og mannréttindum í stríðsátökunum. „Til að leiðtogafundurinn geti hins vegar borið árangur og blásið nýju lífi í Evrópuráðið verða aðildarríkin að setja það í forgang að taka á skeytingarleysi Tyrklands gagnvart skuldbindingum sínum. Einnig ættu aðildarríkin að nýta leiðtogafundinn í að setja í forgang baráttuna gegn skerðingu borgaralegs samfélags, verndun og styrkingu óháðra og hlutlausra dómstóla og berjast gegn bakslagi í réttindum kvenna og hinsegin fólks. Að undanskildum réttinum til hreins, heilnæms og sjálfbærs umhverfis ætti leiðtogafundurinn að leggja minni áherslu á að koma á fót nýjum stofnunum og meiri áherslu á að gera núverandi kerfi skilvirkari og öflugri. “ Leiðtogafundur Evrópuráðsins í Reykjavík 2023 Mannréttindi Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Leigan fyrir 100 fermetra hús í Grindavík 62.500 á mánuði Innlent Ágreiningur innan stjórnarinnar brýst upp á yfirborðið Erlent Manni bjargað úr sjónum í nótt eftir að bátur hans sökk Innlent Meinleysisgrey sem séu lífríkinu afar mikilvæg Innlent Vilja sinna Íslendingum á Spáni betur Innlent Slapp við meiðsli á höfði og hrygg Innlent Forsetavaktin 2024: Hver verður sjöundi forseti lýðveldisins? Innlent Fico ekki talinn í lífshættu Erlent Um 800 börn bíða eftir leikskólaplássi í Reykjavík Innlent „Þetta reddast“ voru fyrstu orðin sem hann lærði Innlent Fleiri fréttir Vilja sinna Íslendingum á Spáni betur Dregið úr hrinunni við Sýlingarfell Slapp við meiðsli á höfði og hrygg Leigan fyrir 100 fermetra hús í Grindavík 62.500 á mánuði Manni bjargað úr sjónum í nótt eftir að bátur hans sökk Um 800 börn bíða eftir leikskólaplássi í Reykjavík Meinleysisgrey sem séu lífríkinu afar mikilvæg Sjö smáskjálftar við Sýlingarfell og Veðurstofan fylgist vel með „Þetta reddast“ voru fyrstu orðin sem hann lærði Lögreglan þurfi nauðsynlega auknar rannsóknarheimildir Mikill meirihluti hlynntur dánaraðstoð Fátt ef nokkuð stöðvar eldislaxinn Segir seinlæti First Water stórfurðulegt Hæstiréttur segir tíma í flugvél vera vinnutíma Vill ræða brottvísun til Nígeríu í nefnd: „Skelfileg ásýnd á þessu máli“ Gjörbreytt bílpróf en segja hvergi slegið af kröfum Fagna framfaraskrefi ráðherra en vilja afnema tilvísanakerfið Þórdís í sendinefnd til Georgíu vegna umdeildra laga Maðurinn fannst heill á húfi Hundaskítur fyrir utan kosningamiðstöð Baldurs vekur spurningar Skilur uppnám skólasamfélagsins í Laugardal en horfa þurfi á staðreyndir Bréf Eggerts kom flatt upp á bæjarstjórnarmenn Flugvél Icelandair þurfti að snúa við Píratar hafa áhyggjur af skorti á eftirliti með lögreglu Úr 256 pakkningum á mánuði upp í sex þúsund Útlendingalög, tilvísanir og skólabygging í Laugardal Fólk setji símana á akstursstillingu til að koma í veg fyrir slys Hundrað milljarða fjárfesting í uppnámi Beðnir um að senda börnin sín með net vegna flugnafaraldurs „Nú verður þú bara að spyrja Bjarna“ Sjá meira
Þessi fimm atriði sem um ræðir eru sterkari vernd borgaralegra réttinda, verndun og styrking óháðra dómskerfa, viðnám við bakslagi í jafnrétti kynjanna, nýtt framtak til að auka áhrif Evrópuráðsins og að gerendur stríðsglæpa verði dregnir fyrir sjálfstæða, hlutlausa og sanngjarna dómstóla. Í tilkynningu frá samtökunum er farið ýtarlega yfir hvert og eitt atriði: Sterkari vernd borgaralegra réttinda Amnesty segir að á síðastliðnum árum hafi borgaraleg réttindi, þar á meðal tjáningar- og fundafrelsi, átt undir högg að sækja í Evrópu. Til að mynda hafi mátt sjá versnandi stöðu mannréttinda í Rússlandi í aðdraganda innrás þeirra í Úkraínu. „Slíka þróun má sjá víðar í Evrópu, eins og til dæmis í Aserbaísjan, Póllandi og Tyrklandi.“ Samtökin segja auknar árásir á mannréttindafrömuði og borgaraleg samtök hafa átt sér stað í Evrópu á undanförnum árum. Ásamt því hafi hömlur verið settar á störf þeirra. „Í mörgum ríkjum er sanngjörn málsmeðferð í upplausn og hömlur hafa verið settar á félaga-, funda- og tjáningarfrelsi víða í Evrópu.“ Verndun og styrking óháðra dómskerfa Amnesty segir aðildarríki Evrópuráðsins eins og Pólland, Ungverjaland og Tyrkland hafa ógnað stöðu Mannréttindadómstóls Evrópu og Mannréttindasáttmála Evrópu með því að virða ekki úrskurði dómstólsins. Mannréttindadómstóllinn sé mikilvægur til að standa vörð um löggjöf um mannréttindi í álfunni. Stóraukinn málafjöldi sem rati til dómstólsins beri þess merki að sjálfstæði og hlutleysi dómstóla aðildarríkjanna séu ekki tryggð. „Amnesty International bendir á að vanefndir á úrskurðum Mannréttindadómstóls Evrópu megi ekki verða viðtekin venja,“ segir í tilkynningunni. Þá hvetja samtökin til fordæmingar á neitun Tyrklands um að framfylgja úrskurðum dómstólsins um að leysa úr haldi mannréttindafrömuðinn Osman Kavala í samræmi við alþjóðlegar skuldbindingar sínar. „Það veikir stöðu Mannréttindadómstólsins og Mannréttindasáttmála Evrópu að úrskurðum dómstólsins sé ekki framfylgt. Amnesty International kallar eftir að leiðtogafundurinn fjalli af fullri alvöru um kerfisbundnar vanefndir ákveðinna aðildarríkja, eins og Tyrklands, að öðrum kosti er holur hljómur í öllu tali um að stuðla að auknum mannréttindum innan álfunnar með nýjum skuldbindingum. “ Viðnám við bakslagi í jafnrétti kynjanna Í tilkynningu Amnesty segir að stjórnvöld um alla Evrópu hafi á síðustu árum takmarkað kvenréttindi og réttindi hinsegin fólks í auknum mæli. Rússnesk og pólsk yfirvöld hafi beitt sér gegn réttindum kvenna og hingsegin fólks og Tyrkland hafi meðal annars sagt sig frá Istanbúlsamningnum. Samtökin kalla eftir því að leiðtogafundurinn beiti sér gegn bakslaginu sem á sér stað í jafnrétti kynjanna og réttindum hinsegin fólks. „Samtökin mælast til að öll aðildarríki Evrópuráðsins skuldbindi sig til að staðfesta, eftir því sem við á, og framfylgja Istanbúlsamningnum. Þá kalla samtökin eftir því að tekið verði á úrsögn Tyrklands frá Istanbúlsamningnum sem og andstöðu ákveðinna aðildarríkja að fylgja meginreglum Istanbúlsamningsins. Istanbúlsamningurinn verður að vera ein helsta skuldbinding Evrópuráðsins og krafa fyrir aðild að Evrópuráðinu. “ Nýtt framtak til að auka áhrif Evrópuráðsins Amnesty International leggur þá til að kerfi Evrópuráðsins verði bætt og gert skilvirkara og áhrifaríkara. Samtökin segja að málshöfðanir vegna brota á vissum greinum Mannréttindasáttmála Evrópu og andstöðu ríkis við að framfylgja úrskurðum ættu að kalla á viðeigandi viðbrögð í formi alþjóðlegs fundar aðildarríkja. Það sé óviðunandi að sum ríki neiti samvinnu við ákveðna eftirlitsaðila og komi í veg fyrir heimsóknir þeirra og skýrslugjöf. „Slíkur skortur á samvinnu ætti að ávallt að vera á dagskrá funda ráðherranefndarinnar, þar á meðal á árlegum ráðherrafundi,“ segir í tilkynningunni. Einnig leggja samtökin til að Evrópusambandið samþykki Mannréttindasáttmála Evrópu í samræmi við skuldbindingar Lissabon-sáttmálans og að sambandið staðfesti Istanbúlsamninginn og tryggi að aðildarríki þess geri slíkt hið sama. Þá leggja samtökin áherslu á að rétturinn til hreins, heilnæms og sjálfbærs umhverfis verði formlega viðurkenndur með lagalega bindandi bókun í Mannréttindasáttmála Evrópu. Þannig sé hægt að tryggja traustan og samfelldan lagalegan grunn fyrir Mannréttindadómstól Evrópu er lýtur að umhverfismálum. „Það auðveldar innleiðingu og framfylgd réttarins til hreins, heilnæms og sjálfbærs umhverfis í aðildarríkjum Evrópuráðsins. “ Gerendur stríðsglæpa verði dregnir fyrir dómstóla Fimmta atriðið sem Amnesty kallar eftir aðgerðum í varðar stríð Rússlands í Úkraínu. Samtökin segja að þar hafi verið framdir glæpir samkvæmt alþjóðalögum í gríðarlega miklu mæli. Kallað er eftir því að gerendurnir verði dregnir fyrir sjálfstæða, hlutlausa og sanngjarna dómstóla fyrir alla glæpi sem þeir hafa framið í trássi við alþjóðleg lög, þar á meðal glæpi gegn friði. „Réttur þolenda verður að vera í forgrunni í rannsóknum og lögsóknum vegna þessara glæpa og þolendur verða að geta sótt rétt sinn til miska- og skaðabóta.“ Samtökin segja leiðtogafundinn vera tækifæri fyrir Evrópuráðið til að stíga skref í átt að því að draga Rússland til ábyrgðar vegna stríðsins og hinna mörgu brota á alþjóðlegum mannúðarlögum og mannréttindum í stríðsátökunum. „Til að leiðtogafundurinn geti hins vegar borið árangur og blásið nýju lífi í Evrópuráðið verða aðildarríkin að setja það í forgang að taka á skeytingarleysi Tyrklands gagnvart skuldbindingum sínum. Einnig ættu aðildarríkin að nýta leiðtogafundinn í að setja í forgang baráttuna gegn skerðingu borgaralegs samfélags, verndun og styrkingu óháðra og hlutlausra dómstóla og berjast gegn bakslagi í réttindum kvenna og hinsegin fólks. Að undanskildum réttinum til hreins, heilnæms og sjálfbærs umhverfis ætti leiðtogafundurinn að leggja minni áherslu á að koma á fót nýjum stofnunum og meiri áherslu á að gera núverandi kerfi skilvirkari og öflugri. “
Leiðtogafundur Evrópuráðsins í Reykjavík 2023 Mannréttindi Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Leigan fyrir 100 fermetra hús í Grindavík 62.500 á mánuði Innlent Ágreiningur innan stjórnarinnar brýst upp á yfirborðið Erlent Manni bjargað úr sjónum í nótt eftir að bátur hans sökk Innlent Meinleysisgrey sem séu lífríkinu afar mikilvæg Innlent Vilja sinna Íslendingum á Spáni betur Innlent Slapp við meiðsli á höfði og hrygg Innlent Forsetavaktin 2024: Hver verður sjöundi forseti lýðveldisins? Innlent Fico ekki talinn í lífshættu Erlent Um 800 börn bíða eftir leikskólaplássi í Reykjavík Innlent „Þetta reddast“ voru fyrstu orðin sem hann lærði Innlent Fleiri fréttir Vilja sinna Íslendingum á Spáni betur Dregið úr hrinunni við Sýlingarfell Slapp við meiðsli á höfði og hrygg Leigan fyrir 100 fermetra hús í Grindavík 62.500 á mánuði Manni bjargað úr sjónum í nótt eftir að bátur hans sökk Um 800 börn bíða eftir leikskólaplássi í Reykjavík Meinleysisgrey sem séu lífríkinu afar mikilvæg Sjö smáskjálftar við Sýlingarfell og Veðurstofan fylgist vel með „Þetta reddast“ voru fyrstu orðin sem hann lærði Lögreglan þurfi nauðsynlega auknar rannsóknarheimildir Mikill meirihluti hlynntur dánaraðstoð Fátt ef nokkuð stöðvar eldislaxinn Segir seinlæti First Water stórfurðulegt Hæstiréttur segir tíma í flugvél vera vinnutíma Vill ræða brottvísun til Nígeríu í nefnd: „Skelfileg ásýnd á þessu máli“ Gjörbreytt bílpróf en segja hvergi slegið af kröfum Fagna framfaraskrefi ráðherra en vilja afnema tilvísanakerfið Þórdís í sendinefnd til Georgíu vegna umdeildra laga Maðurinn fannst heill á húfi Hundaskítur fyrir utan kosningamiðstöð Baldurs vekur spurningar Skilur uppnám skólasamfélagsins í Laugardal en horfa þurfi á staðreyndir Bréf Eggerts kom flatt upp á bæjarstjórnarmenn Flugvél Icelandair þurfti að snúa við Píratar hafa áhyggjur af skorti á eftirliti með lögreglu Úr 256 pakkningum á mánuði upp í sex þúsund Útlendingalög, tilvísanir og skólabygging í Laugardal Fólk setji símana á akstursstillingu til að koma í veg fyrir slys Hundrað milljarða fjárfesting í uppnámi Beðnir um að senda börnin sín með net vegna flugnafaraldurs „Nú verður þú bara að spyrja Bjarna“ Sjá meira