Bjarkey sögð standa vörð um grímulausa sérhagsmuni Jakob Bjarnar skrifar 12. apríl 2024 13:56 Bjarkey mætir á sinn fyrsta ríkisstjórnarfund sem matvælaráðherra. Hún ætlar að sitja föst við sinn keip og telur ný búvörulög góðra gjalda verð. Vísir/Vilhelm Bjarkey Olsen Gunnarsdóttir nýbakaður matvælaráðherra er milli steins og sleggju, nýkomin í ráðuneytið. Fjöldi manna hefur gagnrýnt harðlega nýsett lög sem Bjarkey vill verja en hún sat í meirihluta nefndarinnar sem samþykkti þessi sömu lög. „Það eru mikil vonbrigði að ráðherra, sé svona viss í eigin sök. Að hún telji málinu lokið án þess að hlusta á sjónarmið okkar, Samkeppniseftirlitsins eða ráðuneytisins sjálfs sem hún fer nú fyrir,“ segir Breki Karlsson formaður Neytendasamtakanna. Vísir greindi frá því fyrr í dag að nýr matvælaráðherra, Bjarkey Olsen Gunnarsdóttir, ætli að sitja föst við sinn keip og gera ekkert í afar umdeildum nýlegum búvörulögum sem tryggja afurðarstöðvum undanþágu frá samkeppnislögum. Bjarkey er í sérkennilegri stöðu því hún átti sæti í atvinnuveganefnd og skrifaði undir hin nýju lög sem fulltrúi meirihluta nefndarinnar. Nú er hún hins vegar orðin ráðherra í ráðuneyti sem hefur gefið út bréf þar sem lögin eru gagnrýnd harðlega. Fjölmargir hafa lýst yfir því að lögin gangi ekki upp. Haukur Arnþórsson stjórnsýslufræðingur er meðal þeirra sem segir að um ólög sé að ræða. Hin umdeildu nýsamþykktu búvörulög hafi verið ólöglega sett því breytingarfrumvarpið hafi breyst of mikið við aðra umræðu. Hann telur að málið yrði dæmt ógilt ef það færi fyrir dómstóla. Hin nýju lög ólög Páll Gunnar Pálsson, forstjóri Samkeppniseftirlitsins, er annar en hann segir lögin mun róttækari en þekkist í löndunum í kringum okkur. Hann gerir alvarlegar athugasemdir við vinnubrögð þingsins í málinu. Lögin sem hafi verið samþykkt í gær hafi verið allt önnur en það frumvarp sem hann skrifaði umsögn um. Frumvarpið hafi tekið gríðarlegum breytingum í meðförum atvinnuveganefndar þingsins. Áfram má telja upp aðila sem gagnrýna lögin harðlega en það vakti athygli þegar þeir Breki, Ragnar Þór Ingólfsson formaður VR og Ólafur Stephensen framkvæmdastjóri atvinnurekenda rituðu grein í félagi þar sem þeir segja lögin ekki standast nokkra einustu skoðun. „Það er út af fyrir sig athyglisvert að formaður þingnefndar staðfesti þannig opinberlega það sem ekki er hægt að kalla annað en spillingu; að lögmenn sérhagsmunasamtaka sem blasir við að hagnast á undanþágunni frá samkeppnislögum, fái að skrifa nýjan lagatexta og öllu samráðs- og umsagnarferlinu, sem málið hafði farið í gegn um, var um leið ýtt til hliðar og öðrum umsagnaraðilum gefið langt nef. [...] Hin nýju lög eru ólög, eins og samtök okkar hafa ítrekað bent á,“ segir meðal annars þar. Breki segir það ekki góðar fréttir þegar meirihluti alþingismanna samþykki „að láta almannahagsmuni víkja fyrir grímulausum sérhagsmunum, að víkja samkeppni til hliðar. Ég trúi því ekki öðru en hið duglega fólk sem situr á alþingi sjái að sér, játi mistök og einhendi sér í að laga þau.“ Ráðherra situr í súpunni vegna óvandaðra vinnubragða Ólafur lýsir einnig miklum vonbrigðum með viðbrögð hins nýja matvælaráðherra. „Þótt að sumu leyti sé líka skiljanlegt að stjórmálamaður sem situr sjálfur í súpunni vegna óvandaðra vinnubragða vilji ekki viðurkenna það eða horfast í augu við það. Við bindum þó enn vonir við að þeir sem sitja í atvinnuveganefnd bregðist við, ekki bara við athugasemdum matvælaráðuneytisins heldur líka frá Samkeppniseftirlitinu, stærstu launþegasamtökum landsins, helstu samtökum fyrirtækja í verslun og Neytendasamtökunum.“ Breki Karlsson segir ekki hægt að kalla lögin annað en grímulausa spillingu.Vísir/Ívar Fannar Ólafur segir fyrir liggja að löggjöfin hafi ekki fengið vandaðan undirbúning. Samræmi hennar við EES-samninginn var þannig ekki greint eftir að meirihluti atvinnuveganefndar gjörbreytti frumvarpi ráðherra. „Gildissviðið er óljóst og að einhverju leyti virðast stjórnarliðar í atvinnuveganefnd ekki hafa vitað sjálfir hvað fólst í lagatextanum sem lögmenn Samtaka fyrirtækja í landbúnaði skrifuðu fyrir þá, því að annað stendur í nefndarálitinu en má lesa út úr lögunum sjálfum.“ Gæti gengið á með dómsmálum næstu árin Þá segir Ólafur formann Bændasamtakanna hafa komið fram með útleggingu sem ekki standist skoðun og í Bændablaðinu í gær kemur formaður atvinnuveganefndar með enn eina túlkunina, sem ekki verður fundinn staður í lögunum. Þá hefur verið bent á að lögin standist ekki stjórnarskrána, þar sem hið nýja frumvarp hafi ekki fengið þrjár umræður á Alþingi eins og hún kveður á um. „Það stjórnarskrárákvæði er að sjálfsögðu hugsað til þess að mál fái vandaða umfjöllun og séu vel úr garði gerð, sem þessi lög eru augljóslega ekki. Ólafur Stephensen, framkvæmdastjóri Félags atvinnurekenda, segir ekki standa stein yfir steini í hinum nýsettu lögum.vísir/vilhelm Ef hvorki ráðherrann né þingið bregðast við, eiga samtök verslunar, launþega og neytenda þann eina kost að láta reyna á hin óljósu ákvæði laganna og samræmi þeirra við stjórnarskrána fyrir dómstólum, innan lands og mögulega -utan.“ Ólafur segist gæti talað lengi vel um anmarka á hinum nýju lögum en hann láti þetta nægja í bili. „Það gæti því gengið á með dómsmálum næstu árin. Er það leið til að skapa frið um hagræðingu í landbúnaðinum og nauðsynlega uppbyggingu í þeirri mikilvægu atvinnugrein? Eða er skynsamlegra að vinna að hagræðingu innan ramma samkeppnislaganna, eins og fullur kostur er á?“ Búvörusamningar Samkeppnismál Alþingi Ríkisstjórn Bjarna Benediktssonar Vinstri græn Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Var í símanum á 142 kílómetra hraða áður en hann lést Innlent Halla Tómasdóttir tekur stökk í nýrri könnun Prósents Innlent Vaknaði og barnið var horfið Innlent Læknirinn mátti læsa dætur sínar inni eftir allt saman Innlent „Hvers konar „motherfucking“ óþverri væri þessi guð ef hann er til“ Innlent Forsetavaktin 2024: Hver verður sjöundi forseti lýðveldisins? Innlent Samfélagið í áfalli vegna málsins Innlent Mikið vesen á veitingastöðum borgarinnar Innlent Kórónuveirufaraldurinn ekkert miðað við sýklalyfjaónæmi Erlent Hvar eru Illugi Jökuls, Hallgrímur Helga, Atli Þór Fanndal? Innlent Fleiri fréttir Dæmdur fyrir manndráp af gáleysi vegna ofsaaksturs undir áhrifum Áhorf á úrslit Eurovision hríðféll Sýnist stefna í kapphlaup tveggja en útilokar þó ekki vendingar Mótmæla þróun gervigreindar á Austurvelli Veit ekki hvort hann fái svar áður en spurningin verði úrelt Auknar líkur á gosi sem gæti hafist án fyrirvara Guðni heldur utan til að kveðja Margréti Þórhildi Telur ástandið á sauðfjárbúinu ekki eins slæmt og menn vilja vera láta Læknirinn mátti læsa dætur sínar inni eftir allt saman Hvar eru Illugi Jökuls, Hallgrímur Helga, Atli Þór Fanndal? „Hvers konar „motherfucking“ óþverri væri þessi guð ef hann er til“ Var í símanum á 142 kílómetra hraða áður en hann lést Vaknaði og barnið var horfið Mikið vesen á veitingastöðum borgarinnar Halla Tómasdóttir tekur stökk í nýrri könnun Prósents „Algjörlega forkastanlegt“ ef stjórnvöld svari ekki beiðninni Minnstu smáatriði úthugsuð og til þess gerð að skapa hughrif Samfélagið í áfalli vegna málsins Vilja bæta íslenskukennslu fyrir innflytjendur Ragnar Freyr segist hreinsaður af sök Læknir segir að brottvísun muni ógna lífi sjúklings „Er réttur þinn eða mannréttindi að einhver annar deyði þig?“ Kviknaði í bragga á Egilsstöðum Meint fjárkúgun, frelsissvipting og líkamsárás Rannsaka alvarlegt ofbeldisbrot í Árnessýslu Pólitíkin, dánaraðstoð, NATO og kosningar á Sprengisandi „Mig langaði bara að drepa þennan mann“ Grunaðir um rán í miðbænum Aðrir frambjóðendur en efstu tveir eigi töluvert langt í land Sauð upp úr milli bónda og dýraverndunarsinna Sjá meira
„Það eru mikil vonbrigði að ráðherra, sé svona viss í eigin sök. Að hún telji málinu lokið án þess að hlusta á sjónarmið okkar, Samkeppniseftirlitsins eða ráðuneytisins sjálfs sem hún fer nú fyrir,“ segir Breki Karlsson formaður Neytendasamtakanna. Vísir greindi frá því fyrr í dag að nýr matvælaráðherra, Bjarkey Olsen Gunnarsdóttir, ætli að sitja föst við sinn keip og gera ekkert í afar umdeildum nýlegum búvörulögum sem tryggja afurðarstöðvum undanþágu frá samkeppnislögum. Bjarkey er í sérkennilegri stöðu því hún átti sæti í atvinnuveganefnd og skrifaði undir hin nýju lög sem fulltrúi meirihluta nefndarinnar. Nú er hún hins vegar orðin ráðherra í ráðuneyti sem hefur gefið út bréf þar sem lögin eru gagnrýnd harðlega. Fjölmargir hafa lýst yfir því að lögin gangi ekki upp. Haukur Arnþórsson stjórnsýslufræðingur er meðal þeirra sem segir að um ólög sé að ræða. Hin umdeildu nýsamþykktu búvörulög hafi verið ólöglega sett því breytingarfrumvarpið hafi breyst of mikið við aðra umræðu. Hann telur að málið yrði dæmt ógilt ef það færi fyrir dómstóla. Hin nýju lög ólög Páll Gunnar Pálsson, forstjóri Samkeppniseftirlitsins, er annar en hann segir lögin mun róttækari en þekkist í löndunum í kringum okkur. Hann gerir alvarlegar athugasemdir við vinnubrögð þingsins í málinu. Lögin sem hafi verið samþykkt í gær hafi verið allt önnur en það frumvarp sem hann skrifaði umsögn um. Frumvarpið hafi tekið gríðarlegum breytingum í meðförum atvinnuveganefndar þingsins. Áfram má telja upp aðila sem gagnrýna lögin harðlega en það vakti athygli þegar þeir Breki, Ragnar Þór Ingólfsson formaður VR og Ólafur Stephensen framkvæmdastjóri atvinnurekenda rituðu grein í félagi þar sem þeir segja lögin ekki standast nokkra einustu skoðun. „Það er út af fyrir sig athyglisvert að formaður þingnefndar staðfesti þannig opinberlega það sem ekki er hægt að kalla annað en spillingu; að lögmenn sérhagsmunasamtaka sem blasir við að hagnast á undanþágunni frá samkeppnislögum, fái að skrifa nýjan lagatexta og öllu samráðs- og umsagnarferlinu, sem málið hafði farið í gegn um, var um leið ýtt til hliðar og öðrum umsagnaraðilum gefið langt nef. [...] Hin nýju lög eru ólög, eins og samtök okkar hafa ítrekað bent á,“ segir meðal annars þar. Breki segir það ekki góðar fréttir þegar meirihluti alþingismanna samþykki „að láta almannahagsmuni víkja fyrir grímulausum sérhagsmunum, að víkja samkeppni til hliðar. Ég trúi því ekki öðru en hið duglega fólk sem situr á alþingi sjái að sér, játi mistök og einhendi sér í að laga þau.“ Ráðherra situr í súpunni vegna óvandaðra vinnubragða Ólafur lýsir einnig miklum vonbrigðum með viðbrögð hins nýja matvælaráðherra. „Þótt að sumu leyti sé líka skiljanlegt að stjórmálamaður sem situr sjálfur í súpunni vegna óvandaðra vinnubragða vilji ekki viðurkenna það eða horfast í augu við það. Við bindum þó enn vonir við að þeir sem sitja í atvinnuveganefnd bregðist við, ekki bara við athugasemdum matvælaráðuneytisins heldur líka frá Samkeppniseftirlitinu, stærstu launþegasamtökum landsins, helstu samtökum fyrirtækja í verslun og Neytendasamtökunum.“ Breki Karlsson segir ekki hægt að kalla lögin annað en grímulausa spillingu.Vísir/Ívar Fannar Ólafur segir fyrir liggja að löggjöfin hafi ekki fengið vandaðan undirbúning. Samræmi hennar við EES-samninginn var þannig ekki greint eftir að meirihluti atvinnuveganefndar gjörbreytti frumvarpi ráðherra. „Gildissviðið er óljóst og að einhverju leyti virðast stjórnarliðar í atvinnuveganefnd ekki hafa vitað sjálfir hvað fólst í lagatextanum sem lögmenn Samtaka fyrirtækja í landbúnaði skrifuðu fyrir þá, því að annað stendur í nefndarálitinu en má lesa út úr lögunum sjálfum.“ Gæti gengið á með dómsmálum næstu árin Þá segir Ólafur formann Bændasamtakanna hafa komið fram með útleggingu sem ekki standist skoðun og í Bændablaðinu í gær kemur formaður atvinnuveganefndar með enn eina túlkunina, sem ekki verður fundinn staður í lögunum. Þá hefur verið bent á að lögin standist ekki stjórnarskrána, þar sem hið nýja frumvarp hafi ekki fengið þrjár umræður á Alþingi eins og hún kveður á um. „Það stjórnarskrárákvæði er að sjálfsögðu hugsað til þess að mál fái vandaða umfjöllun og séu vel úr garði gerð, sem þessi lög eru augljóslega ekki. Ólafur Stephensen, framkvæmdastjóri Félags atvinnurekenda, segir ekki standa stein yfir steini í hinum nýsettu lögum.vísir/vilhelm Ef hvorki ráðherrann né þingið bregðast við, eiga samtök verslunar, launþega og neytenda þann eina kost að láta reyna á hin óljósu ákvæði laganna og samræmi þeirra við stjórnarskrána fyrir dómstólum, innan lands og mögulega -utan.“ Ólafur segist gæti talað lengi vel um anmarka á hinum nýju lögum en hann láti þetta nægja í bili. „Það gæti því gengið á með dómsmálum næstu árin. Er það leið til að skapa frið um hagræðingu í landbúnaðinum og nauðsynlega uppbyggingu í þeirri mikilvægu atvinnugrein? Eða er skynsamlegra að vinna að hagræðingu innan ramma samkeppnislaganna, eins og fullur kostur er á?“
Búvörusamningar Samkeppnismál Alþingi Ríkisstjórn Bjarna Benediktssonar Vinstri græn Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Var í símanum á 142 kílómetra hraða áður en hann lést Innlent Halla Tómasdóttir tekur stökk í nýrri könnun Prósents Innlent Vaknaði og barnið var horfið Innlent Læknirinn mátti læsa dætur sínar inni eftir allt saman Innlent „Hvers konar „motherfucking“ óþverri væri þessi guð ef hann er til“ Innlent Forsetavaktin 2024: Hver verður sjöundi forseti lýðveldisins? Innlent Samfélagið í áfalli vegna málsins Innlent Mikið vesen á veitingastöðum borgarinnar Innlent Kórónuveirufaraldurinn ekkert miðað við sýklalyfjaónæmi Erlent Hvar eru Illugi Jökuls, Hallgrímur Helga, Atli Þór Fanndal? Innlent Fleiri fréttir Dæmdur fyrir manndráp af gáleysi vegna ofsaaksturs undir áhrifum Áhorf á úrslit Eurovision hríðféll Sýnist stefna í kapphlaup tveggja en útilokar þó ekki vendingar Mótmæla þróun gervigreindar á Austurvelli Veit ekki hvort hann fái svar áður en spurningin verði úrelt Auknar líkur á gosi sem gæti hafist án fyrirvara Guðni heldur utan til að kveðja Margréti Þórhildi Telur ástandið á sauðfjárbúinu ekki eins slæmt og menn vilja vera láta Læknirinn mátti læsa dætur sínar inni eftir allt saman Hvar eru Illugi Jökuls, Hallgrímur Helga, Atli Þór Fanndal? „Hvers konar „motherfucking“ óþverri væri þessi guð ef hann er til“ Var í símanum á 142 kílómetra hraða áður en hann lést Vaknaði og barnið var horfið Mikið vesen á veitingastöðum borgarinnar Halla Tómasdóttir tekur stökk í nýrri könnun Prósents „Algjörlega forkastanlegt“ ef stjórnvöld svari ekki beiðninni Minnstu smáatriði úthugsuð og til þess gerð að skapa hughrif Samfélagið í áfalli vegna málsins Vilja bæta íslenskukennslu fyrir innflytjendur Ragnar Freyr segist hreinsaður af sök Læknir segir að brottvísun muni ógna lífi sjúklings „Er réttur þinn eða mannréttindi að einhver annar deyði þig?“ Kviknaði í bragga á Egilsstöðum Meint fjárkúgun, frelsissvipting og líkamsárás Rannsaka alvarlegt ofbeldisbrot í Árnessýslu Pólitíkin, dánaraðstoð, NATO og kosningar á Sprengisandi „Mig langaði bara að drepa þennan mann“ Grunaðir um rán í miðbænum Aðrir frambjóðendur en efstu tveir eigi töluvert langt í land Sauð upp úr milli bónda og dýraverndunarsinna Sjá meira