Settist upp í hjá ökumanni í vímu sem bakkaði á ógnarhraða Árni Sæberg skrifar 25. október 2023 16:36 Slysið átti sér stað við Nýbýlaveg í Kópavogi. Stöð 2/Arnar Kona hefur verið dæmd til þess að bera helming tjóns síns, sem hún hlaut eftir umferðarslys, sjálf. Hún settist upp í bíl hjá ökumanni sem var undir áhrifum fíkniefna og bakkaði á ríflega fimmtíu kílómetra hraða. Í dómi Héraðsdóm Reykjavíkur segir að konan hafi lent í umferðarslysi við Nýbýlaveg í Kópavogi í byrjun júlí árið 2018. Hún hafi verið farþegi í bifreið þar sem henni var bakkað á mikilli ferð eftir Nýbýlavegi þar til ökumaður missti stjórn á bifreiðinni með þeim afleiðingum að bifreiðin lenti uppi á gangstéttarkanti, fór utan í staur og snerist hálfhring. Hún hafi setið í aftursæti bifreiðarinnar og við áreksturinn hafi hún skollið saman við annan farþega í aftursætinu og orðið fyrir meiðslum. Hafi ekið „allt of hratt“ Í lögregluskýrslu eftir slysið segir að ökumaðurinn hafi sagst hafa ekið aftur á bak í austurátt eftir hliðargötu Nýbýlavegar, sem liggur meðfram Nýbýlavegi frá húsi nr. 38, en ekið sé út á stofnbraut Nýbýlavegar móts við hús nr. 56. Ökumaðurinn viðukenni að hafa bakkað bifreið sinni á um það bil 50 til 55 kílómetra hraða á klukkustund, en hámarkshraði á vettvangi sé 30 kílómetrar á klukkustund. Ökumaður bifreiðarinnar segðist hafa ætlað að bakka inn á bifreiðastæði framan við hús nr. 54 við Nýbýlaveg vegna þess að önnur bifreið hefði verið að aka inn á hliðargötuna. Hann hefði hins vegar ekki ráðið við bifreiðina vegna þess að hann hefði „ekið allt of hratt“ og því lent uppi á gangstéttinni milli húsa nr. 54 og 56 og utan í kantinum. Samkvæmt sömu lögregluskýrsu hafi vaknað grunur um að ökumaðurinn væri undir áhrifum fíkiefna. Við rannsókn hafi mælst amfetamín, kókaín og kannabis í blóði hans, Vildi fullar bætur Í dóminum segir að Vátryggingafélag Íslands, Vís, hafi tilkynnt konunni í ágúst sama árs að til skoðunar væri að skerða eða fella niður bótarétt hennar. Vakin hafi verið athygli á því að Vís myndi ekki taka endanlega ákvörðun um það hvort félagið myndi bera fyrir sig heimild til skerðingar eða niðurfellingar bótaréttar fyrr en frekari gagnaöflun ætti sér stað. Vís hafi svo tilkynnt konunni í mars árið 2019 að bætur hennar yrðu skertar um 2/3 hluta með vísan til ákvæðis laga um ökutækjatryggingar, sem heimilar lækkun eða niðurfellingu bóta ef sá sem varð fyrir tjóni eða lést var meðvaldur að tjóninu af ásetningi eða stórkostlegu gáleysi, á þeim grundvelli að konunni gæti ekki hafa dulist að ökumaðurinn hefði verið undir áhrifum ávana-og fíkniefna við aksturinn. Konan hefði, með því að taka sér far með ökumanni sem var undir áhrifum slíkra efna, verið meðvöld að tjóninu af stórkostlegu gáleysi. Niðurstaða mat sem báðir aðilar máls hefðu óskað eftir hafi verið að varanlegur miski konunnar væri tíu stig og varanleg örorka tíu prósent. Konunni hafi verið greiddar 1/3 hluti bóta, 2,1 milljón króna, og hún hafi skotið málinu til úrskurðarnefndar vátryggingamála, sem hafi komist að þeirri niðurstöðu að konan ætti rétt á bótum en að ábyrgð Vís skyldi takmarkast við helming af heildartjóni. Konan höfðaði því mál á hendur Vís til heimtu fullra bóta. Sagðist ekki hafa ætlað að fá far Í dóminum segir að af hálfu konunnar hafi verið byggt á því að aldrei hafi staðið til af hennar hálfu að taka sér far með ökumanninum umrætt sinn, heldur hafi tilgangurinn eingöngu verið sá að fá greiðslu frá ökumanninum vegna fíkniefnaskuldar. Vitni, sem fór upp í bifreiðina með stefnanda á Nýbýlavegi, hafi stutt þennan framburð konunnar í skýrslu sinni fyrir dómi. Ökumaðurinn sjálfur og annað vitni hafi hins vegar borið um að eftir nokkurt spjall um greiðslu skuldarinnar hefði staðið til að aka konunni og hinum farþeganum upp í Breiðholt. Að mati dómsins væri frásögn konunnar um að ekki hafi staðið til að þiggja far ótrúverðug. Þar væri haft í huga verulegt ósamræmi milli málatilbúnaðar í stefnu annars vegar og í framburði konunnar fyrir dómi hins vegar. Þannig hafi komið fram í stefnunni að konan hafi tekið sér far með bifreiðinni umrætt sinn og jafnframt að konan hafi treyst því að ökumaðurinn væri allsgáður, enda hafi hann komið akandi á bifreiðinni „til að sækja hana og vin hennar“og þá hafi ekkert sést athugavert við aksturslag hans. Þá sé í stefnunni fullyrt að konan hafi ekki þekkt ökumanninn og að um leið og hún og vitnið hafi sest upp í bifreiðina hafi ökumaðurinn bakkað á miklum hraða þannig að enginn tími hafi gefist til að átta sig á ástandi ökumanns eða til að spenna á sig sætisbeltið. Fyrir dóminum hafi hins vegar konan og öll vitnin borið um að konan og ökumaðurinn hefðu þekkst og að samræður hefðu átt sér stað í nokkrar mínútur áður en ekið var af stað. Þegar framangreint ósamræmi væri haft í huga hafi það að mati dómsins ekki þýðingu að ekki var tekin lögregluskýrsla af konunni vegna málsins, enda væri henni í sjálfsvald sett hvernig hún hagar málatilbúnaði sínum í stefnu og ætla verði að sá málatilbúnaður grundvallist á frásögn hennar af atvikum máls. Með vísan til teldist sannað að konan hafi þegið far með ökumanninum þrátt fyrir að hafa mátt vera ljóst að hann væri undir áhrifum. Því væri rétt að sýkna Vís af öllum kröfum hennar. Þá segir að þrátt fyrir sýknu þyki rétt að málskostnaður falli niður milli aðila. Konan hafi notið gjafsóknar og gjafsóknarkostnaður greiðist úr ríkissjóði, þar með talin málflutningsþóknun lögmanns hennar, sem teljist hæfilega ákveðin 1,2 milljónir króna. Tryggingar Dómsmál VÍS Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Þrjátíu ár fyrir árásina á mann þingforsetans Erlent Heyrði mikla skruðninga í Hítárdal fyrir miðnætti á föstudag Innlent Veiðiþjófar stálu frá barni við Hítarvatn Innlent Dregur saman með efstu frambjóðendum Innlent Ætlar alla leið í baráttu fyrir nafninu sínu Innlent Helga aðeins 15 mínútur að landa fyrsta laxinum Innlent Fresta íbúakosningu í Ölfusi um mölunarverksmiðju Innlent Útgjöld ríkissjóðs vegna Grindavíkur hátt í hundrað milljarðar Innlent Heimamanna bíður það verkefni að finna nafn á nýja lónið sem er komið til að vera Innlent „Nú á dögunum tók sonur minn líf sitt innan veggja fangelsisins“ Innlent Fleiri fréttir Útgjöld ríkissjóðs vegna Grindavíkur hátt í hundrað milljarðar Diskóstemming í Bíóhöllinni á Akranesi Fresta íbúakosningu í Ölfusi um mölunarverksmiðju Lífleg og skrautleg kosningabarátta að mati forsætisráðherra Dregur saman með efstu frambjóðendum Mesta kvika frá því að kvikugangurinn myndaðist Nota sykursýkislyf til að léttast og Rottweilerhundar bjóða í partý Látin móðir ekki dæmd í tugmilljóna lyfjasölumáli sonarins Sendiherra, sveitarstjóri og bæjarstjóri skipuð í nefnd Ætlar alla leið í baráttu fyrir nafninu sínu Stuðningslán með ríkisábyrgð fyrir grindvísk fyrirtæki Skipið leggur úr höfn „Alls ekki svo að við tútturnar séum að taka yfir“ Framkvæmdir hafnar við brú yfir Fjarðarhornsá Segist kallaður „stríðsæsingarmaður“ vegna fyrirhyggju Sjúklingum Landspítala fjölgaði um 4.500 milli ára Skólastjóradrama í Kóraskóla fær óvæntan endi Bein útsending: Ársfundur Landspítala Mótfallinn sjálfsafgreiðslu á Bessastöðum Boða til blaðamannafundar vegna Grindavíkur Fordæma brottvísun mansalsþolenda og vilja nýja stefnu Slökktu eld á Seltjarnarnesi Mögulegt umboðsleysi stjórnar Aðventista gæti skipt Ölfyssinga máli Fara fram á farbann Sjómenn í haldi og ÁTVR í bobba Bréf First Water veldur ringulreið í bæjarstjórn Ölfuss Konráð nýr efnahagsráðgjafi ríkisstjórnarinnar Umhverfis- og loftslagsmálin „Icesave okkar tíma“ Boða sérstakan bæjarstjórnarfund vegna bréfs Eggerts Skipstjórinn og stýrimaðurinn fluttir til Reykjanesbæjar Sjá meira
Í dómi Héraðsdóm Reykjavíkur segir að konan hafi lent í umferðarslysi við Nýbýlaveg í Kópavogi í byrjun júlí árið 2018. Hún hafi verið farþegi í bifreið þar sem henni var bakkað á mikilli ferð eftir Nýbýlavegi þar til ökumaður missti stjórn á bifreiðinni með þeim afleiðingum að bifreiðin lenti uppi á gangstéttarkanti, fór utan í staur og snerist hálfhring. Hún hafi setið í aftursæti bifreiðarinnar og við áreksturinn hafi hún skollið saman við annan farþega í aftursætinu og orðið fyrir meiðslum. Hafi ekið „allt of hratt“ Í lögregluskýrslu eftir slysið segir að ökumaðurinn hafi sagst hafa ekið aftur á bak í austurátt eftir hliðargötu Nýbýlavegar, sem liggur meðfram Nýbýlavegi frá húsi nr. 38, en ekið sé út á stofnbraut Nýbýlavegar móts við hús nr. 56. Ökumaðurinn viðukenni að hafa bakkað bifreið sinni á um það bil 50 til 55 kílómetra hraða á klukkustund, en hámarkshraði á vettvangi sé 30 kílómetrar á klukkustund. Ökumaður bifreiðarinnar segðist hafa ætlað að bakka inn á bifreiðastæði framan við hús nr. 54 við Nýbýlaveg vegna þess að önnur bifreið hefði verið að aka inn á hliðargötuna. Hann hefði hins vegar ekki ráðið við bifreiðina vegna þess að hann hefði „ekið allt of hratt“ og því lent uppi á gangstéttinni milli húsa nr. 54 og 56 og utan í kantinum. Samkvæmt sömu lögregluskýrsu hafi vaknað grunur um að ökumaðurinn væri undir áhrifum fíkiefna. Við rannsókn hafi mælst amfetamín, kókaín og kannabis í blóði hans, Vildi fullar bætur Í dóminum segir að Vátryggingafélag Íslands, Vís, hafi tilkynnt konunni í ágúst sama árs að til skoðunar væri að skerða eða fella niður bótarétt hennar. Vakin hafi verið athygli á því að Vís myndi ekki taka endanlega ákvörðun um það hvort félagið myndi bera fyrir sig heimild til skerðingar eða niðurfellingar bótaréttar fyrr en frekari gagnaöflun ætti sér stað. Vís hafi svo tilkynnt konunni í mars árið 2019 að bætur hennar yrðu skertar um 2/3 hluta með vísan til ákvæðis laga um ökutækjatryggingar, sem heimilar lækkun eða niðurfellingu bóta ef sá sem varð fyrir tjóni eða lést var meðvaldur að tjóninu af ásetningi eða stórkostlegu gáleysi, á þeim grundvelli að konunni gæti ekki hafa dulist að ökumaðurinn hefði verið undir áhrifum ávana-og fíkniefna við aksturinn. Konan hefði, með því að taka sér far með ökumanni sem var undir áhrifum slíkra efna, verið meðvöld að tjóninu af stórkostlegu gáleysi. Niðurstaða mat sem báðir aðilar máls hefðu óskað eftir hafi verið að varanlegur miski konunnar væri tíu stig og varanleg örorka tíu prósent. Konunni hafi verið greiddar 1/3 hluti bóta, 2,1 milljón króna, og hún hafi skotið málinu til úrskurðarnefndar vátryggingamála, sem hafi komist að þeirri niðurstöðu að konan ætti rétt á bótum en að ábyrgð Vís skyldi takmarkast við helming af heildartjóni. Konan höfðaði því mál á hendur Vís til heimtu fullra bóta. Sagðist ekki hafa ætlað að fá far Í dóminum segir að af hálfu konunnar hafi verið byggt á því að aldrei hafi staðið til af hennar hálfu að taka sér far með ökumanninum umrætt sinn, heldur hafi tilgangurinn eingöngu verið sá að fá greiðslu frá ökumanninum vegna fíkniefnaskuldar. Vitni, sem fór upp í bifreiðina með stefnanda á Nýbýlavegi, hafi stutt þennan framburð konunnar í skýrslu sinni fyrir dómi. Ökumaðurinn sjálfur og annað vitni hafi hins vegar borið um að eftir nokkurt spjall um greiðslu skuldarinnar hefði staðið til að aka konunni og hinum farþeganum upp í Breiðholt. Að mati dómsins væri frásögn konunnar um að ekki hafi staðið til að þiggja far ótrúverðug. Þar væri haft í huga verulegt ósamræmi milli málatilbúnaðar í stefnu annars vegar og í framburði konunnar fyrir dómi hins vegar. Þannig hafi komið fram í stefnunni að konan hafi tekið sér far með bifreiðinni umrætt sinn og jafnframt að konan hafi treyst því að ökumaðurinn væri allsgáður, enda hafi hann komið akandi á bifreiðinni „til að sækja hana og vin hennar“og þá hafi ekkert sést athugavert við aksturslag hans. Þá sé í stefnunni fullyrt að konan hafi ekki þekkt ökumanninn og að um leið og hún og vitnið hafi sest upp í bifreiðina hafi ökumaðurinn bakkað á miklum hraða þannig að enginn tími hafi gefist til að átta sig á ástandi ökumanns eða til að spenna á sig sætisbeltið. Fyrir dóminum hafi hins vegar konan og öll vitnin borið um að konan og ökumaðurinn hefðu þekkst og að samræður hefðu átt sér stað í nokkrar mínútur áður en ekið var af stað. Þegar framangreint ósamræmi væri haft í huga hafi það að mati dómsins ekki þýðingu að ekki var tekin lögregluskýrsla af konunni vegna málsins, enda væri henni í sjálfsvald sett hvernig hún hagar málatilbúnaði sínum í stefnu og ætla verði að sá málatilbúnaður grundvallist á frásögn hennar af atvikum máls. Með vísan til teldist sannað að konan hafi þegið far með ökumanninum þrátt fyrir að hafa mátt vera ljóst að hann væri undir áhrifum. Því væri rétt að sýkna Vís af öllum kröfum hennar. Þá segir að þrátt fyrir sýknu þyki rétt að málskostnaður falli niður milli aðila. Konan hafi notið gjafsóknar og gjafsóknarkostnaður greiðist úr ríkissjóði, þar með talin málflutningsþóknun lögmanns hennar, sem teljist hæfilega ákveðin 1,2 milljónir króna.
Tryggingar Dómsmál VÍS Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Þrjátíu ár fyrir árásina á mann þingforsetans Erlent Heyrði mikla skruðninga í Hítárdal fyrir miðnætti á föstudag Innlent Veiðiþjófar stálu frá barni við Hítarvatn Innlent Dregur saman með efstu frambjóðendum Innlent Ætlar alla leið í baráttu fyrir nafninu sínu Innlent Helga aðeins 15 mínútur að landa fyrsta laxinum Innlent Fresta íbúakosningu í Ölfusi um mölunarverksmiðju Innlent Útgjöld ríkissjóðs vegna Grindavíkur hátt í hundrað milljarðar Innlent Heimamanna bíður það verkefni að finna nafn á nýja lónið sem er komið til að vera Innlent „Nú á dögunum tók sonur minn líf sitt innan veggja fangelsisins“ Innlent Fleiri fréttir Útgjöld ríkissjóðs vegna Grindavíkur hátt í hundrað milljarðar Diskóstemming í Bíóhöllinni á Akranesi Fresta íbúakosningu í Ölfusi um mölunarverksmiðju Lífleg og skrautleg kosningabarátta að mati forsætisráðherra Dregur saman með efstu frambjóðendum Mesta kvika frá því að kvikugangurinn myndaðist Nota sykursýkislyf til að léttast og Rottweilerhundar bjóða í partý Látin móðir ekki dæmd í tugmilljóna lyfjasölumáli sonarins Sendiherra, sveitarstjóri og bæjarstjóri skipuð í nefnd Ætlar alla leið í baráttu fyrir nafninu sínu Stuðningslán með ríkisábyrgð fyrir grindvísk fyrirtæki Skipið leggur úr höfn „Alls ekki svo að við tútturnar séum að taka yfir“ Framkvæmdir hafnar við brú yfir Fjarðarhornsá Segist kallaður „stríðsæsingarmaður“ vegna fyrirhyggju Sjúklingum Landspítala fjölgaði um 4.500 milli ára Skólastjóradrama í Kóraskóla fær óvæntan endi Bein útsending: Ársfundur Landspítala Mótfallinn sjálfsafgreiðslu á Bessastöðum Boða til blaðamannafundar vegna Grindavíkur Fordæma brottvísun mansalsþolenda og vilja nýja stefnu Slökktu eld á Seltjarnarnesi Mögulegt umboðsleysi stjórnar Aðventista gæti skipt Ölfyssinga máli Fara fram á farbann Sjómenn í haldi og ÁTVR í bobba Bréf First Water veldur ringulreið í bæjarstjórn Ölfuss Konráð nýr efnahagsráðgjafi ríkisstjórnarinnar Umhverfis- og loftslagsmálin „Icesave okkar tíma“ Boða sérstakan bæjarstjórnarfund vegna bréfs Eggerts Skipstjórinn og stýrimaðurinn fluttir til Reykjanesbæjar Sjá meira