Aukinn kraftur með hækkandi sól Bragi Bjarnason skrifar 28. mars 2024 14:30 Páskafrí er í loftinu, fermingar og hið séríslenska “páskahret” örugglega í veðurkortunum, þó við værum öll fegin að losna við það. Þetta eru ákveðnir vorboðar, líkt og lóan, sem er komin aftur og ekki má gleyma holótta malbikinu, sandinum á gangstéttum eða brotnum kantsteinum eftir veturinn. Það er þó allt til bóta með hækkandi sól. Því er um að gera að halda sér jákvæðum í upplýsingagjöfinni úr okkar skemmtilega samfélagi í Árborg. Kjarasamningar og aðkoma sveitarfélaga Aðkoma ríkis og sveitarfélaga að gerð langtíma kjarasamnings á almennum markaði var talsvert til umfjöllunar í fjölmiðlum. Það er fagnaðarefni að tekist hafi að ná góðri heildarniðurstöðu um fjögurra ára kjarasamning með hóflegum launahækkunum. Þeir leggja góðan grunn fyrir samninga á opinbera markaðnum og vonandi nást brátt samningar á sambærilegum forsendum þar sem launagreiðslur eru stærsti einstaki útgjaldaliður sveitarfélaga. Svo kann að vera að við séum ekki öll sammála aðferðafræðinni eða hvernig aðkoma hins opinbera er að gerð kjarasamninga en þegar litið er á heildarmyndina þá skiptir stöðugleiki til lengri tíma mestu máli. Með honum gefst tækifæri til að ná hraðar böndum á verðbólgu og lækka vexti til lengri tíma. Aðgerðir sveitarfélaga sem Sveitarfélagið Árborg er hluti að, þ.e. lækkun gjaldskrár og niðurgreiðsla skólamáltíða skilar sér þannig til allra íbúa sem raunveruleg kjarabót og hefur jafnframt heppileg áhrif á rekstrarumhverfi fyrirtækja. Miklar framkvæmdir í gangi Framkvæmdaaðilar hafa mikla trú á sveitarfélaginu okkar. Það sést best í því að tugir minni og stærri verkefna standa yfir og fleiri í undirbúningi. Heilsufyrirtækið World Class stækkar nú aðstöðu sína við Sundhöll Selfoss og vel gengur að byggja fjölbýlishús hinu megin við götuna. Miðbær Selfoss hefur sannarlega slegið í gegn eftir opnun sumarið 2021 og þar standa yfir framkvæmdir við nýtt bílastæðahús fyrir um 250 bíla sem og verslunar- og skrifstofuhúsnæði meðfram Eyraveginum. Gamla Húsasmiðjuhúsið öðlast nýtt líf síðar á árinu þegar þar opnar m.a. matvöru- og lyfjaverslun. Búast má við talsverðri uppbygginu á því svæði þar sem fyrirhugað er að byggja fjölbýlishús á lóðum næst Húsasmiðjureitnum. Þá eru nokkur verkefni tengd verslun, þjónustu og íbúðauppbyggingu í undirbúningi við Austurveginn. Það verður spennandi að sjá götumynd þessara megin gatna frá Ölfusárbrúnni þróast áfram. Bygging annars áfanga Stekkjaskóla er helsta framkvæmdaverkefni sveitarfélagsins um þessar mundir. Ætlað er að þeirri framkvæmd ljúki undir lok árs. Endurnýjun lagna í Fossheiði á Selfossi ásamt viðhaldi við Stað á Eyrarbakka og sundlaug Stokkseyrar ganga vel. Á næstunni hefjast framkvæmdir við miðlunartank Selfossveitna, uppsteypu fráveitustöðvar fyrir Selfoss og endurnýjun lagna og yfirborðs í Rauðholti. Í tengslum við byggðasamlagið Bergrisann hefur sveitarfélagið svo fengið afhent húsnæði við Nauthaga undir sex þjónustuíbúðir en framkvæmdum á lóð lýkur nú í vor. Kraftur í íbúðauppbyggingu Íbúðauppbygging heldur áfram af krafti og er gott samstarf sveitarfélagsins við stærstu framkvæmdaaðilana ein af forsendum þess að uppbyggingin sé skynsamleg og í takti við þróun innviða. Markmiðið til framtíðar er alltaf að auka lífsgæði og tækifæri okkar íbúa þannig að öll uppbyggingin styðji við vöxt samfélagsins. Stekkjarhverfi, Jórvík og Austurbyggð á Selfossi eru í uppbyggingu núna ásamt einstaka lóðum í öðrum þéttbýliskjörnum og dreifbýli. Þá er fyrirhugað að framkvæmdir hefjist fljótlega í Árbakkalandinu. Á þessu ári er ætlað að efna til útboðs á nýjum götum á Eyrarbakka og Stokkseyri ásamt fjölda einbýlishúsalóða á svokölluðum þéttingarreitum. Mörg tækifæri má finna á þessu svæði öllu og mun ég á næstu vikum fara ítarlegar yfir áform og áhrif íbúðauppbyggingar innan sveitarfélagsins. Lifandi samfélag Sveitarfélagið Árborg er nú í samstarfsverkefni með Flóahreppi og Hveragerði um gerð atvinnustefnu enda miklir sameiginlegir hagsmunir í uppbyggingu atvinnulífs hér um slóðir. Íbúar og aðrir áhugasamir geta tekið þátt í verkefninu og komið sínum ábendingum á framfæri með því að svara stuttri könnun sem finna má á heimasíðu sveitarfélagsins (eða smella á þennan hlekk:Íbúakönnun). Að lokum vil ég benda á að Myndlistarfélag Árnesinga hefur verið með opnar vinnustofur reglulega í mars og afrakstur þess má sjá á sýningu yfir páskana í heitu pottunum í Sundhöll Selfoss. Byggðasafn Árnesinga hefur sett upp vorsýningu og er safnið opið frá kl. 13-17 alla páskahelgina. Ég vona að allir njóti frídaganna í tengslum við páskahelgina og óska íbúum og öðrum gleðilegra páska. Höfundur er formaður bæjarráðs og oddviti Sjálfstæðisflokksins í Árborg. Viltu birta grein á Vísi? Sendu okkur póst. Senda grein Bragi Bjarnason Sjálfstæðisflokkurinn Árborg Kjaramál Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Búum til börn Ingibjörg Isaksen Skoðun Eru fjölmiðlar vísvitandi að reyna að hafa áhrif á forsetakosningarnar? Gísli Hvanndal Jakobsson Skoðun Á Bessastöðum? Ingunn Ásdísardóttir Skoðun Til hamingju, Kópavogur! Ásdís Kristjánsdóttir Skoðun Sósíalismi sem trúarbrögð Finnur Thorlacius Eiríksson Skoðun Útrýming mannsins á RÚV Vala Hafstað Skoðun Heillandi Halla Hrund Stefán Hilmarsson Skoðun Almenningur á betra skilið en kastljós án upplýsingar Dóra Björt Guðjónsdóttir Skoðun Kosningar og kíghósti Hanna Katrín Friðriksson Skoðun „Fyrstur kemur fyrstur fær“: Börnum mismunað í aðgengi að sumarnámskeiðum á vegum Reykjavíkurborgar Foreldrar barna á starfsstöð í Vesturbæ Reykjavíkur Skoðun Skoðun Skoðun Hún Hólmfríður Jennýjar Árnadóttir skrifar Skoðun Sósíalismi sem trúarbrögð Finnur Thorlacius Eiríksson skrifar Skoðun Á Bessastöðum? Ingunn Ásdísardóttir skrifar Skoðun Til hamingju, Kópavogur! Ásdís Kristjánsdóttir skrifar Skoðun Búum til börn Ingibjörg Isaksen skrifar Skoðun Ákall um aðgerðir í mansalsmálum Hafdís Hrönn Hafsteinsdóttir skrifar Skoðun Holan í kerfinu Jóhann Friðrik Friðriksson skrifar Skoðun Í dag er alþjóðlegi Lupusdagurinn Hrönn Stefánsdóttir skrifar Skoðun Skálkaskjól Gunnlaugur Stefánsson skrifar Skoðun Fimm ástæður fyrir því að Ísland á að taka á móti fólki á flótta Þórhallur Guðmundsson skrifar Skoðun Fá allir sama orlof? Sigríður Auðunsdóttir skrifar Skoðun Flokkur fólksins mun ekki samþykkja að hækka leigu hjá Félagsbústöðum Kolbrún Áslaugar Baldursdóttir skrifar Skoðun Almenningur á betra skilið en kastljós án upplýsingar Dóra Björt Guðjónsdóttir skrifar Skoðun Kosningar og kíghósti Hanna Katrín Friðriksson skrifar Skoðun Eru fjölmiðlar vísvitandi að reyna að hafa áhrif á forsetakosningarnar? Gísli Hvanndal Jakobsson skrifar Skoðun Grafa skoðanakannanir undan lýðræðinu? Guðlaugur Bragason skrifar Skoðun Hugmyndin sú sama í grunninn Hjörtur J. Guðmundsson skrifar Skoðun Stutt við barnafjölskyldur Ágúst Bjarni Garðarsson skrifar Skoðun Er maðurinn í útrýmingarhættu? Eiríkur Rögnvaldsson skrifar Skoðun Baldur fýkur ekki eftir vindi Hjördís Rut Sigurjónsdóttir skrifar Skoðun Í tilefni af Alþjóðlega safnadeginum Dagrún Ósk Jónsdóttir skrifar Skoðun Ástþór Magnússon í spádómum? Gunnar Karl Halldórsson skrifar Skoðun Athugasemdir við grein um samgöngumál Þórarinn Hjaltason skrifar Skoðun Riðulaust Ísland! Bjarkey Olsen Gunnarsdóttir skrifar Skoðun „Fyrstur kemur fyrstur fær“: Börnum mismunað í aðgengi að sumarnámskeiðum á vegum Reykjavíkurborgar Foreldrar barna á starfsstöð í Vesturbæ Reykjavíkur skrifar Skoðun Siðferðileg heilindi Háskóla Íslands á tímum þjóðarmorðs Háskólafólk fyrir Palestínu skrifar Skoðun Stórhættulegir ágallar á örorkufrumvarpi ríkisstjórnarinnar Jóhann Páll Jóhannsson skrifar Skoðun Þrír dæmigerðir dagar skemmtiferðaskipafarþega í júlí Ingvar Örn Ingvarsson skrifar Skoðun Minnisleysi eða þekkingarskortur? Hjörtur J. Guðmundsson skrifar Skoðun Dáin og deyjandi dýr en engin neyð? Linda Karen Gunnarsdóttir skrifar Sjá meira
Páskafrí er í loftinu, fermingar og hið séríslenska “páskahret” örugglega í veðurkortunum, þó við værum öll fegin að losna við það. Þetta eru ákveðnir vorboðar, líkt og lóan, sem er komin aftur og ekki má gleyma holótta malbikinu, sandinum á gangstéttum eða brotnum kantsteinum eftir veturinn. Það er þó allt til bóta með hækkandi sól. Því er um að gera að halda sér jákvæðum í upplýsingagjöfinni úr okkar skemmtilega samfélagi í Árborg. Kjarasamningar og aðkoma sveitarfélaga Aðkoma ríkis og sveitarfélaga að gerð langtíma kjarasamnings á almennum markaði var talsvert til umfjöllunar í fjölmiðlum. Það er fagnaðarefni að tekist hafi að ná góðri heildarniðurstöðu um fjögurra ára kjarasamning með hóflegum launahækkunum. Þeir leggja góðan grunn fyrir samninga á opinbera markaðnum og vonandi nást brátt samningar á sambærilegum forsendum þar sem launagreiðslur eru stærsti einstaki útgjaldaliður sveitarfélaga. Svo kann að vera að við séum ekki öll sammála aðferðafræðinni eða hvernig aðkoma hins opinbera er að gerð kjarasamninga en þegar litið er á heildarmyndina þá skiptir stöðugleiki til lengri tíma mestu máli. Með honum gefst tækifæri til að ná hraðar böndum á verðbólgu og lækka vexti til lengri tíma. Aðgerðir sveitarfélaga sem Sveitarfélagið Árborg er hluti að, þ.e. lækkun gjaldskrár og niðurgreiðsla skólamáltíða skilar sér þannig til allra íbúa sem raunveruleg kjarabót og hefur jafnframt heppileg áhrif á rekstrarumhverfi fyrirtækja. Miklar framkvæmdir í gangi Framkvæmdaaðilar hafa mikla trú á sveitarfélaginu okkar. Það sést best í því að tugir minni og stærri verkefna standa yfir og fleiri í undirbúningi. Heilsufyrirtækið World Class stækkar nú aðstöðu sína við Sundhöll Selfoss og vel gengur að byggja fjölbýlishús hinu megin við götuna. Miðbær Selfoss hefur sannarlega slegið í gegn eftir opnun sumarið 2021 og þar standa yfir framkvæmdir við nýtt bílastæðahús fyrir um 250 bíla sem og verslunar- og skrifstofuhúsnæði meðfram Eyraveginum. Gamla Húsasmiðjuhúsið öðlast nýtt líf síðar á árinu þegar þar opnar m.a. matvöru- og lyfjaverslun. Búast má við talsverðri uppbygginu á því svæði þar sem fyrirhugað er að byggja fjölbýlishús á lóðum næst Húsasmiðjureitnum. Þá eru nokkur verkefni tengd verslun, þjónustu og íbúðauppbyggingu í undirbúningi við Austurveginn. Það verður spennandi að sjá götumynd þessara megin gatna frá Ölfusárbrúnni þróast áfram. Bygging annars áfanga Stekkjaskóla er helsta framkvæmdaverkefni sveitarfélagsins um þessar mundir. Ætlað er að þeirri framkvæmd ljúki undir lok árs. Endurnýjun lagna í Fossheiði á Selfossi ásamt viðhaldi við Stað á Eyrarbakka og sundlaug Stokkseyrar ganga vel. Á næstunni hefjast framkvæmdir við miðlunartank Selfossveitna, uppsteypu fráveitustöðvar fyrir Selfoss og endurnýjun lagna og yfirborðs í Rauðholti. Í tengslum við byggðasamlagið Bergrisann hefur sveitarfélagið svo fengið afhent húsnæði við Nauthaga undir sex þjónustuíbúðir en framkvæmdum á lóð lýkur nú í vor. Kraftur í íbúðauppbyggingu Íbúðauppbygging heldur áfram af krafti og er gott samstarf sveitarfélagsins við stærstu framkvæmdaaðilana ein af forsendum þess að uppbyggingin sé skynsamleg og í takti við þróun innviða. Markmiðið til framtíðar er alltaf að auka lífsgæði og tækifæri okkar íbúa þannig að öll uppbyggingin styðji við vöxt samfélagsins. Stekkjarhverfi, Jórvík og Austurbyggð á Selfossi eru í uppbyggingu núna ásamt einstaka lóðum í öðrum þéttbýliskjörnum og dreifbýli. Þá er fyrirhugað að framkvæmdir hefjist fljótlega í Árbakkalandinu. Á þessu ári er ætlað að efna til útboðs á nýjum götum á Eyrarbakka og Stokkseyri ásamt fjölda einbýlishúsalóða á svokölluðum þéttingarreitum. Mörg tækifæri má finna á þessu svæði öllu og mun ég á næstu vikum fara ítarlegar yfir áform og áhrif íbúðauppbyggingar innan sveitarfélagsins. Lifandi samfélag Sveitarfélagið Árborg er nú í samstarfsverkefni með Flóahreppi og Hveragerði um gerð atvinnustefnu enda miklir sameiginlegir hagsmunir í uppbyggingu atvinnulífs hér um slóðir. Íbúar og aðrir áhugasamir geta tekið þátt í verkefninu og komið sínum ábendingum á framfæri með því að svara stuttri könnun sem finna má á heimasíðu sveitarfélagsins (eða smella á þennan hlekk:Íbúakönnun). Að lokum vil ég benda á að Myndlistarfélag Árnesinga hefur verið með opnar vinnustofur reglulega í mars og afrakstur þess má sjá á sýningu yfir páskana í heitu pottunum í Sundhöll Selfoss. Byggðasafn Árnesinga hefur sett upp vorsýningu og er safnið opið frá kl. 13-17 alla páskahelgina. Ég vona að allir njóti frídaganna í tengslum við páskahelgina og óska íbúum og öðrum gleðilegra páska. Höfundur er formaður bæjarráðs og oddviti Sjálfstæðisflokksins í Árborg.
Eru fjölmiðlar vísvitandi að reyna að hafa áhrif á forsetakosningarnar? Gísli Hvanndal Jakobsson Skoðun
„Fyrstur kemur fyrstur fær“: Börnum mismunað í aðgengi að sumarnámskeiðum á vegum Reykjavíkurborgar Foreldrar barna á starfsstöð í Vesturbæ Reykjavíkur Skoðun
Skoðun Fimm ástæður fyrir því að Ísland á að taka á móti fólki á flótta Þórhallur Guðmundsson skrifar
Skoðun Flokkur fólksins mun ekki samþykkja að hækka leigu hjá Félagsbústöðum Kolbrún Áslaugar Baldursdóttir skrifar
Skoðun Eru fjölmiðlar vísvitandi að reyna að hafa áhrif á forsetakosningarnar? Gísli Hvanndal Jakobsson skrifar
Skoðun „Fyrstur kemur fyrstur fær“: Börnum mismunað í aðgengi að sumarnámskeiðum á vegum Reykjavíkurborgar Foreldrar barna á starfsstöð í Vesturbæ Reykjavíkur skrifar
Skoðun Siðferðileg heilindi Háskóla Íslands á tímum þjóðarmorðs Háskólafólk fyrir Palestínu skrifar
Skoðun Stórhættulegir ágallar á örorkufrumvarpi ríkisstjórnarinnar Jóhann Páll Jóhannsson skrifar
Eru fjölmiðlar vísvitandi að reyna að hafa áhrif á forsetakosningarnar? Gísli Hvanndal Jakobsson Skoðun
„Fyrstur kemur fyrstur fær“: Börnum mismunað í aðgengi að sumarnámskeiðum á vegum Reykjavíkurborgar Foreldrar barna á starfsstöð í Vesturbæ Reykjavíkur Skoðun