Ekkjan gafst ekki upp og fékk meirihluta dánarbótanna Kolbeinn Tumi Daðason skrifar 14. febrúar 2024 14:50 Eins og sést á mynd sem birt var í skýrslu rannsóknarnefndar samgönguslysa var aftari stýrispinni festur með sætisbelti. Flugvélin fór í loftið með stýrispinnann læstan sem orsakaði slysið hræðilega. RNSA Ekkja flugmanns sem lést í flugslysi á Rangárvöllum sumarið 2019 fær tvo þriðju dánarbóta frá tryggingafélaginu. Þetta er niðurstaða Héraðsdóms Reykjavíkur. Tekist var á um hvort flugmaðurinn hefði sýnt af sér stórfellt gáleysi sem orsakaði slysið. Það var 27. júlí sumarið 2019 sem efnt var til flugsýningar á Haukadalsmelum. Þar fór flugvél í bratt klifur eftir flugtak og steyptist til jarðar með þeim afleiðingum að 64 ára reyndur flugmaður og -kennari lést. Flugvélin var tryggð hjá Beta Aviation ApS og reyndi ekkja flugmannsins að sækja dánarbætur til tryggingafélagsins. Félagið greiddi ekki bæturnar strax heldur beið eftir gögnum úr rannsókn lögreglu og skýrslu Rannsóknarnefndar samgönguslysa. Gætti ekki að stýrislæsingu Rannsóknarnefnd samgönguslysa komst að þeirri niðurstöðu við rannsókn sína að flugmaðurinn hefði ekki framkvæmt nógu vandaða skoðun á vélinni fyrir flugtak og ekki gætt að því að stýrislæsing var á. Vélin var heimasmíðuð og í sameiginlegri eigu tíu flugmanna, meðal annars þess sem lést. Að sögn nokkurra eigenda voru stjórnfletir vélarinnar viðkvæmir fyrir vindi og tíðkaðist að læsa hæðarstýri og hallastýri flugvélarinnar með því að festa stýripinna við aftara sætið í öftustu stöðu við sætið með því að strekkja sætisbelti sætisins utan um stýripinnann. Fór hann því í loftið með stýripinna læstan sem orsakaði slysið. Í ljósi þessa sagði tryggingafélagið að flugmaðurinn hefði sýnt af sér stórfelld gáleysi. Því fengi ekkjan engar bætur. Hún gafst þó ekki upp í baráttunni við tryggingafélagið og leitaði með bótakröfu sína til dómstóla. Sannarlega stórfellt gáleysi Í dómi Héraðsdóms Reykjavíkur, sem skipaður var tveimur dómurum og flugstjóra sem sérfróðum meðdómanda, kemur fram að enginn vafi sér á því að háttsemi flugmannsins hafi orsakað slysið. Enginn annar geti talist meðábyrgur. Lögmaður ekkjunnar og tryggingafélagsins tókust á um það fyrir dómi hvort um stórfellt gáleysi hefði verið að ræða. Sú háttsemi flugmannsins heitins að kanna hvorki stjórntæki vélarinnar við fyrirflugskoðun né rétt áður en tekið var á loft yrði að meta honum til stórfellds gáleysis. Ábyrgð tryggingafélagsins félli þó ekki niður vegna þessa eins og tryggingafélagið héldi fram en gæti skert bætur að hluta eða heild. Varðandi rétt ekkjunnar til bóta yrði að líta til fjögurra þátta hvort og þá í hve miklum mæli ætti að lækka ábyrgðina. Til sakar stefnda, hvernig atburðinn bar að, hvort viðkomandi hefði verið undir áhrifum og atvika að öðru leyti. Vélin í stöðugri notkun Héraðsdómur leit til þess að auk þess að hafa ekki farið yfir gátlista og handbók vélarinnar hefði flugmanninum, reynslubolta í faginu, átt að vera ljóst mikilvægi þess að kanna ástand stýritækja vélarinnar fyrir flugtak. Með þeim sjálfsögðu og einföldu ráðstöfunum hefði mátt koma í veg fyrir tjónið. Á hinn bóginn bæri að taka tillit til þess að þegar vélin var í stöðugri notkun eins og á þessum degi var ekki endilega gengið frá stýrislæsingum á milli einstakra flugferða. Flugmaðurinn hefði sjálfur verið nýkominn úr flugi í annarri vél þar sem hann læsti ekki stýrum eftir notkun enda stóð til að annar flugmaður flygi henni strax. Einungis fimm mínútur hefðu liðið frá því að annar flugmaður flaug vélinni sem fórst og þar til flugmaðurinn settist upp í vélina og af stað með hörmulegum afleiðingum. Stýrislæsingar séu hafðar í áberandi lit til að auðvelda flugmönnum að koma auga á þær í fyrirflugsskoðun. Sætisbelti séu ekki stýrislæsing og hætta á að flugmaður taki ekki eftir þeim ef þau eru notuð sem slík. Þá sýndu rannsóknir á blóð- og þvagsýni eftir slysið engin merki um alkóhól í blóði hans. Rifjuðu upp slys á Vopnafirði 2009 Héraðsdómur taldi rétt að skerða dánarbæturnar um einn þriðja og horfði meðal annars til dóms Hæstaréttar frá 2016 í bótamáli karlmanns sem slasaðist alvarlega í banaslysi á Vopnafirði árið 2009. Þar voru bætur skertar um helming en þar hefði gáleysið verið meira. Fékk konan því tvo þriðju af 11,4 milljónum króna eða 7,6 milljónir króna í dánarbætur með dráttarvöxtum frá árinu 2020. Flugslys að Haukadalsmelum Fréttir af flugi Tryggingar Dómsmál Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Horfa á bíómyndir og senda tölvupósta á meðan þeir keyra Innlent Forsetavaktin 2024: Hver verður sjöundi forseti lýðveldisins? Innlent Segir alvarlegt hvernig Katrín tjáði sig um Persónuvernd Innlent Gantz hótar að segja af sér vegna ósættis við Netanjahú Erlent Bergvin dæmdur fyrir að áreita þrjár konur Innlent Ástand Fico enn alvarlegt Erlent „Nú á dögunum tók sonur minn líf sitt innan veggja fangelsisins“ Innlent Ekki megrunarlyf heldur lyf við offitu Innlent Of þung en annars hraust á Ozempic Innlent Býst við aukinni sókn Rússa Erlent Fleiri fréttir Horfa á bíómyndir og senda tölvupósta á meðan þeir keyra 40 tungumál eru töluð í leik- og grunnskólum Árborgar Segir alvarlegt hvernig Katrín tjáði sig um Persónuvernd Þungar áhyggjur af þyngdarstjórnunarlyfjum Bergvin dæmdur fyrir að áreita þrjár konur Slasaður eftir hestaslys í Ölfusi Nauðsynlegt að fresta atkvæðagreiðslu um umdeilda verksmiðju Ekki megrunarlyf heldur lyf við offitu Segja grafalvarlegt mál að fresta atkvæðagreiðslu „Það er miður að það falli til kostnaður vegna þessa“ Átök í Ölfusi og offitulyf Ákærður fyrir að pissa daginn eftir Fiskidaginn mikla Gular viðvaranir á Suðurlandi, Suðausturlandi og Faxaflóa á morgun Nauðugur sá kostur að fresta atkvæðagreiðslunni „Engu okkar er boðið að koma þarna og sjá“ Skuldirnar bíði þegar frelsið taki við Of þung en annars hraust á Ozempic Slagsmálahundar afþökkuðu aðstoð lögreglu Útgjöld ríkissjóðs vegna Grindavíkur hátt í hundrað milljarðar Fresta íbúakosningu í Ölfusi um mölunarverksmiðju Lífleg og skrautleg kosningabarátta að mati forsætisráðherra Dregur saman með efstu frambjóðendum Mesta kvika frá því að kvikugangurinn myndaðist Nota sykursýkislyf til að léttast og Rottweilerhundar bjóða í partý Látin móðir ekki dæmd í tugmilljóna lyfjasölumáli sonarins Sendiherra, sveitarstjóri og bæjarstjóri skipuð í nefnd Ætlar alla leið í baráttu fyrir nafninu sínu Stuðningslán með ríkisábyrgð fyrir grindvísk fyrirtæki Skipið leggur úr höfn „Alls ekki svo að við tútturnar séum að taka yfir“ Sjá meira
Það var 27. júlí sumarið 2019 sem efnt var til flugsýningar á Haukadalsmelum. Þar fór flugvél í bratt klifur eftir flugtak og steyptist til jarðar með þeim afleiðingum að 64 ára reyndur flugmaður og -kennari lést. Flugvélin var tryggð hjá Beta Aviation ApS og reyndi ekkja flugmannsins að sækja dánarbætur til tryggingafélagsins. Félagið greiddi ekki bæturnar strax heldur beið eftir gögnum úr rannsókn lögreglu og skýrslu Rannsóknarnefndar samgönguslysa. Gætti ekki að stýrislæsingu Rannsóknarnefnd samgönguslysa komst að þeirri niðurstöðu við rannsókn sína að flugmaðurinn hefði ekki framkvæmt nógu vandaða skoðun á vélinni fyrir flugtak og ekki gætt að því að stýrislæsing var á. Vélin var heimasmíðuð og í sameiginlegri eigu tíu flugmanna, meðal annars þess sem lést. Að sögn nokkurra eigenda voru stjórnfletir vélarinnar viðkvæmir fyrir vindi og tíðkaðist að læsa hæðarstýri og hallastýri flugvélarinnar með því að festa stýripinna við aftara sætið í öftustu stöðu við sætið með því að strekkja sætisbelti sætisins utan um stýripinnann. Fór hann því í loftið með stýripinna læstan sem orsakaði slysið. Í ljósi þessa sagði tryggingafélagið að flugmaðurinn hefði sýnt af sér stórfelld gáleysi. Því fengi ekkjan engar bætur. Hún gafst þó ekki upp í baráttunni við tryggingafélagið og leitaði með bótakröfu sína til dómstóla. Sannarlega stórfellt gáleysi Í dómi Héraðsdóms Reykjavíkur, sem skipaður var tveimur dómurum og flugstjóra sem sérfróðum meðdómanda, kemur fram að enginn vafi sér á því að háttsemi flugmannsins hafi orsakað slysið. Enginn annar geti talist meðábyrgur. Lögmaður ekkjunnar og tryggingafélagsins tókust á um það fyrir dómi hvort um stórfellt gáleysi hefði verið að ræða. Sú háttsemi flugmannsins heitins að kanna hvorki stjórntæki vélarinnar við fyrirflugskoðun né rétt áður en tekið var á loft yrði að meta honum til stórfellds gáleysis. Ábyrgð tryggingafélagsins félli þó ekki niður vegna þessa eins og tryggingafélagið héldi fram en gæti skert bætur að hluta eða heild. Varðandi rétt ekkjunnar til bóta yrði að líta til fjögurra þátta hvort og þá í hve miklum mæli ætti að lækka ábyrgðina. Til sakar stefnda, hvernig atburðinn bar að, hvort viðkomandi hefði verið undir áhrifum og atvika að öðru leyti. Vélin í stöðugri notkun Héraðsdómur leit til þess að auk þess að hafa ekki farið yfir gátlista og handbók vélarinnar hefði flugmanninum, reynslubolta í faginu, átt að vera ljóst mikilvægi þess að kanna ástand stýritækja vélarinnar fyrir flugtak. Með þeim sjálfsögðu og einföldu ráðstöfunum hefði mátt koma í veg fyrir tjónið. Á hinn bóginn bæri að taka tillit til þess að þegar vélin var í stöðugri notkun eins og á þessum degi var ekki endilega gengið frá stýrislæsingum á milli einstakra flugferða. Flugmaðurinn hefði sjálfur verið nýkominn úr flugi í annarri vél þar sem hann læsti ekki stýrum