Alþingi

Fréttir af löggjafarþingi Íslendinga, þingmönnum og fleiri tengdum málum.

Sakar stjórnarliða um lágkúru og lýðskrum í vegamálum

Heitar umræður urðu við upphaf þingfundar á Alþingi í morgun um vegamál. Ráðherrar og þingmenn komu upp í röðum og lýstu nauðsyn þess að tvöfalda Suðurlandsveg. Formaður Vinstri - grænna minnti stjórnarliða hins vegar á að þeir hefðu á sama tíma staðið fyrir sex milljarða króna niðurskurði á vegaframlögum.

Innlent 7. desember 2006 12:04

Afgreiðslu RÚV-frumvarps frestað fram yfir jól

Frumvarp um Ríkisútvarpið ohf. verður ekki afgreitt fyrir jól en þinglok verða á laugardag. Þetta var að samkomulagi milli stjórnar og stjórnarandstöðu á Alþingi.

Innlent 7. desember 2006 10:34

Dómssátt í máli fyrrv. ráðuneytisstjóra og ríkisins

Dómssátt varð í dag í máli Björns Friðfinnssonar, fyrrverandi ráðuneytisstjóra í viðskipta- og iðnaðarráðuneytinu, og íslenska ríkisins sem felur í sér að Björn heldur launum til sjötugs auk þess sem hann fær tvær milljónir í miskabætur. Björn höfðaði mál á hendur ríkinu eftir að honum var meinað að snúa aftur til starfa.

Innlent 7. desember 2006 10:24

Frumvarpi breytt til að draga úr skerðingu bóta

Árni Mathiesen, fjármálaráðherra, og Siv Friðleifsdóttir, heilbrigðis- og tryggingamálaráðherra kynntu í dag aðgerðir ríkisstjórnarinnar til að draga úr áhrifum tekna lífeyrisþega á bætur. Gert er ráð fyrir að frumvarp um almannatryggingar og málefni aldraðra verði breytt í þremur atriðum vegna þessa.

Innlent 6. desember 2006 16:51

140 milljónir þarf til að framfylgja aðgerðaáætlun gegn ofbeldi

140 milljónir þarf til að framfylgja aðgerðaáætlun stjórnvalda vegna ofbeldis á heimilum og kynferðisofbeldis á árunum 2007-2011. Þetta kom fram á kynningarfundi Magnúsar Stefánssonar félagsmálaráðherra á áætluninni í Þjóðmenningarhúsinu í dag.

Innlent 6. desember 2006 15:43

Á þriðja hundrað barna bíður eftir greiningu

71 barn á leikskólaaldri og 124 börn á grunnskólaaldri bíða eftir greiningu hjá Greiningar- og ráðgjafastöð ríkisins samkvæmt svari sem Magnús Stefánsson gaf á Alþingi í dag við fyrirspurn Ástu Ragnheiðar Jóhannesdóttur, þingmanns Samfylkingarinnar.

Innlent 6. desember 2006 14:30

Valgerður heimsækir Japana

Valgerður Sverrisdóttir utanríkisráðherra hóf í dag opinbera heimsókn sína til Japans en hún er farin tilefni 50 ára afmælis stjórnmálasambands ríkjanna.

Innlent 6. desember 2006 13:09

Fjárlög ríkisins fyrir árið 2007 samþykkt á Alþingi

Fjárlög ríkisins fyrir næsta ár voru samþykkt frá Alþingi fyrir hálfri klukkustund með 34 atkvæðum stjórnarmeirihlutans en 26 þingmenn stjórnarandstöðu sátu hjá. Fjármálaráðherra sagði fjárlögin markast af hagvaxtarskeiði en stjórnarandstaðan kallaði þau kosningafjárlög.

Innlent 6. desember 2006 12:02

Laun hækka um 2,9 prósent um áramót

Allir almennir kjarasamningar ríkisins við félög opinberra starfsmanna, félög innan ASÍ og fleiri hækka um 2,9 prósent um áramótin í stað 2,25 prósenta samkvæmt kjarasamningum. Er þetta í samræmi við samkomulag forsendunefndar Samtaka atvinnulífsins og Alþýðusambands Íslands sem gert var í fyrra á grundvelli verðlagsþróunar.

Innlent 5. desember 2006 16:16

Gert ráð fyrir nærri 14 milljarða króna afgangi hjá borginni á næsta ári

Gert er ráð fyrir 13,7 milljarða króna hagnaði af rekstri borgarinnar á næsta ári samkvæmt frumvarpi að fjárhagsáætlun sem nýr meirihluti í borgarstjórn leggur fram í dag.

Innlent 5. desember 2006 15:30

Niðurgreiðslur vegna skólamáltíða auknar vegna misræmis

Menntaráð Reykjavíkur hefur ákveðið að hækka niðurgreiðslur vegna skólamáltíða í grunnskólum sem vegna aðstöðuleysis hafa þurft að bjóða nemendum upp á aðkeyptan heitan mat.

Innlent 5. desember 2006 14:43

Öryggisvitund í samfélaginu verði þróuð með markvissum hætti

Lagt er til að unnið verði að því með markvissum hætti að þróa öryggisvitund í samfélaginu og áhersla verði lögð á að byggja upp traust á upplýsingasamfélaginu, öryggi innviða þess og samkeppnishæfni samkvæmt skýrslu starfshóps samgönguráðherra um netöryggi og öryggi fjarskipta.

Innlent 5. desember 2006 13:51

Gjaldskrár borgarinnar hækki um 8,5 prósent

Fjármálasvið borgarinnar hefur lagt það til við öll svið borgarinnar að hækka gjaldskrár um 8,5 prósent til að mæta auknum kostnaði á næsta ári. Gjöld fyrir börn á frístundaheimilum í Reykjavík hækka um tæp níu prósent um áramót og hafa þá hækkað um næstum fimmtán prósent á einu ári.

Innlent 5. desember 2006 12:30

Niðurlægði þingflokk Samfylkingarinnar

Guðjón Ólafur Jónsson, þingmaður Framsóknarflokksinsk segir fá eða engin dæmi um að formaður flokks hafi niðurlægt þingmenn sína með þeim hætti sem formaður Samfylkingarinnar hafi gert í ræðu á flokkstjórnarfundi flokksins um helgina, þegar hún sagði þjóðina ekki treysta þingflokknum.

Innlent 5. desember 2006 12:17

Talsmaður neytenda leggst gegn því að OV og Rarik fari undir Landsvirkjun

Talsmaður neytenda leggst gegn því að eignarhlutur ríkisins í Orkubúi Vestfjarða og Rafmagnsveitu ríkisins verði fluttur undir Landsvirkjun eins og gert er ráð fyrir í frumvarpi sem nú er til umfjöllunar á Alþingi. Þetta kemur fram í umsögn hans til iðnaðarnefndar vegna málsins.

Innlent 5. desember 2006 11:45

Krefjast stefnubreytingar í umferðarmálum

Neytendasamtökin krefjast stefnubreytingar í umferðarmálum af hálfu ráðamanna landsins með það að markmiði að auka umferðaröryggi og fækka hörmulegum slysum og örkumlum á vegunum.

Innlent 5. desember 2006 11:10

Segja vinnubrögð ekki hafa verið óeðlileg

Bæjarfulltrúar Sjálfstæðisflokksins í Árborg hafna þeim fullyrðingum tveggja bæjarfulltrúa Samfylkingarinnar og Framsóknarflokksins í bæjarfélaginu að óeðlileg vinnubrögð hafi átt sér stað við þá beiðni Eðalhúsa að fá auglýsta tillögu sína um deiliskipulag svokallaðs Sigtúnsreits. Þetta kemur fram í yfirlýsingu frá bæjarfulltrúunum í kjölfar fréttar á Stöð 2 í gærkvöld.

Innlent 5. desember 2006 10:27

Einkaframkvæmd komi til greina ef hún flýti fyrir framkvæmdum

Sturla Böðvarsson samgönguráðherra sagði á Alþingi í dag að hann teldi koma til greina að fela einkaaðilum að tvöfalda Suðurlandsveg ef það yrði til að flýta framkvæmdum við hann. Þetta kom fram í svari hans til Björgvins G. Sigurðssonar, þingmanns Samfylkingarinnar, sem spurðist fyrir um stefnu stjórnvalda í málefnum Suðurlandsvegar.

Innlent 4. desember 2006 16:25

Heppilegra hefði verið að hafa meira samráð við utanríkismálanefnd

Geir H. Haarde forsætisráðherra segir að betra og heppilegra hefði verið að hafa meira samráð við utanríkismálanefnd þegar ákveðið var að styðja innrásina í Írak árið 2003 en hins vegar telur hann að ákvörðunin hafi verið rétt miðað við þær upplýsingar sem lágu fyrir á þeim tíma.

Innlent 4. desember 2006 15:52

Segir Margréti hafa búið til ágreining um innflytjendamál

Magnús Þór Hafsteinsson, varaformaður Frjálslynda flokksins, segir Margréti Sverrisdóttur, framkvæmdastjóra flokksins, hafa búið til ágreining um málefni innflytjenda í flokknum til að búa í haginn fyrir slag um formennsku eða varaformennsku í flokknum.

Innlent 4. desember 2006 12:15

Um 16 þúsund erlendir ríkisborgarar starfandi á landinu

Um 16 þúsund erlendir ríkisborgarar starfa hér á landi um þessar mundir samkvæmt svari félagsmálaráðherra við fyrirspurn Magnúsar Þórs Hafsteinssonar, þingmanns Frjálslynda flokksins.

Innlent 4. desember 2006 11:56

Ölgerðin varar við hugmyndum um hækkun áfengisgjalds

Fyrirhugaðar breytingar á áfengisgjaldi og virðisaukaskatti á áfengi munu hafa í för með sér stórfelldar verðhækkanir á áfengi að óbreyttu að mati Ölgerðar Egils Skallagrímssonar. Bendir fyrirtækið á að með fyrirhuguðum lagabreytingum standi tekjur ríkissjóðs ekki í stað heldur munu aukast sem sé öfugt við það sem haft hafi verið eftir fjármálaráðherra í fjölmiðlum.

Innlent 1. desember 2006 12:56

Segir uppsögn Margrétar fullkomlega eðlilega

Uppsögn Margrétar Sverrisdóttir, framkvæmdastjóra Frjálslynda flokksins, í gærkvöld var fullkomlega eðlileg, segir Guðjón Arnar Kristjánsson, formaður flokksins. Hann vísar því á bug að uppsögnin tengist gagnrýni Margrétar á Jón Magnússon og innlegg hans um málefni innflytjenda. Margrét ætlar þrátt fyrir allt að taka sæti á lista flokksins ef hún nær því í forvali.

Innlent 1. desember 2006 12:15

Ölfus og OR sýni náttúruperlum nærgætni

Bæjarstjórn Hveragerðisbæjar vill að Sveitarfélagið Ölfus og Orkuveita Reykjavíkur gangi af virðingu og nærgætni um náttúruperlur Hengilssvæðisins í skipulagsmálum og framkvæmdum næstu ára. Þetta kemur fram í ályktun frá bæjarfélaginu.

Innlent 1. desember 2006 09:29

Frjálslyndir sækja á samkvæmt könnun Gallups

Frjálslyndi flokkurinn fengi ellefu prósent atkvæða ef kosið yrði til Alþingis núna, samkvæmt þjóðarpúlsi Gallups. Fylgisaukning frjálslyndra virðist vera á kostnað Sjálfstæðisflokksins sem tapaði sex prósenta fylgi frá síðustu könnun, en aðrir flokkar standa nokkurn veginn í stað.

Innlent 1. desember 2006 07:53

Margréti sagt upp hjá Frjálsynda flokknum

Margréti Sverrisdóttur, framkvæmdastjóra þingflokks Frjálslyndaflokksins, var í gærkvöldi sagt upp starfinu en hún er jafnframt framkvæmdastjóri flokksins sjálfs.

Innlent 1. desember 2006 07:02

Störfum vegna hugbúnaðargerðar hjá ríkinu fjölgar um nærri 15 prósent

Stöðugildum vegna hugbúnaðargerðar innan ríkisstofnana hefur fjölgað um nærri fimmtán prósent á tveimur árum samkvæmt könnun sem ráðgjafafyrirtækið Intellecta gerði fyrir Samtök iðnaðarins og iðnaðar- og viðskiptaráðuneytið.

Innlent 30. nóvember 2006 16:05

Vinstri - grænir kæra sölu á hlut borgarinnar í Landsvirkjun

Borgarfulltrúar Vinstri - grænna hafa lagt fram kæru til félagsmálaráðuneytisins vegna sölu á hlut borgarinnar í Landsvirkjun og farið fram á það að samþykki borgarstjórnar á sölu hlutarins verði fellt úr gildi.

Innlent 30. nóvember 2006 14:56

Matarskattsfrumvarp á dagskrá Alþingis í dag

Frumvarp ríkisstjórnarinnar um matarskattinn er á dagskrá Alþingis í dag. Frumvarpið er í samræmi við tillögur ríkisstjórnarinnar frá 9. október um að lækka matarverð. Virðisaukaskattur lækkar úr fjórtán prósentum í sjö þann 1. mars og vörugjöld af öðru en sykri og sætindum falla niður.

Innlent 30. nóvember 2006 13:00

Jón tekur Íraksmálið ekki upp í ríkisstjórn

Jón Sigurðsson, formaður Framsóknarflokksins, hyggst ekki taka upp Íraksmálið í ríkisstjórn og segir of mikið lesið úr orðum sínum á miðstjórnarfundi Framsóknarflokksins um síðustu helgi. Hart var deilt á ríkisstjórnina vegna málsins á þingi í dag.

Innlent 30. nóvember 2006 11:12

Mest lesið