Innlent

Stórfjölgun ofbeldisbrota, firðir í hættu og hönnunarstuldur

Samúel Karl Ólason skrifar
Sindri Sindrason les kvöldfréttir á Stöð 2 í kvöld.
Sindri Sindrason les kvöldfréttir á Stöð 2 í kvöld. Vilhelm

Tilkynningum um alvarleg ofbeldisbrot til lögreglunnar á höfuðborgarsvæðinu hefur fjölgað um áttatíu og fimm prósent á síðustu tíu árum á sama tíma og lögreglumönnum hefur fækkað um fjörutíu. Í kvöldfréttum Stöðvar 2 verður rætt við lögreglustjóra sem kallar eftir breytingum.

Ríkisstjórnin er sökuð um að ætla að koma yfirráðum yfir fjörðum þar sem stundað er fiskeldi í hendur fiskeldisfyrirtækja til eilífðar með nýju frumvarpi matvælaráðherra. Heimir Már Pétursson verður í beinni frá hitafundi á Alþingi og ræðir við þingmenn.

Við heyrum einnig raunasögu Breiðhyltings sem segir farir sínar ekki sléttar af framkvæmdum í hverfinu sem hafa þau áhrif að lengd gönguleiðar hennar í vinnuna hefur þrefaldast. Við sjáum einnig glænýja könnun á fylgi flokkanna, kíkjum á barnamenningarhátíð og kynnum okkur muninn á hönnunarvöru og eftirlíkingu í beinni.

Í Sportpakkanum verður rætt við landsliðsmenn um þörfina fyrir þjóðarhöll og í Íslandi í dag kíkir Sindri Sindrason í morgunkaffi hjá nýjum matvælaráðherra. Hún elskar Manchester United og finnst Sigmundur Davíð skemmtilegastur á þingi.

Þetta og fleira í opinni dagskrá í kvöldfréttum Stöðvar 2 á samtengdum rásum Bylgjunnar, Stöðvar 2 og Vísis klukkan 18:30.

Kvöldfréttir Stöðvar 2
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið