Innlit inn í furðuhúsið sem gleypti Grillið Kristín Ólafsdóttir skrifar 11. mars 2024 08:01 Húsið hefur vakið athygli vegfarenda, enda staðið í marga mánuði ofan á Hótel Sögu. Furðulegt hús, sem risið hefur ofan á Hótel Sögu í stað Grillsins sögufræga, er aðeins til bráðabirgða. Inni í húsinu er verið að endurreisa Grillið í upprunalegri mynd eftir að miklar skemmdir komu í ljós á byggingunni sem fyrir var. Hið einkennilega mannvirki hefur vakið furðu margra sem átt hafa leið um Haga og Mela í Vesturbæ Reykjavíkur síðustu mánuði. Séð frá jörðu niðri er byggingin töluvert frábrugðin Grillinu sem áður trónaði á toppi hótelsins; hún er umfangsmeiri og að því er virðist með hefðbundnu, hallandi þaki. Og vegfarendur hafa velt því fyrir sér hvort húsið sé komið til að vera. Þeir áhyggjufyllstu hafa meira að segja sent fyrirspurnir þess efnis til Háskóla Íslands, sem stendur að framkvæmdunum á Sögu. En þeir þurfa ekki að örvænta. Mannvirkið er aðeins til bráðabirgða, eins og við komumst að í fréttum Stöðvar 2 hér fyrir ofan. Og inni í húsinu er staðið í stórræðum. „Hér er verið að endurreisa Grillið, byggja það í raun og veru upp á nýtt því það komu í ljós of miklar skemmdir á því sem húsi sem hér var. Þannig að það er í rauninni búið að byggja litið hús utan um þessar framkvæmdir. Og þetta mun vera í eitt af fyrstu skiptum sem þetta er gert hér á landi,“ útskýrir Kolbrún Þ. Pálsdóttir, forseti menntavísindasviðs Háskóla Íslands. Grillið er auðvitað sögufrægt, ekki síst fyrir þær sakir að vera sögusvið einnar eftirminnilegustu senu íslenskrar kvikmyndasögu, sem einmitt er rifjuð upp í innslaginu hér fyrir ofan. Og nú, tuttugu og fjórum árum eftir að þeir Palli, Óli og Viktor snæddu eins og fínir menn á Grillinu í Englum alheimsins, undirbýr háskólinn innreið sína. 250 milljóna verk Ríkið keypti stærstan hluta Hótel Sögu undir starfsemi Háskóla Íslands árið 2021. Þá var lagt upp með að kostnaður við hlut háskólans yrði 6,5 milljarðar króna. Samkvæmt svari háskólans við fyrirspurn fréttastofu verður heildarkostnaður þegar yfir lýkur þó líklegast um átta milljarðar króna, þegar tekið er mið af verðlagsþróun. Framkvæmdum var auk þess bætt við sem ekki voru í upphaflegri áætlun. Eins og áður segir reyndist Grillið í skelfilegu ásigkomulagi. Fyrir lá að kostað hefði 100 milljónir króna að einungis rífa það og fjarlægja. Ákveðið var að ráðast í enduruppbyggingu, sem áætlað er að muni kosta 250 milljónir króna. Rýmið er hugsað sem vettvangur fyrir viðburði á vegum skólans en verði einnig opið fyrir almenningi að þó nokkru leyti. „Og hér verður veitingaþjónusta í einhverju formi, ekki alveg búið að neglfesta það nákvæmlega. En [við sjáum fyrir okkur] að hér verði líf í húsinu og að hérna geti fólk komið,“ segir Kolbrún. Þá er hugmyndin að bæði ytra og innra byrði Grillsins verði í sem upprunalegastri mynd; ef til vill í anda þessarar teikningar hönnuðarins Lothars Grund sem á heiðurinn af upprunalegu útliti Sögu. Lothar Grund sá Grillið fyrir sér svona. Glæsilegt, lítið Háskólatorg Framkvæmdir á neðri hæðum Hótel Sögu standa einnig sem hæst. Þar er verið að útbúa fjölbreytta kennsluaðstöðu fyrir menntavísindasvið HÍ, sem telur um þrjú þúsund nemendur og tvö hundruð starfsmenn. „Menntavísindasvið byrjar að flytja inn um mitt þetta ár og vonandi raungerast flutningar að fullu í lok ársins. Við erum að færa starfsemina úr Stakkahlíð í þetta glæsilega hús. Og það sem er búið að vera að gera er bara umbreyting. Við flytjum allar kennaramenntunardeildir hingað og þá fjölþættu starfsemi sem við stöndum fyrir,“ segir Kolbrún sviðsforseti spennt. „Svo verður neðsta hæðin glæsilegt, lítið Háskólatorg í raun og veru. Þarna verður veitingaaðstaða, kaffihús og við viljum hafa líf í húsinu. Þetta verður áfram hús Reykvíkinga og í raun íslensks samfélags.“ Háskólar Byggingariðnaður Skóla - og menntamál Reykjavík Húsavernd Hótel á Íslandi Salan á Hótel Sögu Veitingastaðir Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Svakalegt að sjá fylgisaukningu Höllu Hrundar Innlent Mennirnir tóku annan starfsmannanna hálstaki Innlent Helga lenti einnig í vandræðum Innlent Lögregla kölluð út vegna ungmenna til leiðinda í sundlaug Innlent Líklegt að það styttist í brotmörk Innlent Minni lyfjanotkun og meiri vellíðan í sérstöku heilabilunarþorpi Innlent Gefur lítið fyrir útskýringar fréttastjórans Innlent Harvey Weinstein lagður inn á spítala Erlent Uppgangur Höllu Hrundar fari fyrir brjóstið á „valdastéttinni“ Innlent Forsetavaktin 2024: Hver verður sjöundi forseti lýðveldisins? Innlent Fleiri fréttir Lögregla kölluð út vegna ungmenna til leiðinda í sundlaug Svakalegt að sjá fylgisaukningu Höllu Hrundar Minni lyfjanotkun og meiri vellíðan í sérstöku heilabilunarþorpi Mennirnir tóku annan starfsmannanna hálstaki Líklegt að það styttist í brotmörk Helga lenti einnig í vandræðum Eiríkur og Ástþór fá frest til að bæta við undirskriftum Hættuástand í Grindavík og æsispennandi forsetakosningar Gefur lítið fyrir útskýringar fréttastjórans Handteknir á hlaupum eftir vopnað rán í Reykjavíkurapóteki Björk varar við frumvarpi um sjókvíeldi Uppgangur Höllu Hrundar fari fyrir brjóstið á „valdastéttinni“ Mikil gleði þegar Bergur komst í mark Segir engin annarleg sjónarmið að baki ákvörðun RÚV Hraun mjakast yfir varnargarð Ný gossprunga geti opnast fyrirvaralaust á næstunni Allt að gerast í Vík í Mýrdal um helgina Stór gossprunga gæti opnast fyrirvaralaust Fylgi Höllu Hrundar ekki fast í hendi Tíu kílómetrar eftir af hundrað: Gangan miklu erfiðari en hann óraði fyrir 800 milljóna króna hreinsistöð byggð á Selfossi Sveddi sagður með tengsl við ítölsku mafíuna Vara við því að fara gangandi að gosinu Kastaði glerflösku í höfuð manns og gisti í fangaklefa „Það er enginn sem verndar son okkar“ Krefjast skýringa á brotthvarfi Maríu Sigrúnar Veisluhöld forseta séu barns síns tíma Húsráðendum tókst að ráða niðurlögum elds í þakskyggni Landsréttur komi fram við ákæruvaldið eins og lítið barn Mannasættir sem óttist ekki að standa í fæturnar Sjá meira
Hið einkennilega mannvirki hefur vakið furðu margra sem átt hafa leið um Haga og Mela í Vesturbæ Reykjavíkur síðustu mánuði. Séð frá jörðu niðri er byggingin töluvert frábrugðin Grillinu sem áður trónaði á toppi hótelsins; hún er umfangsmeiri og að því er virðist með hefðbundnu, hallandi þaki. Og vegfarendur hafa velt því fyrir sér hvort húsið sé komið til að vera. Þeir áhyggjufyllstu hafa meira að segja sent fyrirspurnir þess efnis til Háskóla Íslands, sem stendur að framkvæmdunum á Sögu. En þeir þurfa ekki að örvænta. Mannvirkið er aðeins til bráðabirgða, eins og við komumst að í fréttum Stöðvar 2 hér fyrir ofan. Og inni í húsinu er staðið í stórræðum. „Hér er verið að endurreisa Grillið, byggja það í raun og veru upp á nýtt því það komu í ljós of miklar skemmdir á því sem húsi sem hér var. Þannig að það er í rauninni búið að byggja litið hús utan um þessar framkvæmdir. Og þetta mun vera í eitt af fyrstu skiptum sem þetta er gert hér á landi,“ útskýrir Kolbrún Þ. Pálsdóttir, forseti menntavísindasviðs Háskóla Íslands. Grillið er auðvitað sögufrægt, ekki síst fyrir þær sakir að vera sögusvið einnar eftirminnilegustu senu íslenskrar kvikmyndasögu, sem einmitt er rifjuð upp í innslaginu hér fyrir ofan. Og nú, tuttugu og fjórum árum eftir að þeir Palli, Óli og Viktor snæddu eins og fínir menn á Grillinu í Englum alheimsins, undirbýr háskólinn innreið sína. 250 milljóna verk Ríkið keypti stærstan hluta Hótel Sögu undir starfsemi Háskóla Íslands árið 2021. Þá var lagt upp með að kostnaður við hlut háskólans yrði 6,5 milljarðar króna. Samkvæmt svari háskólans við fyrirspurn fréttastofu verður heildarkostnaður þegar yfir lýkur þó líklegast um átta milljarðar króna, þegar tekið er mið af verðlagsþróun. Framkvæmdum var auk þess bætt við sem ekki voru í upphaflegri áætlun. Eins og áður segir reyndist Grillið í skelfilegu ásigkomulagi. Fyrir lá að kostað hefði 100 milljónir króna að einungis rífa það og fjarlægja. Ákveðið var að ráðast í enduruppbyggingu, sem áætlað er að muni kosta 250 milljónir króna. Rýmið er hugsað sem vettvangur fyrir viðburði á vegum skólans en verði einnig opið fyrir almenningi að þó nokkru leyti. „Og hér verður veitingaþjónusta í einhverju formi, ekki alveg búið að neglfesta það nákvæmlega. En [við sjáum fyrir okkur] að hér verði líf í húsinu og að hérna geti fólk komið,“ segir Kolbrún. Þá er hugmyndin að bæði ytra og innra byrði Grillsins verði í sem upprunalegastri mynd; ef til vill í anda þessarar teikningar hönnuðarins Lothars Grund sem á heiðurinn af upprunalegu útliti Sögu. Lothar Grund sá Grillið fyrir sér svona. Glæsilegt, lítið Háskólatorg Framkvæmdir á neðri hæðum Hótel Sögu standa einnig sem hæst. Þar er verið að útbúa fjölbreytta kennsluaðstöðu fyrir menntavísindasvið HÍ, sem telur um þrjú þúsund nemendur og tvö hundruð starfsmenn. „Menntavísindasvið byrjar að flytja inn um mitt þetta ár og vonandi raungerast flutningar að fullu í lok ársins. Við erum að færa starfsemina úr Stakkahlíð í þetta glæsilega hús. Og það sem er búið að vera að gera er bara umbreyting. Við flytjum allar kennaramenntunardeildir hingað og þá fjölþættu starfsemi sem við stöndum fyrir,“ segir Kolbrún sviðsforseti spennt. „Svo verður neðsta hæðin glæsilegt, lítið Háskólatorg í raun og veru. Þarna verður veitingaaðstaða, kaffihús og við viljum hafa líf í húsinu. Þetta verður áfram hús Reykvíkinga og í raun íslensks samfélags.“
Háskólar Byggingariðnaður Skóla - og menntamál Reykjavík Húsavernd Hótel á Íslandi Salan á Hótel Sögu Veitingastaðir Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Svakalegt að sjá fylgisaukningu Höllu Hrundar Innlent Mennirnir tóku annan starfsmannanna hálstaki Innlent Helga lenti einnig í vandræðum Innlent Lögregla kölluð út vegna ungmenna til leiðinda í sundlaug Innlent Líklegt að það styttist í brotmörk Innlent Minni lyfjanotkun og meiri vellíðan í sérstöku heilabilunarþorpi Innlent Gefur lítið fyrir útskýringar fréttastjórans Innlent Harvey Weinstein lagður inn á spítala Erlent Uppgangur Höllu Hrundar fari fyrir brjóstið á „valdastéttinni“ Innlent Forsetavaktin 2024: Hver verður sjöundi forseti lýðveldisins? Innlent Fleiri fréttir Lögregla kölluð út vegna ungmenna til leiðinda í sundlaug Svakalegt að sjá fylgisaukningu Höllu Hrundar Minni lyfjanotkun og meiri vellíðan í sérstöku heilabilunarþorpi Mennirnir tóku annan starfsmannanna hálstaki Líklegt að það styttist í brotmörk Helga lenti einnig í vandræðum Eiríkur og Ástþór fá frest til að bæta við undirskriftum Hættuástand í Grindavík og æsispennandi forsetakosningar Gefur lítið fyrir útskýringar fréttastjórans Handteknir á hlaupum eftir vopnað rán í Reykjavíkurapóteki Björk varar við frumvarpi um sjókvíeldi Uppgangur Höllu Hrundar fari fyrir brjóstið á „valdastéttinni“ Mikil gleði þegar Bergur komst í mark Segir engin annarleg sjónarmið að baki ákvörðun RÚV Hraun mjakast yfir varnargarð Ný gossprunga geti opnast fyrirvaralaust á næstunni Allt að gerast í Vík í Mýrdal um helgina Stór gossprunga gæti opnast fyrirvaralaust Fylgi Höllu Hrundar ekki fast í hendi Tíu kílómetrar eftir af hundrað: Gangan miklu erfiðari en hann óraði fyrir 800 milljóna króna hreinsistöð byggð á Selfossi Sveddi sagður með tengsl við ítölsku mafíuna Vara við því að fara gangandi að gosinu Kastaði glerflösku í höfuð manns og gisti í fangaklefa „Það er enginn sem verndar son okkar“ Krefjast skýringa á brotthvarfi Maríu Sigrúnar Veisluhöld forseta séu barns síns tíma Húsráðendum tókst að ráða niðurlögum elds í þakskyggni Landsréttur komi fram við ákæruvaldið eins og lítið barn Mannasættir sem óttist ekki að standa í fæturnar Sjá meira