Innlent

Tveir greindust á Vestfjörðum

Sylvía Hall skrifar
Einn þeirra sem reyndist smitaður er með lögheimili á Ísafirði.
Einn þeirra sem reyndist smitaður er með lögheimili á Ísafirði. Vísir/Vilhelm

Tveir einstaklingar hafa greinst með kórónuveirusmit á Vestfjörðum. Annar er erlendur ríkisborgari með lögheimili á Ísafirði en hinn erlendur ferðamaður á húsbíl. Báðir höfðu fengið jákvæða niðurstöðu úr sýnatöku við komuna til landsins.

Sá sem er með lögheimili á Ísafirði kom til landsins frá Evrópu í fyrradag og hafði bæði fengið einkenni og svar um jákvæða niðurstöðu úr sýnatöku. Ferðamaðurinn greindist við landamærin og bíður nú niðurstöðu úr mótefnamælingu í farsóttahúsi.

Súsanna Björg Ástvaldsdóttir, umdæmislæknir sóttvarna á Vestfjörðum, segir smitin undirstrika mikilvægi þess að fólk sýni varkárni, bæði Íslendingar og erlendir ríkisborgarar.

„Líka við hér vestur á fjörðum sem höfum kannski vonað að við gætum sloppið vel þetta skiptið,“ segir Súsanna.

Faraldur kórónuveiru (COVID-19) Ísafjarðarbær
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið