Íslandsmeistarar fyrir þremur árum en eiga nú á hættu að falla Ingvi Þór Sæmundsson skrifar 15. september 2020 13:28 Þór/KA hefur aðeins fengið tvö stig í síðustu sjö leikjum sínum í Pepsi Max-deild kvenna. Markatalan er 4-23. vísir/vilhelm Árið 2017 varð Þór/KA Íslandsmeistari kvenna í annað sinn. Nú þremur árum seinna er liðið í fallsæti Pepsi Max-deildar kvenna eftir sjö leiki í röð án sigurs. Vísir fékk Báru Kristbjörgu Rúnarsdóttur, sérfræðing í Pepsi Max mörkum kvenna, til að fara yfir stöðuna á Þór/KA og af hverju liðið á núna á hættu að falla. „Ég átti ekki beint von á þessu en ég er heldur ekki í sjokki. Miðað við hrókeringarnar á liðinu fannst mér þær vera spurningarmerki fyrir tímabilið,“ sagði Bára. Fylgdu ekki eftir frábærri byrjun Sumarið gat reyndar ekki byrjað betur fyrir Þór/KA sem vann fyrstu tvo leiki sína í Pepsi Max-deild kvenna og skoraði í þeim átta mörk. Síðan þá hefur liðið aðeins unnið einn leik og skorað níu mörk. Á sunnudaginn tapaði Þór/KA fyrir Breiðabliki, 0-7, á heimavelli. Þór/KA tapaði fyrri leiknum gegn Breiðabliki með sömu markatölu. „Þær fóru betur af stað en ég bjóst við og því kemur það mér meira á óvart að þær séu í þessari stöðu. En fyrir tímabilið var þetta alveg möguleiki. Ég spáði þeim 6.-7. sæti,“ sagði Bára. Hulda Ósk Jónsdóttir er einn af lykilmönnum Þórs/KA.vísir/sigurbjörn andri óskarsson Undanfarin ár hefur Þór/KA misst sterkara leikmenn og í leikmannahópi liðsins nú eru aðeins þrjár, Margrét Árnadóttir, Hulda Ósk Jónsdóttir og Hulda Björg Hannesdóttir, sem voru fastamenn í Íslandsmeistaraliðinu 2017. Fyrir þetta tímabil missti Þór/KA svo risastóran spón úr sínum aski þegar mexíkósku landsliðskonurnar Sandra Mayor og Bianca Sierra hurfu á braut sem og Andrea Mist Pálsdóttir, Lára Kristín Pedersen, Þórdís Hrönn Sigfúsdóttir og Bryndís Lára Hrafnkelsdóttir. Ekki alltaf samkvæmur sjálfum sér Þá hætti Halldór Jón Sigurðsson þjálfun liðsins og við tók Andri Hjörvar Albertsson. Bára setur spurningarmerki við nokkrar ákvarðanir hans í sumar. „Það eru margir þættir sem spila inn í. Mér finnst stundum rosalega skrítið hvernig hann „róterar“ liðinu og stillir upp. Í sumum leikjum hefur hann hvílt lykilmenn sem mér finnst alltaf eiga að spila. Það er mikið rót á liðinu. Mér finnst hann ekki alltaf samkvæmur sjálfum sér,“ sagði Bára. Andri Hjörvar Albertsson tók við Þór/KA fyrir þetta tímabil.vísir/vilhelm Undanfarin ár hefur Þór/KA verið mjög sterkan 2. flokk og ungir leikmenn hafa fengið tækifæri með venslaliðinu Hömrunum. Þór/KA hefði því átt að vera vel í stakk búið til að takast á við kynslóðaskipti og umbreytingar á liðinu. „Því þær hafa haldið Hömrunum úti og verið með gríðarlega sterkan 2. flokk hefði ég haldið að það væri hægt að byggja þetta upp og þetta hefði verið tímabilið til þess. Þess vegna skil ég ekki þetta rót á liðinu,“ sagði Bára. Verða að finna sitt lið Þór/KA er í níunda og næstneðsta sæti Pepsi Max-deildarinnar með tólf stig, jafn mörg og Þróttur, sem er í 8. sætinu, en lakari markatölu. Öll liðin í neðri helmingi deildarinnar eiga fjóra leiki eftir nema botnlið KR sem á sjö leiki eftir. KR-ingar eru með tíu stig. „Mér finnst þær vera komnar í þannig stöðu að þær eiga möguleika á að falla. Ég held að lykilinn hjá þeim sé að finna sitt lið og spila sig betur saman. Mér finnst hafa verið alltof mikið rót á liðinu og ef það heldur áfram verða úrslitin áfram upp og niður og happa og glappa,“ sagði Bára. Arna Sif Ásgrímsdóttir er reyndasti leikmaður Þórs/KA og fyrirliði liðsins.vísir/vilhelm „Svo finnst mér alltof mikið mæða á Örnu Sif [Ásgrímsdóttur, fyrirliða Þórs/KA]. Ef þær vantar mark er henni hent fram og ef þær þurfa að halda er hún í vörn. Það snýst allt um það að koma henni í hlutverk í stað þess að liðið stígi upp.“ Í síðustu fjórum leikjum sínum í Pepsi Max-deildinni mætir Þór/KA FH á útivelli, Selfossi á heimavelli, KR á útivelli og Þrótti á heimavelli í lokaumferðinni. Þrír af fjórum síðustu leikjum Þórs/KA á tímabilinu eru því gegn liðum sem eru með þeim í fallbaráttunni. Pepsi Max-deild kvenna Þór Akureyri KA Mest lesið „Grét rosa mikið út af öllu og engu“ Sport Aðstoðardómarinn bað Bæjara afsökunar: „Þetta er hörmung“ Fótbolti Myndaveisla frá risasigrinum á Eistum Handbolti Gagnrýnir lítinn stuðning við afreksíþróttafólk: „Upphæðin ein og sér er grín“ Handbolti Tekst Glódísi að hrifsa „barnið“ af Popp í dag? Fótbolti Leik lokið: Stjarnan - Keflavík 86-79 | Einvígið á leið í oddaleik Körfubolti Stuðningurinn ómetanlegur: „Farið í dýpstu leyndarmálin“ Sport Færeyingar hársbreidd frá fyrsta heimsmeistaramótinu Handbolti Eiginkona Jokic í hjartnæmu myndbandi um þann besta Körfubolti Hafnað af Stoke og var stuðningsmaður Real síðast Fótbolti Fleiri fréttir Í beinni: Víkingur - Þór/KA | Heldur Sandra María fluginu áfram? Í beinni: Tindastóll - Fylkir | Tekst nýliðunum enn að forðast tap? Rekin út af fyrir litla töf, Nadía reddaði Fanneyju og Blikar sjóðheitir Uppgjörið og viðtöl: Keflavík - Valur 1-2 | Meistararnir komu til baka suður með sjó „Eitthvað sem þær þurfa að svara fyrir á fundi á morgun“ Uppgjörið og viðtöl: FH - Þróttur 1-0 | Sigurmark á 96. mínútu Uppgjörið og viðtöl: Breiðablik - Stjarnan 5-1| Blikar kláruðu dæmið í fyrri hálfleik „Spáin hjálpar okkur frekar en eitthvað annað“ Gummi Ben og félagar tímamældu leiktafir KR-ingsins Arnar í tveggja leikja bann Aðeins einn uppalinn Valsmaður í Bestu deild karla „Maður hefur verið milli tannanna á fólki síðan maður var ungur“ „Tveir Víkingar? Ég er bara hissa“ Adam hundfúll og Arnar beint í símann Vatnstjónið vísar Stólum til Akureyrar Segir að Viðar hafi ekki mætt á æfingu á leikdegi Sjáðu aukaspyrnumark Gylfa, umdeildan rangstöðudóm og rauðu spjöldin „Arnar fór langt yfir strikið“ en nafni hans oftar með dónaskap Uppgjör, viðtöl og myndir: Breiðablik - Valur 2-3 | Manni færri héldu gestirnir út Lýkur Gylfi markaþurrð Vals á Kópavogsvelli? Nánast uppselt á leik kvöldsins Öll mörkin í gær: Sjáðu hvernig HK vann meistarana og kóngurinn komst á blað Stórfurðuleg atburðarás þegar markvörður KR sá rautt „Ég vona innilega að ég sé ekki að væla of mikið“ „Ólíkir okkur að mörgu leyti“ Uppgjör: HK - Víkingur 3-1 | Botnliðið lagði meistarana og Arnar sá rautt Uppgjör og viðtöl: Fram - Fylkir 2-1 | Heimamenn upp í þriðja sætið „Hef aldrei séð markmann fá gult spjald fyrir leiktöf eftir átta sek“ „Er með góða tilfinningu eftir að hafa komið til baka“ Uppgjörið: Stjarnan - ÍA 4-1 | Þriðji sigur Stjörnunnar í röð Sjá meira
Árið 2017 varð Þór/KA Íslandsmeistari kvenna í annað sinn. Nú þremur árum seinna er liðið í fallsæti Pepsi Max-deildar kvenna eftir sjö leiki í röð án sigurs. Vísir fékk Báru Kristbjörgu Rúnarsdóttur, sérfræðing í Pepsi Max mörkum kvenna, til að fara yfir stöðuna á Þór/KA og af hverju liðið á núna á hættu að falla. „Ég átti ekki beint von á þessu en ég er heldur ekki í sjokki. Miðað við hrókeringarnar á liðinu fannst mér þær vera spurningarmerki fyrir tímabilið,“ sagði Bára. Fylgdu ekki eftir frábærri byrjun Sumarið gat reyndar ekki byrjað betur fyrir Þór/KA sem vann fyrstu tvo leiki sína í Pepsi Max-deild kvenna og skoraði í þeim átta mörk. Síðan þá hefur liðið aðeins unnið einn leik og skorað níu mörk. Á sunnudaginn tapaði Þór/KA fyrir Breiðabliki, 0-7, á heimavelli. Þór/KA tapaði fyrri leiknum gegn Breiðabliki með sömu markatölu. „Þær fóru betur af stað en ég bjóst við og því kemur það mér meira á óvart að þær séu í þessari stöðu. En fyrir tímabilið var þetta alveg möguleiki. Ég spáði þeim 6.-7. sæti,“ sagði Bára. Hulda Ósk Jónsdóttir er einn af lykilmönnum Þórs/KA.vísir/sigurbjörn andri óskarsson Undanfarin ár hefur Þór/KA misst sterkara leikmenn og í leikmannahópi liðsins nú eru aðeins þrjár, Margrét Árnadóttir, Hulda Ósk Jónsdóttir og Hulda Björg Hannesdóttir, sem voru fastamenn í Íslandsmeistaraliðinu 2017. Fyrir þetta tímabil missti Þór/KA svo risastóran spón úr sínum aski þegar mexíkósku landsliðskonurnar Sandra Mayor og Bianca Sierra hurfu á braut sem og Andrea Mist Pálsdóttir, Lára Kristín Pedersen, Þórdís Hrönn Sigfúsdóttir og Bryndís Lára Hrafnkelsdóttir. Ekki alltaf samkvæmur sjálfum sér Þá hætti Halldór Jón Sigurðsson þjálfun liðsins og við tók Andri Hjörvar Albertsson. Bára setur spurningarmerki við nokkrar ákvarðanir hans í sumar. „Það eru margir þættir sem spila inn í. Mér finnst stundum rosalega skrítið hvernig hann „róterar“ liðinu og stillir upp. Í sumum leikjum hefur hann hvílt lykilmenn sem mér finnst alltaf eiga að spila. Það er mikið rót á liðinu. Mér finnst hann ekki alltaf samkvæmur sjálfum sér,“ sagði Bára. Andri Hjörvar Albertsson tók við Þór/KA fyrir þetta tímabil.vísir/vilhelm Undanfarin ár hefur Þór/KA verið mjög sterkan 2. flokk og ungir leikmenn hafa fengið tækifæri með venslaliðinu Hömrunum. Þór/KA hefði því átt að vera vel í stakk búið til að takast á við kynslóðaskipti og umbreytingar á liðinu. „Því þær hafa haldið Hömrunum úti og verið með gríðarlega sterkan 2. flokk hefði ég haldið að það væri hægt að byggja þetta upp og þetta hefði verið tímabilið til þess. Þess vegna skil ég ekki þetta rót á liðinu,“ sagði Bára. Verða að finna sitt lið Þór/KA er í níunda og næstneðsta sæti Pepsi Max-deildarinnar með tólf stig, jafn mörg og Þróttur, sem er í 8. sætinu, en lakari markatölu. Öll liðin í neðri helmingi deildarinnar eiga fjóra leiki eftir nema botnlið KR sem á sjö leiki eftir. KR-ingar eru með tíu stig. „Mér finnst þær vera komnar í þannig stöðu að þær eiga möguleika á að falla. Ég held að lykilinn hjá þeim sé að finna sitt lið og spila sig betur saman. Mér finnst hafa verið alltof mikið rót á liðinu og ef það heldur áfram verða úrslitin áfram upp og niður og happa og glappa,“ sagði Bára. Arna Sif Ásgrímsdóttir er reyndasti leikmaður Þórs/KA og fyrirliði liðsins.vísir/vilhelm „Svo finnst mér alltof mikið mæða á Örnu Sif [Ásgrímsdóttur, fyrirliða Þórs/KA]. Ef þær vantar mark er henni hent fram og ef þær þurfa að halda er hún í vörn. Það snýst allt um það að koma henni í hlutverk í stað þess að liðið stígi upp.“ Í síðustu fjórum leikjum sínum í Pepsi Max-deildinni mætir Þór/KA FH á útivelli, Selfossi á heimavelli, KR á útivelli og Þrótti á heimavelli í lokaumferðinni. Þrír af fjórum síðustu leikjum Þórs/KA á tímabilinu eru því gegn liðum sem eru með þeim í fallbaráttunni.
Pepsi Max-deild kvenna Þór Akureyri KA Mest lesið „Grét rosa mikið út af öllu og engu“ Sport Aðstoðardómarinn bað Bæjara afsökunar: „Þetta er hörmung“ Fótbolti Myndaveisla frá risasigrinum á Eistum Handbolti Gagnrýnir lítinn stuðning við afreksíþróttafólk: „Upphæðin ein og sér er grín“ Handbolti Tekst Glódísi að hrifsa „barnið“ af Popp í dag? Fótbolti Leik lokið: Stjarnan - Keflavík 86-79 | Einvígið á leið í oddaleik Körfubolti Stuðningurinn ómetanlegur: „Farið í dýpstu leyndarmálin“ Sport Færeyingar hársbreidd frá fyrsta heimsmeistaramótinu Handbolti Eiginkona Jokic í hjartnæmu myndbandi um þann besta Körfubolti Hafnað af Stoke og var stuðningsmaður Real síðast Fótbolti Fleiri fréttir Í beinni: Víkingur - Þór/KA | Heldur Sandra María fluginu áfram? Í beinni: Tindastóll - Fylkir | Tekst nýliðunum enn að forðast tap? Rekin út af fyrir litla töf, Nadía reddaði Fanneyju og Blikar sjóðheitir Uppgjörið og viðtöl: Keflavík - Valur 1-2 | Meistararnir komu til baka suður með sjó „Eitthvað sem þær þurfa að svara fyrir á fundi á morgun“ Uppgjörið og viðtöl: FH - Þróttur 1-0 | Sigurmark á 96. mínútu Uppgjörið og viðtöl: Breiðablik - Stjarnan 5-1| Blikar kláruðu dæmið í fyrri hálfleik „Spáin hjálpar okkur frekar en eitthvað annað“ Gummi Ben og félagar tímamældu leiktafir KR-ingsins Arnar í tveggja leikja bann Aðeins einn uppalinn Valsmaður í Bestu deild karla „Maður hefur verið milli tannanna á fólki síðan maður var ungur“ „Tveir Víkingar? Ég er bara hissa“ Adam hundfúll og Arnar beint í símann Vatnstjónið vísar Stólum til Akureyrar Segir að Viðar hafi ekki mætt á æfingu á leikdegi Sjáðu aukaspyrnumark Gylfa, umdeildan rangstöðudóm og rauðu spjöldin „Arnar fór langt yfir strikið“ en nafni hans oftar með dónaskap Uppgjör, viðtöl og myndir: Breiðablik - Valur 2-3 | Manni færri héldu gestirnir út Lýkur Gylfi markaþurrð Vals á Kópavogsvelli? Nánast uppselt á leik kvöldsins Öll mörkin í gær: Sjáðu hvernig HK vann meistarana og kóngurinn komst á blað Stórfurðuleg atburðarás þegar markvörður KR sá rautt „Ég vona innilega að ég sé ekki að væla of mikið“ „Ólíkir okkur að mörgu leyti“ Uppgjör: HK - Víkingur 3-1 | Botnliðið lagði meistarana og Arnar sá rautt Uppgjör og viðtöl: Fram - Fylkir 2-1 | Heimamenn upp í þriðja sætið „Hef aldrei séð markmann fá gult spjald fyrir leiktöf eftir átta sek“ „Er með góða tilfinningu eftir að hafa komið til baka“ Uppgjörið: Stjarnan - ÍA 4-1 | Þriðji sigur Stjörnunnar í röð Sjá meira