Innlent

Til­kynnt um eld í húsi við Esju­mela

Atli Ísleifsson og Oddur Ævar Gunnarsson skrifa
Tilkynning barst slökkviliði skömmu fyrir klukkan 13.
Tilkynning barst slökkviliði skömmu fyrir klukkan 13. Vísir/Vilhelm

Slökkvilið höfuðborgarsvæðisins var kallað út eftir að tilkynnt var um eld í iðnaðarhúsnæði við Esjumela skömmu fyrir klukkan 13 í dag. Búið er að slökkva eldinn.

Samkvæmt upplýsingum frá slökkviliði voru þrír bílar sendir á vettvang. Umrætt húsnæði stendur við Gullsléttu. 

Tekist hefur að slökkva eldinn. Slökkvilið vinnur nú að því að reykræsta og skoða húsnæðið. Mikinn reyk lagði frá húsinu en að sögn slökkviliðs náði eldurinn ekki að dreifa úr sér.

Eldsupptök liggja ekki fyrir að svo stöddu. Líklegt þykir að kviknað hafi í útfrá rafmagnstöflu.

Fréttin hefur verið uppfærð.

Slökkvilið Reykjavík
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið