Erlent

Kramdist undir osti í tonna­vís og lést

Sólrún Dögg Jósefsdóttir skrifar
Hjólin vógu um fjörutíu kíló hvert og féllu til jarðar út allt að tíu metra hæð.
Hjólin vógu um fjörutíu kíló hvert og féllu til jarðar út allt að tíu metra hæð. EPA

Ítalskur maður lét lífið á sunnudag eftir að hafa lent undir fjalli af fjörutíu kílóa þungum hjólum af grana padano osti þegar hilla í vöruhúsi í bænum Romano di Lombardia gaf eftir.

Ítalinn Giacomo Chiapparini lét lífið þegar ostahjólin féllu á hann í þúsundatali. Keðjuverkandi áhrif urðu til þess að hjólin féllu til jarðar hvert á fætur öðru, segir í frétt BBC.

Samkvæmt slökkviliðsmanni í Lombardy-héraði tók björgunaraðila tólf klukkustundir að finna lík mannsins undir ostinum. Íbúi sagði hljóðið sem kom þegar ostarnir hrundu til jarðar hafa minnt á þrumur. Þá hafi sum hjólin fallið úr allt að tíu metra hæð.

Áætlað er að fjárhagslega tjónið sem fylgdi slysinu nemi rúmum milljarði króna en um 25 þúsund hjól af grana padano osti, sem svipar til parmesan osts, voru að finna í vöruhúsinu.

Ítalía Matur
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið