Erlent

Gíslatöku á flug­vellinum í Ham­borg lokið

Sólrún Dögg Jósefsdóttir skrifar
Frá aðgerðum lögreglu á flugvellinum.
Frá aðgerðum lögreglu á flugvellinum. EPA

Gíslatöku við flugvöllinn í Hamborg er nú lokið samkvæmt upplýsingum frá þýskum yfirvöldum. 

Átján klukkustundir eru síðan flugvellinum var lokað eftir að maður vopnaður byssu keyrði inn á völlinn í gærkvöld og skaut tveimur skotum upp í loft. Hann er talinn hafa rænt eigin barni í tengslum við forræðisdeilu.

Í frétt BBC segir að búið sé að handtaka manninn og barnið sem deilan snerist um sé óhult.

Sálfræðingar og sérþjálfaðir lögreglumenn ræddu við manninn í nótt og virðast nú hafa náð tökum á ástandinu. 

Mikill viðbúnaður var á vettvangi og fjölda flugferða hefur verið frestað. Að minnsta kosti 3.200 farþegar hafa lent í seinkunum eða töfum á flugi vegna ástandsins.

Fréttin hefur verið uppfærð. 

Þýskaland Fréttir af flugi
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið