Innlent

Slökkvi­liðið losaði fingur stúlku með kú­beini

Oddur Ævar Gunnarsson skrifar
Mamma stelpunnar hafði reynt allt áður en slökkviliðið náði að leysa málið.
Mamma stelpunnar hafði reynt allt áður en slökkviliðið náði að leysa málið.

Slökkviliðið á höfuðborgarsvæðinu hefur haft mikið að gera síðasta sólarhring og undanfarna daga, þar sem eitt verkefna var að losa fingur átján mánaða stúlku úr lukt.

Þetta er meðal þess sem fram kemur í tilkynningu frá slökkviliðinu á samfélagsmiðlinum Facebook. Þar segir að stúlkan hafi fest fingurna á sér inni í lukt.

Mamma hennar hafði reynt allt en ekkert gekk að losa hana. Slökkviliðið endaði á því að nota kúbein á luktina. Það gekk og varð barninu ekki meint af þó luktin hafi brotnað.

Bíða í þrjátíu mínútur fyrir utan slysadeild

Slökkviliðið fór í sjö útköll síðastliðinn sólarhring, meðal annars vegna vatnstjóns, umferðarslysa, viðvörunarkerfis sem gaf falsboð og elds í þaki sem reyndist minniháttar.

Alls var farið í 155 sjúkraflutninga og segir slökkvilið allt hafa verið á öðrum endanum. Á tímabili í gær hafi þurft að bíða með sjúklinga í bílnum fyrir utan slysadeild í þrjátíu mínútur áður en hægt var að taka á móti þeim á deildinni.

Slökkvilið
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið