Innlent

Á­kærður fyrir að brjótast inn í sumar­hús og brenna það til kaldra kola

Jón Þór Stefánsson skrifar
Eldsvoðin varð í sumarhúsi í Hafnarfirði. Myndin er úr safni og tengist fréttinni ekki beint.
Eldsvoðin varð í sumarhúsi í Hafnarfirði. Myndin er úr safni og tengist fréttinni ekki beint. Vísir/Vilhelm

Rúmlega tvítugur karlmaður hefur verið ákærður fyrir húsbrot og stórfelld eignaspjöll með því að brjótast inn í sumarhús og kveikja í því, með þeim afleiðingum að húsið brann til grunna.

Atvikið sem málið varðar átti sér stað þann 11. febrúar árið 2020. Sumarhúsið var við Kaldárselsveg í Hafnarfirði. Þá var maðurinn átján ára gamall.

Í ákæru sem héraðssaksóknari höfðar á hendur manninum er honum gefið að sök að hafa brotið útiljós við eitt sumarhús, og þar á eftir brotist inn í annan bústað. Þar inni á maðurinn að hafa kveikt eld, sem líkt og áður segir varð til þess að húsið brann til kaldra kola.

Með athæfi sínu er maðurinn sagður hafa ollið eldsvoða „sem hafði í för með sér augljósa hættu á yfirgripsmikilli eyðingu á eignum annarra manna.“

Þá er þess krafist að maðurinn greiði tæpar sextán milljónir króna vegna tjónsins sem varð vegna eldsvoðans.

Dómsmál Hafnarfjörður Slökkvilið Lögreglumál
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið