Erlent

Einn látinn og tveir hand­teknir eftir að bif­reið var ekið á hóp fólks

Hólmfríður Gísladóttir skrifar
Bifreið var ekið á hóp fólks eftir að átök brutust út í Sheffield í gær.
Bifreið var ekið á hóp fólks eftir að átök brutust út í Sheffield í gær.

Einn er látinn og tveir hafa verið handteknir í tengslum við átök sem brutust út í Sheffield á Englandi í gær, sem enduðu með því að bifreið var ekið á hóp fólks.

Lögregla var kölluð til vegna átaka við College Close í Burngreave í Sheffield, þar sem tilkynnt var um ofbeldi og óeirðir. Á meðan símtalinu stóð yfir var bifreið ekið á hóp af fólki, að því er fram kemur hjá Guardian.

Fjörtíu og sex ára karlmaður lést á vettvangi og nokkrir voru fluttir á sjúkrahús. Einn er sagður alvarlega særður.

Að sögn lögreglu í Suður-Yorkshire hefur 23 ára maður verið handtekinn grunaður um morð og 55 ára maður handtekinn grunaður um morðtilraun.

Svæðið var girt af og gengið í nærliggjandi hús til að afla upplýsinga. Þá verður efni úr öryggismyndavélum skoðað og hefur fólk verið hvatt til að gefa sig fram ef það telur sig hafa upplýsingar um málið.

England Erlend sakamál Bretland
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið