Kompás

Fréttaskýringaþáttur þar sem hin ýmsu málefni eru krufin til mergjar.

Stríð í paradís

Í fjarlægu landi við suðurodda Indlands er paradísareyjan Sri Lanka, rómuð fyrir fegurð og menningarlega fjölbreytni. En þar geysar ófriður þrátt fyrir vopnahléssamninginn frá árinu 2002. Íslendingar og Norðmenn fylgjast með því hvort samningurinn sé virtur og leita upplýsinga um morð og glæpi sem stríðandi fylkinginar fremja. Þeir leita upplýsinga um morðin, fara á vettvang í spítalana og líkhúsin.

Stöð 2 24. september 2006 00:01

Blóðugur veruleiki

Yfirmaður vopnaeftirlitsins í Trincomalee er íslenskur. Hann heitir Sigurður. Á hverjum degi fer hann ásamt liðsmönnum sínum á glæpavettvang og reynir að grafast fyrir hvort Tamiltígrar eða stjórnarherinn beri ábyrgðina.

Stöð 2 24. september 2006 00:01

Stuðlað að friði

Kompás, einn vestræna fjölmiðla, fékk að fara í höfuðvígi Tamiltígranna í norðri borgarinnar Kilinonchi. Stjórnarherinn hefur lokað þjóðveginum til borgarinnar og eru því bæði lyf og eldsneyti af skornum skammti. Sprengjum hefur verið látið rigna yfir Tamila í norðri alla leiðina að bænum Mulativo sem fór illa í flóðbylgjunni 2004.

Stöð 2 24. september 2006 00:01

Glæpir og refsing ungmenna

Ellefu ára barn tekið með fíkniefni og sextán ára drengur fer á Internetið gagngert til þess að finna mann til að drepa. Blákaldur íslenskur raunveruleiki og þjóðin er slegin óhug. Sérfræðingar eru sammála um að það verði að bregðast við, en jafnframt að sérstök unglingafangelsi séu ekki rétta lausnin. Á næstu mánuðum verður í fyrsta skipti á Íslandi prófað að leiða saman unga glæpamenn og þolendur, í því augnamiði að fá afbrotaunglinga til að skilja afleiðingar gerða sinna.

Stöð 2 17. september 2006 23:01

Vot gröf Engisprettunnar

Eitt sinn mesta umhverfisslys Íslands en nú aðdráttarafl fyrir ferðamenn. El Grillo, eða Engissprettan, hefur legið á botni Seyðisfjarðar frá því á stríðsárunum að þýsk sprengiflugvél grandaði skipinu fullu af olíu. Fyrir um 6 árum var farið út í kostnaðarsamar aðgerðir við að ná olíu úr skipinu sem þegar á reyndi var mun minni en áætlað var. Nú vilja sportkafarar útbúa svæðið við vota gröf engissprettunnar fyrir kafara sem þeir segja að gætu skipt miklu fyrir ferðamannaiðnaðinn á Seyðisfirði.

Stöð 2 17. september 2006 22:59

Lay Low

Lovísa Elísabet Sigrúnardóttir eða Lay Low er ung tónlistarkona sem íslenska útgáfufyrirtækið Cod Music uppgötvaði fyrir stuttu og heillaðist svo af henni að henni var boðinn plötusamningur þegar í stað. Lovísa er hlédræg og einlæg og er undrandi á móttökunum sem hún hefur hlotið, áður en búið er að gefa út fyrstu plötuna hennar. Cod Music útgáfan er ný á markaðnum og hefur farið ótroðnar slóðir.

Stöð 2 17. september 2006 22:57

Lögreglukórinn í Rússlandi

Við förum með Lögreglukór Reykjavíkur í kórferðalag til Rússlands og Eistlands. Kórinn vakti verðskuldaða athygli með söng sínum. Menn lögreglunnar sungu í hátíðarbúningi í sölum og á torgum.

Stöð 2 28. maí 2006 00:01

Klippt og skorið

Lýtalækningar eru eitt, fegrunaraðgerðir annað. Við spyrjum hvort þeim hafi fjölgað mikið á síðustu árum, hvernig eftirliti með þeim sé háttað og hver sé kostnaðurinn. Eiga þeir sem sækjast eftir fegrunaraðgerð kost að fá þær á viðunnandi verði? Kompás skoðaði málið.

Stöð 2 28. maí 2006 00:01

Vandamál á Suðurlandi

Ísak Máni og Nökkvi Már eru bræður. Þeir eru báðir með hjartagalla, ýmsar þroskahamlanir og þjást af fleiri sjúkdómum. Þeir eiga heima á Selfossi. Foreldrar þeirra hafa um margra mánaða skeið barist fyrir aukinni þjónustu sveitarfélagsins fyrir syni sína sem þarfnast báðir ýmis konar þjálfunar og aðstöðu. Foreldrarnir segja sveitarfélagið ekki standa sig og spyrja, er landsbyggðin ekki fyrir fötluð börn?

Stöð 2 21. maí 2006 21:50

Enginn fangaskattur

Stundar ríkið sjálft svarta atvinnustarfsemi? Það segir þingflokksformaður Samfylkingarinnar. Staðgreiðsla er ekki dregin af vinnulaunum fanga eins og lög kveða á um og það hefur í för með sér að þeir tapa lífeyrisréttindum og í sumum tilfellum réttindum til atvinnuleysisbóta. Fangelsismálastjóri segist þurfa um 20 milljóna króna aukafjárveitingu á ári til að geta staðið rétt að launagreiðslunum og virt lögin í landinu.

Stöð 2 21. maí 2006 21:49

Björgunaræfing á Gufuskálum

Sjö ár eru liðin frá því að alþjóðabjörgunarsveit slysavarnafélagsins Landsbjargar var sett á fót og hefur hún síðan þá þrívegis farið á hamfarasvæði erlendis og lagt þar hönd á plóginn. Nú stendur fyrir dyrum að stækka sveitina og víkka verksvið hennar út. Liður í því var vel heppnuð rústabjörgunaræfing sem fór fram á sérhönnuðu æfingasvæði Landsbjargar á Gufuskálum á Snæfellsnesi á dögunum.

Stöð 2 21. maí 2006 21:48

Með lífið að veði II

Bryndís Eva er ársgömul stúlka sem hefur barist fyrir lífi sínu á Barnaspítala Hringsins síðustu mánuði. Foreldrar hennar hafa verið við hlið litlu stúlkunnar sinnar allann tímann; á daginn og á nóttunni. Þau eru orðin þreytt; þurfa að vaka yfir fárveiku barninu af því hágæslu hefur enn ekki verið komið upp - þrátt fyrir rausnarlegan styrk til barnaspítalans fyrr á þessu ári. Þau eru reið stjórnendum spítalans og þingmönnum þessa lands.

Stöð 2 15. maí 2006 16:25

Dauðadópið V

Fyrir rúmum tveimur vikum fóru Jói og Gugga í meðferð í Byrginu. Þau eru morfínfíklar sem sprauta sig í æð með lyfjum sem meðal annars íslenskir læknar skrifa út. Fyrstu dagarnir í meðferðinni gengu vel. Þau sváfu mestallan tímann og sögðust sátt við lífið og tilveruna. Sex vaktmenn fylgdust með þeim fyrstu sólarhringana og sáu um lyfjagjöf. Meðferð Jóa og Guggu í Byrginu fékk þó snöggan endi.

Stöð 2 15. maí 2006 16:24

Herra píanó

Hann hefur næmt eyra og sérstaka þekkingu á píanóum, fer fimum fingrum um strengi þessara stórbrotnu hljóðfæra, á milli þess sem hann stillir flygla hjá Sinfóníuhljómsveit Íslands og í Salnum í Kópavogi. Hann er þekktur fyrir sérstaka natni í starfi sínu og að ná fram einstökum hljómum hljóðfæranna. Og það merkilega er að þessi maður er blindur.

Stöð 2 7. maí 2006 20:00

Þjófar á ferð

Innbrot geta verið skipulögð í hörgul, þjófarnir jafnvel orðið sér úti um lykla og fylgjast með heimilum þangað til færi gefst, fara þá inn rænandi og ruplandi - og eru eldfljótir að koma höndum undir verðmæti. Dæmi eru um að íbúðareigendur fái slíkt ógeð á heimili sínu eftir heimsókn innbrotsþjófa að þeir geta ekki hugsað sér að búa þarna lengur.

Stöð 2 7. maí 2006 00:01

Dauðadópið IV

Á Hverfisgötu 58 í Reykjavík er dópgreni. Sprautur, matarleifar og óhrein ílát um öll gólf. Þangað liggur stöðugur straumur fíkla, ógæfufólks sem óttast fátt meira en fráhvörf; umfjöllun Kompáss skapaði kreppuástand og Jói og Gugga fóru ekki varhluta af því.

Stöð 2 30. apríl 2006 22:00

Nátthrafnar

Það er fólk að annast okkur á nóttunni frá vöggu til grafar.Við fylgjumst með næturvinnufólki sem sinnir starfi sínu meðan flestir aðrir sofa. Þetta eru ljósmóðir, götusópari og hjúkrunarfræðingur á elliheimili.

Stöð 2 30. apríl 2006 21:00

Dauðadópið III

Fíkniefnaneytendur sprauta sig ekki aðeins með læknadópinu contalgíni - morfínplástur kemur að sömu notum. Morfínplásturinn hefur að geyma deyfiefni meðal annars til að lina kvalir krabbameinssjúkra, en fíkniefnaneytendur leysa plásturinn með sítrónusafa og sprauta efninu í æð. Það er lífshættulegt. Sex íslendingar deyja á hverju ári vegna ofneyslu morfínlyfja. Þrjátíu manns hafa látist á síðustu fimm árum.

Stöð 2 23. apríl 2006 14:00

Hestahvíslari

Þeir hafa verið sveipaðir dýrðarljóma og dulúð;þeir sem þekkjast sem hestahvíslarar. Þeir hinir sömu geta breytt villtustu ótemjum þannig að þær verði þægar sem lömb. Einn slíkur, hinn heimsfrægi hestahvíslari Monty Roberts, var staddur hér á landi á skírdag og hélt sýningu á aðferðunum sem hann notar - og á næstu mínútum munuð þið sjá að hér er hreint ekki um neina töfra að ræða, heldur aðferðir sem hver sem er getur lært.

Stöð 2 23. apríl 2006 00:00

Heimilisofbeldi - Hjálpar kerfið?

Íslenskar konur hafa flúið land vegna ofsókna og ofbeldis fyrrverandi eigingmanna. Veitir íslenska kerfið þessum konum fullnægjandi vernd eða er þeim nauðugur sá kostur að flytja af landinu og leynast erlendis? Upp undir fjórðungur íslenskra kvenna verður fyrir heimilisofbeldi einhvern tíma á lífsleiðinni. Tæplega þrjú hundruð konur leituðu til Kvennaathvarfsins í fyrra; umtalsvert fleiri en árið áður. Vandamálið er stórt.

Stöð 2 10. apríl 2006 11:26

Veisla fyrir vestan

Þrjú þúsund manns sóttu Rokkhátíð alþýðunnar - Aldrei fór ég suður á Ísafirði um síðustu Páska. Tónlistarhátíðin er orðin ein af aðalhátíðum landsins og þar dynur tónlistin í hálfan sólarhring. Ísfirðingar hafa í allan vetur unnið að skipulagningu hátíðarinnar enda til mikils að vinna. En hvað þýðir hátíð sem þessi fyrir byggðarlag vestur á fjörðum? Og hvað verður hún stór þetta árið?

Stöð 2 10. apríl 2006 11:25

Leikfélag Akureyrar - Allt á fleygiferð

Hvert aðsóknarmetið á fætur öðru hefur verið slegið að undanförnu hjá Leikfélagi Akureyrar. Tólf þúsund manns hafa séð leikritið Fullkomið brúðkaup á Akureyri. Tíu þúsund miðar hafa verið seldir á leikritið sem sýnt verður í Borgarleikhúsinu í lok apríl. Og miðar á Litlu hryllingsbúðina rjúka út. Leikhússtjórinn, Magnús Geir Þórðarson er ánægður og hann þakkar starfsfólkinu árangurinn.

Stöð 2 10. apríl 2006 11:23

Mannrán í Garðinum

"Það eina sem þeir sögðu var; ert þú Kiddi? og þá var ég sleginn í andlitið." Svona lýsir hálfsjötugur verkamaður í Garðinum því þegar fjórir menn komu heim til hans á laugardagskvöld, lömdu hann til óbóta og hentu honum í skottið á bílnum hjá sér. Þar var hann látinn dúsa í sjö klukkustundir, marinn og blóðugur. Kiddi slapp frá mannræningjunum og hann hefur ekki sagt sitt síðasta orð.

Stöð 2 2. apríl 2006 22:29

Boltaböl?

Það eru til menn á Íslandi sem skipuleggja líf sitt í kringum Heimsmeistarakeppnina í fótbolta. Þeir taka sumarfríið á þeim tíma sem keppnin stendur yfir og horfa á fótboltaleiki allan daginn. Þess á milli spá þeir í spilin og ef liðið þeirra tapar leggjast þeir í þunglyndi. Sumir vilja meina að þessir menn séu fíklar, en eru þeir það?

Stöð 2 2. apríl 2006 22:27

Listahjón að vestan

Á Ísafirði er haldin alþjóðleg einleikjahátíð einu sinni á ári. Hún nefnist Act alone og sá sem stjórnar henni heitir Elfar Logi Hannesson leikari, en hann hefur sýnt einleikinn um Gísla Súrsson sjötíu sinnum víða um land. Og konan hans Elfars Loga er á kafi í listum. Hún teiknar myndir. Þau eru í útrás frá Ísafirði og hafa sýnt list sína í Reykjavík að undanförnu.

Stöð 2 2. apríl 2006 22:16

Fangar eigin líkama

Þrjú hundruð manns bíða eftir atferlismeðferð á Reykjalundi vegna offitu. Biðlistinn lengist stöðugt og meira en tvö ár geta liðið þangað til fólk kemst að. Rúmlega helmingur Íslendinga yfir tvítugu er yfir kjörþyngd og þar af þjáist næstum sjötti hver landsmaður beinlínis af offitu. Kostnaður samfélagsins hleypur á milljörðum króna árlega, en samt er offita ekki eitt af forgangsverkefnum heilbrigðisáætlunar til ársins tvö þúsund og tíu.

Stöð 2 30. mars 2006 17:46

Efni á flakki

Kaupirðu þig inn á kvikmyndina um mannránið í Munchen sem nú er sýnd í kvikmyndahúsum, ef þú getur fengið hana ókeypis á hörðum tölvudiski? Kaupirðu áskrift að Stöð 2 ef þú getur fengið nýjustu sjónvarpsþættina á tölvudiski. Flakkarar tröllríða íslensku samfélagi, ganga milli fólks sem setur inn á þá bíómyndir og sjónvarpsþætti, án þess að framleiðendur og dreifendur fái nokkuð fyrir snúð sinn.

Stöð 2 30. mars 2006 17:44

Endurhæfing Steingíms J.

Það mátti litlu muna að Steingrímur J. Sigfússon alþingismaður og formaður Vinstri grænna hefði kvatt þennan heim kvöld eitt í janúar þegar hann lenti í alvarlegu bílslysi á leiðinni að norðan suður til Reykjavíkur. Hann slasaðist alvarlega - en nú, tæpum þremur mánuðum síðar er hann í endurhæfingu á Reykjalundi. Hann segist ekki hugsa mikið til Alþingis - einbeiti sér að því að ná bata. En - verður hann tilbúinn í kosningaslaginn í vor?

Stöð 2 30. mars 2006 17:18

Blindur fær sýn

Fyrir rúmum átta árum fylgdust landsmenn með því þegar þriggja mánaða drengur sem fæddist blindur sá foreldra sína í fyrsta sinn, eftir umfangsmikla augnaðgerð. Kompás heimsækir drenginn og foreldrana og athugar hvernig honum hefur vegnað frá aðgerðinni. Hvernig er sjónin nú, rúmum átta árum síðar? Hvernig er hans daglega líf?

Stöð 2 21. mars 2006 17:06

Í rusli

Á góðum degi taka þeir allt að átján tonnum af heimilissorpi á dag og þeir eru snöggir með tunnurnar. Við erum að tala um ruslakallana á bíl níu tólf, einn af tíu bílum sem hreinsunardeild Reykjavíkurborgar hefur í sinni þjónustu. Það koma sextíu manns að sorphirðu Reykvíkinga og heimilissoprið sem þeir taka á hverju ári er ekker smáræði - rúmlega 260 þúsund tonn. Og kallarnir - þeir eru hressir.

Stöð 2 21. mars 2006 17:04

Mest lesið