eftir notkun enda stóð til að annar flugmaður flygi henni strax. Einungis fimm mínútur hefðu liðið frá því að annar flugmaður flaug vélinni sem fórst og þar til flugmaðurinn settist upp í vélina og af stað með hörmulegum afleiðingum. Stýrislæsingar séu hafðar í áberandi lit til að auðvelda flugmönnum að koma auga á þær í fyrirflugsskoðun. Sætisbelti séu ekki stýrislæsing og hætta á að flugmaður taki ekki eftir þeim ef þau eru notuð sem slík. Þá sýndu rannsóknir á blóð- og þvagsýni eftir slysið engin merki um alkóhól í blóði hans. Rifjuðu upp slys á Vopnafirði 2009 Héraðsdómur taldi rétt að skerða dánarbæturnar um einn þriðja og horfði meðal annars til dóms Hæstaréttar frá 2016 í bótamáli karlmanns sem slasaðist alvarlega í banaslysi á Vopnafirði árið 2009. Þar voru bætur skertar um helming en þar hefði gáleysið verið meira. Fékk konan því tvo þriðju af 11,4 milljónum króna eða 7,6 milljónir króna í dánarbætur með dráttarvöxtum frá árinu 2020.
Flugslys að Haukadalsmelum Fréttir af flugi Tryggingar Dómsmál Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Horfa á bíómyndir og senda tölvupósta á meðan þeir keyra Innlent Forsetavaktin 2024: Hver verður sjöundi forseti lýðveldisins? Innlent Segir alvarlegt hvernig Katrín tjáði sig um Persónuvernd Innlent Gantz hótar að segja af sér vegna ósættis við Netanjahú Erlent Bergvin dæmdur fyrir að áreita þrjár konur Innlent Ástand Fico enn alvarlegt Erlent „Nú á dögunum tók sonur minn líf sitt innan veggja fangelsisins“ Innlent Ekki megrunarlyf heldur lyf við offitu Innlent Of þung en annars hraust á Ozempic Innlent Býst við aukinni sókn Rússa Erlent Fleiri fréttir Horfa á bíómyndir og senda tölvupósta á meðan þeir keyra 40 tungumál eru töluð í leik- og grunnskólum Árborgar Segir alvarlegt hvernig Katrín tjáði sig um Persónuvernd Þungar áhyggjur af þyngdarstjórnunarlyfjum Bergvin dæmdur fyrir að áreita þrjár konur Slasaður eftir hestaslys í Ölfusi Nauðsynlegt að fresta atkvæðagreiðslu um umdeilda verksmiðju Ekki megrunarlyf heldur lyf við offitu Segja grafalvarlegt mál að fresta atkvæðagreiðslu „Það er miður að það falli til kostnaður vegna þessa“ Átök í Ölfusi og offitulyf Ákærður fyrir að pissa daginn eftir Fiskidaginn mikla Gular viðvaranir á Suðurlandi, Suðausturlandi og Faxaflóa á morgun Nauðugur sá kostur að fresta atkvæðagreiðslunni „Engu okkar er boðið að koma þarna og sjá“ Skuldirnar bíði þegar frelsið taki við Of þung en annars hraust á Ozempic Slagsmálahundar afþökkuðu aðstoð lögreglu Útgjöld ríkissjóðs vegna Grindavíkur hátt í hundrað milljarðar Fresta íbúakosningu í Ölfusi um mölunarverksmiðju Lífleg og skrautleg kosningabarátta að mati forsætisráðherra Dregur saman með efstu frambjóðendum Mesta kvika frá því að kvikugangurinn myndaðist Nota sykursýkislyf til að léttast og Rottweilerhundar bjóða í partý Látin móðir ekki dæmd í tugmilljóna lyfjasölumáli sonarins Sendiherra, sveitarstjóri og bæjarstjóri skipuð í nefnd Ætlar alla leið í baráttu fyrir nafninu sínu Stuðningslán með ríkisábyrgð fyrir grindvísk fyrirtæki Skipið leggur úr höfn „Alls ekki svo að við tútturnar séum að taka yfir“ Sjá meira