Erlent

Fimm­tíu slasaðir eftir að Boeing-vél „féll“ í miðju flugi

Hólmfríður Gísladóttir skrifar
Boeing 787-9 D í eigu LATAM Airlines á flugvelli í Santiago.
Boeing 787-9 D í eigu LATAM Airlines á flugvelli í Santiago. Getty/LightRocket/SOPA Images/Fabrizio Gandolfo

Fimmtíu manns þurftu aðhlynningu og þrettán voru lagðir inn á sjúkrahús eftir að „tæknilegir örðugleikar“ komu upp í flugi Latam Airlines frá Sydney til Auckland sem urðu þess valdandi að flugvélin „féll“ og farþegar hentust úr sætum sínum.

Mikill viðbúnaður var á alþjóðaflugvellinum í Auckland þegar vélin lenti. Einn er sagður alvarlega slasaður.

Einn farþega lýsti upplifuninni þannig að flugvélin, sem er af gerðinni Boeing 787-9 Dreamliner, hefði „fallið“ eftir um tveggja klukkustunda flug og að farþegar hefðu kastast úr sætum sínum. 

Sumir hefðu kastast á loft vélarinnar.

Brian Jokat sagði í samtali við staðarmiðilinn Stuff að fyrstu viðbrögð fólks hefðu verið að öskra en svo hefði vélin hrapað með nefið niður og hann talið víst að öllu væri lokið. 

Annar sagði í samtali við Radio New Zealand að fjöldi hefði slasast en margir hefðu ekki verið með sætisbeltin spennt þegar atvikið átti sér stað.

Lantam sendi frá sér yfirlýsingu þar sem sagði að atvikið mætti rekja til „tæknilegra örðugleika“.

Vélin var sem fyrr segir á leið frá Sydney til Auckland þegar atviki átti sér stað. Stoppið í Auckland var þó aðeins millilending þar sem endastöðin var Santiago í Chile. Það fylgir ekki sögunni hvort haldið var áfram.

Guardian greindi frá.

Ástralía Nýja-Sjáland Chile Fréttir af flugi Samgönguslys Boeing
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið