Íslenski boltinn

Sigur á Svíum í knattspyrnu

Íslenska U-19 landslið pilta vann Svía 2-0 í vináttulandsleik á Grindavíkurvelli í dag. Theodór Elmar Bjarnason, leikmaður Glasgow Celtic og fyrrverandi KR-ingur, skoraði bæði mörkin í síðari hálfleik. Að sögn þeirra sem fylgdust með leiknum var sigur piltanna mjög sanngjarn.

Sport 13.10.2005 19:19

Santini tekur við Auxerre

Jacques Santini fyrrverandi þjálfari franska landsliðsins í knattspyrnu og Tottenham tók í dag við franska liðinu Auxerre sem eru nýkrýndir bikarmeistarar þar í landi. Santini tekur við af Guy Roux sem lét af störfum eftir að hafa lagt Sedan í úrslitaleik bikarkeppninnar á sunnudag.

Sport 13.10.2005 19:19

Er hér til þess að ná árangri

Það gustar um Guðjón Þórðarson í stjórastól Notts County þótt ekki hafi hann setið lengi. Hann er búinn að leggja línurnar fyrir leikmenn liðsins sem hann segir hafa leikið undir getu.

Sport 13.10.2005 19:19

Grótta-ÍA í VISA-bikarnum í kvöld

Í kvöld hefjast 32 liða úrslit VISA bikarkeppni karla í knattspyrnu með einum leik og það nokkuð athygliðsverðum. Þriðjudeildarlið Gróttu tekur þá á móti Landsbankadeildarliði Skagamanna og hefst leikurinn kl. 19.15 á Gróttuvelli á Valhúsahæð á Seltjarnarnesi.

Sport 13.10.2005 19:19

Markalaust í hálfleik gegn Möltu

Staðan er 0-0 í hálfleik hjá U21 árs landsliðum Íslands og Möltu í undankeppni Evrópumótsins en leikurinn sem hófst kl. 18:00. Leikurinn fer fram á KR-velli vestur í bæ og lék íslenska liðið undan sterkum vindi í fyrri hálfleik. Það verður því á brattann að sækja í síðari hálfleik.

Sport 13.10.2005 19:19

Grótta stríddi ÍA

Landsbankadeildarlið ÍA slapp með skrekkinn og marði sigur á 3. deildarliði Gróttu, 1-2, í 32 liða úrslitum VISA bikarkeppni karla í knattspyrnu í kvöld en leikið var á Gróttuvelli. Staðan í hálfleik var 0-0 en Skagamenn komust yfir í upphafi síðari hálfleiks. Gróttumenn náðu að jafna metin á 75. mínútu en ÍA skoraði sigurmarkið á lokamínútunum.

Sport 13.10.2005 19:19

Heiðar tæpur vegna veikinda

Ísland mætir Möltu í kvöld í undankeppni HM. Heiðar Helguson gat ekki tekið þátt í leiknum gegn Ungverjalandi sökum leikbanns og óvissa er með þátttöku hans í leiknum í kvöld vegna veikinda. 

Sport 13.10.2005 19:19

Hannes í A-hópinn-Óvíst með Heiðar

Hannes Sigurðsson hefur verið kallaður í A-landsliðshópinn fyrir leikinn gegn Möltu í undankeppni HM 2006 á Laugardalsvelli á morgun. Hannes á fylla skarð Gylfa Einarssonar sem meiddist í leiknum gegn Ungverjum á laugardag. Þá er ekki víst að að Heiðar Helguson geti leikið með gegn Möltu á morgun.

Sport 13.10.2005 19:19

Barcelona ekki á eftir Henry

Joan Laporta, forseti Barcelona, hefur tekið af allan vafa og segir félagið ekki vera á höttunum eftir franska framherjanum Thierry Henry hjá Arsenal.

Sport 13.10.2005 19:19

Englendingar byrja vel á EM kvenna

Evrópukeppni kvennalandsliða í knattspyrnu hófst á Englandi í gærkvöldi. Svíar og Danir gerðu jafntefli, 1-1, og Englendingar sigruðu Finna 3-2. Tæplega 30 þúsund áhorfendur mættu á leikinn sem er aðsóknarmet í Evrópukeppni kvenna. Átta þjóðir leika til úrslita á Englandi í tveimur riðlum en liðin sem áttust við í gær leika í A-riðli.

Sport 13.10.2005 19:19

Cole áfrýjar

Ashley Cole, leikmaður Arsenal hefur áfrýjað dómsúrskurðinum sem gerir honum að greiða 100.000 punda sekt fyrir að hafa átt í ólöglegum viðræðum við Chelsea um hugsanleg félagaskipti.

Sport 13.10.2005 19:19

Owen fer ekki frá Madrid

David Beckham heldur því fram að félagi sinn í enska landsliðinu og Real Madrid, sé ekki á förum frá félaginu, þrátt fyrir þrálátan orðróm þess efnis á síðustu vikum.

Sport 13.10.2005 19:19

Hugsa um leikinn, annað er bónus

„Við erum að gíra okkur upp fyrir leikinn," sagði Ólafur Ingi Skúlason fyrirliði íslenska landsliðsins skipað leikmönnum 21 árs og yngri sem mætir Maltverjum í dag, kl. 18 á KR-velli. Liðið lék á föstudaginn gegn Ungverjum og töpuðu, 1–0, en liðið hafði fram að því unnið tvo leiki af fimm og gat jafnað Ungverja að stigum.

Sport 13.10.2005 19:19

Chelsea vill fund með Tottenham

Forráðamenn Chelsea hafa óskað eftir fundi með kollegum sínum úr herbúðum Tottenham til að reyna að leysa fjaðrafokið í kring um meintar ólöglegar samningaviðræður Chelsea við Frank Arnesen, yfirmann knattspyrnumála hjá Tottenham, sem var rekinn frá félaginu eftir að hafa lýst yfir áhuga sínum á að fara til Chelsea.

Sport 13.10.2005 19:19

Houllier vill fá Baros

Gerard Houllier, knattspyrnustjóri Lyon í Frakklandi, hefur lýst yfir miklum áhuga á að fá Milan Baros til liðs við félagið í sumar. Houllier var maðurinn á bak við kaupin á Tékkanum unga til Liverpool á sínum tíma, en framtíð Baros hjá enska liðinu er talin óljós.

Sport 13.10.2005 19:19

HK sigraði Völsung í gær

HK lagði Völsung að velli með fjórum mörkum gegn tveimur í fyrstu deild karla í fótbolta í gær. Þá skildu Leiftur/Dalvík og Huginn jöfn 1-1 og Fjarðarbyggð vann ÍR 2-0 í annarri deild.

Sport 13.10.2005 19:19

Hefur beðið lengi eftir tækifærinu

Þegar Skagamaðurinn Grétar Rafn Steinsson sleit krossbönd fyrir nærri tveimur árum ákvað hann að taka málin í eigin hendur. Hann vildi bestu mögulegu læknismeðferðina og stóð því sjálfur straum af kostnaði við tveggja mánaða endurhæfingarferð til Hollands.

Sport 13.10.2005 19:18

Líklega ekki aftur með Arsenal

Ashley Cole, varnarmaður Arsenal, telur að hann muni aldrei spila fyrir bikarmeistarana á nýjan leik og ásakar varaformann félagsins, David Dein, um samningsdeilurnar sem urðu til þess að hann ræddi við Chelsea án leyfis en fyrir það fékk hann háa fjársekt. Cole er metinn á 20 milljónir punda og talið er að spænsku stórliðin Barcelona og Madrid vilji fá hann í sínar raðir.

Sport 13.10.2005 19:19

Arnesen rekinn fráTottenham

Tottenham leysti í gær Danann Frank Arnesen frá störfum. Hann hefur verið yfirmaður knattspyrnumála hjá félaginu í eitt ár. Arnesen er sakaður um að hafa átt í leynilegum viðræðum við Chelsea og þar af leiðandi brotið reglur enska knattspyrnusambandsins. Þetta er í annað skiptið á skömmum tíma sem Chelsea er uppvíst að því að falast ólöglega eftir starfsmönnum sem samningsbundnir eru öðrum félögum.

Sport 13.10.2005 19:19

Varnarlínan fjarri góðu gamni

Auðun Helgason, FH, og Valsmaðurinn Bjarni Ólafur Eiríksson voru í morgun valdir í íslenska landsliðið sem mætir Möltumönnum í undakeppni heimsmeistaramótsins á miðvikudag. Bjarni Ólafur er nýliði en Auðun á að baki fjölmarga landsleiki. Öll varnarlína landsliðsins sem hóf leikinn gegn Ungverjum í gær verður fjarri góðu gamni gegn Möltu.

Sport 13.10.2005 19:18

Bað Íslendinga afsökunar

Lothar Matthaus, þjálfari ungverska landsliðsins bað Íslendinga afsökunar eftir leikinn enda var það mjög ósanngjarnt að hans menn færu burt með öll þrjú stigin úr Laugardalnum í gær.

Sport 13.10.2005 19:18

Mikið varið í ungu strákana

Ásgeir Sigurvinsson landsliðsþjálfari var mjög ánægður með spilamennsku íslenska liðsins í gær þrátt fyrir tap. Hann hrósar ungu leikmönnunum sérstaklega. 

Sport 13.10.2005 19:18

Eiður Smári stóð sig langbest

Eiður Smári Guðjohnsen, fyrirliði íslenska landsliðsins, fékk 9 í einkunnagjöf Fréttablaðsins fyrir leikinn gegn Ungverjum í gær og var mörgum klössum fyrir ofan aðra menn á vellinum. Eiður Smári skoraði annað mark Íslands í leiknum og lagði upp hitt.

Sport 13.10.2005 19:18

Það var mikið mótlæti í leiknum

Eiður Smári Guðjohnsen, fyrirliði íslenska landsliðsins, átti stórleik í gær en það reyndi mikið á íslenska liðið í leiknum eins og fram kemur í viðtali við kappann eftir leik.

Sport 13.10.2005 19:18

Mikið óréttlæti í þessu

 „Eftir þennan leik er orðið óréttlæti það sem fyrst kemur upp í hugann. Við vorum að spila þetta vel og börðumst allan tímann, vorum miklu betri. Svo má setja stórt spurningamerki við það að gefa gul spjöld í báðum vítaspyrnudómunum." sagði Indriði Sigurðsson að leik loknum.

Sport 13.10.2005 19:18

Króatar og Svíar unnu sína leiki

Króatar unnu útisigur á Búlgörum, 1-3, í undankeppni HM í knattspyrnu í dag en liðin leika í 8. riðli ásamt Íslandi. Þá unnu Svíar laufléttan heimasigur á Möltu, 6-0 á Nya Ullevi leikvanginum í Gautaborg. Króatar tróna á toppi riðilsins með 16 stig og Svíar fylgja fast á eftir með 15 stig. Ísland mætir Ungverjum á Laugardalsvelli nú kl. 18.05.

Sport 13.10.2005 19:18

Ísland-Ungverjaland í beinni

Landsleik Íslands og Ungverjalands verður lýst beint á úrslitaþjónustu Vísis í dag. Leikurinn hefst kl. 18.05 og geta lesendur Vísis smellt <a href="http://www.visir.is/UserControls/infosport/ifis_leikurHP.aspx?LeikNr=1000201&st=NS&re=00060&sy=0" target="_blank">HÉR</a> eða á stöðuhnappinn hægra meginn við fréttadálk íþróttasíðunnar. Dómarakvartettinn kemur frá Portúgal og heitir dómarinn Lucilio Cardoso Cortez Batista. Hann er fertugur og dæmdi meðal annars í lokakeppni EM 2004.

Sport 13.10.2005 19:18

Yfir 3000 miðar seldust í forsölu

Á fjórða þúsund miðar seldust í forsölu á leik Íslands og Ungverjalands sem mætast í undankeppni HM 2006 á Laugardalsvelli í dag. Miðar sem keyptir voru í forsölu gilda á báða leiki Íslands nú í vikunni, gegn Ungverjum í dag og gegn Möltu á miðvikudag.

Sport 13.10.2005 19:18

ÍSLAND-UNGVERJALAND Í BEINNI !

<a href="http://www.visir.is/UserControls/infosport/ifis_leikurHP.aspx?LeikNr=1000201&st=NS&re=00060&sy=0" target="_blank">FYLGIST MEÐ GANGI MÁLA Í LEIK ÍSLANDS OG UNGVERJALANDS Í UNDANKEPPNI HM Í BEINNI ÚTSENDINGU HÉR Á VÍSI.</a>

Sport 13.10.2005 19:18

Chelsea enn að brjóta lögin?

Enska knattpspyrnufélagið Tottenham sem Emil Hallfreðsson leikur hjá hefur rekið hinn danska Frank Arnesen, yfirmann íþróttamála vegna ásakana um að hann hafi átt í ólöglegum viðræðum við Chelsea. Arnesen viðurkennir að hann vilji fara til Chelsea og er Tottenham að kanna forsendur fyrir lögsókn á hendur Chelsea.

Sport 13.10.2005 19:18