Innlent

Nýtt hættu­svæði í upp­færðu hættumati

Ólafur Björn Sverrisson skrifar
Svæði sjö bætist við sem hættusvæði.
Svæði sjö bætist við sem hættusvæði. veðurstofan

Líkanareikningar benda til að kvika nái svipaðri stöðu og fyrir síðasta eldgos í lok febrúar eða byrjun mars. Þetta kemur fram í uppfærðu hættumati.

Á vef Veðurstofunnar er greint frá uppfærðu hættumati í kjölfar þess að fallið var frá tilmælum um brottflutning úr Grindavík. Úlfar Lúðvíksson lögreglustjórinn á Suðurnesjum tók ákvörðun um það í dag að Grindvíkingar og þeir sem starfa í bænum fá aðgengi að honum allan sólarhringinn. 

Á nýtt hættumatskort bætist sjöunda hættusvæðið. Innan svæðis 7 er Nesvegur, en aukinni umferð er nú beint um veginn vegna aðgengis að svæðinu við Svartsengi og Grindavík. Á svæðinu eru hættur vegna sprunguhreyfinga og jarðfalls ofan í sprungur. Litakóði annarra svæða er óbreyttur frá síðasta korti.

Hættusvæði vegna jarðhræringa. veðurstofan

„Eins og áður sýnir kortið mat á hættu sem er til staðar og hættu sem gæti skapast með litlum fyrirvara. Eingöngu er lagt mat á hættu innan þessara svæða, en hætta getur leynst utan þeirra,“ segir í tilkynningu.

Uppfært hættumatskort tekur gildi á morgun, 20. febrúar kl. 7, á sama tíma og nýjar reglur lögreglustjórans á Suðurnesjum um aðgengi að Grindavík taka gildi.

Grindavík Eldgos og jarðhræringar Eldgos á Reykjanesskaga Almannavarnir
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið