Innlent

Eldur í kjallara á Stórhöfða

Gunnar Reynir Valþórsson skrifar
Að sögn varðstjóra gekk slökkvistarf vel.
Að sögn varðstjóra gekk slökkvistarf vel. Vísir/Vilhelm

Eldur kom upp í kjallara iðnaðarhúsnæðis á Stórhöfða í Reykjavík í morgun. Slökkviliðið fékk tilkynninguna upp úr klukkan fimm og þegar komið var á vettvang sást eldur loga fyrir utan húsið.

Í fyrstu leit út fyrir að eldurinn væri í vörubrettum á lóðinni og væri að teygja sig í efri hæðir hússins en þegar betur var að gáð kom í ljós að eldur logaði einnig innandyra í kjallara hússins. Þar mun vera nokkuð stórt lagerrými. Allar stöðvar voru þá kallaðar á staðinn og gekk slökkvistarf vel. Því var lokið um klukkan sjö.

Að sögn varðstjóra hjá Slökkviliði höfuðborgarsvæðisins urðu nokkrar skemmdir á kjallaranum en slökkviliði tókst að hindra að eldurinn bærist víðar og því eru skemmdirnar bundnar við kjallarann.

Slökkvilið Reykjavík
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið